Connect with us

ए डिभिजन लिग

एपीएफ माथि जित निकाल्दै थ्री स्टार उक्लियो दोस्रो स्थानमा

wesportz

Published

on

अनन्त तमाङले हेडिङ गोल गरे पछी रुस्लान थ्री स्टार क्लबले बिभागीय टोली एपीएफलाई १-० गोल अन्तरले पराजित गरेको छ।

दशरथ रंगशालामा भएको खेलमा थ्री स्टारले एपीएफलाई पहिलो हाफ देखी नै नियन्त्रणमा राख्न सफल भएको थियो। खेलको नवौ मिनेटमा एपिएफका प्रविण स्याङ्तानले प्रहारलाई थ्री स्टारका विदेशी गोलरक्षक प्रिसोले जोगाएका थिए । १० औं मिनेटमा थ्री स्टारका सुशील राईको पासमा हम्जाताको प्रहार पोष्ट नजिकबाट बाहिएको थियो ।

१५ औं मिनेटमा भने सुमन श्रेष्ठलाई एपिएफका खेलाडीले फाउल गरेपछि थ्री स्टारले फ्रिकिक पाएको थियो । मिक्चेन तमाङले प्राहार गरेको को त्यो फ्रिकिक्कलाई अनन्तले सुन्दर हेडिङ गोल गरेका थिए। २५ यार्ड टाढाबाट प्रहार गरेको फ्रिकिकलाई सदुपयोग गर्दै थ्री स्टार ले पहिलो हाफमा नै आग्रता लिना सफल भयो। ३० औं मिनेटमा मिक्छेनको कर्नरमा कप्तान विक्रम लामाको हेडर बाहिरियाे । ३६ औं मिनेटमा दिपेश घलेकाे बक्स बाहिरको सशक्त प्रहार क्रस बारमा लागेर बाहिरिदा थ्री स्टारले अग्रता दाेब्बर पार्ने अवसर खेर फाल्याे ।

पहिलो हाफमा गरेको गोलनै थ्री स्टारलाई पर्याप्त भए सँगइ थ्रि स्टार लिगको दोस्रो स्थानमा उक्लिन सफल भएको छ। एपीएफ १ अंक जोड्दै १२ औं स्थानमा झरेको छ।

शनिबारको खेलसँगैं ए डिभिजन लिगको तेस्रो चरणको खेल सकिएको छ । आईतबार कुनै खेल हुने छैनन । जारी लिगमा गत सिजनको च्याम्पियन मनाङ मस्र्याङ्दी शत प्रतिशत जित निकाल्दै ९ अंकका साथ शीर्ष स्थानमा छ । यसैगरी ७ अंक जोडेको थ्रीस्टार दोस्रो स्थानमा रहँदा ६–६ अंक जोडेका मछिन्द्र र त्रिभुवन आर्मी क्रमश तेस्रो र चौथो स्थानमा रहेका छन् ।

Click to comment

Leave a Reply

Your email address will not be published. Required fields are marked *

Headline

महानगरपालिकाले दियो ए डिभिजन क्लबहरुलाई १० लाख अनुदान

wesportz

Published

on

काठमाडौं महानगरपालिकाले ए डिभिजन फुटबल क्लबहरुलाई दिदै आएको आर्थिक सहयोगलाई निरन्तरता दिएको छ ।

महानगरपालिकाले २०७५–७६ आर्थिक बर्ष अन्तर्गत ६ वटा क्लबहरुलाई ६० लाख अनुदान उपलब्ध गराएको छ । प्रत्येक ए डिभिजन क्लबहरुलाई १० लाख रुपैया प्रदान गरिएको थियो ।

अनुदान प्राप्त गर्नै क्लबहरुमा मच्छिन्द्र, मनाङ्ग मस्र्याङ्गदी, संकटा, न्युरोड टिम, हिमालयन शेर्पा र सरस्वती युवा क्लब रहेका छन् । सरस्वती अघिल्लो बर्षको लिगबाट रेलिगेट भएपनि उक्त आर्थिक बर्षकै सहयोग पाएको हो ।

महानगरपालिका बि र सि डिभिजनका क्लबहरुलाई पनि सहयोग गर्दै आएको छ । तर काठमाडौं महानगरपालिकाका मेयर बिद्दा सुन्दर शाक्यले अर्को आर्थिक बर्षमा दुवै बर्षको एक मुष्ठ रकम प्रदान गरिने जानकारी दिए ।

डिभिजन क्लबहरुलाई हामीले अघिल्लो बर्ष नै दिन चाहेका थियौं तर कोरोना भाइरस संक्रमण र बिभिन्न क्लबका आन्तरिक समस्यका कारण त्यो सम्भव हुन सकेको थिएन, शाक्यले काठमाडौंमा सोमबार सम्पन्न एक कार्यक्रममा बताए ।

Continue Reading

Headline

लिगको प्राविधिक पक्ष नै गायब भएको प्राविधिक प्रतिवेदन

wesportz

Published

on

गौरव फुयाल

अखिल नेपाल फुटबल संघ (एन्फा) ले नेपाली फुटबल ईतिहासकै पहिलो प्रविधिक प्रतिवेदन दाबी गर्दै शुक्रबार शहीद स्मारक ए डिभिजन लिगको एउटा किताब सार्वजनिक गर्यो । खेलकुदको भाषामा यो प्रतिवेदनलाई टेक्निकल रिपोर्ट भन्ने गरिन्छ जुन कुनै पनि खेलकुद प्रतियोगिता शुरु हुनु अघि वा सकिएको केही दिनमै सार्वजनिक गर्ने गरिन्छ ।

यस्तो प्रतिवेदनमा प्रतियोगितामा के–कस्ता टोलीहरु खेलेका छन्, कस्तो खेल देखाएका छन् भन्ने कुरालाई तुलनात्मक बिश्लेषण सहित प्रस्तुत गर्ने गरिन्छ । तर एन्फाले यसलाई सार्वजनिक गर्न  ९८ दिन लगायो । यसअघि कहिले प्रकाशनमा नआएको प्रतिवेदन पहिलो पटक आएकै कारण दिन मतलब भएन । तर प्रतिवेदन भित्रको दस्तावेजले भने त्यसलाई प्राविधिक प्रतिवेदनको रुपमा स्विकार भने गर्न सकिदैन ।

मंसिर २९ गते देखी फागुन ३ गते सम्म चलेको लिगले सरस्वतीका कप्तान दिपेश श्रेष्ठको म्याच फिक्सिङ प्रस्ताव, मैदानमै मानङ मस्र्याङ्दी र मच्छिन्द्र क्लबबीचको झगडा देखी हिमालयन शेर्पाले मैदानमा १२ जना उतारेको घटनाहरुको साक्षी बनायो । एक टोलीमात्र रेलिगेट हुने प्रावधान रहेको लिग कमि कमजोरीहरु त थिए नै तर चार महिनामा प्रकाशित भएको प्रविधिक प्रतिवेदनले पनि आफ्नो नाम अनुसारको काम गर्न सकेन ।

एन्फाले प्रतिवेदनमा उल्लेख गरेका धेरै तथ्यांकहरु उसकै आधिकारिक वेबसाइटमा देखाइएको खेलहरुको प्रत्यक्ष प्रशारणमै हेर्न मिल्ने थियो । लिगमा भएको राम्रो काम मध्ये त्यो एउटा थियो तर त्यसैलाई समेटेर एन्फाले प्रतिवेदन बनाएर प्रस्तुत गरिदियो । एक किसिमले यो एक कपि–पेस्ट काम भयो भने प्रविधिक दाबी गरिएको प्रतिवेदनमा प्रविधिक बिषय नै गायब गरियो ।

एन्फाले सर्वजनिक गरेको पुस्तकमा लिग अवधिका गोल, गोल गर्नलाई प्रहार गरिएका शट, अफसाइड, कार्ड, फउल र खेलाडीको उमेरलाई समेटिएको छ । तर अन्तर्राष्ट्रिय मान्यता अनुरुप लिगको प्राविधिक रिपोर्ट भने यस्तो हुदैन ।

प्रतिवेदनको एक मात्र राम्रो पक्ष स्वास्थ्यको रहेको छ । फिटनेस तर्फ रहेका चिकित्सकहरुको टोलीले खेलाडीको कमी कमजोरीलाई राम्रोसँग देखाएका छन् जसले गर्दा धेरै टोलीहरुले आफ्ना खेलाडीहरुको फिटनेसमा अबका लिगहरुमा ध्यान दिनु पर्ने अवस्था आएको छ । एन्फको प्रतिवेदनमा स्वास्थ्य बाहेक अन्य पक्ष भने निकै सामान्य रहेको छ ।

अन्तर्राष्ट्रिय फुटबलको प्रतिवेदनमा सामान्यत खेलमा भएका टोलीहरुको बलियो र कमजोर पक्षलाई हेर्दै रणनैतिक विश्लेषण गर्न जरुरी देखिन्छ । एन्फाको प्रतिवेदनमा खेलाडीले खेलेका समय, गरेका गोल र खेललाई मात्र क्लबको तथ्याङ्कमा राख्दा रणनीतिको हिसाबमा टिम फर्मेसन मात्र समेटिएको छ ।

प्रतिवेदन सर्वजनिक गर्दा लिग कमिटी सदस्य बिज्ञानराज शर्माले फुटबलको विकास, प्रशिक्षक र खेलाडीको स्तर बढाउनका लागि यस्ता प्रतिवेदन अपरिहार्य रहेको र यो एक शुरुवात भएको बताए । तर एन्फा शुरुवातमै चुकेको छ ।

तथ्याङ्कले मात्रै कहिल्यै खेलाडी र प्रशिक्षकको स्तर बढाउन मद्दत गर्दैन । स्तर बढाउने हो भने खेलको दर्शनलाई बुझेर लिग भरीका उत्कृष्ट खेलहरुको राणनैतिक विश्लेषण आवश्यक छ । सहभागी टोलीका प्रशिक्षकहरुले खेलाउने दृष्टिकोण समेट्दा नेपाली फुटबलमा प्रशिक्षकहरुको फिलोसोफिले पनि राम्रो स्थान पाउने थियो । लिग तथ्याङ्क बाहेक अन्य बिषय समेट्दा नयाँ आउने खेलाडी र प्रशिक्षकको पुस्तालाइ फुटबल बुझेर खेल्न र खेलाउन मद्दत गर्ने थियो ।

नेपाली फुटबललाई अन्तर्राष्ट्रिय स्तरमा लान आफू लागि परेको दाबी गर्दै आएको एन्फाले लिगका उत्कृष्ट खेलाडीहरुलाई पुरस्कार त दियो तर उनीहरु किन उत्कृष्ट भए यसको सुक्ष्म अध्ययन प्रतिवेदनमा छैन । खेलाडीहरु के आधारमा उत्कृष्ट भए ? उनीहरुको खेल्ने शैली कस्तो थियो ? कुन खेलमा कस्तो प्रदर्शन गरे ? तुलनात्मक रुपमा किन राम्रा थिए ? यी सब कुराहरु प्रतिवेदनमा उल्लेख गर्नु पर्छ भन्ने एन्फालाई लागेन ।

यसबाहेक कुन टोली कुन पोजिसनमा चुक्न पुगे ? कुन टोलीको कँहा बल पोजेसन लिए र मुभमेन्ट धेरै गराए ? कुन टोलिका खेलाडीले क्लबको लागी उत्कृष्ट प्रदर्शन गरे ? खेलमा कुन स्थानबाट धेरै गोल भए ? यी सबैको चित्रात्मक तस्वीरका साथ प्रतिवेदन पेस गर्न जरुरी देखिन्छ । मुख्य कुराहरु नै नअटाएको यो प्रतिवेदनलाई प्रविधिक भन्दा त्यो शब्द कै चिर हरण गरेको भान हुन्छ ।

यि त भए उल्लेख नै नभएका कुराहरु । तर यहा त तथ्याङ्कनै प्रकाशन गरेको तथ्याङ्क विवरणमा तथ्याङ्क नै गलत छन् ।

लिग खेलेका खेलाडी बाहेक टोलीमा भएका सम्पूर्ण खेलाडीको नाम पनि लेखिएको छैन । हरेक टोलीमा तीन गोलकिपर हुन आवश्यक नै देखिन्छ, उनीहरु नखेलेपनि नाम हुन जरुरी छ । लिगमा सब्स्टिच्युटमा भएका अन्य खेलाडी गायब छन । सरस्वती क्लबको प्रशिक्षकमा लिग शुरु हुने बेला अशोक केसी भए पनि प्रतिवेदनमा प्रदिप नेपाल देखिन्छन् । लिग भरी एक क्लबले १३ खेल खेले पनि च्यासलका दुई गोलकिपर एलेन न्यौपानेले १२ र अभिषेक बरालले १२ खेल खेलेका छन् ।

एन्फाले प्रतिवेदन मात्र निकाले पनि यो फुटबल प्रेमीहरुको लागि ठूलो कुरा हो । प्राविधिक अध्ययन भन्दा तथ्याङ्कले भरिएको प्रतिवेदन भए पनि हामी धेरै कुरामा चुकिरहेका छौं । वेबसाइटको लाइभ कमेन्ट्री वा खेलको बेला नै टिप्न सकिने यी तथ्याङ्कहरु भविष्यमा धेरै काम त लाग्ने छ तर आउने पुस्ताका लागि भने फुटबल बुझ्नका लागि पर्याप्त छैन ।

आधुनिक फुटबलमा नेपाल पछि पर्नुको एक कारण रणनैतिक हिसाबले खेललाई बुझ्न नसक्नु पनि हो । नेपालले युरोपेली ढँगको खेल पस्कन अहिल्यै सम्भव त छैन तर घरेलु फुटबलको मेरुदण्ड मानिने लिगलाई दक्ष जनशक्तिको सहयोगमा ट्यक्टिकल फुटबल को दर्शन अनुरुप प्रस्तुत गर्नु पर्ने लक्ष्य लिन आवश्यक छ ।

Continue Reading

Headline

एन्फाले गर्यो ए डिभिजन लिगको टेक्निकल रिपोर्ट सार्वजनिक

wesportz

Published

on

कोरोना भाईरस महामारीका बावजुद अखिल नेपाल फुटबल संघ (एन्फा) ले शुक्रबार शहीद स्मारक ए डिभिजन लिगको टेक्निकल रिपोर्ट सार्वजनिक गरेको छ ।

टेक्निकल रिपोर्टमा कुन टोलीले कस्तो फर्मेसनमा खेलेका थिए र उनीहरुले खेललाई कसरी लिए भन्ने बिषयमा सम्पूर्ण जानकारी भएको एन्फाका उपाध्यक्ष उपेन्द्र मान सिंहले बताए । उनले यो एउटा ऐतिहासिक किताब भएको र यसलाई निरन्तरता दिदै जाने पनि बताए ।

“यो हाम्रो पहिलो प्रयास हो । धेरै बहिरी मुलुकमा यसको प्रचलन छ त्यही भएर हामीले यो पटक टेक्निकल रिपोर्ट सर्वजनिक गरेका हौ,” सिंहले भने ।

टेक्निकल रिपोर्ट भनिएको पुस्तक भने लिग सुरु हुने वा लिग सकिएको केही समयमै आउनु पर्ने भए पनि एन्फाले लिग सकिएको झन्डै तीन महिनापछि सार्वजनिक गरेको हो । कार्यक्रममा उपस्थित राष्ट्रिय खेलकुद परिषदका सदस्य सचिव रमेश कुमार सिलवालले पत्रकारले फुटबलमा गोल भएको, कार्ड दिएको समय बाहेक अरु टेक्निकल बिषय लेख्ने सल्लाह दिएका थिए ।

महामरीको बिच गरिएको पत्रकार सम्मेलनमा उपस्थितले मास्क लगाएपनि सामाजिक दुरी भने कायम गरिएको थिएन ।

Continue Reading
IPL 20204 hours ago

मन्दिप सिंह र क्रिस गेलको अर्धशतकमा पन्जाबको लगातार पाँचौं जित

IPL 20205 hours ago

गिलको अर्धशतकमा कोलकाताको मध्यम योगफल

Headline7 hours ago

आफ्नो करिअरमा थपिएका असिमित संकटले घेरिएका मेस्सी

IPL 20208 hours ago

पन्जाब विरुद्ध कोलकाता पहिले ब्याटिङमा

Headline9 hours ago

बास्केटबल संघ र क्लबबाट आर्थिक मात्र हैन मानसिक सहयोग पनि पाइन : सबिता खड्का (भिडियो सहित)

IPL 202010 hours ago

जित्नै पर्ने खेलमा कोलकाता र पन्जाब भिड्दै

Headline14 hours ago

३० बर्षमै सन्यास घोषणा गरेका तनमयको सफल–असफल क्रिकेट कथा

Headline19 hours ago

युरोपियन राउण्ड अपः आर्सनल लेस्टरसँग पराजित, युभेन्टस रोकियो

IPL 20201 day ago

बेन स्टोक्सको शतकमा राजस्थानको रोमान्चक जित

Headline1 day ago

एवर्टनको अपराजित यात्रामा साउथह्याम्प्टनले लगायो पूर्णबिराम

Headline1 month ago

धेरै ऋणको भारी बोकेका पाँच युरोपेली क्लबहरु

Headline6 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 month ago

सात महादेशका सात उत्कृष्ट खेलाडीहरु

Headline2 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline5 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline2 months ago

एक युगको अन्त्य हुँदा बार्सामा क्रान्ति एक मात्र बिकल्प

Headline3 months ago

आर्सनलको दुर्गतिः न च्याम्पियन्स लिग, न युरोपा लिग

Headline5 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Trending