Connect with us

Headline

अल्फोन्सो डेभिसः गृहयुद्दबाट उम्केपछि बनेका स्टार फुटबलर

wesportz

Published

on

अल्फोन्सो डेभिसलाई २०१९–२०२० सिजनको उत्कृष्ट लेफ्ट ब्याक भन्दा फरक पर्दैन । क्यानेडियन जुनियर लिगबाट अमेरिकन मेजर लिग सकर (एमएलएस) हुँदै बायर्न म्युनिखमा खेलिरहेका डेभिसले रातारात सफलता भने हात पारेका होइनन् । उनको हालसम्म तय गरेको यात्रा एक संघर्षको कथा हो । एक युवकको लागि प्रेरणादायी कथा र मानव जीवनबारे राम्रो उदाहरण ।

डेभिस नोभेम्बर २, २००० मा घानाको बुदुबुरम शरणार्र्थी शिविरमा जन्मिएका थिए । लाइबेरियाको १९९९ देखी शुरु भएको गृहयुद्ध छल्दै घानाको बुदुबुरम शिविर पुगेकी उनकी आमाले डेभिसलाई त्यही जन्म दिएकी थिइन् । शरणार्र्थी शिविरमै हुर्केका डेभिसको बाल्यकाल निकै कष्टकर रहेको थियो । कहिले दुइ छाक खान त कहिले लुगा लगाउन पनि पैसा नहुने ।

लाइबेरियाको गृहयुद्ध नरोकिने भए पछि घर बिर्सदै उनका बाबु आमा शराणार्थिकौ रुपमा क्यानडा प्रवेश गरेका थिए । त्यो समय डेभिस मात्र ५ बर्षका थिए । क्यानेडियन सरकारले राम्रो व्यवस्था गरिदिएपछि डेभिस परिवारको जीवन बिस्तारै परिवर्तन हुदै गएको थियो ।

सानै देखि फुटबलमा रुची राख्ने डेभिसले १४ बर्सको उमेर मै एमएलएस टोलि भ्यानकुभर ह्वाइटक्यापको युवा टोलीमा स्थान बनाउन सफल भएका थिए । युथ टोलीबाट खेलेको एक बर्ष नबित्दै उनी सिनियर टोलीमै स्थान बनाउन सफल भए । भ्यानकुभरमा तीन बर्ष खेलेपछि २०१८ मा उनको जीवनले नयाँ मोड लिन पुग्यो जब बायर्नले ९ दशमलव ८४ मिलियन पाउन्डमा डेभिसलाई म्युनिख भित्र्यायो ।

१८ बर्षको उमेरमै युरोपको उत्कृष्ट मध्येको लिग खेल्न पाउनु आफैमा गौरवमय कुरा थियो । “मलाई बायर्न आइपगिसक्दा पनि बिश्वास लागेको थिएन । लामो समय म कहा आइपुगेको भइरह्यो । ड्रेसिङ रुममा जब मैले आर्जेन रोबेनलाई आखा अगाडी देखे त्यसपछि त झन बिश्वास नै लाग्न छोड्यो,” डेभिस हास्दै सम्झन्छन् ।

डेभिसले बायर्नको जर्सीमा सार्वजनिक भएको तस्विर इन्स्टाग्राममा हालेपछि क्लबका प्रमुख खेलाडी म्याट हमेल्सले उनलाई फलो गरिहालेका थिए। “मैले म्याटलाई फलो गरेको थिइन । जब उनले मलाई फलो गरेको थाहा पाए मैले पनि हत्तपत्त फालो गरी हाले र उनले मेसेज पनि पठाए, त्यो पनि चाँडो भेटौला भनेर । मेरो त भुइमै खुट्टा थिएन । मैले पनि चाँडो भेटौला भनेर रिप्लाई गरे,” उनले भने ।

डेभिसले बायर्नमा राम्रो फुटबल खेलिरहेका छन् र अबको केही बर्षमा उनलाई अन्य क्लबहरु मोटो रकम तिरेर भित्र्याउन तछाड मछाड गर्नेछन् । उनको खेलले जति पूर्णता पाएको छ त्यो शायद बायर्नका अन्य कुनै युवा खेलाडीमा देखिदैन ।

उनको प्रगतिलाई लिएर बायर्न प्रशिक्षक ह्यान्स फ्लिक भन्छन्ः “डेभिसले खेलमा आफ्नो सम्पूर्ण दिन्छन् । उनको गति र क्षमता निकै प्रशंसा योग्य छ । उनलाई हामीले विङरका रुपमा क्लबमा भित्र्याएका थियौँ तर लेफ्ट ब्याकमा उनलाई दिइएको भुमिकालाई न्याय गरेका छन् ।”

च्याम्पियन्स लिगमा बायर्नले खेलेको चेल्सीसँगको अन्तिम खेलमा पनि डेभिसले उत्कृष्ट प्रदर्शन गर्दै एक असिस्टका साथ क्लिन सिट पनि राखेका थिए । डिफेन्डरको रुपमा त्यो उनको बिशेष प्रदर्शन थियो । डेभिजले सबै खाले प्रतियोगितामा स्ट्राइकर रोबर्ट लेवान्डोस्कीलाई ७ असिस्ट दिइसकेका छन्, त्यस मध्ये तीन च्याम्पियन्स लिगमा रहेको छ ।

स्ट्याम्फोर्ड ब्रिजमा गएर खेल्नु मेरो लागि सपना पुरा भए सरह हो । मेरो बुवा चेल्सी समर्थक हुनुहुन्छ र उनले समर्थन गरेको क्लबलाई हराउन पाउनु मेरो लागि रमाइलो पक्ष थियो, फेब्रुवरी २५ मा च्याम्पियन्स लिगको खेलमा चेल्सीलाई उसकै घरमा ३–० ले हराएपछि डेभिसले भनेका थिए ।

डेभिज क्यानाडाका लागि अन्तर्राष्ट्रिय फुटबल खेल्छन। १६ बर्षमै पहिलो टिममा स्थान बनाउन सफल भएका उनले क्यानडाका लागि १७ क्याप जितिसकेका छन् । उनको खेलले बायर्नका सिनियर खेलाडी थोमस मुलरलाई पनि निकै प्रभावित गरेको छ ।

“व्यक्तिगत रुपमा डेविस निकै हासो उठ्ने किसिमका छन् । तर त्यो भन्दा पनि मलाई उनको खेल्ने तरिका धेरै नै उत्कृष्ट लाग्छ । उनी भविष्यमा एक उत्कृष्ट लेफ्ट ब्याक हुने छन् भन्नेमा मलाई कुनै शंका छैन,” मुलर भन्छन् ।

१३औं दक्षिण एसियाली खेलकुद

ओलम्पिक्सको सबैभन्दा कान्छी खेलाडी जाजाको सुन्नै पर्ने कहानी

wesportz

Published

on

गर्मिको मौसम र हेन्ड जाजा १२ बर्षकी भएकै कारण पनि शनिबार उनले गरेको कृयाकलापलाई तपाई रमाइलोको रुपमा लिन सक्नु हुन्छ ।

जाजा एक भ्रमणमा थिइन् । सामान्य समयभन्दा उनी राती ढिलो सुतिरहेकी थिइन् । धेरै साथीहरुसंग घुमिरहेकी थिइन् । अथवा यस्ता मानिसहरुसंग जसको लक्ष्य र रुची एकै थियो ।
उनले आफूलाई सबैभन्दा मन पर्ने खेलमा प्रतिस्पर्धा पनि गरिन्: टेबल टेनिस ।

र यो सबै ओलम्पिक्समा भयो ।

हो । १२ बर्षिय सिरियन फुच्चीले टोकियो ओलम्पिक्समा प्रतिस्पर्धा गरिन् । बाह्र । जाजा जारी ओलम्पिक्सकी सबैभन्दा कान्छी खेलाडी हुन् र बिश्व खेलकुदको महाकुम्भ इतिहासकै सबैभन्दा पाचौं कान्छी ।

१३ बर्ष २ सय ५५ दिनमा नेपाली जलपरी गौरिका सिंह पांच बर्ष अघि ब्राजिलमा भएको रियो ओलम्पिक्समा सबैभन्दा कान्छी सहभागी थिइन् ।

कोभिड -१९ नभएको भए उनी ओलम्पिक्समा सहभागी हुंदा जम्मा ११ बर्षकी हुने थिइन् । जाजा कति बर्षकी भइन् ? उनी २००९ को जनवरी १ मा जन्मिएकी हुन् ।

तपाईसंग के बहाना छ ?

उमेरको तुलनामा अग्ली रहेकी जाजाको लागि टेबल टेनिसको टेबलबाट माथि चिहाउनु पर्ने स्थिति भने थिएन । तर उनले शनिबार सामना गरेको बिपक्षी भने उनी भन्दा तीन गुणा बढी उमेरकी थिइन् ।

जाजाकी बिपक्षी अष्ट्रेलियाकी जिया लिउ ३९ बर्षकी भइसकिन् । उनले आफ्नो छैटौं ओलम्पिक्समा सहभागिता जनाइरहेकी थिइन् ।

यो शताब्दीमा २००४ को एथेन्स ओलम्पिक्स र २००८ को बेइजिंग ओलम्पिक्स हुंदा जाजाको संसारमै अस्तित्व नै थिएन । २०१२ मा लण्डनमा ओलम्पिक्समा हुंदा उनलाई आफनो अस्तित्वको बारे ज्ञान पनि थिएन ।

लिउसंग जाजाको कुनै प्रतिस्पर्धा नै थिएन । लिउले ११-४, ११-९ र ११-५ को सोझो सेटमै जित हात पारिन् । खेलपछि आंशुले भरिएका जाजाका आखा रातो भएपनि उनको हारको चर्चा हुंदैन । कहिल्यै पनि हुने छैन ।

“मैले यो खेल जित्ने आशा गरेको थिए । मैले राम्रो खेल्ने मात्र आशा गरिरहेको थिए,” जाजाले खेलपछि भनिन् ।

एक दिन जाजाले ओलम्पिक्समा उपस्थित हुनु नै पर्याप्त रहेको भन्ने बुझ्ने छिन् । उनले एक दिन अघि सिरियाको झण्डा लिएर ओलम्पिकको उद्घाटन समारोहको परेडमा सहभागी भएकै कारण नै आफू सुत्ने रुटिनलाई बिगारेकी थिइन् । यो राम्रो कारण नै होला, होइन ?

बच्चा भएको कारण प्लेनको यात्राले निम्त्याएको समस्यासंग जुझ्न उनी संघर्ष गर्दै थिइन् । र जाजाको ओलम्पिक्समा सहभागी हुने उत्साहले सिमा नाघिसकेको पनि थियो ।

उनी धेरै रात अनिंदो भएरै बसेकी थिइन् ।

जाजा पांच बर्षको हुंदा देखि नै टेबल टेनिसमा लागेकी थिइन् । उनको दाईओबेदाले स्थानीय प्रतियोगिताको उपाधि जित्दै ट्रफि घरमा ल्याएपछि जाजालाई पनि आफ्नै उपाधि घर ल्याउने इच्छा जागेको थियो ।

टेबल टेनिस जाजाका लागि सिरियाको गृह युद्धबाट मुक्ति र मन भुलाउने माध्यम र एक किसिमको पागलपन नै भएको छ ।

उनको शहर हामा निरन्तरको बमबारीका कारण ध्वस्त भएको थियो । युद्ध र आतंकले परिवार र समुदायलाई नै प्रभावित गर्दा जाजाको लागि टेबल टेनिस सामान्य खेल नभएर आश्रय नै बनेको थियो ।

“हामी चुनौतिपूर्ण परिस्थितीमा बाचिरहेका थियौं । तर हामीले यो परिस्थितीलाई नियन्त्रण गरिरहेकोछौं । जब हामी खेल्न थाल्छौं हामी सबै कुरा बिर्सन्छौं । हामी बिश्व सामु चुनौति दिन सक्छौ भने र नै प्रशिक्षण गरिरहेको छौं । टेबल टेनिसले मलाई सबै कुरा दियो । मलाई बलियो बनायो र आत्मबिश्वास पनि दियो,” जाजा भन्छिन् ।

सिरिया टेबल टेनिसको लागि परिचित देश होइन । जाजाअघि मात्र एक खेलाडी टेबल टेनिसमा छनौट भएको छ । २०२० को शुरुवातमा जाजाले पश्चिम एसियाको छनौट चरणमा ४२ बर्षीया खेलाडीलाई हराए पछि आफ्नो स्थान बनाएको थिइन् ।

उनले एक अतिरिक्त बर्ष आफूलाई तैयार गर्नको लागि खर्चिन् । मेरो प्रदर्शन सुधारिएको छ , उनी भन्छिन् । तर यो सहज भने थिएन ।

उपयुक्त प्रशिक्षण र श्रोत पाउनु दैनिक चुनौति नै थियो । घरबाट बाहिर निक्लन पनि सुरक्षाको आवश्कता पर्ने गर्छ । सिरियामा न आकस्मिक न भविष्य सुरक्षित छ । खेल्नको लागि लगानी निश्चित र भरपर्दो पनि हुने गर्दैन ।

सिरियामा सिंगो देशलाई नै ओलम्पियनहरुको समर्थनमा केही गर्ने भन्दा अन्य धेरै चुनौतिहरु रहने गर्छन् ।

तर जाजाले हार खाइनन् । आफ्नो कथाले प्रभावित गर्न सक्ने बच्चाहरुको लागि केही भन्न चाहनु हुन्छ भन्ने बिषयमा उनलाई प्रश्न गरिएको थियो ।

पछिल्लो पांच बर्ष मैले धेरै कुराहरु अनुभव गरे, बिशेष गरि देशमा युद्ध चल्दै गर्दा । ओलम्पिक्स स्थगित हुंदा र आर्थिक सहयोग पाउन मैले धेरै संघर्ष गर्नु पर्यो । मैले यसको लागि लडाइ नै जित्नु परेको थियो । जति नै गाह्रो भए पनि तपाई आफ्नो लक्ष्यमा पुग्नका लागि लडाई लड्नु भन्ने सन्देश म दिन चाहन्छु , उनले भनिन् ।

जाजाको लक्ष्य ओलम्पिकमा फेरि फर्किएर राम्रो गर्दै बिश्व बिजेता र ओलम्पिक बिजेता बन्नु नै हो ।

“म खेल्न बन्द नै गर्दिन । टेबल टेनिस मेरो जिन्दगी हो । मैले मेरो जीवन नै टेबल टेनिसलाई दिसकेको छु । जुन दिन म प्रशिक्षण गर्दिन म बाट केही कुरा मिस भइरहेको जस्तो महसुस हुन्छ ।”

तर जाजा टेबल टेनिस बाहेक अरु धेरै कुरा पनि हुन् ।

उनी पढ्छिन्, पौडी खेल्छिन्, बास्केट खेल्छिन्, टिभिमा सिरिज हेर्छिन् र आफ्नो परिवारसंग बस्छिन् । उनी आफ्नो स्कुल मन पराउछिन् । आफ्नो भविष्यमा उनी फर्मासिस्ट र वकिल पनि हुन चाहन्छिन् ।

जाजा ओलम्पियक मार्फत सिरिया आर्मीको आक्रमण र बमबारी भएको शहरभन्दा बढी रहेको सन्देश दिएकी छिन् । उनले सिरियाको असली जनसंख्या, परिवार, सपना र अदभुत उपलब्धि हात पार्न सक्ने केटीहरु रहेको स्पष्ट पारेकी छिन् ।

एउटा सानो बच्चाको लागि यो धेरै ठूलो कुरा हो ।

यथार्थ , जाजा जम्मा १२ बर्षकी छिन् र उनले ओलम्पिक्समा प्रतिस्पर्धा गरेकी छिन् ।

जब हारको निराशाले दिएको आशु सुक्नेछ जाजाले टेबल टेनिसको सानो बोर्डबाट नै धेरै पाठ सिकाउन सफल भएको बुझ्नेछिन् ।

Continue Reading

Headline

इजरायलीसंग सामना नगर्न अल्जेरियन जुडो खेलाडीले ओलम्पिक्स त्यागे

wesportz

Published

on

अल्जेरियाका जुडो खेलाडी फेथी नुरिन इजरायली प्रतिस्पर्धी पर्नेसम्भावनालाई मध्येनजर गर्दै टोकियो ओलम्पिक्स त्यागेपछि निलम्बनमा परेका छन् ।

नुरिनले अन्तिम ३२ मा इजरायली जुडोका पोटपोल ताहरसंग सामना गर्न सक्नु पर्ने देखेपछि ओलम्पिक्समा सहभागिता नजनाउनेनिर्णय लिएका थिए । यो निर्णयपछि नुरिन र उनका प्रशिक्षक अमार बेनिख्लेफलाई अस्थायी रुपमा निलम्बन गरिएको थियो ।

अन्तर्राष्ट्रिय जुडो महासंघले अल्जेरियन खेलाडी र उनका प्रशिक्षक प्रतिबन्धमा पर्नु जायज रहेको र अब थप अन्य प्रतियोगिताहरुमा सहभागिता जनाउन बाट रोक लगाउन सक्ने बताएको छ ।

नुरिनले सोमबार पुरष ७३ केजी स्पर्धाको पहिलो चरणमा सुडानका मोहमद अब्दलरसुलको सामना गर्न गइरहेका थिए । उनले जितेको खण्डमा पहिलो चरणमा बाइ पाएका ताहरको सामना दोश्रो चरणमा गर्ने थिए ।

अल्जेरियन ओलम्पिक कमिटीले अब उनलाई टोकियोबाट घर पठाउने निर्णय लिइसकेको छ ।

नुरिनले स्पष्ट रुपमा प्यालेस्टाइनलाई राजनैतिक समर्थन गर्दै निर्णय लिएको बताएका छन् । “हामीले ओलम्पिक पुग्नका लागि धेरै मिहिनेत गरेका थियौं तर प्यालेस्टाइनको मुद्दा यो सबै कुराभन्दा ठूलो छ । यो मेरो अन्तिम निर्णय हो,” नुरिनले भनेका थिए ।

अरबी मुलुकहरुले इजरायली खेलाडीहरु बिरुद्धको कुनै पनि खेल बहिष्कार गर्ने नीति अवलम्बन गर्दै आएका छन् ।

पछिल्लो केही बर्षयता इजरायल सहभागी कुनै पनि खेल अथवा ठूलो प्रतिस्पर्धामा इरान, अल्जेरिया र लेबनन लगायतका देशहरुका खेलाडीहरुले इजरायली प्रतिद्वन्दीको सामना गर्न अस्विकार गर्दै आएका छन् ।

यसै बर्ष बिश्व बिजेता सइद मोल्लाईले इजरायली प्रतिस्पर्धीबिरुद्धको फाइनलबाट बच्न २०१९ को बिश्व जुडो च्याम्पियनसिपको सेमिफाइनलमा पराजय व्यहोर्न निर्देशन आएको बताएपछि आइजेएफले इरानलाई चार बर्षको लागि निलम्बन गरेको थियो ।

नुरिनले पनि उक्त प्रतियोगितामा ताहरको सामना गर्नुको सट्टा आफूले खेलेको खेलमा हारिदिएका थिए ।

आइजेएफले अब नुरिन र उनका प्रशिक्षकबिरुद्ध अनुसन्धान गर्नेछ भने अबका खेलहरुका लागि कस्तो प्रकृतिको निलम्बन गर्ने भन्ने बिषयमा निर्णय लिनेछ ।

Continue Reading

Headline

टोकियो ओलम्पिक्सः नेपालका दुवै खेलाडी पहिलो चरणबाटै आउट

wesportz

Published

on

Kalpana Pariyaar

टोकियो ओलम्पिक्सको पहिलो दिन नेपालका दुवै खेलाडी पहिलो चरणबाटै बाहिरिएका छन् ।

नेपालका लागि सोनिया भट्टले जुडो र कल्पना परियारले सुटिंगमा सहभागिता जनाएकी थिइन् । सोनिया रुसकी इरिना दोल्गोभासंग पराजित भएकी थिइन् ।

इरिनाले सोनियालाई इप्पोन (नकआउट) गरेकी थिइन् । नेपालले जुडोमा अहिलेसम्म पहिलो चरण पार गर्न सकेको छैन । इरिना फाइनलसम्म पुग्ने हो भने सोनियाले रिपिचेजमा अर्को मौका पाउने छिन् ।

यस्तै कल्पनाले १० मिटर एयर राइफलमा ६ सय १६ दशमलव ८ अंक प्राप्त गरिन् । ५० खेलाडी सहभागी स्पर्धामा सोनिया ४६ औं भएकी थिइन् । यो उनको व्यक्तिगत प्रदर्शनमा भने सुधार हो ।

१० मिटर एयर राइफलमै चिनले स्वर्ण जित्दै टोकियो ओलम्पिक्समा पहिलो स्वर्ण जित्ने राष्ट्र बन्यो । फाइनलमा ओलम्पिक रेकर्ड राख्दै कियान यांगले स्वर्ण जितेकी हुन् । रुसकी अनास्टासिया गालासिनाले रजत र स्विट्जरल्याण्डकी निना क्रिष्चेनले कास्य पदक प्राप्त गरिन् ।

Continue Reading
१३औं दक्षिण एसियाली खेलकुद1 hour ago

ओलम्पिक्सको सबैभन्दा कान्छी खेलाडी जाजाको सुन्नै पर्ने कहानी

Headline8 hours ago

इजरायलीसंग सामना नगर्न अल्जेरियन जुडो खेलाडीले ओलम्पिक्स त्यागे

Kalpana Pariyaar
Headline9 hours ago

टोकियो ओलम्पिक्सः नेपालका दुवै खेलाडी पहिलो चरणबाटै आउट

अन्तर्राष्ट्रिय18 hours ago

फर्नान्डो र राजपाक्साको अर्धशतकमा श्रीलंकाको सान्त्वना जित

अन्तर्राष्ट्रिय22 hours ago

बंगलादेश माथि जिम्बाब्वेको सहज जित 

Headline1 day ago

ओलम्पिक्स इतिहासका १० अविस्मरणीय क्षणहरु

Headline1 day ago

ओलम्पिक्सको भयावह नाजी परम्परा जुन अझै कायम छ

अन्तर्राष्ट्रिय2 days ago

नैम र सरकारको शतकिय साझेदारीमा बंगलादेशको जित 

Headline2 days ago

ओलम्पिक्स पुरुष फुटबलः फ्रान्सको लज्जास्पद हार

Headline3 days ago

ब्राजिलियन लेजेण्ड फोर्मिगाको सात ओलम्पिक्सको गर्विलो इतिहास

Trending

error: Content is protected !!