Connect with us

Headline

बलरको रुपमा करिअर शुरु गरेका उत्कृष्ट ब्याट्स्म्यानहरु

wesportz

Published

on

क्रिकेट एउटा मौकाको पनि खेल हो । क्रिकेटरले राष्ट्रिय टोलीमा मौका पाएको खण्डमा आफूलाई साबित गर्दै लामो करिअर बनाउन सक्छन् । बिश्व क्रिकेटमा यस्ता खेलाडीहरु पनि छन् जसले बलरको रुपमा करिअर शुरु गरेर ब्याट्स्म्यान र त्यसको बिपरित पनि भएका छन् । आज हामी बलरको रुपमा करिअर शुरु गर्दै ब्याट्स्म्यान उत्कृष्ट ब्याट्स्म्यानमा परिणत भएका खेलाडीहरुको बारेमा चर्चा गर्नेछौं ।

केमरन ह्वाइट (अष्ट्रेलिया)

ब्राड हगले अन्तर्राष्ट्रिय क्रिकेटबाट सन्यास लिएपछि ह्वाइट अष्ट्रेलियन क्रिकेट टिमका लागि नम्बर वान लेग स्पिनरको रुपमा अगाडी आए । भिक्टोरियाका ह्वाइटले भारत भ्रमणमा अष्ट्रेलियाको स्पिन आक्रमणको नेतृत्व पनि गरे । व्याटिङ्ग लिजेण्ड सचिन तेन्दुल्करको विकेट लिदै उनले उत्कृष्ट शुरुवात पाएपनि सिँगो टुरमा भने असफल रहे ।
उच्च स्तरमा आवश्यक पर्ने बलिङ्ग आक्रमणको भिन्नता ल्याउन नसकेपछि उनले आफ्नो ब्याटिङ्गमा काम गर्न थालेका थिए ।

दायाँ हाते ब्याट्स्म्यानको रुपमा ह्वाइट अष्ट्रेलियाको लागि एकदिवसीय र ट्वान्टी ट्वान्टी टोलीको मुख्य सदस्य बन्दै गए । उनले ब्याटिङ्ग अलराउण्डरको रुपमा अष्ट्रेलियाका लागि ९१ एकदिवसीय र ४७ वटा ट्वान्टी ट्वान्टी खेलिसकेका छन् ।

रवि शास्त्री (भारत)

रवि शास्त्री बिश्व क्रिकेटका यस्ता व्यक्ति हुन जसले बिभिन्न भुमिकामा आफूलाई पटक पटक साबित गरिसकेका छन् । खेलाडी जीवनपछि उनी एक कुशल कमेन्टेटर पनि भए भने त्यसपछि अहिले भारतीय टोलीको प्रशिक्षकको रुपमा कार्यरत पनि छन् । भारतको घरेलु क्रिकेटमा मुम्बईका लागि डेब्यु गर्दा उनी जम्मा १७ बर्षका थिए, जुन त्यो समयको एक किर्तिमान नै थियो ।

शास्त्रीले भारतीय टोलीका लागि बाया हाते स्पिनरको रुपमा करिअरको शुरुवात गरेका थिए । तर १८ महिनापछि उनी ओपनिङ्ग ब्याट्स्म्यान बन्दै भारतको लागि एकपछि अर्को उत्कृष्ट प्रदर्शन गर्न थाले । भारतका लागि उनले ८० टेस्टमा ११ र १ सय ५० एकदिवसीयमा चार शतक प्रहार गरेका थिए ।

शोएब मलिक (पाकिस्तान)

टेस्ट क्रिकेटमा शोएब मलिकले पहिलो देखि १० नम्बरसम्म ब्याटिङ्ग गरिसकेका छन् । १७ बर्षको उमेरमा पाकिस्तानका लागि टेस्टमा डेब्यु गर्दा उनी निकै नै चलाख अफ स्पिनर मानिन्थे । दुसरा उनको मुख्य हतियार हुने गर्दथ्यो । त्यसपछि ब्याटिङ्गमा बढी केन्द्रित हुँदा उनको बलिङ्गको रङ्ग उड्न थालेको थियो । शोएबले पाकिस्तानका लागि ब्याट्स्म्यानकै रुपमा ३५ टेस्ट, २ सय ८७ एकदिवसीय र १ सय १३ टेस्ट खेलिसकेका छन् ।

सनथ जयसुर्या (श्रीलंका)

श्रीलंकन लिजेण्ड सनथ जयसुर्यालाई क्रिकेटको सबैभन्दा बिध्वंसात्मक ओपनिङ्ग ब्याट्स्म्यानको रुपमा चिनिने गरिन्छ । तर आफ्नो करिअरको शुरुवातमा एकै स्तरको ब्याटिङ्ग गर्न असफल रहेका जयसुर्यालाई मात्र उनको बलिङ्गको कारण टिममा टिकाएर राखेको थियो । सन् १९८९ देखि १९९५ सम्म निकै खराब प्रदर्शन गरेका जयसुर्याको एकदिवसीय अन्तर्राष्ट्रियमा कुनै पनि समय ३० भन्दा बढीको औषत हुन सकेको थिएन ।

तर सन् १९९६ को बिश्वकपले त्यो सबै कुरालाई परिणत गरिदियो । बिश्वकप श्रीलंकाले जित्दा जयसुर्याको प्रदर्शनले ठूलो भुमिका खेलेको थियो नै उनले आफ्नो करिअरमा २१ हजार रन बनाउदै ४२ शतक आफ्नो नाममा लेखाउन भ्याएका थिए ।

स्टिभ स्मिथ (अष्ट्रेलिया)

स्मिथको परिचय जब अन्तर्राष्ट्रिय क्रिकेटसँग भयो तब उनलाई सबैले लेग स्पिन लिजेण्ड शेन वार्नसँग तुलना गर्न थालेका थिए । तर अहिले उनलाई अर्को अष्ट्रेलियन लिजेण्ड सर डन ब्राडम्यानसँग गर्ने गरिन्छ । यहिबाट थाहा हुन्छ स्मिथ क्रिकेटमा के बाट केमा परिणत भए भनेर । क्रिजमा रहदा हेर्दै अप्ठेरो किसिमले ब्याटिङ्ग गर्ने गरेका स्मिथलाई क्रिकेट पण्डितहरुले माथिल्लो स्तरमा खेल्न सक्षम नरहेको बताउने गरेका थिए ।

तर उनले आफ्नो ब्याटिङ्गमा निकै नै मिहिनेत गरे । टेस्ट क्रिकेटमा स्मिथले ६२ दशमलव ८४ को औषतमा ७ हजार २ सय २७ रन बनाइसकेका छन् । उनको औषत ७ हजार रन कटाउने कुनै पनि टेस्ट क्रिकेटरको तुलनामा सबैभन्दा धेरै हो । उनले एकदिवसीयमा पनि ४२ दशमलव ८७ को औषतमा ४ हजार १ सय ६२ रन बनाइसकेका छन् ।

Headline

जेसन होल्डरले घातक बलिङ गर्दा इंग्ल्यान्डको लज्जास्पद हार 

wesportz

Published

on

वेस्ट इन्डिजका तीब्र गतिका बलर जेसन होल्डरले घातक बलिङ गर्दा घरेलु टोली इंग्ल्यान्डले पहिलो ट्वान्टी ट्वान्टी अन्तर्राष्ट्रिय खेलमा नौ विकेटको लज्जास्पद हारको सामना गरेको छ । जितसँगै वेस्ट इन्डिजले पाँच खेलको शृंखलामा १-० को अग्रता पनि हात पारेको छ ।

खेलमा टस जितेर पहिले बलिङ गर्ने निर्णय लिएको वेस्ट इन्डिजले इंग्ल्यान्डलाई १९ दशमलब चार ओभरमा १०३ रनमा रोक्यो भने १७ दशमलब एक ओभर खेल्दै एक विकेटको नोक्सानीमा लक्ष्य पार गर्यो ।

इंग्ल्यान्डलाई सानो स्कोरमा रोक्ने क्रममा होल्डरले तीन दशमलब चार ओभर बलिङ गर्दै एक मेडन ओभर सहित सात रन खर्चिएर चार विकेट हात पारे । होल्डर बाहेक महँगो साबित भए पनि शेल्डन कोट्रेलले चार ओभर ओभरमा ३० रन दिएर दुई विकेट आफ्नो नाममा दर्ता गराए ।

वेस्ट इन्डिजको जितमा ब्याटिङमा ब्रेन्डन किंगले अविजित रहँदै सर्वाधिक ५२ रनको पारी खेले भने निकोलस पुरनले पनि अविजित रहँदै २७ रन बनाए । त्यस बाहेक शे होप २० रन बनाएर आउट भए ।

४९ रनको अवस्थामा सात विकेट गुमाएको इंग्ल्यान्डको लागि आठौं र नवौ नम्बरमा ब्याटिङ गर्न आएका क्रिस जोर्डन र आदिल रशिदले क्रमश २८ र २२ रन जोड्दै इंग्ल्यान्डलाई तीन अंकको योगफल सम्म पुर्याए । उनीहरु बाहेक कप्तान ओएन मोर्गनले १७ र जेम्स विन्सले १२ रन बनाए भने अन्य कुनै पनि ब्याटरले दोहोरो अंकमा रन जोड्न सकेनन् ।

इंग्ल्यान्डका ओपनरहरु जेसन रोय र टम बान्टन क्रमश ६ र चार, मोइन अली गोल्डेन डक आउट, साम बिलिंग्स र लियाम डसन समान २-२ रन बनाएर पेभेलियन फर्किए ।


 

Continue Reading

Headline

आईपीएलका लागि आवेदन दिने १५ जना नेपाली खेलाडीहरु को को हुन् ?

wesportz

Published

on

नेपाल क्रिकेट संघ (क्यान) ले १५ औं संस्करणको इन्डियन प्रिमियर लिग (आईपीएल) को मेगा अक्सनको लागि आबेदन दिने १५ जना नेपाली खेलाडीहरुको नाम सार्वजनिक गरेको छ । आज बिहान मात्र भारतीय क्रिकेट बोर्ड (बिसीसीआई) ले मेगा अक्सनका लागि १२ सय १४ खेलाडीले आवेदन दिँदा नेपालका १५ जना खेलाडीहरुले आवेदन दिएको जनाएको थियो ।

नेपालबाट आवेदन दिने खेलाडीहरुमा असिफ शेख, पवन सर्राफ, सन्दिप जोरा, कुशल भुर्तेल, रोहित कुमार पौडेल, सुशन भारी, आरिफ शेख, अविनाश बोहरा, बिनोद भण्डारी, शरद भेषावाकर, कुशल मल्ल, करण केसी, सोमपाल कामी, दिपेन्द्र सिंह ऐरी, सन्दिप लामिछाने रहेका छन् ।

एसोसिएट्स राष्ट्रबाट ४१ जनाले आवेदन दिँदा सबैभन्दा धेरै आवेदन नेपालबाट नै परेको छ भने नेपालले बंगलादेश, आयरल्याण्ड र जिम्बाब्वे जस्ता टेस्ट राष्ट्रलाई पनि पछि पारेको छ । नेपाल पछि एसोसिएट्स राष्ट्रबाट आवेदन दिनेमा अमेरिका रहेको छ । अमेरिकाबाट १४ खेलाडीले आवेदन दिएका छन् ।

यो पनि पढ्नु होस् – ७ बर्षपछि जितेन्द्र मुखियाले देखेको उज्यालो

आवेदन दिनेमा सबैभन्दा धेरै अष्ट्रेलियाका खेलाडीहरुले दिएका छन् । अष्ट्रेलियाका ५९ जनाले आवेदन दिँदा भुटान, नेदरल्यान्ड्स, स्कटल्याण्ड र युएईका समान १-१ जनाले आवेदन दिएका छन् ।

यस पटकको मेगा अक्सनबाट १० फ्रेन्चाइजहरुले कुल २१७ खेलाडीको छनोट गर्नेछन् जस मध्य ७० जना विदेशी खेलाडी समावेस हुनेछन् । प्रत्येक फ्रेन्चाइजले अधिकतम २५ खेलाडी आफ्नो टोलीमा राख्न पाउने छन् ।

नेपाली टोलीका नवनियुक्त कप्तान सन्दिप लामिछाने मात्र नेपालको तर्फबाट आईपीएल खेल्ने एक्ला खेलाडी हुन् । सन् २०१८ मा उनी तीन सिजनका लागि दिल्ली क्यापिटल्समा आबद्ध भएका थिए भने अघिल्लो सिजनको लागि भएको मिनी अक्सनमा भने उनलाई कुनै पनि टोलीले आफ्नो टोलीमा समावेस गरेको थिएन ।

१५ औं सिजनको आईपीएलको अक्सन फेब्रुअरी १२ र १३ मा गरेर दुई दिन सम्म चल्ने छ ।

Continue Reading

Headline

‘बिबेक टिममा डिमान्ड भए अनुसारको अलराउण्डर हुन्’

wesportz

Published

on

नेपाली राष्ट्रिय टोलीका प्रशिक्षक पुबुदु दासानायकेले ओमानमा हुने ट्वान्टी ट्वान्टी बिश्वकप छनोटमा स्थान बनाउन सफल अण्डर–१९ क्रिकेट बिबेक यादवले टिममा डिमान्ड भए अनुसारको अलराउण्डर रहेको बताएका छन् ।

पछिल्लो एक बर्ष देखि आशा लाग्दो युवा प्रतिभाको रुपमा नेपाली क्रिकेटमा उदाइरहेका बिबेक बिभिन्न प्रतियोगिताहरुमा दिदै आएको राम्रो प्रदर्शनका कारण राष्ट्रिय टोलीमा स्थान बनाउन सफल भए । बिशेष गरि मिडल अर्डरमा ब्याटिँगबाट प्रभाव पारेका बिबेक बलिँगमा औषत रहेपनि दासानायकेले उनलाई युटिलिटी अलराउण्डरको रुपमा हेरेका छन् ।

नेपालले फेब्रुवरी १८ देखि बिश्वकप छनोट खेल्नु अघि ओमानमा चार राष्ट्र सम्मिलित ट्वान्टी ट्वान्टी अन्तर्राष्ट्रिय श्रृंखला खेल्न गइरहेको छ । तीन लिग खेल हुने भएका कारण दासानायकेलेलाई टिममा स्थान बनाउन सफल दुई युवा क्रिकेटर बिबेक र लोकेश बमसँगै पुनरागमन गरेका प्रदिप ऐरि, शरद भेषावकर र जितेन्द्र मुखियालाई पनि प्रयोग गर्ने अवसर मिल्नेछ ।

पुनरागमन गरेका खेलाडीहरुबारे अभ्यस्त रहिसकेका कारण दासानायकेले लोकेश र बिबेकको प्रदर्शनतर्फ भने बिशेष ध्यान दिनेछन् । दासानायके बिबेक सफल हुन सक्नेमा आशावादी रहेका छन् ।

“उनी निकै राम्रो युवा प्रतिभा हुन् । मलाई लाग्छ उनको अण्डर १९ टोलीबाट पनि प्रदर्शन राम्रै थियो । मैले उनको ब्याटिँग एभरेष्ट प्रिमियर लिगका दौरान पनि राम्रोसँग नियालेको थिए,” सेप्टेम्बर र अक्टोबरमा भएको इपिएलमा भैरहवा ग्लेडिएटर्स सम्हालेका दासानायकेले भने ।

यो पनि पढ्नु होस्

आईपीएलको मेगा अक्सनमा १५ जना नेपाली खेलाडीहरु 

७ बर्षपछि जितेन्द्र मुखियाले देखेको उज्यालो

अघिल्लो बर्षको प्रधानमन्त्री कप एकदिवसीयमा प्रदेश २ को लागि राम्रो प्रदर्शन गरेका बिबेकले इपिएलमा पोखरा राइनोजका लागि खेल्दै प्रभावशाली प्रदर्शन गरेका थिए । चार खेलमा ब्याटिँग गर्न पाएका उनले चितवन टाइगर्सबिरुद्ध फाइनलमा मात्र असफल हुँदा चार रन बनाएका थिए ।

त्यसबाहेक उनले ५१, ४१ नटआउट र १६ रनको तीन छरितो इनिङ्गस खेलेका थिए । अण्डर १९ एसिया कपमा अन्तिम खेलमा कुवेतबिरुद्ध असफल बिबेकले बलियो टोली श्रीलंकाबिरुद्ध ४४ र बंगलादेशबिरुद्ध २६ रन बनाएका थिए । दुवै अवसरमा उनले राम्रा साझेदारीहरु गर्दै नेपाललाई सम्मानजनक योगफल तर्फ डोर्याएका थिए ।

“बिबेक मिडल अर्डरमा ब्याटिँग गर्दै ठूला शटहरु त खेल्न सक्षम छन् नै, हामीले उनलाई टिममा समावेश गरेको कारण उनी बलिँगबाट पनि योगदान दिन सक्छ । उनको खेलको प्रकृती त्यही हो जुन आरिफ शेखको छ,” दासानायके भन्छन् ।

Continue Reading
Headline5 hours ago

जेसन होल्डरले घातक बलिङ गर्दा इंग्ल्यान्डको लज्जास्पद हार 

Headline20 hours ago

आईपीएलका लागि आवेदन दिने १५ जना नेपाली खेलाडीहरु को को हुन् ?

Headline21 hours ago

‘बिबेक टिममा डिमान्ड भए अनुसारको अलराउण्डर हुन्’

Headline22 hours ago

अमेरिकी टोलीलाई हराउदै एपिएफ सेमिफाइनलमा

Headline1 day ago

पाँच धनी आईपीएल फ्रेन्चाइजहरु 

Headline1 day ago

आईपीएलको मेगा अक्सनमा १५ जना नेपाली खेलाडीहरु 

Headline1 day ago

चार देशीय शृंखलाको पहिलो खेलमा नेपालले ओमानको सामना गर्ने 

Headline2 days ago

एक खेल बाँकी छदै भारतले दक्षिण अफ्रिकाबिरुद्ध श्रृंखला गुमायो

Headline2 days ago

पन्त र राहुलको अर्धशतकमा भारतको चुनौतिपूर्ण योगफल 

Headline2 days ago

आहा–रारा गोल्डकपः सब्स्टिच्युट गोलकिपर रोशन चम्किएपछि पुलिस क्वार्टर–फाइनलमा

Trending

error: Content is protected !!