Connect with us

Headline

उनी एक समय फुटबल लिजेण्ड थिए । अहिले उबर (ट्याक्सी) चलाएर गुम्नाम छन् ।

wesportz

Published

on

हाकान सुकुर सन् १९९० र २००० को दशकमा टर्कीस फुटबल आइकन थिए तर टर्कीको राजनीतिमा प्रवेश गरेपछि उनी देशबाट भगाइए र अहिले उबर चालक भएर जीवन बिताइरहेका छन् ।

आफ्नो करिअरको उचाइमा रहदा सुकुर इन्टर मिलान र ब्ल्याकबर्न रोभर्सका लागि खेल्दै सन् २००८ मा टर्कीस क्लब गालातासारेबाट लिजेण्डको रुपमा फुटबलबाट बिदा भए । सन् २०११ मा सुकुर राजनीतिमा प्रवेश गर्दै टर्कीको संसदमा छिर्न सफल भए । तर उनको जीवन त्यसपछि मोडिन पुगे ।

टर्कीका राष्ट्रपति एर्दोगानको सरकारले सुकुर सरकारबिरुद्ध कु गर्ने समुहमा संलग्न भएको आरोप लगाउदै पक्राउ पुर्जी जारी गरेपछि उनी २०१५ मा देश छोड्न बाध्य भए । त्यसपछि उनी २०१७ मा अमेरिका प्रवेश गरे र त्यही बसेर उबर (प्राइभेट ट्याक्सी) चलाइरहेको एक जर्मन पत्रिकालाई अन्तर्वार्तामा भनेका छन् ।

“एर्दोगानले म बाट सबै खोसे, स्वतन्त्रताको हक, वाक अधिकार र मेरो काम गर्ने अधिकार पनि,” सुकुरले भने । “त्यो कु मा मेरो कस्तो किसिमको संलग्नता रहेको थियो कसैले भन्न सक्दैनन् । मैले कुनै गैरकानुनी काम गरेको थिइन । न म देशद्रोही थिए न त आतंकवादी नै ।
म एर्दोगानको सरकारको बिरोधी हु तर आफ्नो देशको हाइन ।”

“एर्दोगानसँगको बिवादपछि मैले धेरै धम्कीहरु पउन थाले । मेरो श्रीमतीको पसलमा पनि आक्रमण भयो, मेरो बच्चाहरुमाथि दुब्र्यवहार गरियो, मेरो बुवालाई जेल चलान गरे र मेरो सबै सम्पत्ति जफल पनि गरियो । त्यसपछि म अमेरिकाको क्यालिफोर्निया गएर शुरुमा क्याफे चलाए तर त्यहा पनि अचम्मका ब्यक्तिहरु आउन थाले । अहिले म उबर चलाउछु अनि किताबहरु बेच्छु,” सुकुरले आफ्नो कथा सुनाए ।

एर्दोगानले पहिलो पटक भने फुटबलमा कोलाहल मच्चाएको पहिलो पटक भने होइन । यसअघि सन् २०१८ मा चुनाव अघि जर्मन फुटबलर मेसुत ओजिल र इके गुन्डोगानसँग तस्विर खिचाउदै ६५ बर्षीय एर्दोगान बिवादमा तानिएका थिए । जर्मनीमा उनलाई चुनावको प्रचार गर्न नदिइएपनि त्यहा रहेका १२ लाख टर्कीस आप्रवासीहरु भोट हाल्न पाउथे र उनले ओजिल र गुन्डोगानसँग तस्विर खिच्दै आफ्नो प्रचार गरेको आरोप लागेको थियो ।

ओजिल र गुन्डोगानको परिवार टर्कीकै आप्रवासी हुन् । सन् २०१८ को बिश्वकपमा जर्मनी पहिलो चरणबाटै बाहिरिएपछि ओजिललाई एर्दोगानसँगको तस्विर खिचेको बहानामा रँगभेद झेल्न परेको थियो ।

उक्त तस्विरले जर्मनीमा ओजिललाई नराम्ररी बिवादमा तानेपछि अन्तर्राष्ट्रिय फुटबलबाट सन्यास नै लिनुपरेको थियो । बिवदले त तब अर्को उचाई छोयो जब ओजिलले जुन २०१९ मा आफ्नो बिहेमा एर्दोगानलाई नै बेस्ट म्यान बनाए ।

Click to comment

Leave a Reply

Your email address will not be published. Required fields are marked *

Headline

नेपालको ओलम्पिक्स सहभागिता सक्कियो

wesportz

Published

on

सरस्वती चौधरी १ सय मिटर दौडको पहिलो चरणबाट बाहिरिएसंगै नेपालको टोकियो ओलम्पिक्सको सहभागिता समाप्त भएको छ ।

म्याराथन धावक गोपीचन्द्र पार्कीलाई अन्तिम समयमा सहभागीता दिलाउन नसकेपछि मौका पाएकी सरस्वतीले दोश्रो हिटमा सहभागी हुंदै निर्धारित दुरी १२ दशमलव ९१ सेकेण्डमा पुरा गरिन् । उनी आफ्नो हिटमा आठौं भएकी थिइन् । यस हिटमा इरानकी फाइसी फर्जानी ११ दशमलव ७६ अंक सहित पहिलो भएकी थिइन् । यो संगै नेपालका सबै ओलम्पियनहरुले आफ्नो प्रतिस्पर्धा पुरा गरेका छन् ।

नेपालको ओलम्पिक्स यात्रा दुई नयां राष्ट्रिय किर्तिमान सहित समाप्त भयो । स्विमिंगमा गौरिका सिंह र एलेक्स शाहले १ सय मिटर फ्रि स्टाइलमा नयां किर्तिमान कायम गरे भने सुटिंगकी कल्पना परियार र जुडोकी सोनिया भट्ट पनि पहिलो चरणबाटै बाहिरिएका थिए ।

Continue Reading

Headline

नेम्बांग र दुई सञ्चारकर्मीमाथि छानविन गर्न अब्दुल्लाहको माग

wesportz

Published

on

राष्ट्रिय फुटबल टोलीका मुख्य प्रशिक्षक अब्दुल्लाह अलमुताईरीले अखिल नेपाल फुटबल संघ (एन्फा) का बरिष्ठ उपाध्यक्ष पंकज नेम्बांग र दुई सञ्चारकर्मीबिरुद्ध निष्पक्ष छानविन गर्न एन्फा समक्ष माग गरेका छन् ।

अब्दुल्लाहले बिहिवार एन्फा कम्प्लेक्समा पुगेर छानविनका लागि माग गरेका हुन् । अलमुताइरीले केही दिन अघि नेम्बांगको कारण आफू राजीनामा दिन गइरहेको भन्दै फेसबुक स्ट्याटस लेख्दा नेपाली फुटबल तरंगित हुदै आएको छ ।

अब्दुल्लाहले तीन साता देखि नेम्बांगले आफूलाई तनाव दिइरहेको बताउदै उनकै कारणले राजीनामा दिने बताएका थिए । तर एन्फा नेतृत्वले उनलाई राजीनामा नदिन आग्रह गरेको थियो ।

नेम्बांगले आफुबिरुद्ध अब्दुल्लाह खनिनु निराधार रहेको र घटनाको छानविन गर्न त्यही दिन नै माग गरेका थिए । उनले आफ्नो गल्ति देखिएमा पदबाट समेत राजीनामा दिने बताएका थिए ।

यस्तै एक अनलाइनका दुई संचारकर्मीबिरुद्ध पनि छानविन गर्न अब्दुल्लाहले माग गरेका हुन् । एन्फामा प्रशिक्षणका दौरान बिश्राम लिदै कम्पाउण्ड बाहिर निक्लदै धुम्रपान गरेको बिषयमा प्रश्न गर्दा अब्दुल्लाहले आफुहरुलाई दुव्र्यवहार गरेको भन्दै दुई सञ्चारकर्मीले बिरोध जनाएका थिए ।

उनीहरुले पनि एन्फालाई यो बिषयमा छानविन गर्न माग गरेका छन् । एन्फाले यस बिषयमा शुक्रबार हुने केन्द्रि य समितिको बैठकमा छलफल गर्नेछ ।

Continue Reading

Headline

नयां राष्ट्रिय किर्तिमान सहित गौरिकाको ओलम्पिक्स चुनौति समाप्त

wesportz

Published

on

नेपाली स्विमर गौरिका सिंहले टोकियो ओलम्पिक्सको १ सय मिटर फ्रि स्टाइलमा नयां राष्ट्रिय किर्तिमान बनाएकी छिन् ।

आफ्नो हिट तेश्रो स्थानमा सक्काएकी गौरिकाले निर्धारित दुरी १ मिनेट शुन्य दशमलव ११ सेकेण्डमा पुरा गरिन् । उनी नाइजेरिया र मोन्टेनेग्रोको खेलाडीभन्दा पछि रहिन् ।

यसअघि आफैले बनाएको १ मिनेट शुन्य दशमलव ६२ सेकेण्डको किर्तिमान तोडेकी गौरिका पहिलो चरणबाट भने बाहिरिएकी छिन् ।

यो स्पर्धामा स्विडेनकी सराह सोस्टोर्मकोनाममा ओलम्पिक र बिश्व किर्तिमान दुवै रहेको छ ।

जारी ओलम्पिक्समा नेपालका चार जना खेलाडीको चुनौति समाप्त भइसकेको छ । शुटिंगकी कल्पना परियार, जुडोकी सोनिया भट्ट र स्विमिंगकै एलेक्स शाह पनि पहिलो चरणबाटै बाहिरिएका हुन् ।

एलेक्सले पनि आफैले राखेको १ सय मिटर फ्रि स्टाइलको किर्तिमानमा सुधार ल्याउदै ओलम्पिक्स सहभागिताको अन्त्य गरेका थिए ।

नेपालको लागि अब १ सय मिटर दौडमा सरस्वती चौधरीले मात्रै प्रतिस्पर्धा गर्न बाकी रहेको छ ।

Continue Reading
Headline4 hours ago

नेपालको ओलम्पिक्स सहभागिता सक्कियो

अन्तर्राष्ट्रिय17 hours ago

भारतको लज्जास्पद हार, श्रीलंकालाई शृंखला 

Headline22 hours ago

नेम्बांग र दुई सञ्चारकर्मीमाथि छानविन गर्न अब्दुल्लाहको माग

अन्तर्राष्ट्रिय2 days ago

वेस्ट इन्डिज र पाकिस्तान बीचको खेलमा वर्षा बाधक 

अन्तर्राष्ट्रिय2 days ago

भारत माथि श्रीलंकाको रोमान्चक जित 

Headline2 days ago

नयां राष्ट्रिय किर्तिमान सहित गौरिकाको ओलम्पिक्स चुनौति समाप्त

Headline2 days ago

ओलम्पिक्सः झण्डै एक शताब्दीपछि फिलिपिन्सले सुनेको राष्ट्रिय गान

Headline2 days ago

पुबुदु दासानायके भैरहवाकै प्रशिक्षक रहने

Headline2 days ago

रियल म्याड्रिडका भारान म्यानचेस्टर युनाइटेडमा

अन्तर्राष्ट्रिय3 days ago

भारत र श्रीलंका बीचको दोश्रो ट्वान्टी ट्वान्टी स्थगित 

Trending

error: Content is protected !!