Connect with us

Headline

क्रिकेटमा मांकडीङ्ग के हो र ५ कुख्यात घट्ना कुन–कुन हुन् ?

wesportz

Published

on

के हो मांकडिङ्ग ?

क्रिकेटमा आउट गर्ने सबैभन्दा बिवादास्पद तरिका मांकडिङ्गलाई लिएर जहिले पनि क्रिकेटको दुनिया बिभाजित हुने गर्दछ । बलरले बलिङ्ग गर्दै गर्दा नन–स्ट्राइकमा रहेका ब्याट्स्म्यानहरुले रन लिनको लागि एक दुई कदम पहिलो नै अघि बढाउने गर्दछन् । यस क्रममा ब्याट पनि हावामा हुँदा नन–स्ट्राइकरले क्रिज छोडिसकेका हुन्छन् र त्यसैको फाइदा उठाउदै बलरले बलिङ्ग नगरि आफ्नै एण्डका ब्याट्स्म्यानलाई रन आउट गर्न सक्छन् ।

धेरैले आउट गर्ने यो तरिका खेल भावना बिपरित रहेको भनेपनि अन्यले भने यदि क्रिकेटको नियमको किताबमा छ भने यसको प्रयोग गर्न सकिने तर्क दिने गर्छन् । मांकडिङ्ग बाट आउट हुने खेल जहिले पनि त्यसको समाप्तिपछि चर्चामा हुने गर्छ, र आउट गर्ने बलर आलोचकहरुको निशानामा पर्ने गर्छन ।

कहाँबाट आयो मांकडिङ्ग ?

मांकडिङ्गलाई अष्ट्रेलियन मिडियाले चर्चामा ल्याएको शब्दावली हो जो पछि गएर क्रिकेटको नियममै औपचारिक रुपमा राखिएको थियो । सन् १९४७ मा भारत टेस्ट श्रृंखलाका लागि अष्ट्रेलियामा रहेको थियो । त्यही श्रंखलाका क्रममा भारतीय बलर भिनु मांकडले बिल ब्राउनलाई दुई पटक त्यही तरिकाले आउट गरेका थिए ।

अष्ट्रेलियाका त्यति बेलाका कप्तान सर डन ब्राडम्यानले मांकडको समर्थन गरेपनि अष्ट्रेलियन मिडियाले भने यसलाई खेल भावना बिपरित रहेको ठहर गरेका थिए । यो घट्नापटि क्रिकेटको नियममा पटक पटक हेरफेर त गरियो तर यो आउट हुने तरिकाको बैधतालाई कायम नै राख्यो । त्यस यता क्रिकेटमा यसरी आउट हुने घट्ना पटक पटक दोहोरिने गरेको छ भने कोही बलरहरुले यसको बिरुद्धमा गएर निर्णय गर्ने गरेका छन् ।

आज हामी क्रिकेटमा भएका यस्तै कुख्यात मांकडिङ्ग घट्नाहरुको बारेमा चर्चा गर्नेछौं जसलाई लिएर क्रिकेटको बिश्व बिभाजित बनेको थियो ।

ओमानका आमिर कलिम भर्सेज हँगकँगका मार्क च्यापम्यान

सन् २०१६ को एसिसि एसिया कप ट्वान्टी ट्वान्टी क्वालिफायरको एक महत्वपूर्ण खेलमा हँगकँग ओमानको सामना गरिरहेको थियो । पहिलो ब्याटिङ्ग गरेको ओमानले १ सय ८० रनको बिशाल योगफल खडा गर्यो । तर बाबर हायतले उत्कृष्ट ब्याटिङ्ग गरेपछि हँगकँगले निकै उत्कृष्ट शुरुवात पाएको थियो ।

दोश्रो विकेटको रुपमा अन्सुमन राथलाई गुमाएपछि टोलीका अर्का महत्वपूर्ण ब्याट्स्म्यान च्यापम्यान बाबरलाई साथ दिन आएका थिए । तर स्पिनर कलिमले च्यापम्यानलाई ८ रनको व्यक्तिगत योगफलमा मांकडिङ्ग गरे । बाबरले खेलमा बिष्फोटक ६० बलमा १ सय २२ रन प्रहार गरेपछि हँगकँग पाँच रनले खेल हार्न पुग्यो ।

च्यापम्यान क्रिज छोड्न नचाहेपनि उनी पेभिलियन फर्किन बाध्य थिए । कलिम र ओमानी टिमको त्यो समय निकै आलोचना भएको थियो । च्यापम्यान अहिले न्युजिल्याण्डका लागि खेल्ने गर्छन् ।

वेष्ट इण्डिजका चार्लि ग्रिफिथ भर्सेज अष्ट्रेलियाका इयन रेडपाथ

भिनु मांकडको रनआउट काण्डपछि क्रिकेट इतिहासमा देखिएको यो पहिलो मांकडिङ्ग घटना थियो जसमा त्यो समयका टेस्ट महारथी वेष्ट इण्डिज र अष्ट्रेलिया खेलिरहेका थिए । १९६९ मा भएको टेस्टमा ग्यारी सोबर्स, बासिल बुचर र डउग वाल्टर्सले सम्झनलायक ब्याटिङ्ग गरिरहेका थिए ।

तर म्याचको केन्द्र भने ग्रिफिथ बने । जितका लागि ३ सय ६० रनको लक्ष्य पछ्याइरहेको अष्ट्रेलिया आरामका साथ खेलिरहेको थियो । तर रेडपाथ ९ रनमा रहदा ग्रिफिथले उनलाई मांकडिङ्ग गर्दै रनआउट गरे ।

एडिलेडमा भएको चौथो टेस्टमा जित हात पारेको खण्डमा अष्ट्रेलिया एक खेल अगावै सिरिज हात पार्न सफल हुने थियो । तर ग्रिफिथको रनआउटले चौथो टेस्ट बराबर हुन मुख्य भुमिका खेल्यो । यद्दपी अन्तिम टेस्ट जित्दै अष्ट्रेलियाले सिरिज ३–१ ले कब्जा गर्यो ।

वेष्ट इण्डिजका किमो पउल भर्सेज जिम्बाब्वेका रिचर्ड एनगाराभा

आधुनिक क्रिकेटमा मंकडिङ्गले सबैभन्दा बढी नकारात्मक चर्चा पाएको यही खेल थियो किनभने यो अण्डर १९ बिश्वकपको सबैभन्दा महत्वपूर्ण खेल थियो । बङ्गलादेशको चटोग्राममा समुह सी अन्तर्गत भएको खेलमा जिम्बाब्वे र वेष्ट इण्डिज दुवैलाई जितको आवश्यकता रहेको थियो । यो खेलमा जित हात पार्ने टोली नै क्वार्टर फाइनल प्रवेश गर्ने थियो ।

पहिलो ब्याटिङ्ग गरेको वेष्ट इण्डिजलाई जिम्बाब्वेले ५० ओभरमा २ सय २६ रनमै रोकेको थियो । मध्यक्रमले सम्हालेको जिम्बाब्वेलाई खेलको अन्तिम ७ बलमा मात्र चार रनको आवश्यकता रह्यो र उसको हातमा मात्र एक विकेट थियो । पउलले ४९ औं ओभरको अन्तिम बलमा भने यो हतकण्डा अपनाए । तिब्र गतिका बलर पउलले नन–स्ट्राइकमा रहेका एनगाराभालाई रन आउट गरे ।

खेल वेष्ट इण्डिजले जित्यो र सेमिफाइनलमा बङ्गलादेशलाई हराउदै फाइनलमा प्रवेश गर्यो । फाइनलमा उसले भारतलाई हराउदै बिश्वकप नै कब्जा गर्यो । जिम्बाब्वेबिरुद्धको खेल लगत्तै वेष्ट इण्डिजकै हस्तीहरुले पनि ट्विटर मार्फत पउलको खुबै आलोचना गरे तर पउलले आफ्नो टिमलाई बिश्वकप जिताउने कदम चालेका थिए । पउल इण्डियन प्रिमियर लिगमा दिल्ली क्यापिटल्सबाट खेलिरहेका छन् ।

श्रीलंकाका सचित्र सेनानायके भर्सेज इङ्गल्याण्डका जोस बट्लर

२०१४ मा श्रीलंका र इङ्गल्याण्ड पाँच म्याचको एकदिवसीय श्रंखला खेलिरहेका थिए । दुवै टोलीले दुई–दुई म्याच जितेपछि एजबास्टनमा निर्णायक खेलमा दुई टोली भिडिरहेका थिए । १ सय ७० रनमा ६ विकेट गुमाएको इङ्गल्याण्डलाई बट्लर र क्रिस जोर्डनले सम्हाल्ने प्रयास गरिरहेका थिए ।

इङ्गल्याण्डले रन गतिलाई बढाउने प्रयास गर्नै लाग्दा स्पिनर सेनानायकेले ४४ औं ओभरको दोश्रो बलमा बट्लरलाई मांकडीङ्ग गरे । लगत्तै जोर्डन आउट भएपछि इङ्गल्याण्डको इनिङ्गस २ सय १९ रनको सामान्य योगफलमै खुम्चिन पुग्यो ।

माहेला जयावद्र्धने र लाहिरु थिरिमानेले अद्र्धशतक पुरा गरेपछि श्रीलंकाले ४८ दशमलव दुई ओभरमा लक्ष्य प्राप्त गर्दै श्रृंखला आफ्नो नाममा लेखायो । रिप्लेका अनुसार सेनानायकेले पटक पटक बट्लरलाई क्रिज नछोड्नका लागि चेतावनी दिएका थिए ।

भारतका कपिल देव भर्सेज दक्षिण अफ्रिकाका पिटर कस्र्टन

यो एउटा यस्तो घट्ना थियो जसका कारण भारतलाई १९८३ बिश्वकप जिताएका कपिल देवको इज्जतमा अलिकति भएपनि धक्का लागेको थियो । १९९२ मा भारत र दक्षिण अफ्रिका सेन जोर्जेज पार्कमा ७ म्याचको एकदिवसीय श्रंखला अन्तर्गत दोश्रो खेलमा खेलिरहेका थिए ।

पहिलो ब्याटिङ्ग गरेको भारत १ सय ४७ रनको झिनो योगफलमै समेटिएको थियो । दक्षिण अफ्रिकाका लागि ब्रायन म्याकमिलनले चार विकेट लिएका थिए । दोश्रो इनिङ्गसमा भारतले एन्ड्रयु हड्सनलाई सस्तैमा पेभिलियन फर्काएपछि कस्र्टन र केप्लर वेसल्सले इनिङ्गस सम्हाल्ने प्रयास गरिरहेका थिए । तर जितको लागि भोको देखिएका कपिलले कसर््टनलाई पाँच रनमा मांकड गरे ।

कपिलको निर्णयले भने दक्षिण अफ्रिकालाई खासै फरक परेन । ह्यान्सी क्रोन्ये र डेभ क्यालागनले आकर्षक साझेदारी गर्दै घरेलु टोलीलाई सहज जित दिलाएका थिए । श्रंखला दक्षिण अफ्रिकाले ५–२ ले जित्यो तर कप्तानको रुपमा मांकडीङ्ग गरेका कपिलले त्यो समय धेरै आलोचना खेप्नु परेको थियो ।

Headline

काठमाडौं रेजर्स नेपाल सुपर लिगको फाइनलमा

wesportz

Published

on

दुई बिदेशी खेलाडीको उच्च प्रदर्शनमा काठमाडौं रेजर्स ललितपुर सिटी एफसीलाई ३–० को फराकिलो अन्तरले पराजित गर्दै नेपाल सुपर लिगको फाइनलमा प्रवेश गरेको छ ।

मेसुकेले पहिलो हाफमा दुई र स्टेफन समिरले दोश्रो हाफमा एक गोल गरेपछि काठमाडौंले शनिबारको लागि धनगढीसँग उपाधि भिडन्त पक्का गर्यो । काठमाडौं लिग चरण र पहिलो क्वालिफायरमा धनगढीसँग पराजित भएको थियो ।

२४ घण्टा नबित्दै दोश्रो खेल खेलिरहेको ललितपुरले पहिलो हाफमा दुई पटक स्पष्ट गोल अवसर खेर फालेको थियो । तर काठमाडौंले भने पाएका मौकाहरुमा चाहे अनुरुपको फिनिसिङ्ग गरेको थियो ।

मेसुके एक पटक फेरि अब्बल रहे । बक्समा खतरनाक देखिएका उनले पहिलो गोलका लागि आफै पेनाल्टी जितेका थिए भने दोश्रो गोलमा उत्कृष्ट ढँगले गोल गरेका थिए । उनले प्रतियोगितामा व्यक्तिगत छैटौं र सातौं गोल गरेका हुन् ।

दोश्रो हाफमा थकानका कारण ललितपुरको खेल प्रभावित देखिए पनि उसले निरन्तर दवाब भने बनाइरहेको थियो । तर पहिलो हाफमा जस्तै गोल गर्ने अवसर सृजना गर्न भने असफल रहेको थियो ।

खेलको शुरुवातमा नै ललितपुरले गोल गर्ने स्पष्ट मौका खेर फाल्यो । अन्जन बिष्टले बनाएको मुभमा नुर्लान जाहिदको क्रसले काठमाडौं गोलकिपर बिकेश कुथुलाई बिट गरेपनि भिलिम पोसिन्कोभिच गोललाईन नजिकैबाट साधारण ट्याप इन दिन असफर रहेका थिए ।

लगत्तै मेसुकेले बायाँबाट बक्समा निकालेको पासलाई स्टेफन समिरले टाइट एँगलबाट गरेको प्रहार पोस्टमा लागेको थियो । १३ औं मिनेटमा कमल श्रेष्ठले मेसुकेलाई बक्स भित्र लडाएपछि काठमाडौंले पेनाल्टी पाएको थियो । मेसुकेको प्रहारलाई सहि आकलन गर्दै ललितपुरका गोलकिपर अर्पण कार्कीले डाइभ गरेपनि हातमा लागेर गोल भएको थियो ।

२२ औं मिनेटमा मेसुकेले अग्रताले दोब्बर बनाएका थिए । डिफेन्डर पिटर सेगुनले बक्सभित्र चुनौति दिदाँ दिदै पनि उनको सशक्त प्रहारलाई अर्पणले रोक्न सकेनन् । २७ औं मिनेटमा ललितपुरले अर्को मौका खेलर फाल्यो । अन्जन बिष्टले निकालेको सुन्दर थ्रु बललाई गौरभ बुढाथोकीले बिकेशसँगको वान भर्सेस वान स्थितिमै बाहिर प्रहार गरेका थिए ।

५९ औं मिनेटमा अर्का समिरले ललितपुरको अफ साइड ट्रयाप बिट गरेपछि छिरिङ गुरुङको लङ्ग बललाई चेस्ट कन्ट्रोल गर्दै सेकेण्ड बारमा सहज गोल गरेका थिए । काठमाडौं तेश्रो गोलपछि रक्षात्मक रणनीतिमा उत्रदै काउन्टर अट्याकमा मात्रै जाँदा ललितपुरले निरन्तर दवाब बनायो तर पहिलो हाफ जसरी गोलको नजिक पुग्न सकेन ।

Continue Reading

Headline

मेसुकेको उत्कृष्ट प्रदर्शनपछि ललितपुरबिरुद्ध काठमाडौंलाई दुई गोलको अग्रता

wesportz

Published

on

बिदेशी खेलाडी मेसुकेले आफ्नो उत्कृष्ट लयलाई कायमै राखि दुई गोल गरेपछि काठमाडौं रेजर्सले नेपाल सुपर लिगको दोश्रो क्वालिफायरको पहिलो हाफमा २–० को अग्रता लिएको छ ।

ललितपुर दशरथ रँगशालामा दुई पटक स्पष्ट गोल गर्ने मौकामा चुक्दा मेसुकेले प्राप्त मौकालाई गोलमा परिणत गरेका हुन् । प्रतियोगितामा उनले छैटौं र सातौ गोल गरेका हुन् ।

खेलको शुरुवातमा नै ललितपुरले गोल गर्ने स्पष्ट मौका खेर फाल्यो र त्यसमा खलनायक रहे बिदेशी खेलाडी भिलिन पोसिन्कोभिच । अन्जन बिष्टले बनाएको मुभमा नुर्लान जाहिदको क्रसले काठमाडौं गोलकिपर बिकेश कुथुलाई बिट गरेपनि पोसिन्कोभिचले गोललाईन निरै साधारण ट्याप इन दिन चुकेका थिए ।

लगत्तै काठमाडौंका मेसुकेले बायाँबाट बक्समा निकालेको पासलाई स्टेफन समिरले टाइट एँगलबाट गरेको प्रहार पोस्टमा लागेको थियो । १३ औं मिनेटमा काठमाडौंले पेनाल्टी पायो र त्यसलाई मेसुकेले जितेका थिए ।

कमल श्रेष्ठले मेसुकेलाई बक्स भित्र लडाएपछि काठमाडौंले पेनाल्टी पाएको थियो । मेसुकेले पेनाल्टीमा गरेको प्रहारलाई ललितपुरका गोलकिपर अर्पण कार्कीले सही दिशामै डाइभ गरेपनि उनको हातमा लागेर गोल भएको थियो ।

२२ औं मिनेटमा मेसुकेले अग्रताले दोब्बर बनाएका थिए । डिफेन्डर पिटर सेगुनले बक्सभित्र चुनौति दिदाँ दिदै पनि प्रहार गरेको सशक्त प्रहारलाई अर्पणले रोक्न सकेनन् । २७ औं मिनेटमा ललितपुरले अर्को मौका खेलर फाल्यो । अन्जन बिष्टले निकालेको सुन्दर थ्रु बललाई गौरभ बुढाथोकीले बिकेशसँगको वान भर्सेस वान स्थितिमै बाहिर प्रहार गरेका थिए ।

बुधबार बुटवल लुम्बिनी एफसीलाई एलिमिनेटरमा पराजित गरेको ललितपुरले २४ घण्टा नबित्दै दोश्रो खेल खेलिरहेको हो ।

काठमाडौं पहिलो क्वालिफायरमा धनगढी एफसीसँग हार व्यहोरेपछि दोश्रो क्वालिफायर खेल्नु परेको थिए । यो टिमको बिजेताले शनिबार हुने फाइनलमा धनगढीसँग खेल्नेछ ।

Continue Reading

Headline

इस्तानबुलबाट पोर्टो सर्यो च्याम्पियन्स लिग फाइनल

wesportz

Published

on

२०२०/२०२१ सिजनको च्याम्पियन्स लिग फाइनल टर्कीको इस्तानाबुलबाट पोर्चुगलको पोर्टोमा सारीएको छ । टर्कीको इस्तानाबुल स्थित एटटर्क ओलम्पिक रङशालामा हुने भनिए पनि मे ३१ सम्म पूर्ण लकडाउनमा रहे पछि फाइनल पोर्टो स्थित एस्टेडीओ डि डार्गोमा सारीएको हो ।

च्याम्पियन्स लिग २०२०/२०२१ को फाइनलका लागि युईएफले दुवै चेल्सी र म्यानचेस्टर सिटीका चार-चार हजार समर्थकलाई मैदानमा प्रवेश दिने जनाएको छ । पोर्चुगलका समर्थकहरुलाई पनि मैदानमा प्रवेश दिने युएफाले बताएको छ ।
इङ्ल्याण्ड एफएले पनि फाइनल वेम्बली अथवा भिल्ला पार्कमा गराउन सम्भव भएको बताए पनि पोर्चुगल सुरक्षित रहेका कारण युएफाले फाइनल पोर्टोमा सारेको हो ।

मे २९ मा हुने फाइनलका लागि तयारी थाल्न युईएफाले पोर्चुगललाई जानकारी गरिसकेको छ । चेल्सी र म्यानचेस्टर सिटी पहिलो पटक च्याम्पियन्स लिग फाइनलमा खेल्न लागेका हुन् । २०१९ पछि फेरी दुई इङ्लिश टोलीहरु फाइनलमा भिड्दै छन् ।

Continue Reading
Headline12 hours ago

काठमाडौं रेजर्स नेपाल सुपर लिगको फाइनलमा

Headline13 hours ago

मेसुकेको उत्कृष्ट प्रदर्शनपछि ललितपुरबिरुद्ध काठमाडौंलाई दुई गोलको अग्रता

Headline18 hours ago

इस्तानबुलबाट पोर्टो सर्यो च्याम्पियन्स लिग फाइनल

Headline19 hours ago

२४ घण्टा पनि नबित्दै काठमाडौँ विरुद्ध क्वालिफायर्स खेल्दै ललितपुर

Headline19 hours ago

युरोपियन राउण्डअप: एट्लेटिकोलाई चार अंकको अग्रता, चेल्सी पराजित, पिएसजी फाइनलमा

Headline22 hours ago

श्रीलंका लंका प्रिमियर लिगको दोश्रो संस्करण आयोजना गर्दै

Headline2 days ago

अन्जनको डाइभिङ्ग हेडरसँगै ललितपुरले पायो फाइनलको लागि दोश्रो मौका

Headline2 days ago

नेपाल सुपर लिग एलिमिनेटरः बुटवल लुम्बिनी लगातार मौकामा चुक्दै

अन्तर्राष्ट्रिय2 days ago

बंगलादेशसँगको एकदिवसीय शृंखलाका लागि पारेरा कप्तान नियुक्त, चन्दिमल र म्याथ्युस टोलीमा अटाएनन्

Headline2 days ago

ललितपुर सिटी र बुटवल लुम्बिनी एलिमिनेटरमा खेल्दै

Headline5 months ago

१० फुटबलर जसले बार्सिलोना जान मानेनन्

Headline8 months ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline8 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline12 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

किरणले नियन्त्रण गुमाए, पेनाल्टी दिए, पेनाल्टी बचाए

Headline7 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline7 months ago

फेरि पनि टिममा अटाएनन् स्ट्राइकर बिमल

Headline11 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!