Connect with us

Headline

श्रीलंका माथि सहज जीत निकाल्दै शृंखलामा भारतको कब्जा 

Published

on

श्रीलंका बिरुद्धको तेश्रो तथा अन्तिम ट्वान्टी ट्वान्टी खेलमा सहज जीत निकाल्दै भारतले तीन खेलको ट्वान्टी ट्वान्टी शृंखला माथि कब्जा जमाएको छ ।
पहिलो खेल वर्षाका कारण रद्ध भएको शृंखलाको बाँकी दुई खेलमा जीत निकाल्दै भारतले तीन खेलको शृंखला २-० ले आफ्नो पोल्टामा पार्न सफल भएको हो ।
शृंखला बराबरी गर्नका लागि २०२ रनको विशाल योगफल लिएर ब्याटिङमा आएको श्रीलंकाले १५ दशमलब पाँच ओभरमा आफ्ना सबै विकेट गुमाएर १२३ रन मात्र बनाउन सक्यो ।
भारतको जीतमा शार्दुल ठाकुर, नवदिप साइनी र वाशिंगटन सुन्दरले समान २-२ विकेट हात पारे भने जस्प्रित बुम्राले पनि आफ्नो नाममा एक विकेट दर्ता गराए ।
श्रीलंकाले २६ रन बनाउँदा आफ्नो शुरुवाती चार विकेट गुमायो । त्यस पछि ब्याटिंग गर्न आएका एन्जेलो म्याथ्युज र धनन्जय डी सिल्भा पाँचौ विकेटका लागि ६८ रनको शाजेदारी गरे । तर ३१ रन बनाएका म्याथ्युज आउट भए पछि श्रीलंका खेलमा फर्कन सकेन । ३६ बलको सामना गर्दै ५७ रन बनाएका डी सिल्भा पनि साइनीको शिकार भए पछि श्रीलंकाले फराकिलो हार टार्न सकेन ।
यस अघि ओपनरद्वय शिखर धवन र केएल राहुलले अर्ध शतक प्रहार गरे पछि खेलमा टस हारेर पहिले ब्याटिंङ गरेको भारतले पुरै २० ओभर खेल्दै ६ विकेटको नोक्सानीमा २०१ रन बनायो ।
भारतको तर्फबाट राहुलले सर्वाधिक ५४ रन बनाए भने धवनले ५२ रनको पारी खेले । समान ३६-३६ बलको सामना गरेका उनीहरुले पहिलो विकेटका लागि १० दशमलब पाँच ओभरमा ९७ रन जोड्दै भारतलाई तुफानी शुरुवात दिए ।
राम्रो शुरवात पाएता पनि २५ रनको अवधिमा चार विकेट गुमाएर दबाबमा परेको भारतको लागि त्यस पछि आएका ब्याट्सम्यानहरुमा कप्तान बिराट कोहली १७ बलमा २७ रन तथा अविजित रहेका मनिष पाण्डेले १८ बलमा ३१ रन तथा शार्दुल ठाकुरले आठ बलमा २२ रन जोड्दै भारतलाई २०० रन कटाउन मद्धत गरे ।
एक समय निकै विशाल योगफल तर्फ लम्केको भारतको पारी निरिह बनाउने क्रममा लक्षण सन्दाकनले सर्वाधिक तीन विकेट हात पारे । उनले नै राहुल र धवनको विकेट निकाल्दै भारतको तिब्र रन गतिमा केहि अंकुस लगाए ।
यस अघि इन्दोरमा भएको दोश्रो ट्वान्टी ट्वान्टी खेलमा भारतले सात विकेटको सहज जीत हात पारेको थियो भने गुवाहिटीमा भएको पहिलो ट्वान्टी ट्वान्टी खेल वर्षाका कारण रद्ध भएको थियो ।

Click to comment

Leave a Reply

Your email address will not be published. Required fields are marked *

Headline

टियुमा पहिलो जित हात पार्दा नेपाल क्लिन स्विप हुनबाट बच्यो  

Published

on

टियु क्रिकेट मैदानमा नेपाली राष्ट्रिय महिला टोलीले पहिलो जित दर्ता गराएको छ । युगान्डा विरुद्धको शृंखला अन्तर्गत चौथो खेलमा नेपालले १५ रनको जित हात पारेको हो । पाँच खेलको शृंखलामा ३-० ले पछि पर्दै शृंखला गुमाइसकेको नेपालले चौथो खेल जित्दै शृंखला ३-१ को अवस्था पुर्याएको छ भने क्लिन स्विप हुनबाट पनि बचेको छ ।   

खेलमा टस जितेर पहिले ब्याटिङ गरेको नेपालले १७ दशमलब पाँच ओभरमा खेल्दै आफ्ना सबै विकेट गुमाएर ९७ रन जोड्न सके पनि युगान्डाले पुरै १८ ओभर खेल्दै आठ विकेट गुमाएर ८२ रन मात्र बनाउन सक्यो । ढिला गरेर सुरु हुँदा खेल १८ ओभर प्रति टोलीमा घटाइएको थियो ।

युगान्डालाई रोक्ने क्रममा आजको खेलमा नेपालको लागि डेब्यु गरेकी हिरनमयी रोयले सर्वाधिक दुई विकेट हात पारिन् भने अस्मिना कर्माचार्य, रुबिना क्षेत्री र कविता कुँवरले समान १-१ विकेट आफ्नो नाममा दर्ता गराए । खेलको प्लेयर अफ द म्याच घोषित रोयले तीन ओभरमा ११ रन खर्चिन् । त्यस्तै अस्मिनाले दुई ओभरमा ६ रन दिँदा रुबिनाले चार ओभरमा १६ तथा कविताले तीन ओभरमा १७ रन खर्चिन पुगे ।     

 यस अघि नेपालको लागि विकेट किपर तथा ओपनर ज्योति पाण्डेले १३ बलमा सर्वाधिक १७, बिन्दु रावलले १६ तथा सिता राना मगरले ११ रनको पारी खेले भने अन्य कुनै पनि ब्याटरले दोहोरो अंकमा रन निकाल्न सकेनन् ।

नेपालका अन्य ब्याटरमा डली भट्ट, कविता कुँवर र अस्मिना कर्माचार्यले समान ६-६ रन जोडे भने, अप्सरी बेगमले चार, सरिता मगरले दुई, रुबिना क्षेत्री र इन्दु वर्माले १-१ रन भन्दा निकाल्न सकेनन् ।

 युगान्डाकी जानेट एमबाबाजीले सर्वाधिक २१ रन जोडिन् भने अन्यले उल्लेख्य योगदान दिन सकेनन् । यस अघि कोन्सी अवेकोले तीन तथा साराह अकिटेङले दुई विकेट निकाल्दा नेपाल सामान्य योगफलमा नै रोकिएको थियो ।   


  

Continue Reading

Headline

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Published

on

पूर्व कप्तान विराट कोहलीको अर्धशतक र ग्लेन म्याक्सवेलको आक्रामक पारीको मद्दतमा बेंगलोरले शीर्ष स्थानको गुजरात टाइटान्स माथि आठ विकेटको सहज जित हात पारेको छ ।

जितसँगै बेंगलोर इन्डियन प्रिमियर लिग (आईपीएल) को अंक तालिकाको चौथो स्थानमा उक्लिएको छ । बेंगलोरले आजको खेलमा जित निकाले पनि उसले प्लेअफमा स्थान भने पक्का गर्न सकेको छैन । बेंगलोर भन्दा एक खेल कम खेलेको दिल्ली क्यापिटल्सले आफ्नो अन्तिम खेलमा हारको सामना गरेको खण्डमा मात्र बेंगलोरले प्लेअफमा स्थान बनाउन सक्ने छ । दिल्लीले आफ्नो अन्तिम खेलमा मुम्बईलाई पराजित गरेको खण्डमा प्लेअफमा पुग्ने छ भने हारको सामना गर्दा बेंगलोरको भाग्य चम्कने छ ।

आजको खेलमा बेंगलोरले जित निकाल्दा पन्जाब किंग्स र सनराइजर्स हैदराबाद एक खेल अगावै प्लेअफको दौडबाट बाहिरिन पुगेका छन् । मुम्बई, चेन्नाई र कोलकाताले यस अघि नै समुह चरण पार गर्न सकेनन् भने गुजरात र लखनउले प्लेअफको टिकट काटिसकेका छन् ।  

गुजरातले दिएको १६९ रनको चुनौतिपूर्ण लक्ष्य बेंगलोरले आठ बल अगावै दुई विकेट गुमाएर जित हात पार्यो ।

बेंगलोरको जितमा खेलको प्लेयर अफ द म्याच घोषित विराट कोहलीले रशिद खानको बलमा आउट हुनु अघि ५४ बल खेल्दै आठ चौका र दुई छक्काको मद्दतमा सर्वाधिक ७३ रन बनाए भने कप्तान फाफ डु प्लेसिसले ४४ तथा अविजित रहेका ग्लेन म्याक्सवेलले १८ बलमा ४० रनको आक्रामक पारी खेले ।

गुजरातका रशिद खानले सर्वाधिक दुई विकेट आफ्नो नाममा दर्ता गराए ।      

यस अघि खेलमा टस जितेर पहिले ब्याटिङ गरेको गुजरातले ओभरमा पाँच विकेट गुमाएर १६८ रनको चुनौतिपूर्ण योगफल बनायो ।

सामान्य सुरुवात गरेको गुजरातको लागि अविजित रहेका कप्तान हार्दिक पान्ड्याले सर्वाधिक ६२ रनको पारी खेले । ४७ बलको सामना गरेका पान्ड्याले चार चौका र तीन छक्का प्रहार गरे । 

पान्ड्या बाहेक गुजरातको लागि डेविड मिलरले ३४, विकेट किपर रिद्दिमन साहले ३१ तथा अविजित रहेका रशिद खानले ६ बलमा १९ रनको योगदान दिए । त्यस बाहेक ओपनर शुबमन गिल एक, म्याथ्यु वेड १६ तथा राहुल टेवाटिया दुई रन बनाएर आउट भए ।

बेंगलोरका जश हेजलउडले सर्वाधिक दुई विकेट हात पार्दा ग्लेन म्याक्सवेल र वानिन्दु हसरंगाले समान १-१ विकेट आफ्नो नाममा दर्ता गराए । 

Continue Reading

Headline

रोहितलाई उपकप्तानको जिम्मेवारी 

Published

on

मध्यक्रमका ब्याटर रोहित कुमार पौडेल यु१९ टोलीका उपकप्तान नियुक्त भएका छन् । नेपाल क्रिकेट संघ (क्यान) ले रोहितलाई अमेरिका र स्कटल्याण्ड भ्रमणका लागि उपकप्तानको जिम्मेवारी दिएको जनाएको हो ।

क्यानले रोहितलाई विश्वकप लिग टु अन्तर्गत अमेरिका र स्कटल्याण्डमा आयोजना हुने दुई त्रिकोणात्मक शृंखलाका लागि मात्र उपकप्तानको जिम्मा दिएको हो । नेपालले जुनमा अमेरिका र जुलाईमा स्कटल्याण्डको भ्रमण गर्नेछ ।   

क्यानले तत्कालीन कप्तान ज्ञानेन्द्र मल्ल र उपकप्तान दिपेन्द्र सिंह ऐरीलाई बर्खास्त गर्दै सन्दिपलाई कप्तान नियुक्त गर्दा उपकप्तान भने राखेको थिएन । सन्दिपले कप्तानी सम्हाले पछि खाली रहँदै आएको उपकप्तानमा पहिलो पटक नेपाली टोलीले उपकप्तान पाएको छ ।  

रोहितले यस अघि यु१९ टोलीको कप्तानको जिम्मेवारी सम्हाली सकेका छन् ।

नेपालको लागि १७ एकदिवसीय र १६ ट्वान्टी ट्वान्टी -अन्तर्राष्ट्रिय खेल खेलेका रोहितले क्रमश ६२३ र २२० रन प्रहार गरेका छन् । रोहितले नेपालमा नै आयोजना भएको पपुवा न्यु गिनी विरुद्धको दुई खेलको शृंखला अन्तर्गत पहिलो एकदिवसीय खेलमा कीर्तिमानी १२६ रन बनाएका थिए । एकदिवसीयमा चार अर्धशतक र एक शतक तथा ट्वान्टी ट्वान्टीमा एक अर्धशतक प्रहार गरेका रोहित नेपालको तर्फबाट एकदिवसीयको एकै पारीमा सर्वाधिक रन बनाउने ब्याटर हुन् ।   

 

Continue Reading
Headline11 hours ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 day ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 day ago

रोहितलाई उपकप्तानको जिम्मेवारी 

Headline2 days ago

घरेलु मैदानमा खेलेको पहिलो शृंखला नै गुमायो नेपालले  

Headline2 days ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline2 days ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline2 days ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline2 days ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline2 days ago

आदिल, धमला र किशोर पहिलो पटक एकदिवसीय टोली

Headline3 days ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline4 days ago

खराब फिल्डिङका कारण जित नजिक पुगेर पनि हार्यो नेपाल 

Headline4 days ago

नेपालले दियो १०२ रनको चुनौतिपूर्ण लक्ष्य 

Headline4 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline5 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline5 days ago

नेपाली महिला खेलाडीको तलबमा भारी वृद्धि  

Headline5 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline5 days ago

चेन्नाई माथि शीर्ष स्थानको गुजरातको सहज जित   

Headline6 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL6 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline7 days ago

यु१९ टोलीकी रोय पहिलो पटक राष्ट्रिय टोलीमा

Headline11 hours ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline1 day ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline1 day ago

रोहितलाई उपकप्तानको जिम्मेवारी 

Headline2 days ago

घरेलु मैदानमा खेलेको पहिलो शृंखला नै गुमायो नेपालले  

Headline2 days ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline2 days ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline2 days ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline2 days ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline2 days ago

आदिल, धमला र किशोर पहिलो पटक एकदिवसीय टोली

Headline3 days ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline4 days ago

खराब फिल्डिङका कारण जित नजिक पुगेर पनि हार्यो नेपाल 

Headline4 days ago

नेपालले दियो १०२ रनको चुनौतिपूर्ण लक्ष्य 

Headline4 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline5 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline5 days ago

नेपाली महिला खेलाडीको तलबमा भारी वृद्धि  

Headline5 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline5 days ago

चेन्नाई माथि शीर्ष स्थानको गुजरातको सहज जित   

Headline6 days ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

IPL6 days ago

रसेलको अलराउण्ड प्रदर्शनमा कोलकातासँग हैदराबादको लज्जास्पद हार, प्लेअफको यात्रा कठिन बन्दै 

Headline7 days ago

यु१९ टोलीकी रोय पहिलो पटक राष्ट्रिय टोलीमा

Trending

error: Content is protected !!