Connect with us

Headline

आर्मीको चर्चित अग्रपंक्तिका बीच ध्यान आकर्षित गरिरहेका बिकास

wesportz

Published

on

त्रिभुवन आर्मी क्लब जारी शहीद स्मारक ए डिभिजन लिगकै सबैभन्दा सशक्त टोलीको रुपमा अगाडी आएको छ । बिभागीय टोलीमा बिदेशी खेलाडीहरु राख्ने प्रावधान नरहे पनि यसले आर्मीलाई खासै फरक परेको छैन । आर्मी अग्रपंक्ति देखि रक्षापंक्तिसम्म निकै बलियो देखिएको छ । लामो समयदेखि पोस्ट सम्हाल्दै आएका बिकेश कुथु पनि १३ औं दक्षिण एसियाली खेलकुदका स्वर्ण बिजेता हुन् ।

बिकेशसँगै दक्षिण एसियाली खेलकुदका अर्का स्वर्ण बिजेता हुन् बिकास खवास, जो आर्मीको रक्षापक्तिंको केन्द्रमा रहने गरेका छन् । हुन त अण्डर–१४ र अण्डर–१८ को राष्ट्रिय टोलीको यात्रा तय गरिसकेका उनले साग अण्डर–२३ को पहिलो खेल देखि नै फुटबल प्रेमी माझ प्रभाव जमाउन सफल भएका थिए । साफ अण्डर–१८ च्याम्पियनसिप बिजेता बन्दा भारतलाई भुटानमा भएको फाइनलमा २–० ले पराजित गर्दाको क्षण निकै प्यारो लाग्ने उनी बताउछन् ।

१३ औँ दक्षिण एसियाली खेलकुदमा स्वर्ण जित्दा आफ्नो राइट ब्याक पोजिसनमा व्यक्तिगत र टोलीकै लागी उत्कृष्ट प्रदर्शन गर्दै सबैको आखामा पर्न सफल बिकासलाई कसरी फुटबलप्रति माया जाग्यो त ? गौरव फुयालले तयार पारेको यो सामग्रीः

फुटबलमा शुरुवात

हरेक खेलाडीको फुटबलमा लाग्दाको आफ्नै कथा हुने गर्छ । बिकासको कथा भने अली बेग्लै छ । फुटबलमा लाग्न उनलाई घरबाट कसैको प्रेरणा त मिलेन तर दाइहरु खेलेको हेर्न मोरङको हात्तिसार खेल मैदान जाने गर्थे । निकै सानो रहेकाले खेल्ने मौका नपाएका बिकास बाहिर गएको बललाई हान्दै फुटबलतर्फ आकर्षित हुन पुगे । “आमा बाबाले नि पढ्न भन्नु हुन्थ्यो । म पढ्नुका साथै खेल्न पनि थाले । एन्फामा छनोट भएपछि अहिले यहासम्म आइपुगेको छु,” उनी आफ्ना यात्राको बारे सुनाउछन् ।

आर्मीमा आगमन

मोरङ फुटबल क्लबबाट आफ्नो शुरुवाती दिन थालेका उनी दुई बर्ष देखी भने आर्मीमा अनुबन्धित भएर खेल्दै आएका छन् । नेपालको घरेलु फुटबलमा उनको सिनियर करिअर आर्मीबाटै शुरु भएको हो । भुटानमा साफ अण्डर–१८ च्याम्पियनसिप खेले लगत्तै आर्मी गएका उनलाई काकडभित्ता गोल्डकपमा मनाङबिरुद्धको फाइनलमा नबिन बस्नेतले डेब्यु गराएका थिए । डेब्यु म्याचमै उपाधि जितेका उनी म्यान अफ द म्याच पनि चुनिए । त्यसपछि उनले पछाडी फर्केर हेर्नु परेको छैन । लगातार आर्मीको सेटमा पर्न सफल उनले खेलेको पहिलो लिग (२०७५) मै उदीयमान खेलाडी पनि घोषित भएका थिए ।

आर्मीमा आए पछिका बिकास

आर्मीको टोलीले धेरै फुटबलरहरुलाई आकर्षित गर्ने गरेको छ, कतिले त यो सपना बोकेर नै खेल्न थालेका हुन्छन् । बिकास त्यो सपना नबोकेरै आफ्नो मिहिनेतले आर्मीमा स्थान बनाउने खेलाडी हुन् । आर्मीमा आएपछि आफ्नो व्यवसायिक फुटबलले गति लिएको बिश्वास गर्छन् । “आर्मीमा नियमित अभ्यास हुन्छ र सिनियर खेलाडीहरुबाट धेरै सिक्ने अवसर पनि पाइन्छ,” उनी सुनाउछन् । आफ्नो स्तरोन्नतीका लागि सिक्न र मिहिनेत गर्न उनी कहिल्यै पछि नहट्नेमा दृढ रहेका छन् ।

ठूलो टोलीबाट खेल्दाको दवाब

भरत खवास, नवयुग श्रेष्ठ र जर्ज प्रिन्स कार्की रहेको आर्मीको अग्रपंत्ति लिगकै उत्कृष्ट मध्ये पर्दछ । अन्य खेलाडीहरुले पनि लामै समय सँगै खेलेको भएरै राम्रो गर्दै आइरहेका छन् । गत सिजनको लिगमा बिकास आर्मी बलियो टोली हुँदा हुदै पनि उपाधि बिमुख हुनु पर्दाको प्लयेयिङ सेटकै खेलाडी हुन् । बलियो टोली हदा हुदै लिग नजित्दा उनलाई दवाब के हो राम्ररी थाहा छ । “दवाब त हुन्छ नै । पहिला पनि (२०७५ सालको लिगमा) हामीले राम्रो गरेका थियौं । तर पछिका खेलहरु हार्न पुग्दा उपाधि दौडबाट बाहिरिन पुगेका थियौं । पहिला पनि लिग जित्ने लक्ष्य नै लिएर हिडेका थियौं तर यस पाली हाम्रो टोलीमा अतिरिक्त जोश भएकोले लिन नै जित्न सक्छौं जस्तो लाग्छ । बिभागीय टोली भएर पनि थप दवाब हुने हो ।”

आर्मीसँगको अनुभव

कप्तान भरत, नवयुग, बिकेश र जर्ज आर्मीको टिममा ठूला नामहरु मध्ये पर्छन् । सिनियर राष्ट्रिय टिमबाटै प्रशस्त अनुभव बटुलिसकेका खेलाडीहरुको बीचमा रक्षापंक्तिमा खेल्दै आएका बिकासलाई अन्य खेलाडी सरह आफूतर्फ ध्यान आकर्षित गर्ने चुनौति पनि छ । फुटबलमा गोल गर्ने खेलाडीको वाह–वाही हुन्छ, रक्षापंक्तिको भुमिका महत्वपूर्ण रहेपनि सामान्य दर्शकले त्यसतर्फ खासै ध्यान दिदैनन् । बिकासले बिस्तारै आफूतर्फ ध्यान आकर्षित गर्दैछन् तर यसको लागि उनलाई थप एक्सपोजरको खाचो छ । तीनै ठूला नाम गरेका खेलाडीको उपस्थितिले आफू छाँयामा परेको भने उनी मान्न तयार छैनन् । “मलाई म छाँयामा परेको जस्तो लाग्दैन । खेलमा गल्ती भैहाल्यो भने पनि सिनियर दाइहरुले राम्रो हौसला प्रदान गर्ने गर्नुहुन्छ । वहाहरुको उपस्थितिले त मलाई अझै ठूलो प्रेरणा मिलेको छ ।”

फुटबलले दिएको खुशी

अण्डर–१८ साफ बिजेता बन्दा बिकासलाई भारतलाई भुटानमा सम्पन्न साफ अण्डर–१८ च्याम्पियनसिपको फाइनलमा हराउदको क्षण अहिले सम्म उनको जीवनको सबैभन्दा खुशीको क्षण हो । नेपालमा सम्पन्न १३ औ दक्षिण एसियाली खेलकुदमा भुटानबिरुद्धको फाइनलमा दशरथ रंगशालामा उनका आमा बुवा को अगाडी उपाधि जित्दाको क्षण भने उनको लागि बिशेष रहेको छ । “घरेलु दर्शकको उपस्थितिमा खेल्नुको मज्जा नै बेग्लै हुन्छ । रंगशालामा यो मन त मेरो नेपाली हो गित बज्दा आङ्ग नै सिरिङ्ग हुने गर्छ ।”

अबको सपना

बिकासको सपना त्यही हो जुन हरेक नेपाली फुटबलरले देख्ने गर्छन् । उनी सिनियर राष्ट्रिय टोलीबाट खेल्न चाहन्छन् । खेलाडीको रुपमा उनले दुई पटक उपाधि जितिसकेका छन् – साफ अण्डर १८ च्याम्पियनसिप र दक्षिण एसियाली खेलकुदमा स्वर्ण । तर दुवै उमेर समुहको प्रतियोगिता रहेको थियो । उनी राष्ट्रिय टोलीबाट डेब्युको पर्खाइमा रहेका छन् र यसको लागि उनी समर्पित भएर नै लागेका छन् ।

“मैले सिनियर राष्ट्रिय टोलीबाट त अहिले सम्म खेलेको छैन तर अबको पहिलो लक्ष्य भनेकै राष्ट्रिय टोली हो । त्यसपछि भने बहिरका लिगहरु खेल्न सक्छु र पाउछु भन्ने आशा छ । मैले धेरै मिहिनेत गर्दै राम्रो खेलेर देखाउनु पर्नेछ । आउदो विश्वकप छनोट अन्तर्गतका खेलहरुमा राष्ट्रिय टोलीमा डेब्यु गर्ने लक्ष्य लिनुपर्छ,” उनी भन्छन् ।

Headline

ग्यारेथ बेलले गरे २ सयौं करिअर गोल

wesportz

Published

on

ग्यारेथ बेलले करिअरको २ सयौं गोल गरेपछि टोटेन्ह्याम हट्स्पर लिन्जसँग ३–३ गोलको बराबरी खेल्दै युएफा युरोपा लिगको नकआउट चरणमा प्रवेश गरेको छ ।

अवे खेलमा स्पर्सलाई बराबरीका लागि दुई पेनाल्टीको आवश्यक परेको थियो जसमध्ये एकमा बेलले गोल गरेका थिए । यसै सिजन रियल म्याड्रिडबाट आफ्नो पुरानो क्लबबाट फर्केका बेलले करिअरमा आफ्नो २ सयौं गोल गर्न भ्याए ।

अष्ट्रियामा स्पर्सले निकालेको नतिजाले समुह जे बाट बेल्जियन टोली एन्टवर्प पनि अर्को चरणमा पुगेको छ । बिहिबार नै ब्रागा, एसि मिलान, लिले, भिल्लारियाल, डिनामो जाग्रेब, रेड स्टार बेलग्रेड, स्लाभिया प्राग, बायर लेभरकुसन, रेन्जर्स, बेन्फिका, ग्रानडा र पिएसभी आइन्डहोभन पनि नकआउट चरणमा प्रवेश गरेका छन् ।

लेस्टर सिटी, आर्सनल, होफेन्हाइम र एएस रोमा भने यसअघि नै अन्तिम ३२ का लागि छनोट भइसकेका छन् ।

लिन्जमा घरेलु टोलीले पहिलो हाफमा दबदबा कायम राखेपनि पिटर मिकोर्लले एक मात्र गोल गरेका थिए । स्पर्सले ह्याण्डबलमा पेनाल्टी पायो र त्यसमा बेलले गोल गरे । सन हिउङ–मिनले ५६ औं मिनेटमा काउन्डर अट्याकमा गोल गर्दै स्पर्सलाई अग्रता दिलाए तर ८४ औं मिनेटमा होजे माउरिन्होले रक्षात्मक रणनीति अपनाए पनि बराबरी गोल गर्न सफल भए ।

तीन मिनेटपछि नै स्टेभन बर्गविनमाथि फउल भएपछि प्राप्त पेनाल्टीलाई डेलि अलिले गोलमा परिणत गरे । स्पर्सले खेल आफ्नो पक्षमा गइसकेको सोच्दै गर्दा अतिरिक्त समयमा ममोदोउ कारामोकोले बराबरी गोल गरे ।

समुह एच मा मिलानले दुई गोलले पछि परेको स्थिति उल्टाउदै सेल्टिकलाई ४–२ ले हरायो । रेन्जर्सले स्ट्यान्डर्ड लिगलाई ३–२ ले हरायो ।

Continue Reading

Headline

अर्को बर्ष म र मेस्सी सँगै खेल्नेछौंः नेमार

wesportz

Published

on

पेरिस सेन्ट जर्माइन तथा ब्राजिल स्टार नेमारले च्याम्पियन्स लिगमा म्यानचेस्टर युनाइटेडलाई ३–१ ले पराजित गर्दा दुई गोल गरे लगत्तै अर्को सिजन अर्जेन्टिनी सुपरस्टार लियोनल मेस्सीसँगै खेल्ने इच्छा ब्यक्त गरेका छन् ।

६ पटकका बालोन डि ओर बिजेता मेस्सीसँगै बार्सिलोनामा चार सिजन बिताएपछि नेमार २०१७ मा २ सय ६४ मिलियन डलरको किर्तिमानी ट्रान्सफर रकममा फ्रेन्च लिग वान टोलीसँग आबद्ध भएका थिए । “मेस्सीसँगै मैदानमा फुटबलको रमाइलो पल बिताउने मैले सबैभन्दा बढी चाहेको कुरा हो । म उनीसँगै खेल्न चाहन्छु । अर्को बर्ष यो गर्नु पर्छ,” पिएसजीसँग २०२२ सम्मको सम्झौतामा रहेका नेमारले भने ।

नेमार २०१९ मै बार्सिलोना फर्किने भनिएपनि पिएसजीले चाहे अनुरुपको पैसा तिर्नका लागि स्पेनिस फुटबल महारथी असफल रहेको थियो । कोरोना भाइरस महामारीका कारण यो सिजन १ सय २२ मिलियन युरो तलबमा कटौति गर्दै आर्थिक घाटाको क्षतिपुर्ति ब्यहोर्ने निर्णयमा पुगेको बार्सिलोना अर्को सिजन पनि पैसाको अभावमै नेमारलाई भित्र्याउन सक्षम देखिदैन ।

बार्साले नेमारका लागि पैसा तिर्न नसक्ने भएपनि मेस्सीले यो सिजनदेखि नै क्लब छोड्न प्रयास गरेको हुदा उनी अर्को सिजन अगष्टमा अन्य क्लब जाने लगभग निश्चित छ । शायद नेमारले मेस्सीलाई पिएसजीमै हेर्न सकिने संकेत गरेका हुन् की ?

बार्साका तत्कालीन अध्यक्ष योसेप बार्तोमेउले यो सिजन मेस्सीलाई जान नदिए पनि अब उनको पुरै बोर्डले नै राजीनामा गरेको अवस्थामा अर्जेन्टाइन स्ट्राइकरलाई आफ्नो बहिर्गमनमा केही सहज परिस्थिति आउन सक्ने देखिन्छ ।

यो सिजनको शुरुवातमा प्रिमियर लिग क्लब म्यानचेस्टर सिटी मेस्सीलाई भित्र्याउन तम्तयार देखिन्थ्यो तर यो सिजनको अन्त्यमा ३४ बर्ष लाग्ने उनलाई लिनका लागि पिएसजी पनि आतुर हुने देखिन्छ । “उनी मेरो स्थानमा खेल्न सक्छन् । मलाई कुनै समस्या छैन । मलाई निकाल्दे हुन्छ,” ठट्टा गर्दै नेमारले भने ।

Continue Reading

Headline

रोनाल्डोले गरे आफ्नो करिअरको ७ सय ५० औं गोल

wesportz

Published

on

स्टार खेलाडी क्रिष्चियानो रोनाल्डोले वुधबार भएको डाइनामो किएभ विरुद्ध भएको खेलमा गोल गर्दै आफ्नो करिअरको ७ सय ५० औं गोल पुरा गरेका छन् । युभेन्टसका लागि रोनाल्डोको उक्त गोल ७५ औ पनि हो ।

रोनाल्डोले च्याम्पियन्स लिग अन्तर्गत डाइनामो किएभसँग खेल्दा युभेन्टसका लागि दोस्रो गोल गरे पछि उनले करिअरको ७ सय ५० औं गोल पुरा गरेका थिए । उनले ५७ औँ मिनेटमा अल्भारो मोराटाले प्रहर गरेको सट डिफ्लेक्ट हुँदै आएको बललाई ट्याप-इन हान्दै गोल गरेका थिए ।

यो गोल उनको सिजनको १० औँ गोल पनि रह्यो । उनी इटालियन महरथी युभेन्टसमा आए देखी तीन सिजनमै ७५ गोल गरिसकेका छन् भने पोर्चुगलका लागि त उनले एक सय गोल कटाइसकेका छन् । उनले २००३ देखी पोर्चुगलमा खेल्दै १०२ गोल पनि गरिसकेका छन् ।

उनले आफ्नो कारीअरमा खेलेका टोलीहरु मद्धे युनाइटेडमा ११८ गोल गरेका थिए भने म्याड्रिडमा उनले क्लबका शिर्ष गोलकर्ता हुँदै ४५० गोल गरेका थिए ।

उनको लागि वुधबार भएको डाइनामो किएभ विरुद्धको खेल विषेस रहेको थियो उनले १३ वर्ष २५ दिन अगाडि यही टोली विरुद्ध आफ्नो पहिलो च्याम्पियन्स लिग गोल गरेका थिए ।

च्याम्पियन्स लिगमा युभेन्टस बार्सिलोनासँगै अन्तिम १६ का लागि छनोट भएको छ । सिरी आ मा भने युभेन्टस चौथोँ स्थानमा रहेको छ ।

आउने लिग खेलमा युभेन्टसले टोरिनोको सामना गर्ने छ भने अर्को साता हुने च्याम्पियन्स लिगमा बार्सिलोना विरुद्ध खेल्दा फेरी मेस्सी र रोनाल्डो बिच लामो समय पछि खेल हुने छ ।

Continue Reading
Headline3 hours ago

ग्यारेथ बेलले गरे २ सयौं करिअर गोल

Headline1 day ago

अर्को बर्ष म र मेस्सी सँगै खेल्नेछौंः नेमार

Headline1 day ago

रोनाल्डोले गरे आफ्नो करिअरको ७ सय ५० औं गोल

Headline1 day ago

च्याम्पियन्स लिग: पिएसजीको युनाइटेड माथि सानदार जित, चेल्सीका लागि जिरुड एक्लैको चार गोल

Headline2 days ago

च्यम्पियन्स लिग:पिएसजीको समना गर्दै म्यानचेस्टर युनाइटेड

Headline2 days ago

टिमले नै नरुचाएका मलनले आफूलाई साबित गर्दै जितेको समर्थन

Headline2 days ago

अष्ट्रेलियाबिरुद्ध भारतको सान्त्वना जित, म्याक्सवेलको विकेटले खेल बदलियो

Headline2 days ago

पुर्व कप्तान कर्माचार्य राष्ट्रिय टोली छनोट समितिका संयोजक

Headline2 days ago

बिमल, सन्तोष सहित ५८ खेलाडीलाई बन्द प्रशिक्षणका लागि बोलाइयो

Headline2 days ago

पान्ड्या र जडेजाको शतकीय साझेदारीले सम्हालियो भारत

Headline3 months ago

धेरै ऋणको भारी बोकेका पाँच युरोपेली क्लबहरु

Headline7 months ago

ब्राजिलले पाएको अहिलेसम्मकै उत्कृष्ट १० फुटबलर

Headline2 months ago

सात महादेशका सात उत्कृष्ट खेलाडीहरु

Headline3 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline6 months ago

ट्रान्सफर मार्फत सर्वाधिक कमाउने ५ खेलाडी

Headline2 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 month ago

फेरि पनि टिममा अटाएनन् स्ट्राइकर बिमल

Headline5 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline4 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline4 months ago

आर्सनलको दुर्गतिः न च्याम्पियन्स लिग, न युरोपा लिग

Trending