Connect with us

Headline

बल गर्ललाई केराको बोक्रा छोडाउन लगाएपछि अष्ट्रेलियन ओपनमा फ्रेञ्च प्लेयर बिवादमा

wesportz

Published

on

अष्ट्रेलियन ओपनमा बल गर्ललाई केराको बोक्रा छोडाउन लगाएपछि सर्वत्र बिवादमा तानिएका फ्रान्सका टेनिस खेलाडी इलियट बेन्चेट्रिट आफ्नो रक्षामा उत्रिएका छन् ।

२१ बर्षिय बेन्चेट्रिटले शनिबार काजख्स्थानका दिमित्री पोप्कोबिरुद्ध भएको खेलको बीचमा हालसम्म नाम नखुलेकी उक्त बल गर्ललाई केराको बोक्रा छोडाउन लगाएका थिए । बल गर्लले बोक्रा छोडाउनु अघि नै अम्पायर जोन ब्लोमले उनलाई रोक्दै बेनचेट्रिटलाई भनेका थिएः बल गर्ल मेरो नोकर होइन र केराको बोक्रा मैले आफै छोडाउनु पर्छ ।

टेनिस रिपोर्टर एलेक्स थिओडोरिडिसले ट्विटरमा १५ सेकेण्डको त्यो भिडियो पाँच लाख मान्छेले हेरेका थिए भने बेन्चेट्रिटको पनि नराम्ररी आलोचना भएको थियो । बेन्चेट्रिटले सामाजिक संजालमा यो घट्नाले यस्तो रुप लिने आफूले बिश्वास नै नगरेको बताए ।

बेन्चेट्रिटले आफूले भर्खरै हातमा क्रिम लगाएको कारण पसिनाबाट बच्नको लागि बल गर्ललाई सहयोग गर्न मात्र लगाएको भन्दै उनले त्यही खेलमै यसअघि पनि बल गर्ललाई केरा छोडाउन लगाएको तर अम्पायरले ध्यान नदिएको बताए ।

“मलाई अम्पायरले त्यसरी भन्छन् भन्ने मैले सोचकै थिइन । सामाजिक संजालमा सत्य तथ्य नबुझी यस्तो स्थितीलाई नियन्त्रण बाहिर लगिएको देखेर पनि मलाई अचम्म नै लागेको छ,” बेन्चेट्रिटले भने ।

सन् २०१७ को विम्बल्डनका दौरान एक बल बोइलाई आफ्नै छेउमा रहेको डस्टबिनमा आफूले जम्मा गरेको फोहोर फाल्न लगाएपछि स्पेनि टेनिस स्टार रफाएल नाडाललाई अल्छीको संज्ञा दिइएको थियो । पछि एक अन्तर्वातामा नाडालको त्यो घट्नालाई देखेकी १६ बर्षीया विम्बल्डन बल गर्ल एरिन मोरेथले त्यो अन्तरकृयाले अन्य बच्चाहरुले डाहा गरेको बताएकी थिइन् ।

“म यस्तै कामहरु गर्न चाहन्छु । म मद्दत गर्न चाहन्छ् किनभने मलाई लाग्छ म त्यो खेलको हिस्सा हु । र हामी त्यहा मुर्ति जसरी लामो समय त्यही उभिएर मात्र बस्न चाहदैनौं । व्यक्तिगत रुपमा मेरो लागि केही नगरि उभिनु चाही सबैभन्दा कठिन काम हो,” मोरेथले भनिन् ।

Click to comment

Leave a Reply

Your email address will not be published. Required fields are marked *

Headline

एपिएफले पुलिसलाई बाहिर पठायो, आरिफको खुट्टा खोच्याउदै ब्याटिङ्ग

wesportz

Published

on

डिफेन्डिङ्ग च्याम्पियन नेपाल पुलिस क्लब प्रधानमन्त्री कप राष्ट्रिय एकदिवसीय क्रिकेट प्रतियोगिताबाट बाहिरिएको छ ।

आरिफ शेख खेल्न नसक्ने परिस्थितीबाट पनि मैदान फर्कदै बहादुरीपुर्वक ब्याटिङ्गमा आएको खेलमा पुलिस सेमिफाइनलमा नेपाल एपिएफ क्लबसँग ३० रनले पराजित भयो । पहिलो ब्याटिङ्ग गरेको एपिएफले ५० ओभरमा ९ विकेटको क्षतिमा २ सय ३ रन बनाएको थियो । जवाफमा पुलिस ४९ दशमलव २ ओभरमा १ सय ७३ रनमै समेटियो ।

एपिएफको इनिङ्गसलाई झड्का दिने क्रममा लगातार १० ओभर बलिङ्ग गर्दै तीन विकेट लिएका आरिफ फिल्डिङ्गका क्रममा गोलीगाँठोको नराम्रो चोट लागेपछि एम्बुलेन्समै स्ट्रेचरमा राखेर हस्पिटल लगिएको थियो । उपचारपछि एम्बुलेन्समै मैदान फर्किएका आरिफ पुलिसले १ सय ५७ रनमा ८ विकेट गुमाउदा खुट्टा खोच्याउदै मैदानमा ब्याटिङ्ग गर्न आएका थिए ।

दुई चौका र एक छक्का प्रहार गर्दै १६ रनमा आउट भएका आरिफको खेललाई दर्शकका साथै एपिएफका खेलाडीले पनि सराहना गरेका थिए । टप अर्डरले खराब शुरुवात गर्दा १५ रनमै तीन विकेट गुमाएको पुलिसलाई दिपेन्द्र सिँह ऐरि र अनिल साह (२१) ले ४६ रनको साझेदारी गर्दै सम्हाल्ने प्रयास गरेका थिए ।

तर एपिएफले चाहिएको समयमा विकेटहरु लिदै खेललाई आफ्नो नियन्त्रणमा राखेको थियो । पवन शर्राफले पुलिसको लागि ६१ बलमा सर्वाधिक ४० रन बनाएका थिए भने टिमको अन्तिम आशाको रुपमा रहेका रशिद खानले ५१ ब्लमा ३४ रन बनाए । रशिदले तीन चौका र एक चौका हिर्काएका थिए । दिपेन्द्रले ६९ बलमा ३३ रन बनाए ।

एपिएफका लागि बायाँ हाते स्पिनर भुवन कार्कीले ९ दशमलव दुई ओभरमा मात्र २१ रन खर्चदै चार विकेट लिए । यस्तै कप्तान शरद भेषावकर, कमल सिँह ऐरि र अविनाश बोहोराले २–२ विकेट लिएका थिए ।

यसअघि आरिफले तीन विकेट लिएपछि पहिलो चार विकेट ४३ रनमै गुमाएको एपिएफलाई मिडल अर्डर र लोवर मिडल अर्डरले सम्हालेपछि सम्मानजनक योगफलतर्फ पुगेको थियो ।

संकटमा रहेको एपिएफलाई शंकर राना र सन्दिप जोराले ६४ रनको साझेदारी गर्दै सम्हालेका थिए । प्रतियोगितामा एपिएफ संकटमा रहदा टिमको ब्याटिङ्ग सम्हालेका जोराले ४३ बलमा तीन चौका र एक छक्काको मद्दतमा ३४ रन बनाए ।

शंकर र अमर सिँह रौटेला (४) आउट भएरपछि १ सय ४४ रनमा ७ विकेट गुमाएको एपिएफलाई भुवनले आठौं विकेटका लागि कमल सिँह ऐरि (१९) सँग ३८ रनको साझेदारी गर्दै २ सय रन नजिक पुर्याए । भुवनले ५६ बलमा दुई छक्का र एक चौकाको मद्दतमा ४२ रन बनाए ।

एपिएफका लागि शंकरले ९६ बलमा ४४ रन जोडेका थिए । उनको इनिङ्गसमा चार चौका सामेल थियो । आरिफले १० ओभरमा मात्र ३१ रन खर्चेर तीन विकेट लिएका थिए ।

Continue Reading

Headline

बिराटनगरको पहिलो जितमा कुसुमको ह्याट्रीक

wesportz

Published

on

राष्ट्रिय महिला लिग अन्तर्गत आज भएको खेलमा चन्द्रपुर नगरपालिका, रौटहटलाई ५-० गोल अन्तरले पराजित गर्दै विराटनगर महानगरपालिकाले पहिलो जित निकालेको छ ।

सातदोबाटोस्थित एन्फा कम्प्लेक्समा विराटनगरलाई जित दिलाउन कुसुम खड्काले ह्याट्रिक गरिन् भने अनु राई र सरिता शेर्पाले एक एक गोल गरेकी थिइन ।

खेलमा पहिली गोल कुसुमले खेलको १२ औं मिनेटमा गर्दै विराटनगरलाई अग्रता दिलाएकी थिइन् । कुसुमले काउन्टर अट्याकमा गोलरक्षक युनिशा राईसँगको वान भर्सेस वानको स्थितिमा गोल गरेकि थिइन ।

खेलको ३२ औं मिनेटमा विराटनगरले दोस्रो गोल गर्यो । मिडफिल्डर अनुले चन्द्रपुरकी गोलरक्षक युनिशा अगाढी बढेको फाइदा उठाउदै उनले चिप गोल गरेकि थिइन ।

दोस्रो हाफमा विराटनगरले थप तीन गोल गर्यो । खेलको ५६ औं मिनेटमा डिफेन्डर सरिता शेर्पाले गोल गर्दै विराटनगरलाई  ३-० को स्थितीमा पुर्याइन ।

खेलको ६९ औं मिनेटमा कुसुमले व्यक्तिगत दोस्रो गोल गर्दै विराटनगरलाई ४-० को अग्रता दिलाईन् ।  त्यसपछि खेलको ७५ औं मिनेटमा कुसुमले व्यक्तिगत तेस्रो तथा ह्याट्रिक गरिन । कुसुमको ह्याट्रीकसँगै बिराटनगरले चन्द्रपुरलाई ५-० ले हरायो ।

प्रतियोगितामा पहिलो जित निकालेसँगै विराटनगरले ३ खेलमा ४ अंक जोडेको छ ।

Continue Reading

Headline

थोमस टुचेलः पावर गेम र दूरदर्शी

wesportz

Published

on

थोमस टुचेल युरोपियन फुटबलमा एक ठूलो नाम हो । ४७ वर्षिय टुचेललाई धेरैले खेलाडीमाथि नियन्त्रण गर्न सक्ने, पवर गेमका प्रयोगकर्ता र रणनीतिक दूरदर्शीको रुपमा लिने गरेका छन् ।

दुई वर्ष फ्रेन्च महारथी पेरिस सेन्ट जर्माइनमा बिताए पछि गएको डिसेम्बरमा स्पोर्टिङ डिरेक्टर लियोनार्डोसँग लामो कलहपछि उनी क्लबबाट बर्खास्त भएका थिए ।

पिएसजीमा रहदा स्टार खेलाडीले भरिएको टोलीलाई राम्रो स्थानमा पुर्याउन नसकेको आरोप टुचेल माथि थियो । तर उनले पिएसजीलाई क्लबको ईतिहासमै पहिलो पटक गत सिजन च्याम्पियन्स लिग फाइनल समेत पुर्याए भने लगतार घरेलु उपाधिहरु प्नि जिताएका थिए ।

टुचेलले पिएसजीमा देखाएको ‘ट्याक्टिकल क्वालिटी’ निकै आकर्षक थियो । टुचेलको खेलहरुमा रेकर्ड पनि राम्रै रह्यो र त्यही कारण पनि चेल्सीले उनलाई फ्रांक लामपार्डको बर्खास्ती पछि क्लबमा नयाँ प्रशिक्षकको रुपमा भित्र्याएको छ ।

२०१७ मा पनि चेल्सीले इटालियन प्रशिक्षक एन्टोनियो कोन्टेलाई बर्खास्त गर्दा चेल्सी आउने हल्लामा रहेका टुचेलले यस सिजनको मध्यमा स्ट्यामफोर्ड ब्रिजबाट आएको प्रस्तावलाई स्विकार गर्दै प्रिमियर लिग आउन राजी भए ।

टुचेलले स्ट्यामफोर्ड ब्रिजमा पाएको जागिरलाई इङ्गल्याण्डमा आफूलाई प्रमाणीत गर्ने लक्ष्यको रुपमा हेर्दै छन् । जर्मनी छोडेर आएका दुई प्रशिक्षक पेप ग्वार्डियोला र योर्गेन क्लोपले देखाएको जस्तो प्रभाव देखाउन पनि टुचेल आतुर देखिन्छन् ।

राम्रो बिचार भएका उत्कृष्ट प्रशिक्षक

टुचेलले आफ्नो सिनियर करिअरको दौरान निकै अनुभव बटुलेका छन् । बुन्डेसलिगाको सानो क्लब माइन्जबाट आफ्नो प्रशिक्षण करिअर शुरु गरेका उनले बोरुसिया डर्टमण्ड हुँदै पिएसजीमा समेत काम गरेका छन् ।

गएको समर विन्डोमा २ सय मिलियन पाउन्ड खर्च गरे पनि जहिल्ये चेल्सीको खेल रणनीतिमा उठ्ने गरेको प्रश्नमा टुचेलले पूर्णबिराम लगाउन सक्ने अपेक्षा गरिएको छ । लाम्पार्डको कार्यकालमा धेरै खेलाडीले ‘कम्युनिकेसन ग्याप’ र रणनैतिक अभावको गुनासो गरेका थिए तर टुचेलको आगमन पछि चेल्सीमा नयाँ युगको शुरुवात हुने मनिएको छ ।

टुचेललाई आफ्नो विचारहरू कार्यान्वयन गर्न नहिच्किचाउने प्रशिक्षकको रुपमा लिइने गरेको छ । उनी आफ्नो रणनीति बोर्ड र खेल दुवैमा देखाउन सक्षम छन् । उनी आफ्नो अघिल्लो क्लबहरूमा आफै डाइट योजनाहरू बनाउँथे, खेलाडीहरू सुते–नसुतेको निगरानी समेत गर्ने गर्छन् ।

उनले पहिले काम गरेको क्लबहरुमा आफै एनलाइटिक्स बिभागको शुरुवातमा र स्काउटिंग प्रकृयामा परिवर्तन गरेका थिए र त्यही कारण पनि उनलाई राम्रो बिचार भएको प्रशिक्षक मध्ये पर्छन् ।

क्लब बोर्डसँगको चिसो सम्बन्ध

टुचेल जिद्दी प्रशिक्षकको रुपमा चिनिने गर्छन् । उनी जुन क्लब पुगेका छन् त्यहाको बोर्डसँग कहिल्यै राम्रो सम्बन्ध बनाउन सकेनन् । माइन्ज, डर्टमण्ड र पिएसजी सबै क्लबको बोर्डसँग उनको कहिले राम्रो सम्बन्ध रहेन । अझै डर्ट्मण्डमा त उनले हेड स्काउट स्वेन मिसलिन्टैटलाई प्रतिबन्ध नै गरेका थिए ।

धेरै प्रशिक्षकहरु नरुचाउने चेल्सीको बोर्डका लागि टुचेललाई धेरै समय दिने आशा गरिएको छ । चेल्सीका मालिक रोमन अब्राहिमोभिच आँफै पनि टुचेलका समर्थक हुन् । चेल्सीकी स्पोर्टिङ्ग डिरेक्टर मरिया ग्रनोवस्किया त टुचेललाई २०१७ मै क्लब भित्र्याउन पर्छ भन्ने मध्येकी एक थिइन् । सधैं क्लब सँग झगडामा मुछिने टुचेलका लागि चेल्सी बोर्डसँग सम्बन्ध भने हेर्न बाँकी छ ।

Continue Reading
Headline2 hours ago

एपिएफले पुलिसलाई बाहिर पठायो, आरिफको खुट्टा खोच्याउदै ब्याटिङ्ग

Headline3 hours ago

बिराटनगरको पहिलो जितमा कुसुमको ह्याट्रीक

Headline3 hours ago

थोमस टुचेलः पावर गेम र दूरदर्शी

Headline6 hours ago

एपिएफले पुलिसलाई दियो २ सय ४ रनको चुनौतिपुर्ण लक्ष्य, आरिफ घाइते

Headline11 hours ago

प्रिमियर लिगमा सिटी यो सिजन पहिलो पटक शिर्षमा उक्लियो

Headline20 hours ago

रियल र बार्सिलोना अझै पनि सर्वाधिक आम्दानी गर्ने क्लबको सुचिमा कायम

Headline20 hours ago

रेड कार्डले प्रतिबन्ध व्यहोरेका मेस्सी बार्सिलोना टोलीमा फर्किए

Headline21 hours ago

युएईका पुर्व कप्तान नाभिद र साइमन अनवरलाई आजीवन प्रतिबन्ध लाग्न सक्ने

Headline1 day ago

नेपालले अर्को महिना ट्वान्टी ट्वान्टी अन्तर्राष्ट्रिय शृंखला खेल्ने

Headline1 day ago

महिला लिग: बिभागीय डर्बीमा एपिएफ हावी, आर्मी पराजित

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline4 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline6 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending