Connect with us

Headline

लोकेशको बहादुरीपूर्ण इनिङ्गस, पराजयमा पनि मन जित्न सफल भए

wesportz

Published

on

लोकेश बमले बहादुरीपर्ण इनिङ्गस खेलेपनि चितवन राइनोजले बिराटनगर टाइटन्सलाई १८ रनले पराजित गर्दै पोखरा प्रिमियर लिगको फाइनलमा स्थान लगभग पक्का गरेको छ ।

टस हारी पहिलो ब्याटिङ्ग गरेको चितवनले आरिफ शेख र सन्नी पटेलको अर्को आक्रमक अद्र्धशतकीय साझेदारीमा चार विकेटको क्षतिमा १ सय ४६ रनको चुनौतिपूर्ण योगफल खडा ग¥यो । ३७ रनमै ६ विकेट गुमाएको बिराटनगरलाई लोकेशले उत्कृष्ट ब्याटिङ्ग गर्दै खेलमा फर्काए ।

अन्तिम तीन ओभरमा ३५ रन चाहिएको स्थितिमा रोहन मुस्तफाले मात्र दुई रन खर्चदै पुनित र जितेन्द्र मुखियाको विकेट लिएपछि बिराटनगरलाई दवाबमा राखेको थियो । लोकेशले करण केसीको पहिलो दुई बलमा दुई छक्का प्रहार गर्दै बिराटनगरको आशा फेरि पलायोे ।

तर करण केसीले चतुराइपूर्ण बलिङ्ग गर्दै उनलाई अर्को पुलको निमन्त्रणा दिदा लोकेशले विकेट किपर अनिल कुमार साहलाई सजिलो क्याच थमाउन पुगे । जारी प्रतियोगिताकै उत्कृष्ट मध्ये एक ब्याटिङ्ग प्रदर्शन गरेका लोकेशले ३६ बलमा ६२ रन बनाए । उनले पाँच छक्का र उति नै चौका प्रहार गरे । करणले अन्तिम बलमा शाहब आलमको विकेट लिएपछि चितवनले लगातार चौथो जित रच्ने क्रममा बिराटनगरलाई १ सय २८ रनमै समेट्यो ।

पहिलो स्थान हात पार्ने टोली सिधै फाइनल प्रवेश गर्नेछ । बिराटनगरले चार खेलमा मात्र एकमा जित हात पारेको छ । दोश्रो स्थानमा रहेको काठमाडौं गोल्डेन वारियर्स र तेश्रो स्थानको बुटवल ब्लास्टर्सको चार–चार अंक रहेको छ ।

खेलमा भुवन कार्कीले आफ्नो पहिलो दुई ओभरमै तीन विकेट लिएपछि बिराटनगर सस्तैमा समेटिने देखिएको थियो । तर लोकशले पुनितसँग सातौं विकेटका लागि ७७ रनको साझेदारी गर्दै टिमलाई खेलमा फर्काएका थिए ।

यसअघि स्पिनरद्वय शाहब र पुनितले कसिलो बलिङ्ग गर्दै चितवनलाई १७ दशमलव दुई ओभरसम्म चार विकेटको क्षतिमा ९२ रनमा रोकेपछि आरिफ र सन्नीले १४ बलमा नटआउट ५४ रनको साझेदारी गर्दै १ सय ४६ रनसम्म डो¥याएका थिए । सन्नी एक्लैले जितेन्द्र मुखियाको १९ औं ओभरबाट २७ रन बटुलेका थिए । सन्नीले ८ बलमै तीन छक्का र एक चौकाको मद्दतमा २७ रन बनाए । पछिल्लो दुई खेलमा आक्रमक ४५ र ४७ रन बनाएका आरिफले एक पटक फेरि उत्कृष्ट ब्याटिङ्ग गर्दै २२ बलमा ३९ रन बनाए । उनले तीन छक्का र तीन चौका प्रहार गरे ।

ओपनर मुस्तफा (७) लाई १३ रन हुदा गुमाएको राइनोजका लागि कप्तान पारस खड्का र बाबर हायतले ४७ रनको साझेदारी गर्दै सम्हाल्ने प्रयास गरेका थिए । तर शाहब र पुनितले कसिलो बलिङ्ग गर्दै राइनोजको रन गतिलाई रोकेका थिए ।

पारसले ३८ बलमा ३५ र बाबरले ३१ बलमा २५ रन बनाए । पारसले पाँच र बाबरले दुई चौका हिर्काए । यो खेलमा जित हात पारेको खण्डमा राइनोज प्लेअफ पक्का गर्नेछ । उसको लगातार तीन जितबाट ६ अंक भएको छ ।

Click to comment

Leave a Reply

Your email address will not be published. Required fields are marked *

Headline

कोपा अमेरिका: कोलम्बियासँग इक्वेडर पराजित

wesportz

Published

on

एड्विन कार्डोनाको एक मात्रै निर्णायक गोलमा कोलम्बियाले इक्वेडरलाई हराउँदै कोपा अमेरिकामा बिजयी सुरुवात गरेको छ ।

खेलको पहिलो समय देखी नै इक्वेडरले मौकाहरु बनाए पनि सफल हुन पाएन । पहिलो हाफमा मात्रै पाँच प्रयास गरेको इक्वेडरले गोल भने गर्न सकेन । ४१ औँ मिनेटमा एड्विन कार्डाेनाले गोल गर्दै कोलम्वियालाई १–० को अग्रता दिलाएका थिए ।

फ्रिकिकबाट मिगुइल बोर्जाको पासमा कार्डाेनाले गोल गरेका थिए । गोल केही विवादित बने पछि रेफ्रीले भिएआर हेर्दाइ गोल दिएका थिए ।

दोस्रो हाफमा कोलम्बिया पूर्ण रक्षापङ्तीमा खेल्यो । काउन्टर अट्याकहरुमा चुस्त देखिए पनि कोलम्बियाको दोस्रो हाफमा फिनिसिङ रहेन । इक्वेडरको पनि लगतार गरेको आक्रमणहरु कोलम्बियाको डिफेन्डरहरुले किल्यर गरेका थिए । दोस्रो हाफमा इक्वेडर निकै खतरनाक देखिए पनि कोलम्बियाका गोलरक्षक ओस्पिनाले धेरै बचाउहरु गरेका थिए ।

जितसँगै समूह ‘ए’ मा रहेको कोलम्बियाले ३ अंक जोडेको छ । साविक विजेता ब्राजिलले उद्घाटन खेलमा भेनेजुएलालाई ३–० ले पराजित गर्दा गोलअन्तरको आधारमा कोलम्बिया दोस्रो स्थानमा छ ।

 

Continue Reading

Headline

कोपा अमेरिका: ब्राजिलको बिजयी शुरुवात

wesportz

Published

on

मार्क्वीनिहोस, नेमार जुनियर र गब्रियल बर्बोसाको गोलमा ब्राजिलले २०२० कोपा अमेरिकाको पहिलो खेलमा भेनेजुएलालाई ३-० ले हराएको छ ।

निकै नै एकपक्षिय बनेको खेलमा ब्राजिलले पहिलो हाफमा एक र दोस्रो हाफमा दुई गोल गरेको थियो । ब्राजिलका लागि पहिलो गोल २३ औँ मिनेटमा मार्क्वीनिहोसले गरेका थिए । ब्राजिलले पाएको कर्नरबाट आएको बललाई उनले पोस्ट नजिकैबाट जाली चुमाएका थिए ।

पहिलो हाफ १-० को अग्रता सहित सक्काए पनि ब्राजिलले धेरै मौकाहरु गुमाएको थियो । यस्तै दोस्रो हाफको ६५ औँ मिनेटमा नेमार पेनाल्टीमार्फत गोल गर्दै ब्राजिलको अग्रता दोब्बर पारेका थिए । नेमारलाई लडाए पछी पाएको पेनाल्टीमा उनी आँफैले गोल गरेका थिए ।

खेलको अन्तिम समयमा ग्याब्रिएल बर्बोसाले नेमारले दिएको पासमा अन्तिम गोल गरेका थिए । नेमारको क्रसलाई बर्बोसाले सहजै गोल गर्दै ब्राजिललाई ३-० को सहज जित तर्फ डोर्याए ।

कोरोना भाईरसका कारण आठ खेलाडी गुमाएको भेनेजुएला खेलमा निरह देखिएको थियो ।

यस जितसँगै ब्राजिलले समूह ए मा ३ अंक जोडेको छ । ब्राजिलले अब अर्को खेलमा पेरुको सामना गर्नेछ भने भेनेजुएलाले कोलोम्बियासँग खेल्नेछ ।

 

 

Continue Reading

Euro 2020

नेदरल्याण्ड्सको युक्रेनमाथि सनसनीपूर्ण जित

wesportz

Published

on

रोमाञ्चक खेलमा युक्रेनलाई ३-२ ले पराजित गर्दै नेदरल्याण्ड्सले युरो कपमा बिजयी शुरुवात गरेको छ ।

एम्स्टरड्यामको योहान क्रुएफ एरिनामा घरेलु दर्शकको साथ पाएको नेदरल्याण्ड्सले पहिलो हाफ पूर्ण रुपमा लिएको नेदरल्याण्ड्सलेदोश्रो हाफमा ७ मिनेटको अन्तरमा जर्जिनियो वाइनाल्डम र वुट वेगहोसको गोलबाट अग्रता लिएको थियो ।

आन्द्रे यार्मोलेन्को र रोमन यारेम्चुकले चार मिनेट भित्रै दुई गोल गरेपछि युक्रेन निर्धारित समय सकिनु भन्दा १५ मिनेट अघि सनसनीपूर्ण रुपमा खेलमा फर्किएको थियो । तर खेलमा उत्कृष्ट प्रदर्शन गरेका डेन्जल डम्फ्रिजले ८५ औं मिनेटमा गोल गरेपछि नेदरल्याण्ड्सको जित सुनिश्चित भएको थियो ।

पहिलो हाफमा एउटै गतिलाई कायम राखेको डच टोलीलाई युक्रेनी गोलकिपर हियोरही बुस्चानले एकपछि अर्को बचाउ गर्दै रोक्न सफल भएका थिए । उनले मेम्फिस डिपे, वाइनाल्डम र डम्फ्रिजकोनिश्चित गोल हुने प्रहारहरु उत्कृष्ट ढंगले रोकेका थिए ।

युक्रेनले पनि उत्तिकै राम्रो मुभहरु बनाए पनि फाइनल थर्डमा प्रभावकारी रहन असफल रहेको थियो ।

नेदरल्याण्ड्सले दोश्रो हाफ भएको शुरु भएको ७ मिनेटपछि नै अग्रता बनायो । राम्रो टिम गेममा डम्फ्रिजले डिपेको लागि निकालेको क्रस बुस्चानले डाइभ गर्दै छेकेपनि रिबाउण्डमा आएको बलमा वाइनाल्डमले सुन्दर गोल गरे।

डम्फ्रिजले युक्रेनी पोस्टमा दवाब राख्दै गर्दा डिफेन्सबाट आएको बललाई वुट वेगहासर््टले नजिकैबाट गोल गरेका थिए । त्यसपछि अर्को १० मिनेट युक्रेनको नाममा रह्यो ।

यार्मोलेन्कोले प्रतियोगिताकै उत्कृष्ट गोल गर्दै युक्रेनको आशालाई कायम राखे । बक्स बाहिरबाट कलिंंग बल प्रहार गर्दा अगाडी बढेका गोलकिपर मार्टिन स्टेकेलेनबर्गले डाइभ गर्दै बचाउने प्रयास गरेपनि बिट भएका थिए ।

चार मिनेटपछि नै युक्रेनले बराबरी गर्यो । रुस्लान मालिनोभ्स्कीको फ्रि किकमा रोमान यारेम्भुकले हेडरमार्फत बटम कर्नरमा सुन्दर गोल गरेका थिए ।

यसअघि उत्कृष्ट बचाउहरु गरेका बुस्चान नेदरल्याण्ड्सको बिजयी गोल भने बचाउन असफल रहे । नथान एकेको हाइ क्रसमा डम्फ्रिजको हेडर डाइभ गर्दै गरेका बुस्चानको अगाडी ड्रप हुदै गोल हुन पुगेको थियो ।

Continue Reading
Headline5 hours ago

कोपा अमेरिका: कोलम्बियासँग इक्वेडर पराजित

Headline7 hours ago

कोपा अमेरिका: ब्राजिलको बिजयी शुरुवात

Euro 202011 hours ago

नेदरल्याण्ड्सको युक्रेनमाथि सनसनीपूर्ण जित

Euro 202014 hours ago

जिरुडको गुनासोले एम्बाप्पे दुखी 

Headline14 hours ago

नर्थ मेसेडोनियालाई हराएको अष्ट्रियाको युरोमा एतिहासिक जित

Headline15 hours ago

सनसनीपूर्ण पुनरागमनपछि जोकोभिचले जिते फ्रेञ्च ओपन

अन्तर्राष्ट्रिय17 hours ago

म असफल खेलाडीका रुपमा रियल म्याड्रिड छोड्दिन: हाजार्ड 

Euro 202017 hours ago

स्टर्लिंगको गोलमा इंग्ल्याण्डको बिजयी शुरुवात

Headline18 hours ago

सान्चेजले कोपा अमेरिकाको समुह चरणका खेल गुमाउने 

Euro 202020 hours ago

स्पेनको नयां पुस्ताको उत्साहमा अनिश्चितताले लगाएको ब्रेक

Trending

error: Content is protected !!