Connect with us

Headline

युरोपियन राउन्ड–अपः बार्सा फेरि शिर्षमा, वेष्ट ह्याममाथि संकट

wesportz

Published

on

एथ्लेटिक बिल्बाओमाथि १–० को कठिन जित हात पार्दै बार्सिलोना स्पेनिस ला लिगाको अंक तालिकामा शिर्ष स्थान उक्लेको छ ।

इभान राकिटिचले गरेको एक मात्र गोल मार्फत बार्साले संघर्षपूर्ण जित हात पारेको हो । ३१ खेल खेलेको बार्सिलोनाको ६८ अंक रहेको छ भने एक खेल कम खेलेको रियल तीन अंकले पछाडी परेको छ । बुधबार रातिको खेलमा मायोर्कालाई हराउन सके रियल फेरि शिर्ष स्थानमा उक्लने छ ।

क्याम्प नाउमा पहिलो हाफ बराबरीमा टुँगिएपछि सब्स्टिच्युट राकिटिचले लियोन मेस्सीको असिस्टमा खेलको एक मात्र गोल गरेका थिए । मेस्सीको सिजनमा यो १५ औं असिस्ट हो । करिअरको ७ सयौं गोल पुरा गर्ने लक्ष्यमा मेस्सी दुई पटक चुकेका थिए ।

बार्सालाई यो सिजन दुई पटक पराजित गरिसकेको बिल्बाओ ४२ अंकका साथ १० औं स्थानमा रहेको छ । अर्को खेलमा ब्रुनो गोन्जालेजले आत्मघाती गोल गरेपछि एट्लेटिको म्याड्रिड लेभान्तेलाई १–० ले हराउदै पुन तेश्रो स्थानमा उक्लिएको छ । एट्लेटिकोको ५५ र सेभियाको समान ३१ खेलबाट ५३ अंक भएको छ । अर्को खेलमा रियल भालाडोलिड र गेटाफेले १–१ को बराबरी खेलेका थिए ।

वेष्ट ह्याममाथि रेलिगेसनको खतरा

टोटन्ह्याम हटस्परसँग २–० ले पराजित भएपछि वेष्टह्याम युनाइटेडमाथि इङ्गलिस प्रिमियर लिगबाट रेलिगेसनको खतरा बढेको छ । मङ्गलबार रातिको खेलमा स्पर्सलाई पहिलो हाफ बराबरीमा रोकेपछि वेष्टह्यामले दुवै गोल दोश्रो हाफमा खान पुगेको थियो ।

१७ औं स्थानमा रहेको वेष्टह्यामको २७ अंकका साथ गोल अन्तरका आधारमा बर्नमाउथभन्दा माथि रहेको । एस्टन भिल्ला (२६) र नर्विच सिटी रेलिगेसन जोनमा रहेका अन्य दुई टोली हुन् ।

चेक मिडफिल्डर थोमस सुचेकले जियोभानी लो सेलोको कर्नरमा आत्मघाती गोल गरेपछि स्पर्सले ६४ औं मिनेटमा अग्रता लिएको थियो । सुचेक प्रिमियर लिगमा आत्मघाती गोल गर्ने चौथो खेलाडी पनि भएका छन् । ह्यारी केनले ८२ औं मिनेटमा गोल गर्दै स्पर्सको जित सुनिश्चित गरेका थिए ।

लामो समयको इन्जुरीपछि मैदान फर्किएका केनले यो सिजन १८ गोल गरेका छन् । कोरोना भाइरसका कारण लिग तीन महिना भन्दा बढी रोकिएपछि केनले कम खेल गुमाएका हुन् ।

अर्को खेलमा दोश्रो स्थानको दाबेदारीमा कायम रहेको लेस्टरलाई भने नराम्रो धक्का लागेको छ । लेस्टरले ब्राइटनसँग गोलरहित बराबरी खेलेको थियो । लेस्टरको ५५ अंक रहेको छ भने दोश्रो स्थानको म्यानचेस्टर सिटीको ६१ । चौथो स्थानको चेल्सीको ५१ र म्यानचेस्टर युनाइटेडको ४६ अंक छ ।

इन्टर दाबेदारीमा कायम रहने खेल

इन्टर मिलानले इटालियन सिरी आ अन्तर्गत बुधबारको महत्वपूर्ण खेलमा सासुलोको सामना गरिरहेका छ । ५७ अंक सहित तेश्रो स्थानमा रहेको इन्टरले जित हात पारेको खण्डमा सिरी आ को उपाधि दाबेदारीमा कायमै रहनेछ । पहिलो स्थानमा रहेको युभेन्टसको ६६ र दोश्रो स्थानको लाजियोको ६२ अंक भएको छ ।

मङ्गलबार भने नापोलीले भेरोनालाई २–० ले हराउदै शिर्ष तीनको दाबेदारीमा आफूलाई कायम राखेको छ । आर्काडुज मिलिक र हर्भिङ्ग लोजानोले नापोलीका लागि १–१ गोल गरेका थिए । भेरोनाका लागि मार्को फाराओनी पेनाल्टीमा गोल गर्न चुकेका थिए ।

अन्य खेलमा काग्लियारीले स्पाललाई १–०, पार्माले जेनोआलाई ४–१ र टोरिनोले युडिनेजीलाई १–० ले हरायो ।

Headline

पिएसजीलाई हराउदै लिल बन्यो च्याम्पियन्स ट्रफि बिजेता

wesportz

Published

on

पेरिस सेन्ट जर्माइन (पिएसजी) लाई १-० ले हराउदै लिल ले पहिलो पटक च्याम्पियन्स ट्रफिको उपाधि जितेको छ ।

फ्रान्सको प्रथम श्रेणी फुटबल लिग वान जित्दै सबैलाई स्तब्ध पारेको लिलका लागि पोर्चुगिज मिडफिल्डर जेकाले एक मात्र बिजयी गोल गरेका थिए । जितले प्रशिक्षक जोसेलिन गोरभेनेकलाई आफ्नो पहिलो खेलमै उपाधि दिलाएको छ ।

लिग वानको उपाधि जिताएका प्रशिक्षक क्रिष्टोफ गाल्टियरले निस जाने निर्णय गरेपछि गोरभेनेकले अफ सिजन देखि लिलको बागडोर सम्हालेका थिए ।

निकै प्रतिस्पर्धात्मक खेलमा जेकाले पेनाल्टी एरिया बाहिरबाट गरेको प्रहारले पिएसजी गोलकिपर किलोर नाभासलाई बिट गर्दै जाली चुम्न पुगेको थियो ।

गत लिग सिजनमा लिल ले एक गोल पनि नखादै एउटामा जित र अर्कोमा बराबरी गरेको थियो । आफ्नो ब्याक अप गोलकिपर माइक माइग्ननलाई एसि मिलानमा बेचेपनि लिल ले अर्को क्लिन सिट राखेको हो ।

लिग वान यही शुक्रबारदेखि शुरु हुन गइरहेको छ । पिएसजीले आफ्नो पहिलो खेलमा शनिबार बढुवा भएको ट्रोयेसको सामना गर्नेछ भने लि ल ले आइतबार मेट्जबिरुद्ध खेल्नेछ ।

Continue Reading

Headline

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

wesportz

Published

on

टोकियो ओलम्पिक्स अन्तर्गत सुपर हेभिवेट क्वार्टर फाइनल फाइटमा रेफ्रिले आफूलाई अयोग्य घोषित गरिदिएको बिरोधमा एक फ्रेञ्च बक्सरले एक घण्टा रिंगमै बसेर धर्ना दिएका छन् ।

२६ बर्षिय मुराद एलिएभलाई ब्रिटिस बक्सर फ्रेजर क्लार्कबिरुद्धको खेलमा रेफ्रि एण्डी मुस्टाचियोले चार सेकेण्ड बाकी रहेको स्थितिमा जानाजान टाउकोले हानेको भन्दै अयोग्य ठहराएका थिए ।

रेफ्रिको निर्णय आउने बित्तिकै उनी मुस्टाचियोलाई संकेत गर्दै चिच्याउन थालेका थिए । त्यसपछि उनले आफ्नो माउथ गार्ड निकाल्दै लातले हानेका थिए भने निरन्तर चिच्याईरहे। त्यसपछि क्लार्क तर्फ अघि बढ्दै उनले “मैले जितेको हो, मैले जितेको हो” भन्दै दाबी गर्दै थिए ।

दुई बक्सर केही क्षणको लागि भिड्न लागेको जस्तो स्थिति सृजना भएपनि पछि तल झरेका थिए । क्लार्कलाई औपचारिक रुपमै बिजेता घोषणा गरेपछि एलिएभ एउटा टेलिभिजनको क्यामेरा समात्दै लेन्सतर्फ हातले “नाई, नाई” भन्दै इशारा गरिरहेका थिए ।

दुई बक्सरले हात मिलाएपनि एलिएभ भने असन्तुष्टि व्यक्त गर्दै रिंग भित्रै धर्ना दिएर बस्न थाले । आधा घण्टा क्यानभासमै बसेपनि उनी आफ्नो फ्रेञ्च टिमसंग कुरा गर्न गए र १५ मिनेटपटि फर्किएर फेरि अर्को आधा घण्टा धर्ना दिए ।

पहिलो चरण आफ्नो पक्षमा पारेका एलिएभले आफूलाई रेफ्रिले अयोग्य हुन सक्ने चेतावनी नै नदिएको बताएका छन् । उनले यसअघि क्लार्कलाई जुन ८ मा भएको खेलमा अंकमै पराजित गरेका थिए ।

Continue Reading

Headline

लोकाटोलीलाई युभेन्टस भित्र्याउनेमा नेदभेद बिश्वस्त

wesportz

Published

on

इटालियन सिरी आ महारथी युभेन्टस सासुलोलाई उपयुक्त प्रस्ताव राख्दै घरेलु मिडफिल्डर म्यानुएल लोकाटोलीलाई भित्र्याउनेमा बिश्वस्त रहेको छ ।

युरो कप अन्तर्गत स्विट्जरल्याण्डबिरुद्धको जितमा २३ बर्षिय लोकाटेली चोटग्रस्त मार्को भेराट्टीको स्थानमा खेल्दै दुई गोल गर्न सफल भएपछि एक्कासी चर्चामा आएका थिए ।

“हामी लोकाटेली चाहन्छौं र उनलाई पनि हामी । मलाई लाग्छ हामीले राखेको प्रस्ताव सासुलालाई चित्त बुझ्नेछ,” युभेन्टसका निर्देशक तथा चेक रिपब्लिक लेजेण्ड पाभेल नेदभेदले भने । युभेन्टस प्रशिक्षक मासिमिलियनो एलेग्री लोकाटेली चाहन्छन् भने पुर्व एसि मिलान खेलाडीपनि आफ्नो चलनचल्तीको मुल्य (४० मिलियन युरो) भन्दा कममा आबद्द हुन इच्छुक छन् ।

“कोभिड १९ को हालको परिस्थितिलाई मध्येनजर गर्दै हामीलेसासुलोलाई सबैभन्दा उपयुक्त प्रस्ताव राखेका छौं । हामी आत्मबिश्वासका साथ प्रतिक्षा गरिरहेको छौं र उनलाई युभेन्टस ल्याउन चाहन्छौं,” नेदभेदले भने ।

Continue Reading
अन्तर्राष्ट्रिय7 mins ago

अहमदले घातक बलिङ गर्दा अष्ट्रेलियाको लज्जास्पद हार 

राष्ट्रिय14 hours ago

पुर्व कप्तान पारस खड्काले लिए अन्तर्राष्ट्रिय क्रिकेटबाट सन्यास 

Headline2 days ago

पिएसजीलाई हराउदै लिल बन्यो च्याम्पियन्स ट्रफि बिजेता

Headline2 days ago

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

राष्ट्रिय2 days ago

दुई महिना पछिलाई सर्यो लिग, विजेताले ७५ लाख पाउने 

Headline2 days ago

लोकाटोलीलाई युभेन्टस भित्र्याउनेमा नेदभेद बिश्वस्त

अन्तर्राष्ट्रिय3 days ago

हफिजले किफायती बलिङ र कप्तान बाबरको अर्धशतकमा पाकिस्तानको रोमान्चक जित 

अन्तर्राष्ट्रिय3 days ago

डिकवेला, मेन्डिस र गुनथिलकालाई एक वर्षको प्रतिबन्ध 

Headline4 days ago

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

अन्तर्राष्ट्रिय4 days ago

स्टोक्सको अनिश्चित समयका लागि क्रिकेटबाट बिश्राम 

Trending

error: Content is protected !!