Connect with us

Headline

ए डिभिजन लिगमा थ्रि स्टारको पहिलो जित, पुलिस पराजित

wesportz

Published

on

गौरव फुयाल, काठमाडौं

नेपाल घरेलु लिगमा नेपाल पुलिस र थ्रि स्टारबीचको खेल सर्वाधिक प्रतिस्पर्धात्मक खेलको रुपमा लिइने गरिन्छ । साढे एक बर्ष पछि दशरथ रंगशालमा भएको यसै प्रतिस्पर्धामा सोमबार थ्रि स्टारले बाजी मा¥यो । उसले पुलिसलाई १–० ले हराएरै छाड्यो ।

आफ्नो पहिलो खेल बराबरी खेलेको थ्रि स्टारले शहीद स्मारक ए डिभिजन लिगमा पहिलो जित दर्ता गराएको हो । पहिलो खेलमा जावलाखेल युथ क्लबसँग बराबरी गरेको थ्रि स्टारका लागि सुशिल राइले एक मात्र गोल गरेका थिए । पुलिसले पनि पहिलो खेलमा हिमालयन शेर्पा क्लबसँग बराबरी गरेको थियो ।

पहिलो हाफमा दुवै टोलीले खासै आक्रमण गर्न सकेका थिएनन् । दोस्रो हाफमा दुवै टोलीले आक्रमण गर्ने मौकाहरु गुमाउन पुगे । ४६ औं मिनेटमा थ्रि स्टारका हम्जातको प्रहार पुलिसका गोलकिपर अजित भण्डारीले छेकिदिएका थिए । त्यसकै रिवाउन्डमा सुसन राइको प्रहार अजितले ब्लक गरिदिए । ४९औं मिनेटमा मिक्चेन तामाङले प्रहार गरेको सट फ्रेममा नपरी आकाशियो ।

५३ औं मिनेटमा पुलिसका सुमन लामाले प्रहार गरेको बल पोष्ट माथिबाट बहिरियो । ५४औं मिनेटमा थ्रि स्टारका मिक्चेनको कर्नरमा कप्तान विक्रम लामाको सटिक हेडर पोष्टबाट थोरै बाहिरियो । लगत्तै ५५ औ मिनेटमा पुलिसका सुमन लामाले वान–भर्सेस–वानमा गोल गर्न सकेनन् । थ्रि स्टारका गोलरक्षक प्रिसोले उनको सट बचाएपछि पुलिसले अग्रता लिन चुेको थियो ।

६८ औं मिनेटमा हम्जातको क्रसमा विजय भुजेलको हेडर पोष्टबाट थोरै बाहिरिदा थ्रि स्टारले अर्को मौका गुमायो । त्यसपछि खेल सकिन ६ मिनेट बाँकी रहदा सुशिलको गोलमा थ्रि स्टारले पहिलो जित हात पर्न सफल भयो ।

सुसनले मैदानको दायाँबाट गरेको क्रसमा सुशिलले ६ यार्डबाट गोल गर्दै लिगमा थ्रि स्टारलाई आफ्नो पहिलो गोल दिलाए । लिगमा यो नै थ्रि स्टारको पहिलो गोल थियो ।

Click to comment

Leave a Reply

Your email address will not be published. Required fields are marked *

Headline

एट्लेटिकोको लागि पहिलो खेलमै सुवारेजको दुई गोल

wesportz

Published

on

लुइस सुवारेजले पहिलो खेलमै दुई गोल गर्दै एक असिस्ट पनि गरेको दिन एट्लेटिको म्याड्रिडले स्पेनिस ला लिगामा ग्रानडालाई ६–१ को फराकिलो अन्तरले पराजित गरेको छ ।

एट्लेटिकोको घरेलु मैदान वान्डा मेट्रोपोलिटानोमा भएको खेलमा साउल निगेज पेनाल्टीमा गोल गर्न चुकेपछि ग्रानडाको गोल अन्तर केही कम हुन पुगेको थियो ।एट्लेटिकोले नवौं मिनेटमै डिएगो कोस्टाको गोलबाट अग्रता लिएको थियो । त्यसको सात मिनेटपछि निगेज पेनाल्टीमा चुकेका थिए ।

पहिलो हाफमा १–० को मात्र अग्रता बनाएको एट्लेटिकोले दोश्रो हाफमा भने गोलको बर्षात नै गरेको थियो । एन्जेल कोरिआले दोश्रो हाफ शुरु भएको दुई मिनेटपछि नै दोश्रो गोल गरेका थिए । ६० औं मिनेटमा प्रशिक्षक डिएगो सिमिओनेले कोस्टाको स्थानमा सुवारेजलाई मेदान प्रवेश गराएका थिए ।

सुवारेजको आगमनसँगै एट्लेटिकोले खेलमा थप पकड जमाएको थियो । दोश्रो गोलमा जाओ फेलिक्सले कोरिआलाई गोलको अवसर मिलाएका थिए भने ६५ औं मिनेटमा भुमिका मात्र परिवर्तन भएपछि एट्लेटिकोले तीन गोलको अग्रता लियो ।

मार्कोस लोरिएन्टेले ७२ औं मिनेटमा चौथो गोल गर्दा सुवारेजले नै असिस्ट दिएका थिए । ८५ औं मिनेटमा सुवारेजले एट्लेटिकोका लागि पहिलो गोल गरे । ८७ औं मिनेटमा होर्गे मोलिनाले ग्रानडाका लागि सान्त्वना गोल गरेका थिए ।

अतिरिक्त समयको तेश्रो मिनेटमा सुवारेजले दोश्रो गोल गर्दै एट्लेटिकोको गोल संख्या आधा दर्जन पुर्याएका थिए ।

Continue Reading

Headline

बलियो बायर्न म्युनिखको होफेन्हाइमसँग लज्जास्पद हार

wesportz

Published

on

च्याम्पियन्स लिग तथा जर्मन बुन्डेसलिगा बिजेता बायर्न म्युनिखले सिजनको आफ्नो दोश्रो लिग खेलमा होफेन्हाइमसँग ४–१ को लज्जास्पद पराजय बेहोरेको छ ।

लगातार नवौं लिग उपाधि जित्ने दाउमा रहेको बायर्नलाई अवे खेलमा नराम्रो झड्का लागेको हो । शनिबार बायर्नको लागि उपाधिको प्रमुख प्रतिद्वन्दी बोरुसिया डर्टमण्ड पनि अस्बर्गसँग पराजित हुन पुगेको थियो ।

आइतबारको खेलमा बायर्न आधा घण्टामै दुई गोलले पछि परेको थियो । होफेन्हाइमका लागि एर्मिम बिकाक्चिचले १६ औं मिनेटमा गोल गरे भने मुनास डाबुरले आठ मिनेटपछि अर्को गोल थपेका थिए । जोसुवा किमिचले ३६ औं मिनेटमा बायर्नका लागि दुरी घटाएका थिए ।

तर आन्द्रेज क्रामरिचले दुई गोल गरेपछि बायर्न स्तब्ध हुन पुगेको थियो । क्रामरिचले ७७ औं मिनेट र ९० औं मिनेटमा गोल गरेका थिए । दुई खेलमा दुई जितपछि होफेन्हाइम अंक तालिकाको शिर्ष स्थानमा उक्लिएको छ ।

Continue Reading

Headline

टोटनह्याम न्युकासलसँग बराबरीमा रोकियो

wesportz

Published

on

कालुम विलसनले ९० मिनेट पछि थपिएको इन्जुरी टाइममा पाएको पेनाल्टीमा गोल गरे पछि टोटनह्याम १-१ गोलको बराबरीमा रोकिएको छ ।

पहिलो खेलमा एवर्टनसँग पराजित भए पनि दोस्रो खेलमा भने साउथह्याम्प्टनलाई ५-२ ले हराएको टोटनह्यामले आज तेस्रो खेलमा न्युकासलसँग बराबरीमा रोकिएको हो ।

खेलमा पहिलो हाफको २५ औँ मिनेटमा कप्तान ह्यारी केनले दिएको पासलाई सदुपयोग गर्दै लुकास मोउराले पहिलो गोल गरेका थिए । टोटनह्यामका लागि पहिलो हाफमा धेरै पटक पोस्ट बाधक बन्न पुगेको थियो । ३४ औँ मिनेटमा टोटनह्यामका लागि ह्युङ मिन सनले गरेको प्राहर पोस्टमा लाग्न पुगेको थियो ।

दोस्रो हाफमा पनि टोटनह्यामले पाएको मौकालाई सदुपयोग गर्न सकेन । न्युकासलले भने ९० मिनेट पछि थपिएको इन्जुरी टाइममा पाएको पेनाल्टीमा
गोल गर्दै खेल १-१ को बाराबरीमा ल्याएको थियो । दोस्रो हाफमा अर्को गोल गर्न नसकेको टोटनह्यामका लागि पहिलो हाफमा मोउराले गरेको गोल पर्याप्त हुन सकेन ।

यस भन्दा अघी न्युकासल ब्राइटनसँग ३-० ले पराजित भएको थियो ।

आज नै हुने अर्को खेलमा म्यानचेस्टर सिटी र लेस्टर,वेष्ट ह्याम र वुल्भ्स भिड्दै छन् ।

 

Continue Reading
Headline44 mins ago

एट्लेटिकोको लागि पहिलो खेलमै सुवारेजको दुई गोल

Headline1 hour ago

बलियो बायर्न म्युनिखको होफेन्हाइमसँग लज्जास्पद हार

Headline2 hours ago

टोटनह्याम न्युकासलसँग बराबरीमा रोकियो

Headline3 hours ago

सुवारेजले एट्लेटिकोलाई नयाँ उचाइ दिने प्रशिक्षक सिमिओनेको बिश्वास

IPL 20203 hours ago

पन्जाबले पहिले ब्याटिङ गर्ने 

राष्ट्रिय4 hours ago

क्यानको निर्णय प्रति सिप्यानको असन्तुष्टि

Headline4 hours ago

बामफोर्डको निर्णायक गोलमा लिड्सको दोस्रो जित

IPL 20205 hours ago

दोश्रो जितको खोजीमा पन्जाब र राजस्थान भिड्दै

Headline6 hours ago

क्लब छोड्ने असफल प्रयासपछि मेस्सी पहिलो पटक ला लिगामा उत्रदै

Headline9 hours ago

प्रिमियर लिगमा आजः टोटेनह्याम र न्युकासल भिड्दै, सिटी आफ्नो दोस्रो खेल खेल्दै

Headline2 weeks ago

धेरै ऋणको भारी बोकेका पाँच युरोपेली क्लबहरु

Headline5 months ago

ब्राजिलले पाएको अहिलेसम्मकै उत्कृष्ट १० फुटबलर

Headline1 week ago

सात महादेशका सात उत्कृष्ट खेलाडीहरु

Headline4 weeks ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline4 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline1 month ago

एक युगको अन्त्य हुँदा बार्सामा क्रान्ति एक मात्र बिकल्प

Headline2 months ago

आर्सनलको दुर्गतिः न च्याम्पियन्स लिग, न युरोपा लिग

Headline4 months ago

बिपरित ध्रुवका बार्सिलोना र रियल म्याड्रिड अहिले एकै सिक्काका दुई पाटा

Headline10 months ago

लाम्पार्डको आगमनसँगै बदलिएको चेल्सी

Trending