Connect with us

Headline

फेसबुक, इन्स्टाग्राममा नअटाएको नेपालको घरेलु फुटबल

Published

on

गौरव फुयाल, दशरथ रंगशाला

नेपाली फुटबलमा न्युरोड टिम, मच्छिन्द्र फुटबल क्लब, रानीपोखरी कर्नर टिमको खेलहरु हुँदा काठमाडौंको इन्द्र टोल, मखन, असन बजार शुन्य हुन्थे भन्दा शायद धेरैलाई अर्कै दुनियामा लान खोजेको लाग्छ होला । बिदेशी च्यानलहरुको आगमन र इन्टरनेटले मानिसलाई निल्नु अघिको यथार्थ नै यहि थियो । काठमाडौंको जनसंख्यालाई फुटबल मनोरञ्जनको सबैभन्दा उपयुक्त साधन हुने गथ्र्यो ।

र शहीद स्मारक ए डिभिजन लिगले लामो समय त्यो जनसंख्यालाई ब्यस्त राख्दथ्यो ।

लोकल लिग र फुटबलकोे रौनक यस्तो थियो की एकपटक काठमाडौंका पूर्व मेयर केशव स्थापितले नेपालको म्याराडोनाले चर्चित पुर्व राष्ट्रिय टोलीका स्ट्राइकर मणि शाहको नाममा काठमाडौंको कालधारामा “मणि गल्ली” भनेरै नाम राखिदिए ।  यो २०५० तिरको कुरा हो । मनाङ मस्याङ्गदीबाट ए डिभिजन लिग खेलेका मणि शाहले सन्यास नै लिइसकेका थिए । त्यहाका स्थानीयका लागि उनको नाममा गल्ली नामाकरण हुनु स्विकार्य थियो । अझै भनौ गर्वकै कुरा ।

२०६७ को ६ महिने लिग सम्म पनि दशरथ रंगशालामा लिगको रौनक देखिन्थ्योे । थ्री स्टार, नेपाल पुलिस, मनाङको खेलमा दर्शक रंगशाला पुग्ने गर्थे ।  तर त्यसपछिका बर्षहरुमा लिग हुनै पाएन । भए पनि झारो टार्ने किसिमका भए ।

भुकम्पले रंगशाला क्षतिग्रस्त भएपछि २०७५ मा एन्फा कम्प्लेक्सको एस्ट्रो टर्फमा रेलिगेसनको प्रावधान नभएको लिग समर्थकहरुले चाल नै नपाई सकियो । फुटबल त्यही निरस भैसकेको थियो ।

२०११ देखी २०७६ को ए डिभिजन लिगसम्म आउँदा क्लबका मात्र हैनन नेपाली फुटबलकै समर्थकहरु घट्दै गएको छन । फुटबल प्रेमी घटेका हुन कि फुटबल समर्थक भन्ने कुरामा अखिल नेपाल फुटबल संघ अझै पनि अचेत छ । एन्फाले अहिले जारी लिगमा ठूलो प्रायोजकको रुपमा कतार एयरवेज पायो । लिगमा कतार एयरवेज सबैभन्दा ठूलो प्रायोजक हो । तर दर्शक शुन्य ।

दर्शक आकर्षित गर्न एन्फाले अनेक उपाय अपनाएको छ । भिआइपी प्याराफिटमा ५०० को टिकट काटेर खेल हेर्नेलाई नेपाली फुटबल टिमको जर्सी । साधारण प्याराफिटमा २०० को टिकट काट्नेलाई गिफ्ट भौचर र लिग सकिए पछि एकलाई राष्ट्रिय टोली सँगै गएर खेल हेर्ने मौका । तर यसले २० प्रतिशत पनि दर्शक तान्न सकेको छैन ।

दर्शकलाई उपहार अन्य लिगहरुमा पनि होला । नेपालको हकमा यो सबैभन्दा आकर्षक हो । यति गर्दा पनि दर्शक आउदैनन् भने अब के गर्ने त ?

फेसबुक र इन्स्टाग्राम सँगै हुर्केको मैले न्याण्डलाइन टेलिफोन नै इलेक्ट्रोनिक पसलमा मात्रै देखेको छु । मेरो घरमा ल्याण्डलाइन थियो होला । त्यो कता छ मलाई थाहै छैन । घरेलु फुटबलले भने मलाई पहिले देखि नै आकर्षित गरेको हो । तर अचम्म लाग्यो । यत्रो ठुलो लिग छ, यति राम्रो रंगशाला, तर दर्शक खै ?

लिगमा च्यासल युथ क्लब र ब्रिगेड बोइज क्लब भिड्दा म मिडिया बक्स बाट अलि टाढा साधारण प्याराफिटतर्फ लागे । रंगशालाको पश्चिम तिर रातो कुर्सी भएको ठाउँमा १००–२०० जना जति थिए । त्यो सानो भिडमा ७० नजिक पुगेका बिनय रानाभाट फुटबलको राम्रै समर्थक हो की जस्तो देखिए । म उनीसँगैको कुर्सी मा बसे र सोधेः “बुवा कस्तो लागि रहेको छ यो खेल ?”

उनले निधार खुम्च्यााउदै भनेः “ह्या कस्तो अल्छि लाग्दो खेल ।”

 

हेर्दा परिपक्व देखिने, फुटबलकै मायाले आउनु भयो कि भनेर सोचेको भएर मलाई अचम्म लाग्यो । अनि हास्दै सोधेः “कता बाट आउनु भएको ?” उनलाई आप्ठेरो लागेर होला “भाइ पत्रकार हो र?” भनेर सोधे ।

मलाई वार्तालाप गर्न अझै सजिलो भएपछि लिगबारे कुरा गर्दै जादा उनले भनेः “खेल हेर्न लायक हुनु पर्यो नि । अहिले बच्चाहरुले पनि मोबाइलमा रोनाल्डो र मेस्सीको खेल हेर्छन । अनि यहा आउदा अर्कै खेल देखिन्छ ।”

अहिलेको फुटबलको यथार्थ शायद त्यही नै होला । सामाजिक सञ्जालमा छोटो भिडियोमा हेर्दै आएको क्षण लिगको प्रत्येक मिनेटमा अपेक्षा गर्न सकिदैन । त्यो छोटो भिडियोको पुरै ९० मिनेटको खेल फरक हुन्छ । र अन्तर्राष्ट्रिय फुटबलमा देखिने खेल नेपाली घरेलु फुटबलमा कम मात्र हैन शायद देख्न पनि पाइदैन । त्यसैले नै यो घरेलु फटबल हो ।

च्यासलका सन्तोष साहुखलले ब्रिगेडबिरुद्ध प्रहार गर्दा डिफेण्डरले रोकेपछि “झण्डै गोल हानेको खैरो कपालले” भन्दै बिनय उफ्रिए । के गर्नु हुन्छ भनेर सोध्नै परेन । उनी त केही काम नभएर नै लिग हेर्न आएका रहेछन् । “फुर्सद भएरै आएको बाबु म त,” रे । उनको प्रतिक्रियाले झस्कायो । दर्शक कि त खाली समय भएर खेल हेर्न आउने रैछन्, अथवा काम नभएर ।

विनयले भने धेरै अगाडी नै घरेलु लिग हेरेका रहेछन् । २०३५ सालमा आरसिटीले जित्ने भएपछि जमलमा काकासँगै बस्ने गरेका उनले रंगशालामा पहिलो पटक लिग हेरेका थिए । त्यो उनको लागि फरक दुनिया थियो । अहिले उनको नातिले उनको लागि टिकट काटिदिएको रहेछ । रंगशालामा दर्शक आउने कारण मध्येको एक यो पनि रहेछ ।

“नेपाली फुटबल बिग्रेको कारण यो चिनेको मान्छेले साथीको साथीलाई रंगशाला छिराउनु पनि हो,” त्यो उनको आफ्नो बिश्लेषण थियो । उनको बिचारले नेपाली फुटबलमा टिकट संस्कृतीबारे कतै–कतै प्रकाश पार्छ ।

७४ औ मिनेटमा च्यासलका बिक्रम लिम्बुले वान भर्सेस वानमै चुक्दा उनी “नेपाली फुटबल राम्रै छ तर गोल नै हान्न सक्दैनन्” पनि भन्छन ।

नेपाली फुटबलमा लामो समय स्थापित हुदै गर्दा जापानमा केही समय फुटबल खेलेर फर्किएका साहुखलले ९२ औं मिनेटमा गोल गरेपछि च्यासलले जित्यो । साहुखलको त्यो १ सय १ औं गोल थियो । उनी इतिहास कायम गरेर अघि बढिसकेका थिए । उद्घोषकले गोल गर्ने ब्यक्ति भन्दै बिनयको “खैरो कपाल” को नाम लिएपछि उनि अचम्म पर्दै भन्न थालेः “ए यो त सन्तोष साहुखल पो रैछ । राम्रो खेल्ने भएछ ।”

२०३५ सालमा लिग हेरेको दाबी गरेका बिनयले यसबीच नेपाली फुटबल बारे कति ज्ञान राखे उनलाई सोधेर परिक्षा लिने कुरा भएन । उनी राष्ट्रिय टोलीले खेल्दा दर्शक देश प्रेमले आउछन् भनेर मान्छन् । “लिग फुटबलमा दर्शकको उपस्थितिले नेपाली राष्ट्रिय टोलीमा दिने योगदान” बिषयमा अर्को अन्तकृया गर्नु उचित नलागेर म फर्किए । तर उनको उपस्थितीले नेपाली फुटबलमा कसरी दर्शक आइरहेका छन् भन्ने बुझिन्छ ।

१३ औं दक्षिण एसियाली खेलकुदमा अण्डर २३ फुटबल भयो । दक्षिण एसियाली खेलकुदको फुटबल अब पहिलेको स्तरको छैन । यो क्षेत्रको खेलकुद महारथी भारतलाई यसको मतलब नै छैन । तैपनि नेपालले खेलिरहंदा भर्खरै पुर्ननिर्माण गरिएको रंगशालामा दर्शक खचाखच थिए ।

भुटानबिरुद्धको फाइनलमा त अझै त्रिपुरेश्वरको वल्र्ड ट्रेड सेन्टरको ठूलो स्क्रिनमा खेल प्रत्यक्ष प्रशारण हुँदा त्यो बाटो नै बन्द गर्नु परेको थियो । तर धेरै जसो दर्शक त्यो क्षण आफ्नो सामाजिक सञ्जालमा कैद गर्नका लागि मात्रै भएपनि उपस्थित भएका थिए ।

कतिलाई त फेसबुक र इन्स्टाग्रामको स्टोरी आउदा पहिले देखि नै दवाब थियो ।

नेपाली समाज नै देखावटी छ । त्यही कारणले आज देशकै ठूलो फुटबल प्रतियोगिता चल्दा पनि दशरथ रंगशाला खाली छ । कुनै कारणवस लिग हेर्दा ठूलै संख्यामा दर्शक उपस्थित हुँदा कसैले सामाजिक संजालमा स्टोरी राख्ने हो भने मात्र आउलान अब दर्शक ।

Click to comment

Leave a Reply

Your email address will not be published. Required fields are marked *

Headline

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Published

on

कप्तान रोहित कुमार पौडेलले  शतक तथा तीब्र गतिका बलर सोमपाल कामीले पाँच विकेट हात पार्दा अमेरिका भ्रमणको दोश्रो अभ्यास खेलमा नेपाली राष्ट्रिय टोलीले ह्युस्टन हरिकेन्स माथि ३० रनको फराकिलो जित हात पारेको छ ।

खेलमा टस हारेर पहिले ब्याटिङ गरेको नेपालले रोहितको शतकको मद्दतमा ४९ दशमलब एक ओभरमा आफ्ना सबै विकेट गुमाएर २५० रन बनायो भने सोमपालले पाँच विकेट निकाल्दा ह्युस्टनले ४३ दशमलब तीन ओभर खेल्दा आफ्ना सबै विकेट गुमाएर २२१ रन मात्र बनाउन सक्यो ।

कप्तान सन्दिप लामिछानेलाई विश्राम दिँदा नेपाली टोलीको कप्तानी सम्हालेका रोहितले नेपालको तर्फबाट सर्वाधिक १०१ रन बनाए । रन आउट हुनु अघि चौथो नम्बरमा ब्याटिङ गर्न आएका रोहितले ९० बल खेल्दै पाँच चौका र चार छक्काको मद्दतमा १०१ रन जोडे ।  

रोहित बाहेक नेपालको लागि आरिफ शेखले ४१, दिपेन्द्र सिंह ऐरीले २४, देव खनालले १९, सुनिल धमलाले १३, करण केसीले १२ रन बनाए भने अन्य बलरहरुले दोहोरो अंकमा रन निकाल्न सकेनन् । कुशल भुर्तेल एक, बिनोद भण्डारी चार, सुशन भारी पाँच तथा सागर ढकाल दुई रन जोड्दै पेभेलियन फर्किए भने किशोर महतो आठ रनमा अविजित रहे ।

ह्युस्टनका मोहम्मद इलियासले १० ओभरमा ६४ रन दिएर सर्वाधिक पाँच विकेट लिए भने हर्मित सिंहले दुई तथा हसन रसिदले पनि आफ्नो नाममा एक विकेट दर्ता गराए ।

ह्युस्टनको लागि पाँचौं नम्बरमा ब्याटिङ गर्न आएका निनाद निम्बालकरले ८१ बल खेल्दै १२ चौका र दुई छक्का सहित आक्रामक ९९ रन बनाए पनि आफ्नो टोलीलाई जित भने दिलाउन सकेनन् । त्यस बाहेक रामिज राजाले २९, गौरव बजाजले १५, उस्मान रफिकले १२ तथा नितिश कुमारले १० रनको पारी खेले ।

निम्बालकरलाई ९९ रनमा नै रोक्दै नेपाललाई जित दिलाउन उल्लेख्य भूमिका खेलेका सोमपाल कामीले आठ दशमलब तीन ओभरमा ३८ रन दिएर सर्वाधिक पाँच विकेट हात पारे । त्यस बाहेक किशोर महतो र सागर ढकालले समान २-२ तथा करण केसीले एक विकेट हात पारे ।   

Continue Reading

Headline

नव प्रवेशी गुजरातले चुम्यो आईपीएलको उपाधि 

Published

on

कप्तान हार्दिक पान्ड्या बल र ब्याट दुवैबाट चम्किए पछि पहिलो सिजनको विजेता राजस्थान रोयल्स माथि सात विकेटको सहज जित निकाल्दै नव प्रवेशी गुजरात टाइटान्सले १५ औँ संस्करणको इन्डियन प्रिमियर लिग (आईपीएल) को उपाधि चुमेको छ ।

अहमदाबादमा सम्पन्न फाइनलमा टस जितेर पहिले ब्याटिङ गरेको राजस्थानले नौ विकेटको नोक्सानीमा १३० रन मात्र जोड्न सक्यो भने गुजरातले तीन विकेट गुमाएर ११ बल अगावै जित दर्ता गर्यो ।    

पहिलो पटकमा नै गुजरातलाई उपाधि दिलाउने क्रममा खेलको प्लेयर अफ द म्याच घोषित पान्ड्याले चार ओभरमा १७ रन खर्चिएर सर्वाधिक तीन विकेट लिए भने ३० बलमा तीन चौका र एक छक्का सहित ३४ रनको योगदान दिए ।

गुजरातको जितमा ओपनर शुबमन गिलले ४३ बलमा अविजित ४५ तथा डेविड मिलरले आक्रामक पारी खेल्दै १९ बलमा तीन चौका र एक छक्का सहित अविजित ३२ रनको पारी खेले । ओपनर रिद्दिमन साह पाँच तथा तेश्रो नम्बरमा ब्याटिङ गर्न आएका म्याथ्यु वेड आठ रनमा आउट हुँदा खराब सुरुवात गरेको गुजरातको लागि पान्ड्यागिलले ५३ बलमा ६३ तथा मिलरगिलले २९ बलमा अविजित ४७ रन जोड्दै उपाधि दिलाए ।

यस अघि पान्ड्या बाहेक रविश्रीनिवासन साई किशोरले दुई तथा रशिद खान, यश दयाल र मोहम्मद शामीले समान १-१ विकेट निकाल्दा राजस्थान सस्तोमै समेटिन पुग्यो ।

राजस्थानको लागि जस बटलरले सर्वाधिक ३९, यशस्वी जैसवालले २२, रियान परागले १५, कप्तान सन्जु सामसनले १४ तथा शिम्रोन हेटमायरट्रेन्ट बोल्टले समान ११-११ रन जोडे भने अन्य ब्याटरले दोहोरो अंकमा रन जोड्न नसक्दा फाइनलमा ठुलो योगफल जोड्न सकेन ।  

Continue Reading

Headline

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Published

on

२०१८ को च्याम्पियन्स लिगमा रियल म्याड्रिडले च्याम्पियन्स लिग जित्दा लिभरपुलको पोस्टमा एकपछि अर्को खराब प्रदर्शन गरेका लोरिस केरियस नकारात्मक चर्चामा थिए ।

स्पेनिस महारथीले एक पटक फेरि पेरिसमा प्रिमियर लिग क्लबलाई युरोपको सबैभन्दा ठूलो क्लब प्रतियोगिताको फाइनलमा पराजित गर्दा एक पटक फेरि गोलकिपरकै चर्चा चुलियो । तर यसपटक उत्कृष्ट खेल पस्केका रियलका बेल्जियन गोलकिपर थिबाउ कोर्टुवाको ।

कोर्टुवाले एक पछि अर्को गर्दै उत्कृष्ट बचाउहरु गरेपछि रियलले लिभरपुललाई १–० ले पराजित गर्दै किर्तिमानी १४ औं पटक च्याम्पियन्स लिगको उपाधि उचाल्यो ।

“जब कुनै खेलमा गोलकिपर म्यान अफ द म्याच हुन्छन् तब अर्को टोलीमा समस्य छ भनेर बुझ्दा हुन्छ,” लिभरपुल व्यवस्थापक योर्गन क्लोपले भने । स्टाड डि फ्रान्समा एक घन्टाको खेल पुरा हुनु अघि भिनिसियस जुनियरले निर्णायक गोल गरेपनि रियलको जित कोर्टुवाबिना सम्भव नै थिएन ।

खेल अवधिभर कुल नौं बचाउ गरेका कोर्टुवाको उत्कृष्ट बचाउहरुमा मोहम्मद सलाहको प्रहारलाई सशक्त ढँगले रोक्नु थियो भने शुरुवातमै सादियो मानेको सटलाई बचाउ गर्नु थियो । “सबैभन्दा निर्णायक मानेबिरुद्धको बचाउ थियो । मैले उनलाई रोक्न आफ्नो दुई मिटरको प्रयोग गर्दै केही सेकेण्डमै रिबाउन जोगाउनु पर्ने चुनौति पनि थियो,” कोर्टुवाले खेलपछि भने ।

केभिन डि ब्रुनसँगै बेल्जियन टोली गेन्कमा घरेलु उपाधि उचालेका ३० बर्षिय कोर्टुवाले आफ्नो करिअरमा ठूला उपलब्धिहरु हात पारिसकेका छन् । उनले एट्लेटिको म्याड्रिड, चेल्सी र रियलबाट स्पेन र इंगल्याण्डको घरेलु लिग जितेका छन् एट्लेटिकोबाट युरोपा लिग पनि जितिसकेका छन् ।

Continue Reading
Headline3 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline3 weeks ago

नव प्रवेशी गुजरातले चुम्यो आईपीएलको उपाधि 

Headline4 weeks ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline4 weeks ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline4 weeks ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline4 weeks ago

बढ्यो नेपाली खेलाडीको तलब 

Headline4 weeks ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline1 month ago

अर्थहीन खेलमा हैदराबाद माथि पन्जाबको शानदार जित 

Headline1 month ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline1 month ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline1 month ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline3 weeks ago

कप्तान रोहितको शतक र सोमपालको पाँच विकेटमा अमेरिकामा नेपालको पहिलो जित 

Headline3 weeks ago

नव प्रवेशी गुजरातले चुम्यो आईपीएलको उपाधि 

Headline4 weeks ago

रियलको उपाधिसँगै उत्कृष्ट प्रदर्शन गरेका कोर्टुवाको चर्चा चुलियो

Headline4 weeks ago

बेंगलोरलाई पाखा लगाउँदै राजस्थान दोश्रो पटक आईपीएलको फाइनल 

Headline4 weeks ago

पाटिदारले शतक प्रहार गर्दा लखनउ माथि शानदार जित निकाल्दै बेंगलोर क्वालिफायर्समा 

Headline4 weeks ago

बढ्यो नेपाली खेलाडीको तलब 

Headline4 weeks ago

मिलरले अन्तिम ओभरमा लगातार तीन छक्का प्रहार गर्दा गुजरात आईपीएलको फाइनलमा 

Headline1 month ago

अर्थहीन खेलमा हैदराबाद माथि पन्जाबको शानदार जित 

Headline1 month ago

अमेरिका जाने नेपाली टोलीलाई अमेरिकी राजदूतावास र क्यानको बिदाई 

Headline1 month ago

नाटकीय जित निकाल्दा सिटीलाई प्रिमियर लिगको उपाधि, लिभरपुलको क्वाड्रपल जित्ने सपना अधुरै 

Headline1 month ago

अमेरिका भ्रमणमा नेपालले दुई अभ्यास खेल खेल्ने 

Headline1 month ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline1 month ago

शृंखला गुमाएको नेपालको अन्तिम खेलमा शानदार जित 

Headline1 month ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 month ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 month ago

रोहितलाई उपकप्तानको जिम्मेवारी 

Headline1 month ago

घरेलु मैदानमा खेलेको पहिलो शृंखला नै गुमायो नेपालले  

Headline1 month ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline1 month ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline1 month ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Trending

error: Content is protected !!