Headline
कसरी ध्वस्त भयो आफ्नै घर माल्मोमा इब्राहिमोभिचको विरासत ?
Published
4 years agoon
By
wesportz“हामी रिसाएको छौं किनभने उनलाई लाग्छ उनी जे मन लाग्यो त्यही गर्न सक्छन् अनि माया पनि पाउनेछन् । उनी एक सच्चा समर्थक हुनु कस्तो हुन्छ भनेर बुझ्न सक्दैनन् ।” सिमोन बेङ्गसन ती धेरै माल्मो समर्थकहरु मध्ये एक हुन् जो ज्लाटन इब्राहिमोभितलाई माफी दिन तयार नै छैनन् ।
स्विडिस लिजेण्ड इब्राहिमोभिच आफ्नै शहरमा केही कठिन समयबाट गुज्रिरहेका छन् । भगवान जसरी पुजिने इब्राहिमोभिचले माल्मोमा आफ्नो विरासत ध्वस्त भएको देखिसकेका छन् । माल्मो रँगशाला अगाडी उनको पूर्ण कदको प्रतिमालाई समर्थकहरुले ढलाइसकेका छन् । चाडै केही नगर्ने हो भने इब्राहिमोभिच अब माल्मोको “पब्लिक एनेमि नम्बर वान” (एक नम्बरको शत्रु) हुन पनि बेर छैन । आखिर किन त ?
एक महिना अगाडी इब्राहिमोभिचले माल्मोको प्रतिद्वन्दी क्लब ह्यामरबीमा ठूलो लगानी मात्र गरेनन् उनले क्लबलाई स्क्यानडनेभियाकै सबैभन्दा ठूलो फुटबल शक्ति बनाएर देखाउने पनि घोषणा गरे । उनको घोषणाले भोलि पल्टै असर देखाउन थालिहाल्यो ।
सानो उमेर देखि नै माल्मोसँग आबद्ध भएर व्यवसायिक फुटबल यात्रा शुरु गरेका इब्राहिमोभिचका “डाइ हार्ड” समर्थकहरुलाई नै यो पचेन । २५ बर्षदेखि कायम गर्दै आएको उनको “लिगेसी” क्षण भरमै ध्वस्त हुन पुग्यो । एक हिसाबले माल्मोका कैयौ समर्थकहरुमाझ इब्राहिमोभिच अहिल “हेट फिगर” (घृणाको पात्र) बन्न पुगिसकेका छन् ।
इब्राहिमोभिचको त्यो मुर्ति गत अक्टोबरमा मात्रै अनावरण गरिएको थियो । उक्त मुर्तिले स्विडेनका किर्तिमानी गोल स्कोररले माल्मो आएका सबैलाई स्वागत गरिरहेको भान हुन्थ्यो । त्यो मुर्ति केही दिनमै निषेध गरिने बिषयलाई लिएर उनी अनभिज्ञ नै थिए ।
५ जनवरीको बिहान क्रुद्ध माल्मो समर्थकहरुले उनको मुर्ति नढलुञ्जेल गोलीगाठोमा करौति लगाए । ह्यामरबीमा लगानी गरेको रिस तब झल्कियो जब समर्थकहरुले मुर्तिको नाक काट्दै आगो लगाउन समेत प्रयास गरे ।
इब्राहिमोभिचको मुर्ति ढलिसकेपनि रिस र निराशा भने सबैतिर फैलिरहेको छ । “ठूलै संख्यामा माल्मो समर्थकहरु ज्लाटनदेखि निराश छन्,” बेङ्गसनले बिबिसिलाई भन्छन् । “मैले चिनेका कुनै पनि समर्थकहरुले उनको रक्षामा केही बोल्न चाहदैनन् । केहीलाई तोडफोड गर्नु राम्रो होइन भन्ने लागेका छ तर उनीहरुले यो तोडफोड किन भयो भनेर पनि बुझेका छन् ।”
स्विडेनमा कुनै पनि ट्रफि नजितेका इब्राहोभिचले माल्मो सिनिरयर टोलीका लागि ५० खेल पनि खेलेका थिएनन् । तर माल्मो समर्थकहरुले उनको बिश्वव्यापी सफलतालाई व्यक्तिगत गर्वको स्रोतको रुपमा हेर्नेगर्छन् । आफ्नै क्लबका एक खेलाडीले ख्याति कमाउदा उनीहरुले गर्व गर्छन । अहिले उनीहरुलाई धोखा दिइएको महसुस हुन थालेको छ । इब्राहिमोभिचलाई लिएर जसरी गर्व गर्ने गर्थे त्यो उनलाई भने नभएको देखिएको बुझ्छन् ।
“केही समयअघि मात्र उनलाई लिएर गर्व महसुस हुने गथ्र्यो । हाम्रो क्लबबाट ग्लोबल सुपरस्टार बनेका खेलाडी जसको बारेमा अब हामी केही पनि सुन्न नै चाहदैनौं । उनी सोच्छन् उनले जे गरे त्यसको लागि हामी आभारी हुनु प¥यो भनेर तर उनले माल्मोको लागि केही जितेनन् । उनी धेरै पैसामा यहाबाट बिकेका हुन्, त्यति मात्रै हो,” बेङ्गसनले थपे ।
अर्को माल्मो फ्यान एलेक्जेण्डर इभानोभ्स्की भन्छन् इब्रोहिमोभिचलाई लिएर अहिले सबैले धोखा भएको महसुस गरिरहेका छन् । “यो धेरै गहिराईमा जानुको कारण के हो भने उनी ह्यामरबीमा लगानी गर्ने क्रममा आफै बिरुद्ध गएका छन् । उनले सधै माल्मो मेरो घर हो भनेका छ्न् । उनी माल्मोलाई माया गर्छन र यो भन्दा ठूलो क्लब अरु हुदैन पनि भनेका थिए,” इभानोभ्स्की भन्छन् ।
इभानोभ्स्कीका अनुसार इब्राहिमोभिचले जसरी ह्यामरबीसँग व्यापारको बारे बोले त्यसलै झनै मुद्दालाई पेचिलो बनाउन पुग्यो । “ह्यामरबीको २५ प्रतिशत सेर किनेर यस बिषय र माल्मो बिषयमा उनले केही नभनेको भए सबैले सामान्य रुपमा लिने थिए । तर उनले एक चौथाई किने अनि क्लबलाई स्क्यानडनेभियाकै शक्तिशाली बनाउछु पनि भने । उनले चक्कु रोपेका मात्र होइनन् । त्यसलाई घुमाएर माल्मो समर्थकहरुलाई क्षतबिक्षत पारे ।”
इब्राहिमोभिचलाई लिएर गरिएको बिरोध यो स्तरसम्म पुगिसकेको छ की माल्मोका स्थानीय अधिकारीहरुलाई अब त्यो मुर्ति हटाउने कि नहटाउने भन्नेमा द्विविधा हुन थालेको छ । मुर्ति फेरि खडा गरौं फेरि तोडफोड होला र र जनताले तिरेको करबाट राम्रो लगानी गर्दै त्यसलाई सुरक्षा दिन पनि सम्भव देखिदैन । मुर्ति अर्को ठाँउमा लगेर अनावरण गरौं, त्यसले क्रुद्ध समर्थहरुलाई जित दिनेछ ।
You may like
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।