Connect with us

Headline

इङ्गल्याण्ड र युनाइटेडको लिगेसीले चित्त बुझेन रुनीलाई

wesportz

Published

on

एभर्टनमा जादुमयी खेल देखाएपछि सर एलेक्स फर्गुसनको नजरमा परेका १६ बर्षिय वेन रुनीलाई म्यान्चेस्टर युनाइटेडले भित्राउन त्यो समयको ठुलै रकम खर्चेको थियो । २००४ मा २५ दशमलव ६ मिलियन पाउण्डमा एभर्टनबाट युनाइटेड आएका रुनीको नाम त्यसपछि युनाइटेडको इतिहासमा सुनौलो अक्षरले लेखियो ।

युनाइटेडको रातो जर्सिमा १३ बर्ष बिताएका रुनी इङ्गलिस टिमको महत्वपूर्ण हिस्सा पनि बने । युनाईटेडका लागि ५५९ खेल खेल्दै रुनी २५३ गोलका साथ क्लब इतिहासको सर्वाधिक गोलकर्ता हुन पुगे । यस त्रममा उनले १९९६ का विश्वकप बिजेता सर बबी चार्लटनलाई पछि पारे ।

यतिमा मात्र नथामिएका रुनी इङ्गल्याण्डको लागि ५३ गोलसहित सर्वाधिक गोलकर्ता पनि रहे । रुनी कहिले पनि नेचुरल स्ट्राइकर भने थिएनन् । विश्वकप नजिते पनि इङ्गलिस फुटबलका सर्वकालीन महान खेलाडी बनेका रुनी भने सन्तुष्ट भएनन् । रुनीलाई लाग्छ उनले आफ्नो करिअरमा अझ धेरै गोल गर्नुपर्ने थियो ।

सन्डे टाइम्ससँग कुरा गर्दै रुनी भन्छन्ः “तपाईंलाई आश्चर्य लाग्ला तर म नेचुरल गोलकर्ता भने हैन । मैले कहिले आफुलाई ग्यारी लिनेकर र रुड भान निस्टलरोय जसरी हेरिन । हो, मैले युनाइटेड र इङ्गल्याण्डका लागि सर्वाधिक गोल गरेको छु । त्यो कुरामा म गर्व गर्छु तर यहाँ म भन्दा राम्रो खेलाडीहरु पनि छन् ।”

नेचुरल स्ट्राकर नभएर पनि उनि कसरी सर्वाधिक गोलकर्ता भए त ? उनी भन्छन: “मैले युनाइटेडका लागि १३ र इङ्ल्यान्डका लागि १५ बर्ष खेले । त्यो ठुलो समयमा म सँग धेरै मौका थिए त्यही कारण मैले धेरै गोल गर्न सफल भएको थिए । यस क्रममा मैले अझै धेरै गोल गर्नु पर्ने थियो ।”

३४ बर्षिय रुनी आफ्नो किर्तिमानलाई वर्तमान इङ्गल्याण्ड कप्तान ह्यारी केनले तोड्न सक्ने मान्छन् । “ह्यारी केनलाई यो रेकर्ड तोड्न धेरै समय लाग्ने छैन । उनले यो रेकर्ड तोडेको दिन मेरो लागि खुसीको दिन हुने छ ।”

क्लब जीवनमा धेरै खेल खेलेरै उनले चार्लटनको किर्तिमान भङ्ग गरेको बताउदै उनले भनेः यदी मेरो स्थानमा लियोनल मेस्सी या क्रिश्चियानो रोनाल्डो भएका भए उनीहरुलाई शायद ४–५ बर्ष पनि लाग्दैन थियो होला ।

Headline

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

wesportz

Published

on

टोकियो ओलम्पिक्स अन्तर्गत सुपर हेभिवेट क्वार्टर फाइनल फाइटमा रेफ्रिले आफूलाई अयोग्य घोषित गरिदिएको बिरोधमा एक फ्रेञ्च बक्सरले एक घण्टा रिंगमै बसेर धर्ना दिएका छन् ।

२६ बर्षिय मुराद एलिएभलाई ब्रिटिस बक्सर फ्रेजर क्लार्कबिरुद्धको खेलमा रेफ्रि एण्डी मुस्टाचियोले चार सेकेण्ड बाकी रहेको स्थितिमा जानाजान टाउकोले हानेको भन्दै अयोग्य ठहराएका थिए ।

रेफ्रिको निर्णय आउने बित्तिकै उनी मुस्टाचियोलाई संकेत गर्दै चिच्याउन थालेका थिए । त्यसपछि उनले आफ्नो माउथ गार्ड निकाल्दै लातले हानेका थिए भने निरन्तर चिच्याईरहे। त्यसपछि क्लार्क तर्फ अघि बढ्दै उनले “मैले जितेको हो, मैले जितेको हो” भन्दै दाबी गर्दै थिए ।

दुई बक्सर केही क्षणको लागि भिड्न लागेको जस्तो स्थिति सृजना भएपनि पछि तल झरेका थिए । क्लार्कलाई औपचारिक रुपमै बिजेता घोषणा गरेपछि एलिएभ एउटा टेलिभिजनको क्यामेरा समात्दै लेन्सतर्फ हातले “नाई, नाई” भन्दै इशारा गरिरहेका थिए ।

दुई बक्सरले हात मिलाएपनि एलिएभ भने असन्तुष्टि व्यक्त गर्दै रिंग भित्रै धर्ना दिएर बस्न थाले । आधा घण्टा क्यानभासमै बसेपनि उनी आफ्नो फ्रेञ्च टिमसंग कुरा गर्न गए र १५ मिनेटपटि फर्किएर फेरि अर्को आधा घण्टा धर्ना दिए ।

पहिलो चरण आफ्नो पक्षमा पारेका एलिएभले आफूलाई रेफ्रिले अयोग्य हुन सक्ने चेतावनी नै नदिएको बताएका छन् । उनले यसअघि क्लार्कलाई जुन ८ मा भएको खेलमा अंकमै पराजित गरेका थिए ।

Continue Reading

Headline

लोकाटोलीलाई युभेन्टस भित्र्याउनेमा नेदभेद बिश्वस्त

wesportz

Published

on

इटालियन सिरी आ महारथी युभेन्टस सासुलोलाई उपयुक्त प्रस्ताव राख्दै घरेलु मिडफिल्डर म्यानुएल लोकाटोलीलाई भित्र्याउनेमा बिश्वस्त रहेको छ ।

युरो कप अन्तर्गत स्विट्जरल्याण्डबिरुद्धको जितमा २३ बर्षिय लोकाटेली चोटग्रस्त मार्को भेराट्टीको स्थानमा खेल्दै दुई गोल गर्न सफल भएपछि एक्कासी चर्चामा आएका थिए ।

“हामी लोकाटेली चाहन्छौं र उनलाई पनि हामी । मलाई लाग्छ हामीले राखेको प्रस्ताव सासुलालाई चित्त बुझ्नेछ,” युभेन्टसका निर्देशक तथा चेक रिपब्लिक लेजेण्ड पाभेल नेदभेदले भने । युभेन्टस प्रशिक्षक मासिमिलियनो एलेग्री लोकाटेली चाहन्छन् भने पुर्व एसि मिलान खेलाडीपनि आफ्नो चलनचल्तीको मुल्य (४० मिलियन युरो) भन्दा कममा आबद्द हुन इच्छुक छन् ।

“कोभिड १९ को हालको परिस्थितिलाई मध्येनजर गर्दै हामीलेसासुलोलाई सबैभन्दा उपयुक्त प्रस्ताव राखेका छौं । हामी आत्मबिश्वासका साथ प्रतिक्षा गरिरहेको छौं र उनलाई युभेन्टस ल्याउन चाहन्छौं,” नेदभेदले भने ।

Continue Reading

Headline

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

wesportz

Published

on

एस्टन भिल्ला मिडफिल्डर ज्याक ग्रिलिसलाई ब्रिटिस ट्रान्सफर इतिहासको किर्तिमानी रकममा भित्र्याउन म्यानचेस्टर सिटीले प्रस्ताव राखेको छ ।

सिटीले २५ बर्षिय भिल्ला कप्तान ग्रिलिसलाई१ सय मिलियन पाउण्डमा क्लब भित्र्याउन गृहकार्य अघि बढाएको हो । यो ब्रिटिस फुटबलमा सबैभन्दा बढी रकमको ट्रान्सफर रकम हो ।

दुई प्रिमियर लिग क्लबहरु लामो समयदेखि यो ट्रान्सफरलाई लिएर छलफल गर्दै आएका छन् । सिटी व्यवस्थापक पेप ग्वार्डियोलाको प्रमुख लक्ष्य नै ग्रिलिस भित्र्याउनु रहेको छ ।

अर्को साता देखि शुरु हुने प्रि सिजन अघि नै ग्वार्डियोलाले सिटीलाई प्रस्ताव राख्न लगाउदै आफ्नो आशय स्पष्ट पारेको हो ।

यो सम्झौता हुने हो भने ग्रिलिस ब्रिटिस क्लब इतिहासमा सबैभन्दा महंगा ट्रान्सफरमा अनुबन्धित हुने खेलाडी बन्ने छन् । हालसम्म कुनै पनि इंगलिस क्लबले सबैभन्दा बढी तिरेको रकम पउल पोग्बाका लागि हो ।

२०१६ मा पोग्बा युभेन्टसबाट म्यानचेस्टर युनाइटेड आउदा उसले ८९ मिलियन पाउण्ड तिरेको थियो । सबैभन्दा बढी रकम तिर्नेशिर्ष तीनमै युनाइटेड रहेको छ । युनाइटेडले अर्का बेलायती खेलाडी ह्यारी मग्वायरका लागि ७८ मिलियन र बेल्जियन स्ट्राइकर रोमेलु लकाकुकालागि ७५ मिलियन पाउण्ड तिरेको थियो ।

मग्वायर हाल सबैभन्दा महंगा डिफेण्डर पनि हुन् । त्यसअघि डच अन्तर्राष्ट्रिय भर्जिल भान डाइकलाई लिभरपुलले ७५ मिलियन पाउण्ड तिरेको थियो ।

सिटीले भने अनुरुपको पैसा तिरेको खण्डमा ग्रिलिस फुटबल इतिहासकै सबैभन्दा नवौं महंगा खेलाडी पनि बन्नेछन् ।

Continue Reading
Headline8 hours ago

ओलम्पिक्सः रेफ्रिको निर्णयको बिरोधमा फ्रेञ्च बक्सर एक घण्टा रिंग भित्रै धर्नामा

राष्ट्रिय10 hours ago

दुई महिना पछिलाई सर्यो लिग, विजेताले ७५ लाख पाउने 

Headline15 hours ago

लोकाटोलीलाई युभेन्टस भित्र्याउनेमा नेदभेद बिश्वस्त

अन्तर्राष्ट्रिय19 hours ago

हफिजले किफायती बलिङ र कप्तान बाबरको अर्धशतकमा पाकिस्तानको रोमान्चक जित 

अन्तर्राष्ट्रिय1 day ago

डिकवेला, मेन्डिस र गुनथिलकालाई एक वर्षको प्रतिबन्ध 

Headline2 days ago

ग्रिलिसलाई इंगलिस फुटबलकै महंगो ट्रान्सफरमा भित्र्याउदै सिटी

अन्तर्राष्ट्रिय2 days ago

स्टोक्सको अनिश्चित समयका लागि क्रिकेटबाट बिश्राम 

राष्ट्रिय2 days ago

अलमुताईरी र नेम्बांग बीचको विवादमा एन्फाले मन्त्रालयको सहयोग लिने   

Headline3 days ago

नेपालको ओलम्पिक्स सहभागिता सक्कियो

अन्तर्राष्ट्रिय3 days ago

भारतको लज्जास्पद हार, श्रीलंकालाई शृंखला 

Trending

error: Content is protected !!