Connect with us

Headline

सकारात्मक सदिनाको बास्केटबलप्रति समर्पण

wesportz

Published

on

गौरव फुयाल,

सदिना श्रेष्ठ नेपाली महिला बास्केटबलसँगै हुर्किएकी हुन् । उनले नेपाली बास्केटबलमा ९ बर्ष बिताइसकेकी छिन्, कप्तानको रुपमा भने ८ बर्ष । पावर फर्वार्डको रुपमा खेल्दै आएकी सदिनाले सन् २०११ मा श्रीलकाको हम्बन्तोतामा भएको दक्षिण एसियाली बिच खेलकुदबाट नेपाली टिममा डेब्यु गरेकी थिइन् । त्यसको एक बर्ष पछि उनी नेपाली टोलीको कप्तानी सम्हाल्न पुगिन् । त्यस यता उनले फर्केर हेर्नु परेको छैन ।

चिनमा भएको एसियाली बिच खेलकुद, १७ औँ एसियाली खेल्कुद, १८ औँ एसियाली खेल्कुद, १२ औँ तथा १३ औँ दक्षिण एसियाली खेल्कुद र ग्रिसमा सम्पन्न थ्रि बाई थ्रि वल्र्ड च्याम्पियनसिपमा उनले नेपाली टोलीको नेतृत्व गरिसकेकी छिन् । नेपालमा पुरुष बास्केटबल नै आफ्नो अस्तित्वका लागि संघर्ष गरिरहेको स्थितिमा सदिनाले तय गरेको यात्रा सरल सुनिन्छ मात्रै । धरातल भने फरक छ र त्यसैले उनीमा आत्मबिश्वासको कमि छैन ।

“मैले गरेको मिहिनेत, परिश्रम र खेल प्रतिको लगावले नै म यहाँसम्म आइपुगेको हुँ,” पुर्व राष्ट्रिय महिला खेलाडी सरिला श्रेष्ठ की बहिनी सदिनाले भनिन् । सदिनालाई सरिलाकै खेलले प्रेरित गरेको थियो र यसमा उनी निकै गर्व पनि गर्छिन ।

बास्केटबल सदिनाको दोश्रो रोजाइ थियो भन्दा अहिले धेरैलाई अचम्म लाग्न सक्छ । उनी यो खेलमा पछि मात्रै तानिएकी थिइन् । “पहिला म फूटबल खेल्ने गर्थे । स्कुलमा आठ–नौँ कक्षामा पढ्ने बेला बास्केटबल खेल्न सुरु गरे उनी सम्झिन्छिन् ।

बिद्यालय स्तरमा पहिलो पटक टोलीमा त परिन् तर यसले उनलाई पूर्ण रुपमा सन्तुष्टि दिन सकेन । “पहिलो पटक म बेञ्चमै सिमित भए । फस्र्ट फाइभमा स्थान बनाउन असफल भए । बेञ्चमा बस्नुपर्दा साह्रै चित्त दुख्थ्यो । तर शायद बेञ्चमा बसेरै मैले प्रतिस्पर्धालाई राम्ररी नियाले र धेरै कुरा सिक्न पनि पाए । एक बर्षपछि मैले राष्ट्रिय खेल्ने अवसर पाए,” सदिना भन्छिन् ।

बेञ्चमा बस्दाको सकारात्मक दृष्टिकोणले नै सदिनालाई नेपाली बास्केटबलमा लामो समय टिकाएको छ । नकारात्मक सोच राखेका खेलाडीको करिअर बेञ्चबाटै टुँगिन पनि सक्छ । सदिना अहिले पनि नेपाली महिला बास्केटबलमा धेरैका लागि रोल मोडलको रुपमा रहेकी छिन् । कप्तान भएपछिको स्थितिले नै उनलाई अहिलेको सदिना बनाउदै लगेको हो ।

“खेलाडी र कप्तान भएर खेल्नुमा धेरै फरक छ जस्तो मलाई लाग्छ । टोलीका सबै सदस्यले उत्तिकै मिहिनेत र परिश्रम गरेका हुन्छन् । तर कप्तान भएर खेल्दा कर्तव्य र जिम्मेवारी बोकेर अघि बढ्न सिकिन्छ । मैले मेरो टोलीको लागि के गर्नु पर्छ र हौसला बढाइ राख्नु पर्छ भन्ने ज्ञान हुन्छ । कोर्टमा मात्र नभइ बाहिर पनि म जिम्मेवार रहनुपर्छ भन्ने कुराको भान हुन्छ,” उनी भन्छिन् ।

सदिनाको कप्तानीमा नेपालको सबैभन्दा ठूलो उपलब्धि घरमै भएको १३ औँ दक्षिण एसियाली खेल्कुदको रजत पदक हो । यस बाहेक थ्रि बाई थ्रि बिश्व च्याम्पियनसिपमा सहभागिता पनि नेपालको लागि एक्सपोजर प्राप्त गर्ने उल्लेखनीय प्रतियोगिताको रुपमा रहेको थियो ।

कुनै समय नेपाली महिला र पुरुष बास्केटबल टोलीका लागि खेल्नका लागि राम्रा अन्तर्राष्ट्रिय प्रतियोगिताहरु हुन्थे । तर अहिले नेपाली बास्केटबल अन्तर्राष्ट्रिय सहभागिताको लागि छट्पटाउने मात्र होइन घरेलु प्रतियोगिता शुन्य भएकै कारण पनि ठप्प जस्तै छ ।

निजि स्तरबाट हुदै आएको नेपाल बास्केटबल लिग पुरुषको लागि झण्डै दुई महिने कार्यक्रम भएपनि महिलाको पहिलो संस्करण एक हप्ता भित्रै सकिएको थियो । नेपाल बास्केटबल लिग आफै पनि पूर्ण रुपमा व्यवसायिक हुन अझै बाकी छ । कमाइ नै नहुने खेलमा टिकिरहन निकै गाह्रो काम हो । सदिना भने सकारात्मक सोच राखेरै यसलाई चुनौतिको रुपमा लिएर अघि बढेकी छिन् ।

“मलाई नेपालमै बस्केटबलमा केही गर्नुपर्छ भन्ने भावना छ । म पहिले नेपालमै बास्केटबललाई अघि लाने छु र मौका मिलेको खण्डमा बाहिरको लागि सोच्ने छु,” सन् २०१७  मा जर्मनीको लेपजिग युनिभर्सिटीबाट स्पोर्टस म्यानेजमेन्ट अध्ययन गरेकी सदिनाको बिचार फरक छ । उनले गत सिजनको नेपाल बास्केटबल लिगमा साउथ साइडर्स टिमलाई प्रशिक्षण दिदै नेपालको पहिलो महिला बास्केटबल प्रशिक्षक पनि बनेकी थिइन् ।

नेपालका प्रमुख शहरहरुमा बास्केटल एक प्रमुख खेल मध्ये पर्दछ । नेपाल बास्केटबल लिगको आगमनपछि यो खेल अन्य शहरहरुमा पनि बिस्तारै फैलिरहेको छ । अधिकांश कलेज वा बिद्यालयमा बास्केटबलको संरचना हुने नै गर्दछ । तर बास्केटबल त्यही समाप्त हुने गर्छ । ।

नेपाल बास्केटबल संघलाई बास्केटबल कलेज र बिद्यालयको दायराबाट माथि लान फलामको चिउरा चपाउनु सरह देखिन्छ । “सरकार र संघले बास्केटबललाई पनि प्राथमिकतामा राख्दै नयाँ खेलाडी उत्पादन गर्ने तर्फ ध्यान दिने हो भने बास्केटबलले हाम्रो क्षेत्रमा राम्रो गर्न सक्छ,” सदिनाले भनिन् ।

Headline

बुटवल लुम्बिनी नेपाल सुपर लिगको प्ले अफमा

wesportz

Published

on

सुमन लामाले एक मात्र निर्णायक गोल गरेपछि बुटवल लुम्बिनी एफसी नेपाल सुपर लिगको प्ले अफका लागि छनौट भएका छन् ।

८० औं मिनेटमा ओमालाजा करिमले निस्वार्थ भावनामा दिएको पासमा सुमनले गोल गरेपछि बुटवल लुम्बिनी धनगढी एफसीलाई पराजित गर्दै प्ले अफका लागि छनौट भयो ।

बुटवल लुम्बिनीको जितसँगै पोखरा थण्डर्सको प्ले अफ आशा समाप्त हुन पुग्यो । समना ८ अंक रहेको अवस्थामा बुटवल लुम्बिनीले पोखरालाई हेड टु हेडमा पछि पारेको हो । समुह चरणमा बुटवल लुम्बिनीले पोखरालाई २–० ले हराएको थियो ।

प्ले अफको एलिमिनेटरमा अब बुटवल लुब्निीले ललितपुर सिटी एफसीसँग खेल्नेछ । ललिपुरले यसअघि भएको आफ्नो अन्तिम लिग खेलमा बिराटनगर सिटी एफसीलाई ४–० ले पराजित गरेको थियो ।

एलिमिनेटरको बिजेताले धनगढी र काठमौं रेजर्सबीच हुने क्वालिफायरको पराजित टोलीसँग खेल्नेछ । धनगढी र काठमाडौंबीचको बिजेता सिधै फाइनलमा खेल्नेछ ।

धनगढी र काठमाडौंको समान १० अंक छ । काठमाडौंले लिग चरणको अन्तिम खेलमा आइतबार एफसी चितवनसँग खेल्नेछ ।

Continue Reading

Headline

अन्जनको २ गोल, एक असिस्टमा ललितपुर प्ले अफमा

wesportz

Published

on

अन्जन बिष्टले उत्कृष्ट प्रदर्शन गर्दै दुई गोलसहित अर्को गोलमा असिस्ट गरेपछि ललितपुर सिटी एफसी प्रतियोगितामा सनसनीपूर्ण पुनरागमन गर्दै नेपाल सुपर लिगको प्ले अफमा प्रवेश गरेको छ ।

निकै तनावपूर्ण खेलमा अन्जनले पहिलो हाफमा एक गोल गर्नुका साथै दोश्रो हाफमा एक असिस्ट र अर्को गोल थप्दै बिराटनगर सिटी एफसीमाथि ४–० फराकिलो जित दिलाउदै ललितपुरलाई प्ले अफसम्म डोर्याए । जितपछि ललितपुर ९ अंकसहित तेश्रो स्थानमा लिग चरण समाप्त गर्यो ।

हारपछि उत्कृष्ट देखिएको बिराटनगरको टोली भने बाहिरिएको छ । बिराटनगरको ७ अंक रह्यो । धनगढी एफसी र बुटवल लुम्बिनी एफसीबीच दिनको दोश्रो खेलले प्लेअफ पुग्ने अन्तिम टोलीको निक्र्यौल गर्नेछ । धनगढी यसअघि नै प्लेअफमा पुगिसकेको छ भने बुटवललाई जितको आवश्यकता रहेको छ ।

शनिबारको पहिलो खेलमा बिराटनगरले रेफ्रिको निर्णय प्रति असन्तुष्टि जनाउदै खेल बहिष्कार गर्ने निर्णय लिँदै आफ्नो खेलाडीहरु फिर्ता बोलाउदा तनाव उत्पन्न भएको थियो । ५२ औं मिनेटमा सुनिल बल बक्स भित्र लड्दा बिराटनगरको अफिसियलहरु टच लाईनमा असन्तुष्ट जनाउदै आक्रमक रुपमा प्रस्तुत भएका थिए ।

६२ औं मिनेटमा अन्जनको असिस्टमा बिमल रानाले गोल गरे लगत्तै बिराटनगरले आफ्नो खेलाडीहरुलाई फिर्ता बोलाएको थियो । यसले गर्दा खेल ७ मिनेट रोक्किएको थियो । आयोजक र एन्फा अधिकारीहरुको लामो कसरत पछि बिराटनगरले खेलाडीहरुलाई मैदान फर्काएको थियो । अन्तिम २० मिनेट बिजय धिमाल दोहोरो पहेलो कार्ड पाउदै मैदान बाहिरिएपछि बिराटनगर १० खेलाडीमा सिमित भएको थियो ।

खेल बहिष्कार गर्दै मैदान छोडेपछि बिराटनगरको बेञ्च

खेलको मुख्य आकर्षण भने अन्जन बिष्ट रहे । यसअघि धनगढीबिरुद्ध पेनाल्टी मिस गरेका अन्जनले शनिबार ३५ औं मिनेटमा सुन्दर गोल गर्दै अग्रता दिलाएका थिए । लगातार दवाब बनाइरहदा कमल श्रेष्ठले प्रहार गरेको फ्रि–किकमा दर्शनीय डाइभिङ सेभ गर्दै बिराटनगरका गोलकिपर किशोर गिरिले कर्नरका लागि पठाएका थिए । किशारले कर्नरमा नुर्लानले नजिकैबाट दिएको टचलाई रोकपनि रिबाउण्डमा अञ्जनले साइड भलिमा बललाई केही अगाडी ड्रप गराउदै गोल गरेका थिए ।

५७ औं मिनेटमा बिराटनगरले लगातार दवाब बनाउदै गर्दा सुनिल बलको कर्नरमा मनिष डाँगीको फ्रेममै रहेको हेडरलाई अर्पण कार्कीले मुस्किलले बचाएका थिए ।

६३ ओं मिनेटमा अन्जनले काउन्टर अट्याकमा राम्रो दौड लगाउदै निकालेको क्रसमा बिमल रानाले खाली पोस्टमा गोल गरेका थिए । ८१ औं मिनेटमा कमल श्रेष्ठको फ्रि–किकमा अन्जनले फ्रि–हेडरमा निकै सुन्दर गोल गरेका थिए । ९३ औं मिनेटमा नुर्लानले अर्को गोल गर्दै ललितपुरको जित फराकिलो बनाएका थिए ।

Continue Reading

Headline

नेपाल सुपर लिगः ललितपुरलाई बिराटनगरबिरुद्ध १–० को अग्रता

wesportz

Published

on

नेपाल सुपर लिग अन्तर्गत दुवै टोलीले जित्नै पर्ने खेलमा ललितपुर सिटी एफसीले बिराटनर सिटी एफसीबिरुद्ध १–० को अग्रता लिएको छ ।

अञ्जन बिष्टले गोल गरेपछि ललितपुर दिनको पहिलो खेलको पहिलो हाफमा अग्रता लिएको हो । सातौं मिनेटमा ललितपुरले पहिलो मौका गुमायो । मिक्चेन तामाङले ६ यार्ड नजिक ड्रप गरेको फ्रि–किकलाई भिलिम पोसिन्कोभिचले ट्याप गर्न सकेनन् ।

१४ औं मिनेटमा दिवाकर चौधरीको लामो क्रस ललितपुर गोलकिपर अर्पण कार्कीले फुस्काउदा आडेलाजाले टाइट एँगलमा मौका पाएका थिए तर उनले बललाई नियन्त्रणमा राखेर प्रहार गर्न सकेनन् । दुई मिनेटपछि नै बिराटनगरका गोलकिपर किशोर गिरीले नुर्लान जाहिदालाई वान भर्सेस वान स्थितिमा रोकेका थिए ।

३५ औं मिनेटमा लगातार दवाब बनाइरहदा ललितपुरलाई मार्की प्लेयर तथा कप्तान अञ्जन बिष्टलाई अग्रता दिलाएका थिए । कमल श्रेष्ठले प्रहार गरेको फ्रि–किकमा दर्शनीय डाइभिङ सेभ गर्दै कर्नरका लागि पठाएका थिए ।

किशारले कर्नरमा नुर्लानले नजिकैबाट दिएको टचलाई रोकपनि रिबाउण्डमा अञ्जनले साइड भलिमा बललाई केही अगाडी ड्रप गराउदै गोल गरेका थिए ।

Continue Reading
Headline21 mins ago

बुटवल लुम्बिनी नेपाल सुपर लिगको प्ले अफमा

Headline3 hours ago

अन्जनको २ गोल, एक असिस्टमा ललितपुर प्ले अफमा

Headline4 hours ago

नेपाल सुपर लिगः ललितपुरलाई बिराटनगरबिरुद्ध १–० को अग्रता

Headline7 hours ago

प्रिमियर लिगमा आज: चेल्सी विरुद्ध खेल्दा सिटीलाई उपाधि पक्का गर्ने मौका

Headline9 hours ago

ला लिगाको निर्णायक खेलमा बार्सा र एट्लेटिको भिड्दै

Headline10 hours ago

नेपाल सुपर लिगमा आज ‘सुपर स्याटर्डे’

Headline11 hours ago

लेस्टरलाई स्तब्ध पार्दै न्युकासल रेलिगसेनबाट जोगिन मात्र एक अंक टाढा

Headline1 day ago

नाटकीय खेलमा चितवनलाई हराउदै पोखराको प्लेअफ आशा कायम

Headline1 day ago

नेपाल सुपर लिगः पोखरा र चितवनबीचको पहिलो हाफ बराबर

राष्ट्रिय1 day ago

विश्वकप खेल्ने सपनाको सुरुवात गर्दै महिला क्रिकेट टोली

Headline5 months ago

१० फुटबलर जसले बार्सिलोना जान मानेनन्

Headline8 months ago

धेरै ऋणको भारी बोकेका पाँच युरोपेली क्लबहरु

Headline12 months ago

ब्राजिलले पाएको अहिलेसम्मकै उत्कृष्ट १० फुटबलर

Headline8 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline11 months ago

ट्रान्सफर मार्फत सर्वाधिक कमाउने ५ खेलाडी

Headline1 week ago

किरणले नियन्त्रण गुमाए, पेनाल्टी दिए, पेनाल्टी बचाए

Headline7 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline6 months ago

फेरि पनि टिममा अटाएनन् स्ट्राइकर बिमल

Headline11 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!