Connect with us

Headline

दिपेशबाट पुरा भएको घरेलु फुटबलको दायित्व

wesportz

Published

on

गौरव फुयाल

नेपाली घरेलु फुटबलमा व्यवसायिकतातर्फ पहिलो कदम चालेको थ्री स्टार क्लब शहीद स्मारक ए डिभिजन लिगको गत बर्षको सिजनमा आफ्नो साख बचाउन न्यु रोड टिम (एनआरटी) बिरुद्ध खेल्दै थियो । ठूलै इतिहास बोकेको एनआरटीको पनि दवाब आफ्नै थियो ।

रेलिगेसनको प्रावधान नभएको त्यस अघिको लिगमा अन्तिम टोली बनेको एनआरटीले आफ्ना पुराना खेलाडी र प्रशिक्षक राजु काजी शाक्यलाई फिर्ता बोलाएको थियो भने टिम पनि लिग दाबेदारहरुलाई चुनौति दिन सक्ने स्तरकै थियो । त्यसैले एनआरटीलाई शिर्ष पाँच भित्र परेर देखाउने चुनौति थियो ।

मात्र एक दशक अगाडीको समय फर्केको भए यो लिगको एउटा क्लासिक भिडन्त मध्ये पर्ने थियो, शायद धेरैले प्रतिक्षा गर्न चाहेका खेल । थ्रि स्टार र एनआरटी एक समय राम्रा प्रतिद्वन्दी थिए भन्दा कतिलाई अब ठट्टा गरे जस्तो लाग्न सक्छ । र, समर्थक घटेको घरेलु फुटबलले गति समात्न केही लामो समय । एन्फा कम्प्लेक्समा फिक्का देखिने गरेका खेल यसको एक कारण पनि हो ।

सातदोबाटोको एस्ट्रो टर्फमा मध्यान्हका लागि तय भएको खेलको पहिलो हाफमा गोल नभएपछि दुवै टोलीका खेलाडीहरुले लय गुमाए जस्तो खेलिरहेका थिए । ७४ औँ मिनेटमा थ्री स्टारका अनुभवी प्रशिक्षक मेघ राज केसीले सुशिल राइको स्थानमा दिपेश घलेलाई मैदान प्रवेश गराए । उनको प्रवेशसँगै थ्रि स्टारले खेलमा गति समात्न थाल्यो । लेफ्ट विङ्गमा प्रवेस गरेका दिपेशले खेलमा प्रभाव पार्न थालिसकेका थिए ।

खेलमा जे हुन गइरहेको थियो त्यो दिपेशको लागि उनले नेपाली फुटबलमा चाल्न गइरहेको पहिलो कदम हुने थियो ।

ब्राजिलका रोनाल्डिन्हो, नेमार र क्रिस्टियानो रोनाल्डोलाई आफ्नो आदर्श मान्ने दिपेशको ड्रिब्लिङ्ग गर्ने क्षमतालाई एनआरटीको चार खेलाडीको डिफेन्सले रोक्न सकिरहेको थिएन । स्टारका समर्थकहरु पनि उनी मैदान छिर्ने बित्तिकै हौसिएका थिए । उनी धेरैले चिनेका र आशा गरेका घले थिए । “घले रोनाल्डोले जसरी हान” भन्दै एक समर्थकले चिच्याउदा उनले बुढी अउँला देखाउदै ‘ओके’ को संकेत दिए ।

मैदान छिरेको चार मिनेट नबित्दै दिपेशले गोल गरे । मिक्चेन तामाङले दाँयाबाट दिएको पासलाई दिपेशले उत्कृष्ट तरिकाले नियन्त्रणमा लिए र उनलाई रोक्न अघि बढेका सरोज तमाङलाई बिट गर्दै तीन डिफेन्डरलाई झुक्काउदै जाली जुमाए । त्यो गोलमा दिपेशको व्यक्तिगत उत्कृष्टता झल्कन्थ्यो, फुटबलरको रुपमा उनले गर्न सक्ने कामको प्रमाण र भविष्यको संकेत ।

VS NRT

Rate this goal scored by Dipesh Séan Ghaley against New Road Team – NRT!

Posted by Three Star Club on Thursday, April 9, 2020

 

त्यही गोलले खेल जितेको थ्रि स्टारले राहतको सास फेर्यो र सँगसँगै दिपेशले पनि । “मलाई म मेरो बेस्ट दिन्छु भन्ने लगेको थियो । म बेञ्चमा थिए । आज त मौका पाइएला जस्तो लागि रहेको थियो र पाए पनि । ७० मिनेट भईसकेको थियो र कोचले मलाई तयार हुन भन्नु भयो, उनले बेञ्चमा भएको अन्तरकृया सम्झिए ।  धेरै नसोचेर राम्रो निर्णय लिएर गोल हानेको रहेछु । पछि त्यो गोलको भिडियो हेर्दा म आँफै अचम्ममा परे,” उनले भने ।

दिपेश अचम्ममा पर्नु स्वभाविक पनि थियो । त्यो गोल अन्तर्राष्ट्रिय स्तरको थियो र त्यस पछाडी उनको मिहिनेत पनि झल्कन्थ्यो । ११ बर्षको हुँदा खेल्न थालेका दिपेशले फुटबललाई कहिल्यै दोस्रो रोजाइमा राख्न चाहेनन् । नजिकै फुटबल मैदान भएका कारण उनलाई खेल बुझ्न धेरै सजिलो पनि भयो ।

१७ बर्षको उमेर देखी थ्री स्टरको प्रशिक्षणमा मिहिनेत गर्न थालेका उनलाई क्लबका लागि केही गर्ने बिश्वास थियो र अझै पनि छ । पुराना दिन सम्झिदै उनले भनेः “सानै देखि फुटबल खेल्न थालियो । घर तिरको सिनियर दाईहरुले धेरै प्रेरित गर्नु हुन्थयो । उँहाहरुकै कारण थ्री स्टरमा मौका पाए ।”

ललित मेमोरियल अण्डर–१८ बाट थ्री स्टारको जुनियर टोलीमा खेल्न थालेका दिपेशले सिनियर टोलीमा भने पहिलो पटक मोफसलको प्रतियोगिता चितवन रनिङ्ग शिल्डमा आयोजक टोलीबिरुद्ध खेल्दै डेब्यु गरेका थिए । उनले गरेको मिहिनेत र भाग्य दुबैले यहाँसम्म आइपुगेको बताउछन् । “सबै मिहिनेती खेलाडीले टोलीमा स्थान बनाउन सक्दैनन तर मेरो शुरुवाती खेल जीवनमा मेरो भाग्य र मिहिनेत दुवैले साथ दिएको छ । त्यही कारण थ्री स्टर जस्तो ठूलो क्लबमा खेल्न पाएको छु ।”

स्टार खेलाडीहरुको जमात हुने गरेको थ्री स्टारमा पछिल्लो लिगमा अनन्त तामाङ्ग र बिक्रम लामा बाहेक अन्य खेलाडीसँग धेरै अनुभव थिएन । शायद यही कारणले युवा खेलाडी दिपेशलाई टोलीमा भिज्न निकै सहज पनि भयो र आफूलाई प्रमाणित गरेर देखाए । तर दिपेशले तय गर्नु पर्ने यात्रा निकै लामो छ किनभने यो त उनको फुटबलको शुरुवाती दिन मात्रै हो ।

सफलताका लागि संघर्ष चाहिन्छ र माथिल्लो स्तरमा पुग्नका लागि उनले अझ धेरै गर्न बाकी नै रहेको छ । “दिपेशले अझै मिहिनत गर्ने हो भने उनको भविष्य उज्वल रहेको टोलीका कप्तान बिक्रम बताउछन् । दिपेश धेरै राम्रो खेल्छन्, यो सबैलाई थाहा भएकै कुरा हो । उनले अझै राम्रो खेल पस्कन सक्छन् र माथिल्लो स्तरमा प्रदर्शन गर्न सक्ने क्षमता उनीमा छ । उनलाई अब राम्रो खेलाडी बन्नको लागि प्रेरणा दिन आवश्यक छ,” बिक्रम भन्छन् ।

खेलाडीहरुको संख्या उल्लेख्य रुपमा नबढीरहेको समयमा दिपेशले नेपाली फुटबलको लागि राम्रो संकेत दिएका छन् । एन्फा कम्प्लेक्सको एस्ट्रो टर्फले खेललाई नीरस त बनाएको छ तर यही नीरसताकाबीच एक युवा खेलाडीको आगमनले घरेलु फुटबलको खेलाडी उत्पादन गर्ने दायित्वलाई थोरै भएपनि निभाएको छ ।

तस्विरहरु: थ्री स्टार क्लब 

Headline

मेस्सीको दुई गोलमा बार्सिलोनाको फराकिलो जित

wesportz

Published

on

अर्जेन्टाइन सुपरस्टार लियोनल मेस्सीले दुई गोल गरेपछि बार्सिलोनाले स्पेनिस ला लिगामा गेटाफेलाई ५–२ को फराकिलो अन्तरले पराजित गरेको छ ।

खेलमा मेस्सीले ८ मिनेटमै अग्रता दिलाए पनि क्लेमेन्ट लेँगेटको आत्मघाती गोलले गेटाफे खेलमा फर्किएको थियो । गेटाफे गोलकिपर डेभिड सोरियासँग असमझदारीका कारण डिफेण्डर चाक्लाले आत्मघाती गोल गर्दा बार्साले २८ औं मिनेटमा अग्रता फर्काएको थियो ।

मेस्सीले ३३ औं मिनेटमा गोल गरेपछि बार्साले अग्रता दोब्बर पार्यो । ६९ औं मिनेटमा एनेस उनाइले पेनाल्टीमा गोल गर्दै गेटाफेलाई केही आशा त दिलाए तर रोनाल्ड अरुजोले ८७ र एन्टोइन ग्रिजमनले थप गरिएको तेश्रो मिनेटमा पेनाल्टीमा गोल गर्दै बार्साको जित फराकिलो बनाएका थिए ।

ला लिगामा मेस्सी यो सिजन पनि २३ गोलका साथ सर्वाधिक गोलकर्ताको सुचीमा पहिलो नम्बर मै छन् । भिलारियालका जेरार्ड मोरेनोको २० र एट्लेटिको गएका मेस्सीको पुर्व बार्सिलोना टिम मेट लुईस सुवारेजको १९ गोल छ । रियल म्याड्रिडका करिम बेन्जेमाले १८ गोल गरेका छन् ।

एक खेल कम खेलेको बार्सिलोनाले शिर्ष स्थानको एट्लेटिको म्याड्रिडसँगको दुरी ५ अंकमा छोट्याएको छ । हुवेस्कालाई बिहिबार नै २–० ले हराएको एट्लेटिकोको ३२ खेलबाट ७३ अंक छ । समान खेलबाट दोश्रो स्थानको रियल म्याड्रिडको ७० अंक छ ।

एट्लेटिको र बार्सिलोना मे ८ मा खेल्ने छन् । बिहिबार नै भएका अन्य खेलमा ग्रानडाले आईबारलाई ४–१ र रियल सोसिडाडले सेल्टा भिगोलाई २–१ ले हरायो ।

Continue Reading

Headline

नेपालद्वारा मलेसिया ६९ रनको बिशाल अन्तरले पराजित

wesportz

Published

on

मलेसियालाई सशक्त ब्याटिङ्ग प्रदर्शन मार्फत ६९ रनको फराकिलो अन्तरले पराजित गर्दै नेपालले त्रिदेशीय ट्वान्टी ट्वान्टी अन्तर्राष्ट्रिय श्रृंखलाको लिग चरणमा शान्दार अन्त्य गरेको छ

त्रिवि क्रिकेट मैदानमा करण केसीको आक्रमक ब्याटिङ्गसँगै नेपालले ७ विकेट गुमाउदै २ सय १७ रनको बिशाल योगफल बनायो जवाफमा मलेसियाले निरन्तर विकेट गुमाएपनि १९ दशमलव १ ओभरमा १ सय ४८ रनमा अल आउट भयो

सोमपाल कामीले आफ्नो पहिलो दुई ओभरमा दुई विकेट लिएपछि दवाबमा आएको मलेसियाले आक्रमक ब्याटिङ्गलाई जारी राख्यो तर बिशाल लक्ष्यको दवाबमा रोकिएको थियो

अमिनुदिन राम्लीले १८ बलमा पाँच छक्का र एक चौका प्रहार गर्दै सर्वाधिक ४१ रन लिएका थिए सन्दिप लामिछाने, डेब्युटेन्ट कमल सिँह ऐरि र सोमपाल कामीले ३३ विकेट लिएका थिए सन्दिपले प्रतियोगितामा सर्वाधिक ११ विकेट लिइसकेका छन् सोमपालको नाममा पाँच विकेट रहेको छ      

यसअघि करणले धुवाधार ब्याटिङ्ग गर्दै १३ बलमा सात बिशाल छक्का प्रहार गर्दै ४५ रन जोडेपछि नेपालले आफ्नो ट्वान्टी ट्वान्टी अन्तर्राष्ट्रिय इतिहासकै दोश्रो सर्वाधिक योगफल बनायो

नेपालको ट्वान्टी ट्वान्टी अन्तर्राष्ट्रिय इतिहासमा सर्वाधिक ठूलो योगफल भुटानबिरुद्ध १३ औं दक्षिण एसियाली खेलकुदमा बनाएको २ सय ३६ रन हो

करणले बिष्फोटक पारी खेल्दै कुशल मल्ल (१० बलमा १९ रन) सँग २३ बलमा ६६ रन जोड्नु अघि अन्य ब्याट्स्म्यानहरुले पनि उल्लेखनीय योगदान दिदा नेपाल बिशाल योगफल बनाउन सफल भएको थियो

पहिलो विकेटका लागि कुशल भुर्तेल (१६) र आसिफ शेखले ३३ रन जोडेपछि कप्तान ज्ञानेन्द्र मल्लले नेपालको बिशाल स्कोरको आधार खडा गरेका थिए आसिफसँग ७३ रनको साझेदारी गरेका ज्ञानेन्द्रले चार छक्का र एक चौकाको मद्दतमा २५ बलमा ४१ रन बनाएका थिए

आसिफले ३२ बलमा ४२ रन बनाएका उनले तीन चौका र तीन छक्का हिर्काए यसअघि नेदरल्याण्ड्सबिरुद्धको खेलमा आफ्नो पहिलो ट्वान्टी ट्वान्टी अन्तर्राष्ट्रिय अद्र्धशतक प्रहार गरेका दिपेन्द्र सिँह ऐरिले पनि छरितो रुपमा रन बटुल्दै १७ बलमा ३३ रन बनाए उनले पाँच चौका र एक छक्का हिर्काए

नेपालको इनिङ्गस सुस्त हुदै गर्दा करणले अविश्वसनीय पारी खेलेका थिए उनले १८ औं ओभरमा धिभेन्द्रन मोगनलाई एकै ओभरमा चार छक्का प्रहार गरेका थिए १९ औं ओभरमा मुहम्मद वफिकलाई कुशल मल्लले दुई र करणले एक छक्का प्रहार गरेका थिए

सैयद अजिजको बलमा करण थर्ड म्यानमा अनवर रहमानको उत्कृष्ट डाइभिङ्ग क्याचमा रनआउट भएका थिए अजिजले अन्तिम ओभरमा सोमपाललाई पनि आउट गर्दै मात्र चार रन खर्चिएका थिए

Continue Reading

Headline

करण केसीले १३ बलमै ४५ रन ठोकेपछि नेपालको मलेसियाबिरुद्ध बिशाल योगफल

wesportz

Published

on

करण केसीको आक्रमक ब्याटिङ्गसँगै नेपालले ट्वान्टी ट्वान्टी अन्तर्राष्ट्रियमा आफ्नो दोश्रो सर्वाधिक ठूलो योगफल बनाएको छ ।

त्रिवि मैदानमा जारी त्रिदेशीय ट्वान्टी ट्वान्टी अन्तर्राष्ट्रिय श्रृंखलामा करण १३ बलमा सात बिशाल छक्का प्रहार गर्दै ४५ रन जोडेपछि नेपालले मलेसियालाई ७ विकेटको क्षतिमा २ सय १७ रन प्रहार गरेको छ ।

नेपालको ट्वान्टी ट्वान्टी अन्तर्राष्ट्रिय इतिहासमा सर्वाधिक ठूलो योगफल भुटानबिरुद्ध १३ औं दक्षिण एसियाली खेलकुदमा बनाएको २ सय ३६ रन हो ।

करणले बिष्फोटक पारी खेल्दै कुशल मल्लसँग २३ बलमा ६६ रन जोड्नु अघि अन्य ब्याट्स्म्यानहरुले पनि उल्लेखनीय योगदान दिदा नेपाल बिशाल योगफल बनाउन सफल भएको थियो ।

पहिलो विकेटका लागि कुशल भुर्तेल (१६) र आसिफ शेखले ३३ रन जोडेपछि कप्तान ज्ञानेन्द्र मल्लले नेपालको बिशाल स्कोरको आधार खडा गरेका थिए । आसिफसँग ७३ रनको साझेदारी गरेका ज्ञानेन्द्रले चार छक्का र एक चौकाको मद्दतमा २५ बलमा ४१ रन बनाएका थिए ।

आसिफले ३२ बलमा ४२ रन बनाएका । उनले तीन चौका र तीन छक्का हिर्काए । नेपालको इनिङ्गस सुस्त हुदै गर्दा करणले अविश्वसनीय पारी खेलेका थिए । उनले १८ औं ओभरमा धिभेन्द्रन मोगनलाई एकै ओभरमा चार छक्का प्रहार गरेका थिए । १९ औं ओभरमा मुहम्मद वफिकलाई कुशल मल्लले दुई र करणले एक छक्का प्रहार गरेका थिए ।

सैयद अजिजको बलमा करण थर्ड म्यानमा अनवर रहमानको उत्कृष्ट डाइभिङ्ग क्याचमा रनआउट भएका थिए । अजिजले अन्तिम ओभरमा सोमपाल कामीलाई पनि आउट गर्दै मात्र चार रन खर्चिएका थिए ।

Continue Reading
Headline51 mins ago

मेस्सीको दुई गोलमा बार्सिलोनाको फराकिलो जित

अन्तर्राष्ट्रिय9 hours ago

पडिक्कलको पहिलो आईपीएल शतकमा बेंगलोरको लगातार चौथों जित

Headline16 hours ago

नेपालद्वारा मलेसिया ६९ रनको बिशाल अन्तरले पराजित

Headline18 hours ago

करण केसीले १३ बलमै ४५ रन ठोकेपछि नेपालको मलेसियाबिरुद्ध बिशाल योगफल

Headline19 hours ago

दिपेन्द्र, कुशल र आसिफलाई माइ सेकेण्ड टिचरको साथ

Headline20 hours ago

कमल सिँह ऐरिले पाए नेपालको लागि ट्वान्टी ट्वान्टी अन्तर्राष्ट्रिय डेब्युको मौका

Headline21 hours ago

रोनाल्डो फर्कदा युभेन्टसको जित, इन्टर बराबरीले पनि मजबुत

Headline23 hours ago

नेपाल मलेसिया भिड्दै गर्दा सन्दिपको १ सयौं टि ट्वान्टी, कुशल अर्को किर्तिमान नजिक

Headline1 day ago

जर्मन बुन्डेसलिगाः रेलिगेसन सहन नसकेपछि साल्के खेलाडीहरुमाथि आक्रमण, अण्डा प्रहार

Headline1 day ago

अर्को जितपछि ग्वार्डियोलाले भने सुपर लिग एउटा समाप्त अध्याय

Headline4 months ago

१० फुटबलर जसले बार्सिलोना जान मानेनन्

Headline7 months ago

धेरै ऋणको भारी बोकेका पाँच युरोपेली क्लबहरु

Headline12 months ago

ब्राजिलले पाएको अहिलेसम्मकै उत्कृष्ट १० फुटबलर

Headline7 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline11 months ago

ट्रान्सफर मार्फत सर्वाधिक कमाउने ५ खेलाडी

Headline6 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline6 months ago

फेरि पनि टिममा अटाएनन् स्ट्राइकर बिमल

Headline10 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline8 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending

error: Content is protected !!