Connect with us

Headline

युरोपियन राउण्ड–अपः लिभरपुल जोगियो, रियल शिर्ष स्थानमा, इन्टरको जित

wesportz

Published

on

गोलकिपर एलिसनले खेलको अन्त्यतिर उत्कृष्ट बचाउ गरेपछि लिभरपुल इङ्गलिस प्रिमियर लिगमा पराजयबाट जोगिएको छ ।

एभर्टनलाई पराजित गर्दै उपाधितर्फ एक अन्तिम कदम चाल्न गुडिसन पार्क गएको लिभरपुल आइतबारको अन्तिम खेलमा गोलरहित बराबरीमा रोकिन पुग्यो । लिभरपुलको ८३ अंक भएको छ भने । ३० बर्षमा पहिलो पटक प्रिमियर लिगको उपाधि उन्मुख रहेको लिभरपुललाई पाँच अंकको आवश्तकता रहेको छ तर उसले बुधबार एन्फिल्डमा क्रिष्टल प्यालेसलाई पराजित गर्दै सोमबार म्यानचेस्टर सिटी बर्नलीलाई हराउन असफल हुने हो भने एक जितमै च्याम्पियन बन्नेछ ।

सिजन सुचारु हुँदा आर्सनललाई ३–० ले हराएको सिटीको ६० अंक रहेको छ । बराबरीतर्फ अघि बढेको खेलमा एलिसनले डोमिनिक काल्भर्ट–लेविनले पोस्ट नजिकै बाट प्रहार गरेको ब्याक–फ्लिकलाई बचाएका थिए भने रिबाउण्डमा टम डेभिसको प्रहार जो गोमेजको खुट्टामा डिफ्लेक्ट हुंदै बारमा ठोक्किएको थियो ।

बराबरीपछि लिभरपुल व्यवस्थापक योर्गन क्लोपले ब्राजिलियन एलिसनलाई बिश्वस्तीय गोलकिपरको संज्ञा दिए । हामीले उनलाई (एलिसन) सहज रुपमा लिनु हुदैन । उनी एक बिश्वस्तीय गोलकिपर हुन् । ९० मिनेटसम्म गर्नका लागि केही नहुँदा उनी हाम्रो लागि हुने गर्छन्, क्लोपले भने ।

अवे खेलमा चेल्सी त्रिष्चियन पुलिसिच र ओलिभर जिरुडको गोलको मद्दतमा एस्टान भिल्लालाई २–१ ले पराजित गर्दै दोश्रो स्थानको दाबेदारीमा कायम रहेको छ । चेल्सीको ५१ र तेश्रो स्थानको लेस्टर सिटीको ५४ अंक रहेको छ । भिल्ला पार्कमा पहिलो हाफ नियन्त्रणमा लिएपनि कोर्टनी हाउजले अनवर अल गाजीले प्रहार गरेको रिबाण्डमा गोल गरेका थिए ।

फ्रांक लाम्पार्डले ५५ औं मिनेटमा पुलिसिचलाई मैदान प्रवेश गराए त्यसको पाँच मिनेटपछि नै सेजार अज्पिलिकेटाको क्रसमा उत्कृष्ट गोल गरे । दुई मिनेटपछि नै जिरुडले १५ यार्डबाट गरेको प्रहार गोलमा परिणत भएको थियो ।

डेड–टु–डेडमा बार्सा ला लिगामा पछि पर्यो

रियल म्याड्रिड रियल सोसिडाडलाई २–१ ले पराजित गर्दै स्पेनिस ला लिगाको शिर्ष स्थानमा उक्लियो । सेभियासँग बार्सिलोना बराबरीमा रोकिएपछि रियललाई शिर्षमा पुग्ने अवसर थियो र आइतबारको खेलपछि ३३ पटकको च्याम्पियन उक्लियो पनि ।

रियल र बार्साको समान ६५ अंक रहेको छ भने पहिलो एल क्लासिकोमा पाएको जितका कारण रियल अगाडी रहेको हो । पहिलो हाफमा खासै केही गर्न नसकेको रियलले दोश्रो हाफ शुरु भएको पाँच मिनेटपछि भिनिसियस जुनियरमाथि फाउल हुदा पेनाल्टी पाएको थियो । कप्तान सर्जियो रामोसले त्यसलाई गोलमा परिणत गरे ।

७० औं मिनेटमा करिम बेन्जेमाले अग्रतालाई दोब्बर बनाए तर मिकेल मेरिनोले ८३ औं मिनेटमा सोसिडाडका लागि एक गोल फर्काएका थिए । सोसिडाड ४७ अंकसाथ छैटौं स्थानमा रहेको छ । आइतबार नै भएको अन्य खेलमा सेल्टा भिगोले आलाभेसलाई ६–० को फराकिलो अन्तरले पराजित गर्यो भने भ्यालेन्सियाले ओसासुनालाई २–० ले हरायो ।

लुकाकुको सिजनको १८ औं लिग गोल

रोमेलु लुकाकुले इटालियन सिरी आ सिजनको १८ औं गोल गरेपछि इन्टर मिलानले उपाधिको दाबेदारीलाई कायमै राखेको छ । साम्पडोरियालाई २–१ ले हराएको तेश्रो स्थानमा रहेको इन्टरको ५७ अंक भएको छ । एक खेल बढी खेलेका युभेन्टसको ६३ र लाजियोको ६२ अंक रहेको छ ।

१० यार्डबाट प्रहार गर्दै १० औं मिनेटमै गोल गरेपछि लुकाकुले बिश्वभर जारी रहेको रँगभेदबिरुद्ध आन्दोलनको समर्थनमा घुँडा टेक्दै दायाँ मुठी माथि उठाएका थिए । ५२ औं मिनेटमा मोर्टेन थासर््बीले एक गोल त फर्काए तर त्यसको एक मिनेटमै लौटारो मार्टिनेजले बिजयी गोल गरेका थिए ।

अर्को खेलमा एट्लान्टाले सासुलोलाई ४–१ ले हरायो । एट्लान्टा ५१ अंकसाथ चौथो स्थानमा छ भने लिसलाई ४–० ले हराएको एएस रोमा ४५ अंकसहित पाचौं स्थानमा रहेको छ ।

Headline

गोलकिपर अशोक नायक बन्दा मनाङ आहा–रारा गोल्डकपको फाइनलमा

wesportz

Published

on

गोलकिपर अशोक बराल नायक बनेपछि मनाङ मस्र्याङ्गदी क्लब टाई ब्रेकरमा त्रिभुवन आर्मी क्लबलाई ४–३ ले पराजित गर्दै आहा–रारा गोल्डकपको फाइनलमा प्रवेश गरेको छ ।

पोखरा रँगशालामा निर्धारित ९० र ३० मिनेटको एक्स्ट्रा टाइममा दुवै तर्फबाट गोल हुन नसकेपछि खेलको निर्णय टाईब्रेकरबाट भएको थियो । टाई ब्रेकरमा चोटले ग्रस्त अशोकले महत्वपूर्ण प्रहार बचाउदा मनाङले जित हात पार्यो ।

मनाङले अब सातौं पटक उपाधि जित्नका लागि फाइनलमा नेपाल एपिएफ क्लबसँग खेल्नेछ । एपिएफ बुधबार मच्छिन्द्र फुटबल क्लबलाई ३–१ ले पराजित गर्दै १४ बर्षमा पहिलो पटक फाइनलमा प्रवेश गर्यो । चार पटक फाइनल प्रवेश गरेपनि एक पटक उपाधि नजितेको आर्मी यसपटक भने सेमिफाइनलबाटै बाहिरिन पुग्यो ।

टाई ब्रेकरमा आर्मीका दिपक गुरुङको प्रहार पोस्टमा ठोक्किए लगत्तै बिश्व अधिकारीले भने त्यही ठाँउमा हिर्काउदा दुवै टोली २–२ गोलको स्थितिमा रहेको थियो । अशोकले युद्ध शाहीको प्रहारलाई रोकेपछि मनाङको कप्तानी गरिरहेका ओलादिपो ओलावाले अफिजले निर्णायक प्रहारमा गोल गरेका थिए ।

यसअघि मनाङले आठौं मिनेटमा नै अग्रता बनाउने सुनौलो मौकालाई खेर फालेको थियो । एडिजालजा सोमिडेको क्रसलाई रोक्ने क्रममा बलले युद्धको हातमा लागेपछि मनाङले पेनाल्टी पाएको थियो । तर मनाङका कप्तान बिमल रानाले क्रसबारबाट धेरै माथि प्रहार गरेका थिए ।

दुवै टोलीबाट गोलका लागि धेरै प्रयास जारी रहेपनि सफल भने रहेका थिएनन् ।

Continue Reading

Headline

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

wesportz

Published

on

नेपाली टोलीका युवा ओपनर कुशल भुर्तेलले नेपालको तर्फबाट पाँचवटा मात्र ट्वान्टी ट्वान्टी अन्तर्राष्ट्रिय खेल खेलेका छन् । पाँच मध्ये उनको नाममा चार अर्धशतक रहेको छ ।

तर कुशल नेपालको तर्फबाट ट्वान्टी ट्वान्टी अन्तर्राष्ट्रिय खेलमा धेरै बलमा अर्धशतक बनाउने खेलाडीको सुचीमा पनि पर्दछन् । त्यो पनि एक पटक मात्र हैन दुई-दुई पटक ।

नेपालको तर्फबाट धेरै बलमा अर्धशतक पुरा गर्ने किर्तिमान विकेट किपर सुबास खकुरेलको नाममा रहेको छ । नेपालको तर्फबाट ट्वान्टी ट्वान्टीमा पहिलो अर्धशतक बनाउने किर्तिमान राखेका खकुरेलको नाममा धेरै बल खेल्दै अर्धशतक पुरा गर्ने किर्तिमान रहेको छ । सन् २०१४ मा बंगलादेशमा सम्पन्न ट्वान्टी ट्वान्टी विश्वकपमा अफगानिस्तान विरुद्ध उनले ४८ बल खेल्दै आफ्नो तथा नेपाल तर्फबाट पहिलो अर्धशतक प्रहार गरेका थिए ।

सुस्त अर्धशतक बनाउने खेलाडीको सुचीमा विकेट किपर तथा आक्रामक ब्याटर बिनोद भण्डारीको नाममा रहेको छ । कुनै समय नेपालको तर्फबाट तिब्र अर्धशतक बनाउने किर्तिमान रहेको भण्डारीले सन् २०१९ मा ओमानमा आयोजना भएको पेन्टागुलर शृंखला अन्तर्गत हंगकंग विरुद्धको खेलमा आफ्नो अर्धशतक पुरा गर्न ४६ बल खेलेका थिए ।

धेरै बल खेल्दै आफ्नो अर्धशतक पुरा गर्ने खेलाडीहरुको सुची यस्तो छ :

नाम                         बल       विरुद्ध                    स्थान                      मिति                               प्रतियोगिता / शृंखला 
सुबास खकुरेल  ४८  अफगानिस्तान  चटोग्राम  २० मार्च, २०१४  ट्वान्टी ट्वान्टी विश्वकप 
बिनोद भण्डारी  ४६  हंगकंग  अल अमिरात  ६ अक्टोबर, २०१९  पेंटागुलर शृंखला 
कुशल भुर्तेल  ४३  नेदरल्यान्ड्स  किर्तिपुर  २४ अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
कुशल भुर्तेल  ४१  नेदरल्यान्ड्स  किर्तिपुर  २० अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
सन्दिप जोरा  ४१  युएई  आईसीसी दुबई  ३१ जनवरी, २०१९  नेपाल विरुद्ध युएई शृंखला 

Continue Reading

Headline

पावेलको शतकपछि वेष्ट इण्डिजले इंगल्याण्डलाई हरायो

wesportz

Published

on

हाई–स्कोरिङ खेलमा रोभम्यान पावेलले आक्रमक शतक प्रहार गरेपछि वेष्ट इण्डिजले इंगल्याण्डबिरुद्धको पाँच म्याचको ट्वान्टी ट्वान्टी अन्तर्राष्ट्रिय श्रृंखलामा २–१ को अग्रता लिएको छ ।

पावेलले ५१ बलमै पहिलो ट्वान्टी ट्वान्टी अन्तर्राष्ट्रिय शतक प्रहार गरेपछि वेष्ट इण्डिजले ब्रिजटाउनमा पाँच विकेटको क्षतिमा २ सय २४ रनको बिशाल योगफल खडा गर्यो ।

फिल साल्टले इंगल्याण्डलाई खेलमा जीवितै राखेपनि सेल्डन कोट्रेलले गरेको १९ औं ओभर निर्णायक बन्दा इंगल्याण्डले ९ विकेटको क्षतिमा २ सय ४ रनमात्र जोड्न सक्यो । अन्तिम २ ओभरमा इंगल्याण्डलाई ४१ बलमो आवश्कता रहँदा कोट्रेलले २ विकेट लिदै मात्र तीन रन दिएका थिए ।

अन्तिम ओभरमा रोमारियो शेफर्डलाई साल्टले दुई छक्का प्रहार गर्दै १७ रन जोडेपनि त्यो जितका लागि पर्याप्त रहेन । तेश्रो छक्का प्रहार गर्ने क्रममा आउट भएका साल्टले २४ बलमा पाँच छक्का र तीन चौकाको मद्दतमा ५७ रन जोडेका थिए ।

यस्तै टप अर्डरमा ओपनर टम बान्टनले ३९ बलमा ७० रनको छरितो इनिङ्गस खेलेका थिए । बान्टनले ६ छक्का र तीन चौका हिर्काए । वेष्ट इण्डिजका लागि शेफर्डले तीन विकेट लिदा चार ओभरमा ५९ रन खर्चिएका थिए । केरोन पोलार्डले दुई विकेट लिए ।

यसअघि वेष्ट इण्डिजको इनिङ्गसलाई पूर्ण रुपले नियन्त्रण गर्ने क्रममा पावेलले तेश्रो विकेटका लागि निकोलस पुरनसँग १ सय २२ रनको साझेदारी गरेका थिए । १९ औं ओभरमा पेभिलियन फर्किएका पावेलले ५३ बलमा १ सय ७ रन जोड्दै १० छक्का हिर्काउका थिए ।

पावेलको ५१ बलमा शतक वेष्ट इण्डिजको लागि ट्वान्टी ट्वान्टी अन्तर्राष्ट्रियमा चौथो तिब्र शतक हो । क्रिस गेलले ४७ र ५० बलमा दुई शतक बनाएका छन् भने एभिन लेविसले ४८ बलमा शतक प्रहार गरेका थिए ।

वेष्ट इण्डिजलाई छरितो शुरुवात दिने काम पनि पुरनले नै गरेका थिए । उनले ४३ बलमा ७० रन बनाए । उनको इनिङ्गसमा पाँच छक्का र चार चौका सामेल थियो ।

Continue Reading
Headline34 mins ago

गोलकिपर अशोक नायक बन्दा मनाङ आहा–रारा गोल्डकपको फाइनलमा

Headline9 hours ago

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

Headline9 hours ago

पावेलको शतकपछि वेष्ट इण्डिजले इंगल्याण्डलाई हरायो

Headline10 hours ago

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

Headline16 hours ago

अब एक बर्ष भित्रै नेपाललाई युवा खेलाडीहरुले उत्कृष्ट ट्वान्टी ट्वान्टी टिम बनाउने छन्ः पुबुदु दासानायके

Headline23 hours ago

सबैलाई एक्सपोजर दिदै प्रशिक्षक अलमुताइरी

Headline24 hours ago

ट्वान्टी ट्वान्टी अन्तर्राष्ट्रियमा नेपालको तर्फबाट उत्कृष्ट बलिङ प्रदर्शन

Headline1 day ago

मच्छिन्द्रलाई स्तब्ध पार्दै एपिएफ १४ बर्षपछि आहा–रारा गोल्डकपको फाइनलमा

Headline1 day ago

दोश्रो संस्करणको एनएसएल चैत्र २६ बाट 

Headline1 day ago

ट्वान्टी ट्वान्टी अन्तर्राष्ट्रियमा नेपालको लागि उच्च साझेदारी रनका आधारमा

Trending

error: Content is protected !!