Headline
सबैभन्दा चाडो कहिले जित्न सक्छ लिभरपुलले प्रिमियर लिग ?
Published
5 years agoon
By
wesportz“वि आर गोइङ टु विन द लिग” (हामी लिग जित्न गइरहेका छौं) – म्यानचेस्टर युनाइटेडलाई २–० ले हराए लगत्तै एन्फिल्डको बार्दलीबाट लिभरपुलका समर्थकहरु उत्रदै गर्वका साथ लगाएको नारा हो यो । लिभरपुल अहिले अंक तालिकामा म्यानचेस्टर सिटीभन्दा १३ अंकले अगाडी छ भने उसको हातमा दुई खेल अझै छ ।
३० बर्षको संघर्ष र थोरैले चुकेका समयपछि यो सिजन सन् १९९० यता लिभरपुलले पहिलो लिग उपाधि पाउदा समर्थकहरुलाई कस्तो हुन्छ होला ? अब बाँकी छ त केवल योर्गन क्लोपको खुशियाली हेर्न मात्र ।
तर च्याम्पियन भएर मात्र भएन । लिभरपुल समर्थकहरु एभर्टनलाई गुडिसन पार्क वा म्यान्चेस्टर सिटीलाई इतिहादमा हराएर लिग जितेको हेर्न चाहन्छन् र यो सम्भव पनि छ । सबैभन्दा चाडो कहिले जित्ला त लिभरपुलले इङ्गलिस प्रिमियर लिग ?
लिभरपुललाई गुडिसन पार्कमा उपाधि जित्न के हुनु पर्छ ?
सरल भाषामा भन्नु पर्दा लिभरपुलले जिति राख्नुप¥यो र म्यानचेस्टर सिटी पनि खस्कदै जानु प¥यो । लिभरपुलको अहिले प्रति खेल औषत अंक २ दशमलव ९ रहेको छ भने सिटीको २ दशमलव ०८ । यहि औषतमा दुवै टोली अगाडी बढ्ने हो भने लिभरपुलले मार्च १४ मा एभर्टनलाई हराए उपाधि जित्ने छ । एमर्टनलाई हराउदा लिभरपुलको अग्रता २३ देखि २५ अंक सम्मको हुनेछ भने लिगमा जम्म २४ अंकको लागि मात्र खेल बाकी हुनेछ ।
एभर्टनलाई हराउनुको अर्थ लिभरपुलको लागि ठूलो पनि छ । गत सिजन गुडिसन पार्कमै लिभरपुल गोलरहित बराबरीमा रोकिएपछि उपाधि दौडबाट बाहिर भएको मान्नेहरु धेरै छन् । तर अब एभर्टनलाई हराउदै उपाधि जितेको खण्डमा लिभरपुल समर्थकहरुका लागि यो सुनमा सुगन्ध थपे जस्तो हुनेछ ।
सिटीको इतिहादमा स्टेडियममा उपाधि जित्न लिभरपुललाई के गर्न आवश्यक छ ?
दुबै टिमले आफ्ना सबै आउने खेलहरु जित्ने हो भने लिभरपुलले इतिहादमा अप्रिल ४ मै उपाधि जित्ने छ । त्यो म्याचका लागि जादा लिभरपुलको ९१ अंक हुनेछ भने सिटी १९ अंक पछाडी रहेको हुनेछ । त्यो खेलपछि १८ अंकको लागि मात्र खेल्नु पर्ने भएकोले सिटीमा बराबरी मात्रै गरेपनि लिभरपुलले इतिहादबाटै प्रिमियर लिग टाइटल लिएर जानेछ ।
सबैभन्दा चाडो कहिले जित्ला त लिभरपुलले उपाधि ?
लिभरपूलले सैद्धान्तिक रूपमा फेब्रुअरी २ मा वाटफोर्डमा आफ्नो सिजनको २८ औं प्रिमियर लिग खेल जित्दै उपाधि जित्न सक्छ । तर यसका लागि लिभरपुलले आफ्ना सबै खेल जित्नुपर्नेछ भने सिटीले सबै हार्ने । यसै कारण यो केही अव्यवहारिक सुनिन्छ । सिटीले अब आफूले खेल्ने पाँच खेल हार्ने हो भने लेस्टर, जो अहिले तेश्रो छ, कागजी रुपमै भएपनि उपाधि होडमा कायम रहनेछ । लिभरपुललाई के ज्ञान छ भने अब बाकी रहेका १६ मध्ये १० खेल मात्र जित्दा पनि उसलाई च्याम्पियन हुनबाट कसैले रोक्न सक्दैन ।
कुन टिमले सबैभन्दा चाडो जितेको थियो प्रिमियर लिगको उपाधि ?
गुडिसन पार्क वा इतिहादमा उपाधि जित्ने हो भने लिभरपुलले आफ्नो पारम्परिक प्रतिद्वन्दी म्यानचेस्टर युनाइटेडको किर्तिमान भङ्ग गर्नेछ । युनाइटेडले सर एलेक्स फर्गुसन व्यवस्थापक रहदा सन् २०००–०१ अप्रिल १४ मा उपाधि जितेको थियो । खेल बाकी रहेको आधारमा सबैभन्दा चाडो उपाधि जित्ने किर्तिमान पनि युनाइटेडकै नाममा रहेको छ ।
युनाइटेडले अप्रिल १४ मा उपाधि जित्दा उसको हातमा पाँच खेल रहेको थियो । सिटीले पनि २०१७–१८ मा उपाधि जित्दा उति नै खेल हातमा रहेको थियो । लिभरपुलले गुडिसन पार्कमा उपाधि उचाल्ने हो भने उसको हातमा ८ खेल बाकी रहनेछ ।
२२ खेलपछि सबैभन्दा ठूलो अग्रता को सँग रहेको छ ?
लिभरपुलले यो सिजन धेरै किर्तिमान राखेपनि सबै भन्दा ठूलो अग्रताको किर्तिमान भने आफ्नो पक्षमा बनाउन सकेन । म्यान्चेस्टर यूनाइटेडलाई हराएपछि नयाँ कोशेढुँगा पार गरेको लिभरपुलले सबैभन्दा ठूलो अग्रताको बराबरी भने गर्न सफल भएको हो । २२ खेल सकिदा १६ अंकको दुरीमा रहने यो किर्तिमानमा लिवरपुलले चेल्सीको २००५–०६ को किर्तिमानलाई बराबरी गरेको हो ।
ठूलो अग्रता लिएर पनि लिग उपाधिमा चुक्ने टिम कुन हो ?
“आइ वुड लभ इट इफ वि बिट देम, लभ इट” (उनीहरुलाई हराउने हो भने मलाई एकदम राम्रो लाग्नेछ) – सन् १९९५–९६ को सिजनको दोस्रो हाफमा म्यान्चेस्टर युनाइटेडले आफ्नो अग्रतालाई घटाउदै जादा न्युकासलका केभिन किगनको यो टिभीमै हाकेको फुर्ति कसले बिर्सन सक्छ र ? सिजनको को शुरुवातमा किगनको न्युकासलले १२ अंकको अग्रता बनाइसकेको थियो । तर अन्तिममा युनाइटेडभन्दा चार अंकले पछी परेपछि न्युकासल नराम्ररी उपाधि जित्नबाट चुकेको थियो । प्रिमियर लिगमा ठूलो अग्रता लिएर पनि उपाधि जित्न नसकेको टोली न्युकासल नै हो ।
यो एक मात्र किर्तिमान हो जसलाई लिभरपुलले पक्कै पनि तोड्न चाहदैन ।
You may like
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।