Connect with us

१३औं दक्षिण एसियाली खेलकुद

लक्ष्मणलाई करातेमा अर्को स्वर्ण, दिवस पनि फाइनल खेल्दै, नेपालको स्वर्ण संख्या ८ पुग्यो

wesportz

Published

on

लक्ष्मण तामाङ र पार्वती गुरुङले नेपाललाई १३ औं दक्षिण एसियाली खेलकुदमा थप स्वर्ण दिलाएका छन् । यो सँगै नेपालको स्वर्ण संख्या ८ पुगेको छ ।

लक्ष्मणले पुरुष करातेको कुमुते ५५ केजी तोल समुहमा नेपाललाई स्वर्ण जिताएका हुन् । उनले फाइनलमा बङ्गलादेशका मोहम्मद मुस्तफा कमललाई पराजित गरेका हन् । लक्ष्मण १–० ले बिजयी भएका हुन् । कुमितेमै नेपाल अर्को स्वर्ण नजिक पुगेको छ । दिवस श्रेष्ठ ८४ केजी मुनिको वेट क्याटेगोरीको फाइनलमा प्रवेश गरेका छन् ।

दिवसले सेमिफाइनलमा बङ्गलादेशका मोहम्मद रम्जानलाई ६–१ को फराकिलो अन्तरले पराजित गरेका थिए । उनले फाइनलमा अवेस मुहम्मदको सामना गर्दैछन् ।

करातेले अहिलेसम्म चार स्वर्ण पदक जितिसकेको छ । एकल काताको फाइनलमा चुक्ने एक मात्र खेलाडी चञ्चला दनुवार रहेका थिइन् ।

यस्तै पार्वतीले महिला तेक्वान्दोको पुम्सेमा स्वर्ण पदक चट्काइन् । उनले २३–२९ बर्ष उमेर समहुमा स्वर्ण जितिन् । यसअघि तेक्वान्दोकै पुम्सेमा सिता मादेन लिम्बुले स्वर्ण पदक दिलाएकी थिइन् । तीन स्वर्ण जितेको तेक्वान्दाका लागि कमल श्रेष्ठ पुम्सेमै फाइनलमा बिजयी भएका थिए ।

करातेमा मण्डे काजी श्रेष्ठले नेपाललाई दोहोरो स्वर्ण दिलाएका थिए । उनले एकल काता र टिम काता दुवै तर्फ स्वर्ण जितेका थिए । उनको काता टोलीमा महसुस तामाङ र प्रविण मानन्धर रहेका थिए ।

नेपालले महिला कातामा पनि स्वर्ण जितेको थियो । नेपाली टोलीमा निर्मला तामाङ, सङ्गिता मगर र सरु कार्की रहेका थिए ।

Click to comment

Leave a Reply

Your email address will not be published. Required fields are marked *

१३औं दक्षिण एसियाली खेलकुद

ओलम्पिक्सको सबैभन्दा कान्छी खेलाडी जाजाको सुन्नै पर्ने कहानी

wesportz

Published

on

गर्मिको मौसम र हेन्ड जाजा १२ बर्षकी भएकै कारण पनि शनिबार उनले गरेको कृयाकलापलाई तपाई रमाइलोको रुपमा लिन सक्नु हुन्छ ।

जाजा एक भ्रमणमा थिइन् । सामान्य समयभन्दा उनी राती ढिलो सुतिरहेकी थिइन् । धेरै साथीहरुसंग घुमिरहेकी थिइन् । अथवा यस्ता मानिसहरुसंग जसको लक्ष्य र रुची एकै थियो ।
उनले आफूलाई सबैभन्दा मन पर्ने खेलमा प्रतिस्पर्धा पनि गरिन्: टेबल टेनिस ।

र यो सबै ओलम्पिक्समा भयो ।

हो । १२ बर्षिय सिरियन फुच्चीले टोकियो ओलम्पिक्समा प्रतिस्पर्धा गरिन् । बाह्र । जाजा जारी ओलम्पिक्सकी सबैभन्दा कान्छी खेलाडी हुन् र बिश्व खेलकुदको महाकुम्भ इतिहासकै सबैभन्दा पाचौं कान्छी ।

१३ बर्ष २ सय ५५ दिनमा नेपाली जलपरी गौरिका सिंह पांच बर्ष अघि ब्राजिलमा भएको रियो ओलम्पिक्समा सबैभन्दा कान्छी सहभागी थिइन् ।

कोभिड -१९ नभएको भए उनी ओलम्पिक्समा सहभागी हुंदा जम्मा ११ बर्षकी हुने थिइन् । जाजा कति बर्षकी भइन् ? उनी २००९ को जनवरी १ मा जन्मिएकी हुन् ।

तपाईसंग के बहाना छ ?

उमेरको तुलनामा अग्ली रहेकी जाजाको लागि टेबल टेनिसको टेबलबाट माथि चिहाउनु पर्ने स्थिति भने थिएन । तर उनले शनिबार सामना गरेको बिपक्षी भने उनी भन्दा तीन गुणा बढी उमेरकी थिइन् ।

जाजाकी बिपक्षी अष्ट्रेलियाकी जिया लिउ ३९ बर्षकी भइसकिन् । उनले आफ्नो छैटौं ओलम्पिक्समा सहभागिता जनाइरहेकी थिइन् ।

यो शताब्दीमा २००४ को एथेन्स ओलम्पिक्स र २००८ को बेइजिंग ओलम्पिक्स हुंदा जाजाको संसारमै अस्तित्व नै थिएन । २०१२ मा लण्डनमा ओलम्पिक्समा हुंदा उनलाई आफनो अस्तित्वको बारे ज्ञान पनि थिएन ।

लिउसंग जाजाको कुनै प्रतिस्पर्धा नै थिएन । लिउले ११-४, ११-९ र ११-५ को सोझो सेटमै जित हात पारिन् । खेलपछि आंशुले भरिएका जाजाका आखा रातो भएपनि उनको हारको चर्चा हुंदैन । कहिल्यै पनि हुने छैन ।

“मैले यो खेल जित्ने आशा गरेको थिए । मैले राम्रो खेल्ने मात्र आशा गरिरहेको थिए,” जाजाले खेलपछि भनिन् ।

एक दिन जाजाले ओलम्पिक्समा उपस्थित हुनु नै पर्याप्त रहेको भन्ने बुझ्ने छिन् । उनले एक दिन अघि सिरियाको झण्डा लिएर ओलम्पिकको उद्घाटन समारोहको परेडमा सहभागी भएकै कारण नै आफू सुत्ने रुटिनलाई बिगारेकी थिइन् । यो राम्रो कारण नै होला, होइन ?

बच्चा भएको कारण प्लेनको यात्राले निम्त्याएको समस्यासंग जुझ्न उनी संघर्ष गर्दै थिइन् । र जाजाको ओलम्पिक्समा सहभागी हुने उत्साहले सिमा नाघिसकेको पनि थियो ।

उनी धेरै रात अनिंदो भएरै बसेकी थिइन् ।

जाजा पांच बर्षको हुंदा देखि नै टेबल टेनिसमा लागेकी थिइन् । उनको दाईओबेदाले स्थानीय प्रतियोगिताको उपाधि जित्दै ट्रफि घरमा ल्याएपछि जाजालाई पनि आफ्नै उपाधि घर ल्याउने इच्छा जागेको थियो ।

टेबल टेनिस जाजाका लागि सिरियाको गृह युद्धबाट मुक्ति र मन भुलाउने माध्यम र एक किसिमको पागलपन नै भएको छ ।

उनको शहर हामा निरन्तरको बमबारीका कारण ध्वस्त भएको थियो । युद्ध र आतंकले परिवार र समुदायलाई नै प्रभावित गर्दा जाजाको लागि टेबल टेनिस सामान्य खेल नभएर आश्रय नै बनेको थियो ।

“हामी चुनौतिपूर्ण परिस्थितीमा बाचिरहेका थियौं । तर हामीले यो परिस्थितीलाई नियन्त्रण गरिरहेकोछौं । जब हामी खेल्न थाल्छौं हामी सबै कुरा बिर्सन्छौं । हामी बिश्व सामु चुनौति दिन सक्छौ भने र नै प्रशिक्षण गरिरहेको छौं । टेबल टेनिसले मलाई सबै कुरा दियो । मलाई बलियो बनायो र आत्मबिश्वास पनि दियो,” जाजा भन्छिन् ।

सिरिया टेबल टेनिसको लागि परिचित देश होइन । जाजाअघि मात्र एक खेलाडी टेबल टेनिसमा छनौट भएको छ । २०२० को शुरुवातमा जाजाले पश्चिम एसियाको छनौट चरणमा ४२ बर्षीया खेलाडीलाई हराए पछि आफ्नो स्थान बनाएको थिइन् ।

उनले एक अतिरिक्त बर्ष आफूलाई तैयार गर्नको लागि खर्चिन् । मेरो प्रदर्शन सुधारिएको छ , उनी भन्छिन् । तर यो सहज भने थिएन ।

उपयुक्त प्रशिक्षण र श्रोत पाउनु दैनिक चुनौति नै थियो । घरबाट बाहिर निक्लन पनि सुरक्षाको आवश्कता पर्ने गर्छ । सिरियामा न आकस्मिक न भविष्य सुरक्षित छ । खेल्नको लागि लगानी निश्चित र भरपर्दो पनि हुने गर्दैन ।

सिरियामा सिंगो देशलाई नै ओलम्पियनहरुको समर्थनमा केही गर्ने भन्दा अन्य धेरै चुनौतिहरु रहने गर्छन् ।

तर जाजाले हार खाइनन् । आफ्नो कथाले प्रभावित गर्न सक्ने बच्चाहरुको लागि केही भन्न चाहनु हुन्छ भन्ने बिषयमा उनलाई प्रश्न गरिएको थियो ।

पछिल्लो पांच बर्ष मैले धेरै कुराहरु अनुभव गरे, बिशेष गरि देशमा युद्ध चल्दै गर्दा । ओलम्पिक्स स्थगित हुंदा र आर्थिक सहयोग पाउन मैले धेरै संघर्ष गर्नु पर्यो । मैले यसको लागि लडाइ नै जित्नु परेको थियो । जति नै गाह्रो भए पनि तपाई आफ्नो लक्ष्यमा पुग्नका लागि लडाई लड्नु भन्ने सन्देश म दिन चाहन्छु , उनले भनिन् ।

जाजाको लक्ष्य ओलम्पिकमा फेरि फर्किएर राम्रो गर्दै बिश्व बिजेता र ओलम्पिक बिजेता बन्नु नै हो ।

“म खेल्न बन्द नै गर्दिन । टेबल टेनिस मेरो जिन्दगी हो । मैले मेरो जीवन नै टेबल टेनिसलाई दिसकेको छु । जुन दिन म प्रशिक्षण गर्दिन म बाट केही कुरा मिस भइरहेको जस्तो महसुस हुन्छ ।”

तर जाजा टेबल टेनिस बाहेक अरु धेरै कुरा पनि हुन् ।

उनी पढ्छिन्, पौडी खेल्छिन्, बास्केट खेल्छिन्, टिभिमा सिरिज हेर्छिन् र आफ्नो परिवारसंग बस्छिन् । उनी आफ्नो स्कुल मन पराउछिन् । आफ्नो भविष्यमा उनी फर्मासिस्ट र वकिल पनि हुन चाहन्छिन् ।

जाजा ओलम्पियक मार्फत सिरिया आर्मीको आक्रमण र बमबारी भएको शहरभन्दा बढी रहेको सन्देश दिएकी छिन् । उनले सिरियाको असली जनसंख्या, परिवार, सपना र अदभुत उपलब्धि हात पार्न सक्ने केटीहरु रहेको स्पष्ट पारेकी छिन् ।

एउटा सानो बच्चाको लागि यो धेरै ठूलो कुरा हो ।

यथार्थ , जाजा जम्मा १२ बर्षकी छिन् र उनले ओलम्पिक्समा प्रतिस्पर्धा गरेकी छिन् ।

जब हारको निराशाले दिएको आशु सुक्नेछ जाजाले टेबल टेनिसको सानो बोर्डबाट नै धेरै पाठ सिकाउन सफल भएको बुझ्नेछिन् ।

Continue Reading

१३औं दक्षिण एसियाली खेलकुद

सेरेना विलियम्सले लिइन फ्रेन्च ओपनको चौथो दिनमा नाम फिर्ता

wesportz

Published

on

तीन पटक कि च्यामपियन सेरेना विलियम्सले एकिलिसको चोटका कारण फ्रेन्च ओपनबाट आफ्नो नाम फिर्ता लिएकी छिन् ।

३९ वर्षिय सेरेनाले आज राती बुल्गेरियाकी त्वेताना पिरोनकोभासँग आफ्नो दोस्रो चरणको खेल खेल्ने कार्यक्रम  रहेको थियो ।

२३ ग्राण्ड स्ल्यामको उपाधी जितेकी सेरेनाले यस् पटकको फ्रेन्च ओपेन जित्दै मार्गरेट कोर्टको कृतिमानी २४ ग्राण्ड स्ल्यामलाई पछि पार्ने दाउमा रहेकी थिइन् ।

“मलाई लाग्छ म चार देखी छ हप्ता मैदान बहिर रहने छु,” सेरेनाले एउटा पत्रकार सम्मेलनमा भनिन् ।

“मलाई हिन्न पनि गार्हो भैरहेको छ । एकिलिस यस्तो चोट हो जुन तपाइँले अहिले चाहानुहुन्न तर यस्तो भन्दैमा म मैदान नफर्किने हैन, म अझ फिट  भएर कोर्टमा फर्कन चाहन्छु।”

यस महिनाको सुरुमा युएस ओपनको सेमिफाइनलमा भिक्टोरिया अझारेन्कासँग पराजित भए पछि सेरेनाले आफुलाइ एकिलिसमा समस्या आएको बताएकी थिइन् ।

सोमबार मात्र उनले अमेरिकी खेलाडी कृष्टि अहनलाई ७-६,७-२ र ६-० को सेटमा हराएकी थिइन् । उनले खेल जिते पनि उनलाई चोटले सताएको बताएकी थिइन् ।

सेरेनाले २००२,२०१३ र २०१५ मा फ्रेन्च ओपनको उपाधी जितेकी थिइन् ।

Continue Reading

१३औं दक्षिण एसियाली खेलकुद

नेपालमा सम्पन्न सागका तीन पाकिस्तानी खेलाडी डोपिङ्गमा

wesportz

Published

on

नेपालमा भएको १३ औ दक्षिण एसियाली खेलकुदमा सहभागी पाकिस्तानी टोलीको तीन खेलाडी डोपिङ्गमा परेका छन् ।

पाकिस्तानी सञ्चार माध्यम जियो न्युजका अनुसार डोपिङ्ग परिक्षणमा पोजिटिभ देखिएकाहरुमा दुई स्वर्ण पदक बिजेता र एक कास्य पदकधारी रहेका छन् । “प्रारम्भिक सुचनाका अनुसार हामी तीनै खेलाडीको नाम निश्चित गर्न सक्छौं तर अहिलेका लागि ती खेलाडीहरुको नाम गोप्य राखिएको छ । अब नियम अनुरुप यस बिषयमा कारवाही अगाडी बढाइनेछ,” एथ्लेटिक्स महासंघका एक पदाधिकारीले उदृत गर्दै जियो न्युजले लेखेको छ ।

प्रतिबन्ध लगाइनुअघि खेलाडीहरुले आफ्नो सफाइ दिन पाउनेछन् । डिसेम्बर १ देखि १० सम्म काठामाडौं, पोखरा र जनकपुरमा भएको दक्षिण एसियाली खेलकुदमा पाकिस्तानले ३२ स्वर्ण, ४१ रजत र ५९ कास्य पदक जितेको थियो ।

पाकिस्तान सागको पदक तालिकामा चौथो स्थानमा रहेको थियो । पहिलो स्थानमा रहेको भारतले १ सय ७४, नेपालले ५१ र श्रीलंकाले ४० स्वर्ण जितेको थियो । नेपालको दक्षिण एसियाली खेलकुदमा सबैभन्दा उत्कृष्ट प्रदर्शन १३ औं संस्करणमा नै रहेको थियो ।

Continue Reading
Headline2 hours ago

सनसनीपूर्ण जित निकाल्दा दक्षिण अफ्रिकाको क्लिन स्विप 

Headline6 hours ago

डि ककको शतकमा भारतलाई विशाल लक्ष्य 

Headline8 hours ago

पुलिसलाई हराउदै मनाङ आहा–रारा गोल्डकपको सेमिफाइनलमा

Headline15 hours ago

जेसन होल्डरले घातक बलिङ गर्दा इंग्ल्यान्डको लज्जास्पद हार 

Headline1 day ago

आईपीएलका लागि आवेदन दिने १५ जना नेपाली खेलाडीहरु को को हुन् ?

Headline1 day ago

‘बिबेक टिममा डिमान्ड भए अनुसारको अलराउण्डर हुन्’

Headline1 day ago

अमेरिकी टोलीलाई हराउदै एपिएफ सेमिफाइनलमा

Headline1 day ago

पाँच धनी आईपीएल फ्रेन्चाइजहरु 

Headline2 days ago

आईपीएलको मेगा अक्सनमा १५ जना नेपाली खेलाडीहरु 

Headline2 days ago

चार देशीय शृंखलाको पहिलो खेलमा नेपालले ओमानको सामना गर्ने 

Trending

error: Content is protected !!