Connect with us

Headline

ब्राजिलले पाएको अहिलेसम्मकै उत्कृष्ट १० फुटबलर

Published

on

ब्राजिललाई फुटबलको मेक्का मानिने गरिन्छ । दशकौंदेखि विश्व स्तरीय खेलाडी जन्माउदै आएको ब्राजिलले पेले देखी गारिन्चा र रोनाल्डो देखी काका सम्मका चम्किला फुटबलर पाइसकेको छ । अन्य देशहरु जस्तै इटाली, जर्मनी, अर्जेन्टिनाले पनि विश्व स्तरीय खेलाडी नपाउने हैन तर ईतिहास र वर्तमान दुबैलाई नियाल्ने हो भने ब्राजिलियन खेलाडीको तुलनामा ती फिक्का हुन्छन् । हरेक बर्ष ब्राजिलमा एक न एक खेलाडी स्टारको रुपमा अघि आउने गर्छ । कोही यसै बिलाउने गर्छन भने कोहि इतिहासको पानामा छाप छोडेर जान्छन् ।

एक जमानामा खेलाडीमात्र हैन एउटा सिंँगो ब्राजिलियन टिमलाइ स्टार मान्ने गरिन्थ्यो । १९५८, १९७० र १९८२ को ब्राजिलियन राष्ट्रिय टोलीलाई फुटबल ईतिहासकै अब्बल टोली मानिएको थियो । १९९४ र २००२ को विश्वकप बिजेता टोली पनि कम भने आँकिएको थिएन ।

तर पाँच पटक विश्व बिजेता बन्न सफल ब्राजिलियन टोलीका अहिलेसम्मका १० बिश्वस्तरीय खेलाडी को होलान त ?

१०. गेर्सन

१९७० का बिश्वकप बिजेता गेर्सन ब्राजिलले पाएको अहिले सम्मका उत्कृष्ट मिडफिल्डर हुन् । गेर्सनलाई ब्राजिलियन फुटबल ईतिहासमा गोल्डेन लेफ्ट फुट पनि भनिने गरिन्छ । उनको पासिङ एकुरेसी निकै उत्कृष्ट मानिने गरिन्थ्यो । १९५९ म फ्लेमिङ्गोबाट करिअर शुरु गरेका गेर्सन १९६० मै ब्राजिलियन ओलम्पिक टोलीमा स्थान बनाउन सफल भएका थिए । यस्तै १९७० मा बिश्वकप बिजेता भएपछि उनलाई थुप्रै युरोपियन क्लबले भित्र्याउन चाहे पनि घरेलु लिगमै बसेका थिए ।

९. रोनाल्डिन्हो

ब्राजिलले २००२ को बिश्वकप जित्दाका प्रमुख खेलाडी समेत रहेका रोनाल्डिन्होेले आफ्नो करिअरमा खेलेका सबै प्रतियोगिता जित्न सफल भएका थिए। देशका लागि मात्र हैन क्लबमा पनि थुप्रै नाम कमाएका रोनल्डिन्होेले युरोपमा खेलको जादु देखाउन सफल भएका थिए । २००४ र २००५ मा फिफा बर्ष खेलाडी घोषित उनले ब्राजिलका लागि ९४ खेल खेलेका थिए ।

८. रोबर्टाे फाल्काओ

१९८२ को बिश्वकप इटालीले जितेपनि रोबर्टो फाल्काओको प्रदर्शन भने ब्राजिलका लागि उत्कृष्ट रहेको थियो । आफूले खेलेका धेरै प्रतियोगिताहरु नजिते पनि फाल्काओको खेलको सधैं प्रशंसा हुने गथ्र्यो । उनलाई बक्स टु बक्स मिडफिल्ड खेल्ने पहिलो खेलाडीको रुपमा पनि चिनिने गरिन्छ । इटालियन टोली एएस रोमाका लागि खेलेका फाल्काओले ब्राजिलको खेल्ने तरिकामा धेरै फरक परेका थिए ।

७. रोमारीयो

रोमारियोले १९९४ विश्वकपकोको गोल्डेन बल जितेका थिए । रोमारियोलाई बिश्व फुटबल इतिहासकै उत्कृष्ट मध्ये एक खेलाडीको रुपमा लिने गरिन्छ । एउटै विश्वकपमा पाँच गोल गरेका रोमेरियोलाई अहिले पनि धेरै ब्राजिलियन आफ्नो रोल मोडल मान्ने गर्छन् । ब्राजिलका लागि ७० खेल मात्र खेल्दै ५५ गोल गर्न सफल रोमेरियो फुटबलका लागि उपहार भएको ब्राजिलियनहरु मान्ने गर्छन् । डच क्लब पिएसभी आइन्डहोभनमा खेलेका रोमेरियोले त्यहा पनि १ सय ४० खेल खेल्दै १ सय २८ गोल गरेका थिए।

६. जर्जिन्हो

१९७० मा ब्राजिलले तेस्रो बिश्वकप जित्दाका प्रमुख खेलाडी थिए जर्जिन्हो । सेन्ट्रल फर्वार्डबाट राइट विङ तिर सरेका उनले त्यही स्थानबाट खेल्दै धेरै प्रतियोगिता जित्न सफल भएका थिए । क्लब फुटबलमा दक्षिण अमेरिका बाहिर नगएका जर्जिन्होले आफ्नो व्यवसायिक करिअर बोलिभिया, पेरु र भेनेजुएलामै खेलेर बिताएका थिए । ब्राजिलका लागि ८१ खेल खेलेका उनले ३३ गोल गरेका थिए।

५. सोक्रेटिस

२०११ मा निधन भएका सोक्रेटिसले ब्राजिलियन फुटबलमा एक अलग छाप छोडेका थिए । ६ फुट तीन इन्च अग्ला उनले ब्राजिलियन मिडफिल्डलाई आधुनिक फुटबलतर्फ अग्रसर गराएका थिए । आफ्नो कला र उत्कृष्ट खेल कौशलका कारण उनको समर्थकहरु धेरै थिए । व्यवसायिक खेल जीवन ब्राजिलियन लिगमै बिताएका उनले ब्राजिलका लागि ६० खेलमा २२ गोल गरेका थिए ।

४. जिको

१९८२ मा ब्राजिलको डायमण्ड जेनेरेसन मानिने टोलीका एक अँग थिए जिको । १८ बर्षको उमेरमै दक्षिण अमेरिकाको प्रतिष्ठित प्रतियोगिता कोपा लिबेराटोडेरोसमा जादुमयी खेल देखाएपछि जिको सिधै ब्राजिलको राष्ट्रिय टोलीमा प्रवेश गरेका थिए । रुबो नेग्रो क्लबका लागि ८०० खेल खेल्दै ५०० गोल गरेका जिकोले दुई कोपा लिबेराटोडेरोसको उपाधी जिताएका थिए । १६ बर्ष एकै क्लबमा खेल्दै जिकोले आफ्नो समर्थकहरुलाई कहिल्यै पनि निरास हुन दिएनन् । उनलाई फुटबलले पाएको अहिलेसम्मकै उत्कृष्ट मिडफिल्डर मान्ने गरिन्छ ।

३. रोनाल्डो

अहिले पनि धेरै फुटबल बिश्लेषकहरु रोनाल्डोले घुँडामा चोट बोक्नु नपरेको भए फुटबललाई परिवर्तन गर्ने थिए भनेर मान्छन् । २१ बर्षको उमेरमै फ्रान्समा बिश्वकप खेल्न पुगेका रोनाल्डोले आफ्नो खेलले सबै लाई मोहित बनाएका थिए । क्लब करिअरमा २ सय गोल गरेका रोनाल्डो दुई पटक फिफा बर्ष खेलाडी जित्न सफल भएका थिए । प्रतियोगितामा एक खेल नखेले पनि १९९४ बिश्वकप जितेका उन्ले २००२ मा भने आफै गोल गरेर ब्राजिललाई बिश्वकप जिताउन सफल भएका थिए । रोनाल्डोले ब्राजिलका लागि ९८ खेल खेल्दै ६२ गोल गरेका थिए ।

२. गारिन्चा

गारिन्चा ब्राजिलले जन्माएको उत्कृष्ट मध्येका पनि उत्कृष्ट खेलाडीमा गनिन्छन् । विश्वास लाग्न गाह्रो हुन्छ होला तर १९६६ मा गारिन्चाले ५० खेल खेलेपछि मात्र पहिलो हारको नमिठो स्वाद चाखेका थिए । हङेरीसँग हारेको त्यो खेलमा पेले भने खेलेका थिएनन् । गारिन्चा र पेले खेलेको खेलमा ब्राजिलियन राष्ट्रिय टोलीले एक खेल पनि पराजिय भोग्नु परेको थिएन । १९५८ को बिश्वकप बिजेता गारिन्चाले ब्राजिलियन मिडफिल्डको पूर्ण क्षेत्र आँफै सम्हाल्ने गर्थे ।

१. पेले

फुटबलमा धेरै बहस हुने गर्छन् तर पेले विश्वले पाएको अहिले सम्मको उत्कृष्ट खेलाडी हुन् भन्ने बिषयमा भने कसैलाई शंका हुने गर्दैन । पेलेलाई आहिले सम्मको पूर्ण फुटबलरको रुपमा हेरिने गरिन्छ । १७ बर्षको उमरमै १९५८ को बिश्वकपमा आफूलाई साबित गरेका पेलेले तीन बिश्वकप उपाधि जितेका छन् । गारिन्चा र जर्जिन्होसँग खेल्दै पेलेले राष्ट्रिय टोलीका लागि ९२ खेलमा ७७ गोल गरेका थिए । क्लब करिअरमा सान्टोस र न्युयोर्क कसमसमा खेलेका उनले ६९४ गोल गरेका थिए ।

Click to comment

Leave a Reply

Your email address will not be published. Required fields are marked *

Headline

टियुमा पहिलो जित हात पार्दा नेपाल क्लिन स्विप हुनबाट बच्यो  

Published

on

टियु क्रिकेट मैदानमा नेपाली राष्ट्रिय महिला टोलीले पहिलो जित दर्ता गराएको छ । युगान्डा विरुद्धको शृंखला अन्तर्गत चौथो खेलमा नेपालले १५ रनको जित हात पारेको हो । पाँच खेलको शृंखलामा ३-० ले पछि पर्दै शृंखला गुमाइसकेको नेपालले चौथो खेल जित्दै शृंखला ३-१ को अवस्था पुर्याएको छ भने क्लिन स्विप हुनबाट पनि बचेको छ ।   

खेलमा टस जितेर पहिले ब्याटिङ गरेको नेपालले १७ दशमलब पाँच ओभरमा खेल्दै आफ्ना सबै विकेट गुमाएर ९७ रन जोड्न सके पनि युगान्डाले पुरै १८ ओभर खेल्दै आठ विकेट गुमाएर ८२ रन मात्र बनाउन सक्यो । ढिला गरेर सुरु हुँदा खेल १८ ओभर प्रति टोलीमा घटाइएको थियो ।

युगान्डालाई रोक्ने क्रममा आजको खेलमा नेपालको लागि डेब्यु गरेकी हिरनमयी रोयले सर्वाधिक दुई विकेट हात पारिन् भने अस्मिना कर्माचार्य, रुबिना क्षेत्री र कविता कुँवरले समान १-१ विकेट आफ्नो नाममा दर्ता गराए । खेलको प्लेयर अफ द म्याच घोषित रोयले तीन ओभरमा ११ रन खर्चिन् । त्यस्तै अस्मिनाले दुई ओभरमा ६ रन दिँदा रुबिनाले चार ओभरमा १६ तथा कविताले तीन ओभरमा १७ रन खर्चिन पुगे ।     

 यस अघि नेपालको लागि विकेट किपर तथा ओपनर ज्योति पाण्डेले १३ बलमा सर्वाधिक १७, बिन्दु रावलले १६ तथा सिता राना मगरले ११ रनको पारी खेले भने अन्य कुनै पनि ब्याटरले दोहोरो अंकमा रन निकाल्न सकेनन् ।

नेपालका अन्य ब्याटरमा डली भट्ट, कविता कुँवर र अस्मिना कर्माचार्यले समान ६-६ रन जोडे भने, अप्सरी बेगमले चार, सरिता मगरले दुई, रुबिना क्षेत्री र इन्दु वर्माले १-१ रन भन्दा निकाल्न सकेनन् ।

 युगान्डाकी जानेट एमबाबाजीले सर्वाधिक २१ रन जोडिन् भने अन्यले उल्लेख्य योगदान दिन सकेनन् । यस अघि कोन्सी अवेकोले तीन तथा साराह अकिटेङले दुई विकेट निकाल्दा नेपाल सामान्य योगफलमा नै रोकिएको थियो ।   


  

Continue Reading

Headline

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Published

on

पूर्व कप्तान विराट कोहलीको अर्धशतक र ग्लेन म्याक्सवेलको आक्रामक पारीको मद्दतमा बेंगलोरले शीर्ष स्थानको गुजरात टाइटान्स माथि आठ विकेटको सहज जित हात पारेको छ ।

जितसँगै बेंगलोर इन्डियन प्रिमियर लिग (आईपीएल) को अंक तालिकाको चौथो स्थानमा उक्लिएको छ । बेंगलोरले आजको खेलमा जित निकाले पनि उसले प्लेअफमा स्थान भने पक्का गर्न सकेको छैन । बेंगलोर भन्दा एक खेल कम खेलेको दिल्ली क्यापिटल्सले आफ्नो अन्तिम खेलमा हारको सामना गरेको खण्डमा मात्र बेंगलोरले प्लेअफमा स्थान बनाउन सक्ने छ । दिल्लीले आफ्नो अन्तिम खेलमा मुम्बईलाई पराजित गरेको खण्डमा प्लेअफमा पुग्ने छ भने हारको सामना गर्दा बेंगलोरको भाग्य चम्कने छ ।

आजको खेलमा बेंगलोरले जित निकाल्दा पन्जाब किंग्स र सनराइजर्स हैदराबाद एक खेल अगावै प्लेअफको दौडबाट बाहिरिन पुगेका छन् । मुम्बई, चेन्नाई र कोलकाताले यस अघि नै समुह चरण पार गर्न सकेनन् भने गुजरात र लखनउले प्लेअफको टिकट काटिसकेका छन् ।  

गुजरातले दिएको १६९ रनको चुनौतिपूर्ण लक्ष्य बेंगलोरले आठ बल अगावै दुई विकेट गुमाएर जित हात पार्यो ।

बेंगलोरको जितमा खेलको प्लेयर अफ द म्याच घोषित विराट कोहलीले रशिद खानको बलमा आउट हुनु अघि ५४ बल खेल्दै आठ चौका र दुई छक्काको मद्दतमा सर्वाधिक ७३ रन बनाए भने कप्तान फाफ डु प्लेसिसले ४४ तथा अविजित रहेका ग्लेन म्याक्सवेलले १८ बलमा ४० रनको आक्रामक पारी खेले ।

गुजरातका रशिद खानले सर्वाधिक दुई विकेट आफ्नो नाममा दर्ता गराए ।      

यस अघि खेलमा टस जितेर पहिले ब्याटिङ गरेको गुजरातले ओभरमा पाँच विकेट गुमाएर १६८ रनको चुनौतिपूर्ण योगफल बनायो ।

सामान्य सुरुवात गरेको गुजरातको लागि अविजित रहेका कप्तान हार्दिक पान्ड्याले सर्वाधिक ६२ रनको पारी खेले । ४७ बलको सामना गरेका पान्ड्याले चार चौका र तीन छक्का प्रहार गरे । 

पान्ड्या बाहेक गुजरातको लागि डेविड मिलरले ३४, विकेट किपर रिद्दिमन साहले ३१ तथा अविजित रहेका रशिद खानले ६ बलमा १९ रनको योगदान दिए । त्यस बाहेक ओपनर शुबमन गिल एक, म्याथ्यु वेड १६ तथा राहुल टेवाटिया दुई रन बनाएर आउट भए ।

बेंगलोरका जश हेजलउडले सर्वाधिक दुई विकेट हात पार्दा ग्लेन म्याक्सवेल र वानिन्दु हसरंगाले समान १-१ विकेट आफ्नो नाममा दर्ता गराए । 

Continue Reading

Headline

रोहितलाई उपकप्तानको जिम्मेवारी 

Published

on

मध्यक्रमका ब्याटर रोहित कुमार पौडेल यु१९ टोलीका उपकप्तान नियुक्त भएका छन् । नेपाल क्रिकेट संघ (क्यान) ले रोहितलाई अमेरिका र स्कटल्याण्ड भ्रमणका लागि उपकप्तानको जिम्मेवारी दिएको जनाएको हो ।

क्यानले रोहितलाई विश्वकप लिग टु अन्तर्गत अमेरिका र स्कटल्याण्डमा आयोजना हुने दुई त्रिकोणात्मक शृंखलाका लागि मात्र उपकप्तानको जिम्मा दिएको हो । नेपालले जुनमा अमेरिका र जुलाईमा स्कटल्याण्डको भ्रमण गर्नेछ ।   

क्यानले तत्कालीन कप्तान ज्ञानेन्द्र मल्ल र उपकप्तान दिपेन्द्र सिंह ऐरीलाई बर्खास्त गर्दै सन्दिपलाई कप्तान नियुक्त गर्दा उपकप्तान भने राखेको थिएन । सन्दिपले कप्तानी सम्हाले पछि खाली रहँदै आएको उपकप्तानमा पहिलो पटक नेपाली टोलीले उपकप्तान पाएको छ ।  

रोहितले यस अघि यु१९ टोलीको कप्तानको जिम्मेवारी सम्हाली सकेका छन् ।

नेपालको लागि १७ एकदिवसीय र १६ ट्वान्टी ट्वान्टी -अन्तर्राष्ट्रिय खेल खेलेका रोहितले क्रमश ६२३ र २२० रन प्रहार गरेका छन् । रोहितले नेपालमा नै आयोजना भएको पपुवा न्यु गिनी विरुद्धको दुई खेलको शृंखला अन्तर्गत पहिलो एकदिवसीय खेलमा कीर्तिमानी १२६ रन बनाएका थिए । एकदिवसीयमा चार अर्धशतक र एक शतक तथा ट्वान्टी ट्वान्टीमा एक अर्धशतक प्रहार गरेका रोहित नेपालको तर्फबाट एकदिवसीयको एकै पारीमा सर्वाधिक रन बनाउने ब्याटर हुन् ।   

 

Continue Reading
Headline2 hours ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline21 hours ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 day ago

रोहितलाई उपकप्तानको जिम्मेवारी 

Headline1 day ago

घरेलु मैदानमा खेलेको पहिलो शृंखला नै गुमायो नेपालले  

Headline1 day ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline2 days ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline2 days ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline2 days ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline2 days ago

आदिल, धमला र किशोर पहिलो पटक एकदिवसीय टोली

Headline3 days ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline3 days ago

खराब फिल्डिङका कारण जित नजिक पुगेर पनि हार्यो नेपाल 

Headline3 days ago

नेपालले दियो १०२ रनको चुनौतिपूर्ण लक्ष्य 

Headline4 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline4 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline5 days ago

नेपाली महिला खेलाडीको तलबमा भारी वृद्धि  

Headline5 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline5 days ago

चेन्नाई माथि शीर्ष स्थानको गुजरातको सहज जित   

Headline6 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL6 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline6 days ago

यु१९ टोलीकी रोय पहिलो पटक राष्ट्रिय टोलीमा

Headline2 hours ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline21 hours ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 day ago

रोहितलाई उपकप्तानको जिम्मेवारी 

Headline1 day ago

घरेलु मैदानमा खेलेको पहिलो शृंखला नै गुमायो नेपालले  

Headline1 day ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline2 days ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline2 days ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline2 days ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline2 days ago

आदिल, धमला र किशोर पहिलो पटक एकदिवसीय टोली

Headline3 days ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline3 days ago

खराब फिल्डिङका कारण जित नजिक पुगेर पनि हार्यो नेपाल 

Headline3 days ago

नेपालले दियो १०२ रनको चुनौतिपूर्ण लक्ष्य 

Headline4 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline4 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline5 days ago

नेपाली महिला खेलाडीको तलबमा भारी वृद्धि  

Headline5 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline5 days ago

चेन्नाई माथि शीर्ष स्थानको गुजरातको सहज जित   

Headline6 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL6 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline6 days ago

यु१९ टोलीकी रोय पहिलो पटक राष्ट्रिय टोलीमा

Trending

error: Content is protected !!