Connect with us

Headline

इङ्गल्याण्डका एक–सुरे स्कुले ठिटो साञ्चोले बनाएको आफ्नै मार्ग

wesportz

Published

on

जेडन साञ्चो आफ्नो स्कुल ब्याग भुइमा खसाल्छन् । सेतो सर्टको बाहुला पाखुरासम्म सुर्काएका साञ्चो स्कुलको ब्लेजर आफ्नो १४ बर्षको कांधमा झुण्डाउछन् । सुनौलो र बैजनी रँगको टाईलाई उनले खुकुलो बनाएका  छन् । साञ्चोसँगै वाट्फोर्डको अण्डर १५ टोलीबाट खेल्ने उनका सहपाठीहरुलाई कक्षामा आउनै पर्ने कर छैन ।

टिनएजमा भर्खरै प्रवेश गरेका सबै खेलाडीहरुलाई एक–एक गर्दै स्कुलको माथिल्लो तल्लामा रहेको अफिसमा बोलाइन्छ । प्रशिक्षक लुइस लंकास्टर आफ्ना खेलाडी र उनीहरुको भविष्यको योजनाका बारेमा छलफल गर्न आएका थिए ।

फुटबलबाट के चाहन्छौं भन्ने प्रश्नमा साञ्चो अप्ठेरो नमानि भन्छन्ः “म इङ्गल्याण्डबाट खेल्न चाहन्छु, र युरोपकै टप क्लबबाट पनि । म मेरो परिवारलाई म देखि गर्व लागेको हेर्न चाहन्छु ।”

१९ बर्ष भइसक्दा साञ्चोले ती सबै उपलब्धि हात पारिसकेका छन् ।  च्याम्पियन्स लिगमा बार्सिलोनाबिरुद्ध डर्टमण्डका लागि सान्त्वना गोल गर्दै उनको उदाउदो खेल जीवनमा नयाँ कोशेढुँगा पार गरेका छन् । साञ्चोले क्लबका लागि अझै कति दिन्छन् यो हेर्न त बाकी नै छ तर अनुशासनका बिषयमा लिएर क्लबसँग राम्रो सम्बन्ध नरहेकोले जनवरीमा डर्टंमण्ड छोड्ने आकलन गरिएको छ । उनी माथि अहिले धेरै क्लबहरुले आखा गाडेर बसेका छन् ।

कुनै पनि ठूलो ट्रान्सफरको केन्द्रमा रहनु साञ्चोका लागि उनि हुर्किदै आएको फुटबल वातावरण भन्दा बेग्लै दुनिया हुने थियो । दक्षिण लण्डनमा आफ्नो घर नजिकै रहेको केनिङ्गटनमा उनले कुनै पनि मौसममा कुनै पनि खेल खेल्न सकिने पुर्वाधारमा फुटबल सिकेका थिए । आर्सनलका रेस नेल्सन र इयान कार्लो पोभेदा उनको बाल्यकालका साथि थिए ।

सात बर्षको हुँदा वाटफर्डले साञ्चो भित्रको फुटबललाई देखेपछि उनी तीन हप्तामा एक पटक वाट्फर्डमा प्रशिक्षण लिन थाले । ११ बर्षको हुँदा पश्चिम लण्डनको अक्सब्रिजमा रहेको वाट्फोर्डको साझेदार स्कुल हेरफिल्ड एकेडेमीमा भर्ना भए । तर केनिङ्गटनदेखि अक्सब्रिजसम्म उनले दैनिक रुपमा तय गर्नुपर्ने यात्रा निकै लामो थियो । यसको लागि साञ्चोले आफ्नो फुटबलर बन्ने सपनका लागि जीवनमै पहिलो पटक त्याग गर्न पुगे ।

साञ्चोले केनिङ्गटनमा आमा–बुवाको घर छाड्दै नर्थल्ट भन्ने ठाँउमा आफ्नो काकीसँग बस्न गए जहा उनी हरेक दिन स्कुलसम्मको १४ माइलको यात्रा ट्याक्सीमा गर्न थाले । हेरफिल्डमा होस्टेल सुविधा खुलेपछि त्यहाको फुटबल मैदान नै उनको लागि घर हुन पुग्यो । साञ्चोले नर्थल्ट पनि छोडे ।

सोमबारदेखि शुक्रबारसम्म उनको दैनिकी फुटबल वरिपरि नै घुम्थ्यो । उनको बिहानका कक्षाहरु फुटबल कै कारण अवरुद्ध बन्न पुगे । अपरान्ह् स्कुल पुग्दा अन्य साथीहरु घर फर्किने तयारीमा हुन्थे र साँझको प्रशिक्षण शुरु हुनु अघि उनले बिहान छुटाएका पाठहरु पनि पूरा गर्नुपर्ने थियो । त्यसपछि उनी होस्टल फकिन्थे । यसरी उनले लामो समय बिताए ।
साञ्चोका स्कुले साथी र वाट्फोर्ड एकेडेमीका लेफ्ट ब्याक पेरि प्राइस भन्छनः “उनि सधै जसो रियल म्याड्रिड र बार्सिलोनाजस्ता ठूला क्लबहरुको नाम लिन्थे । यो उनको योजनाको हिस्सा नै थियो । फुटबलका लागि उनले आफ्नो बालापन नै त्यागेका थिए ।”
साञ्चो खराब बिद्यार्थी नभएपनि उनी अधिकांश समय फुटबलको बारे मात्र सोच्ने गर्थे । उनको एक शिक्षिकाले भनेको एउटा कुरा मलाई अझै पनि याद आउछ । जेडन, के तिमी युट्युबलाई छोडेर किताबमा ध्यान दिन्छौं? लंकास्टर सम्झन्छन् । मैले उनको कम्प्युटरमा हेर्दा रोनाल्डिन्हो स्क्रिनमा थिए । शिक्षिकाले भने पछि इन्टरनेट ब्राउजर तल झर्छ । जब शिक्षिका पछाडी फर्किन, रोनाल्डिन्हो फेरि देखिन्छन् ।

साञ्चो वाट्फोर्डमा हुँदा उनको बारे निकै कम हल्ला हुने गरेको लंकास्टर मान्छन् । तर पहिलो पटक जब उनले १३ बर्षीय विँगरलाई खेलिरहेको देख उनलाई भविष्यका तारा देखेकोमा उनलाई कुनै शंका नै थिएन ।

गर्मि याममा १६ बर्ष सम्मका युवाहरु रहेको अभ्यास शत्रमा लंकास्टरले सहभागिहरुलाई दुई फरक किसिमका काम गराउथे । एउटा आफ्नो पोस्टबाट अर्को पोस्टसम्म बल पु¥याउने जसको एक अंक आउथ्यो । अथवा तीन अंकका लागि डिफेन्डरलाई छक्काउदै ड्रिबल गर्नुपर्ने । साञ्चो सधै तीन अंकका लागि मात्र जाने गर्थे ।

उनको लागि जे पनि स्पष्ट र सहज देखिन्थ्यो, हाल चाइनिज ताइपेइको राष्ट्रिय टोली सम्हालिरहेका लंकास्टर भन्छनः उनी कहिले पनि थाक्दैनथे । जब म धक्का दिन्थे कोही हल्लिदैन थिए । उनको एक झट्काले सबै ढल्थे । मलाई सबैभन्दा राम्रो लाग्ने पक्ष उनको बहादुरी हो । उनी खेलाडीसँग जुध्न कहिल डराएनन् र सधै रचनात्मक रुपमा खेल्ने गर्थे ।

प्रशिक्षणको केही समयमा नै साञ्चो वाट्फोर्डको अण्डर १५ टिममा परे । आफूभन्दा एक बर्ष माथिको उमेर समुहमा खेलिरहेका उनी सम्भवत टिमकै उत्कृष्ट खेलाडी थिए । आर्सनलबिरुद्धको एक खेलमा त उनले एकल प्रयासमा गरेको गोलले सबैलाई अचम्मित नै पार्न पुगे । आर्सनलको हेल एण्ड एकेडेमीमा फ्लड लाइटमा भएको खेलमा उनले आफ्नो हाफबाट बल लिदै दुई डिफेण्डरको बीचबाट तिब्र दौड लगाए । दुवैले साञ्चोको छाया पनि भेट्टाउन सकेनन् । त्यसपछि ३५ यार्डबाट प्रहार गरेको बलले सिधै टप कर्नरमा जाली चुम्न पुग्यो ।

कोल्चेस्टरबिरुद्ध भएको अर्को खेलमा उनले ब्राजिलियन महान फुटबलर पेलेको झल्को दिए –– बल नछोइ शरिरको चालले गोलकिपरलाई झुक्काउदै खाली पोस्टमा गोल गर्दै । त्यसपछि १४ बर्षको उमेरमा नै उनी लगातार वाट्फोर्डको अण्डर १८ टिममा पर्न थाले ।

सुधार ल्याउनका लागि अब साञ्चोलाई बलियो चुनौतिको आवश्यकता थियो र यो उनलाई भन्दा राम्ररी अरु कसैलाई थाहा थिएन । आफ्ना खेलाडीलाई कठिन परिक्षा दिनका लागि लंकास्टर अभ्यास सत्रमा धेरै जसो ९ बिरुद्ध ७ अथवा १० बिरुद्ध ६ जना गराएर म्याच खेलाउथे । साञ्चो थोरै खेलाडी भएको टिममा बस्न रुचाउथे ।

साञ्चोको प्रगति म्यानचेस्टर सिटीले उनी १३ बर्ष हुंदा देखि नजिकबाट नियालिरहेको थियो । मार्च, २०१५ जब उनी १५ बर्षको भए, सिटीले हतार गरिहाल्यो । इङ्गल्याण्डका ठूला एकेडेमीहरुलाई नियमन गर्ने प्रावधान अन्तर्गत, सिटीले ६६ हजार पाउण्ड प्रारम्भिक क्षतिपुर्ति रकम तिर्दै साञ्चोलाई भित्र्यायो । पछि हेर्दा अचम्म लागेपनि साञ्चोप्रति स्काउटहरुको फरक धारणा थियो ।

कसैलाई लाग्थ्यो माथिल्लो स्तरमा खेल्न उनीसँग त्यो फुर्ति थिएन । कसैले भने उनको ड्रिब्लिङ्ग क्षमतालाई इङ्गल्याण्ड लेजेण्ड पल ग्यासकोइनसँग दाज्ने गर्दथे । “उनले आफ्नो शरिरको चाल, हर्कत, गति र चातुर्यताले खेलाडीहरुलाई सजिलै मात दिन्थे,” एक स्काउटले बिबिसी स्पोर्टलाई भने । “जब तपाई यति गर्न सक्नु हुन्छ, तपाईलाई एकदम तेज हुन आवश्यक नै छैन । अलिकति गति मात्र आउछ भने, त्यो बोनस हो ।”
केही रिपोर्ट ठ्याक्कै उल्टो आए पनि उनलाई लिएर भएको सम्झौतापछि साञ्चोलाई भित्र्याउने सिटीको इच्छामा कोही पनि प्रतिस्पर्धा गर्न आएकै थिएन । साञ्चोका लागि भने सिटी जानु नै उनको बिकासको लागि सहि कदम थियो । सिटी जाने बिषयलाई लिएर साञ्चो एक सुरे नै भएको ब्याख्या गरिन्छ । यही कारण यो सम्झौता निकै चाडो भएको थियो । उनले छोडी नै हाले, लंकास्टर भन्छन्ः “उनी गइसकेको त मलाई थाहा पनि भएन ।”
फ्लड लाइटले धपक्क बलेको सेन्ट एन्ड्रयुजमा साञ्चो बर्मिङ्गघम सिटीबिरुद्धको खेलमा म्यानचेस्टर सिटीको शुरुवाती एघारका लागि लाइन अपमा लाग्छन् । अण्डर १८ खेलाडीका लागि क्लबले बनाएको नीति अनुरुप उनले कालो बुट र बैजनी जर्सी लगाउछन् । सेन्ट्रल स्ट्राइकरको रुपमा शुरु गरेका साञ्चो अब्बल निस्कन्छन् । सिटी बर्मिङ्गघमलाई ८–३ को फराकिलो अन्तरले पराजित गर्छ । साञ्चो पेनाल्टी एरियामा बारम्बार घुस्छन्, डिफेन्डरहरुको भिडलाई चिर्छन र एक्लै पाँच गोल ठोक्छन् ।
क्लबकै पूर्व स्ट्राइकर ग्यारेथ टेलरले हेरेको क्षमतावान खेलाडीहरुले भरिपूर्ण सिटीको अण्डर १६ टोली साञ्चोको पहिलो पूर्ण सिजनमा अपराजित रहेको थियो । र अण्डर १८ खेलाडीको रुपमा २०१७ मा एफ ए युथ कप फाइनल प्रवेश गर्दा उनी सिटीका प्रमुख खेलाडी रहेका थिए । यस टोलीमा प्रतिस्पर्धात्मक भावना रहेको थियो । अण्डर १६ मा साञ्चो लेफ्ट विङ्गबाट खेल्थे र राइट विङ्गबाट खेलिरहेका ल्युक बोल्टनको छायामा कहिले पर्न चाहदैनथे ।

सिटीको निकै नै आकर्षक एकेडेमीको खुला मैदानमा एक पटक प्रिसिजनको समयमा प्रशिक्षक जेसन विलकक्सले साञ्चो सहित २० खेलाडीहरुको शारिरिक परिक्षण लिने निधो गरे । हाल रियल म्याड्रिडमा रहेका ब्रहिम डियाज र साल्केमा खेलिरहेका रब्बाइ मातोण्डो पनि ब्लिप टेस्टमा प्रतिस्पर्धा गरिरहेका थिए । जब कोनमा गरिने २० मिटर सटलले एक पटि अर्को खेलाडी थाक्दै निस्कन्छन् त्यहा दुई खेलाडी मात्र बाकी थिए । साञ्चो र फिल फोडन एक अर्कालाई हेदै अक रोकौं भनेपछि दुवै रोकिन्छन् ।

निकै माथिल्लो स्तरका सहकर्मीहरुबीच रहेपछि साञ्चोमा आफूले प्रभाव पार्नुपर्छ भन्ने दुढता थप बढ्दै गयो । “उनीमा हरेक प्रतियोगिताको प्लेयर अफ द टुर्नामेण्ट जित्ने असिमित भोक थियो, सिटी एकेडेमीका एक कर्मचारी सम्झन्छन् । प्रशिक्षणका दौरान यस्ता क्षणहरु पनि थिए जहाँ उनले केही गर्दा यो कसरी सम्भव भयो भन्ने हुन्थ्यो । त्यही कुराहरु उनले म्याचकै दौरान गरेर देखाइदिन्थे,” अर्का एक कर्मचारी भन्छन् ।

सन् २०१७ मा सिटीले साञ्चालाई पहिलो व्यावसायिक कन्ट्रयाक्टको प्रस्ताव राख्यो । हप्तामा ३० हजार पाउण्ड प्रस्ताव गरेको सिटीका व्यवस्थापक पेप ग्वार्डियोला साञ्चोलाई प्रिसिजन टुरका दौरान सिनियर टिममै राख्न तयार पनि भएका थिए । तर बिश्व फुटबलकै महँगा खेलाडीहरुले भरिपूर्ण टिममा आफूले खेल्न पाउने सम्भावना निकै कम देखेपछि उनले त्यस प्रस्तावलाई अस्विकार गर्न पुगे ।

कारण थियो उनलाई जर्मन क्लब बोरुसिया डर्टमण्डबाट आएको १० मिलियन पाउण्डको प्रस्ताव । पहिलो रोजाइमा पर्नका लागि धेरै सकस गर्नु नपर्ने बुझेपछि साञ्चो डर्टमण्ड जान तयार भए ।

डर्टमण्डको पहिलो रोजाइमा समाहित गर्नका लागि उनका लागि बिस्तारित योजना बनाइएको थियो । एकातर्फ उनी डर्टमण्डको पहिलो टोलीमै रहेर प्रशिक्षण लिन थाले भने दोश्रो रोजाइ टोलीबाट खेल खेल्नुका साथै थप प्रशिक्षणमा सहभागि हुन्थे ।

“परिपक्व पुरुष फुटबलमा अभ्यस्त नभइसकेका कारण शुरुमा आउदा उनको लागि कामको भार र त्यसको व्यवस्थापनको अन्तरसम्बन्ध स्थापना गर्नुपर्ने आवश्यकता थियो,” इङ्गलिस प्रिमियर लिगमा हडर्सफिल्ड टाउनका पूर्व व्यवस्थापक रहिसकेका डर्टमण्डको दोश्रो रोजाइको टोलीका प्रशिक्षक जेन सिवर्टले भने ।
“उनलाई निकै ख्याल गरेर बनाइएको थियो । जब उनी पहिलो पटक आए, मैले उनलाई मात्र तीन खेल खेलाएको थिए । पहिलो ५५, त्यसपछि ६५ र ७५ मिनेट गेम टाइम दिइयो । त्यसको एक हप्ता भित्र उनले अण्डर १९ टिमसँग खेलेका थिए । राम्रो कुरा के थियो भने उनले आफूलाई सबैभन्दा माथि छु भन्ने सोचेनन् । उनी मात्र प्रशिक्षण र कडा मिहिनेत गर्न चाहन्थे ।”
सन् २०१७ मे मा इङ्गल्याण्ड युरोपियन अण्डर १७ च्याम्पियनसिपको फाइनल प्रवेश गर्दा साञ्चो प्लेयर अफ द टुर्नामेन्ट भएका थिए । स्पेनसँग फाइनलमा टाइ ब्रेकरमा पराजित हुनुअघि इङ्गल्याण्डले गरेका १५ मध्ये १० गोलमा साञ्चो प्रत्यक्ष रुपमा सहभागि थिए । जब सेप्टेम्बरमा अण्डर २० बिश्वकप आयो उनी अब उपाधि जित्न चाहन्थे ।

चिलिबिरुद्ध भएको पहिलो खेलमा दुई गोल गरेर उत्साहित बनेका साञ्चोलाई समुह चरणको समाप्ति पछि नै डर्टमण्डले क्लबका लागि फिर्ता बोलायो । आफ्ना टोलीका साथीहरु छोडेर जानु पर्दा निराश बनेपनि आफ्नो फुटबलको बिकास जर्मनीमा काम लाग्ने उनले बुझेका थिए । इङ्गल्याण्डले अण्डर २० बिश्वकपको फाइनलमा स्पेनलाई ५–२ ले पराजित गरेपछि साञ्चोलाई थप राहत मिलेको थियो ।

“फाइनलअघि साञ्चोले आफ्ना साथीहरुलाई भिडियो मार्फत सन्देश पठाएका थिए र इङ्गल्याण्ड जित्यो,” सिवर्टले बताए । “उनी काममा निकै समर्पित थिए । शायद त्यो समय उनले यो मेरो करिअर हो भनेर बुझे । मेरो टिममा रहेर धेरै मिहिनेत गरेको कारण नै आज डर्टमण्डको पहिलो रोजाइमा पुगेको उनलाई राम्रो ज्ञान थियो ।”

डर्टमण्डमा स्थानान्तरण भएपछि साञ्चाले आमा र बहिनीहरुलाई लण्डनमै छोडेपनि उनका बुवा शन भने जर्मनीमा सँगै बस्दै आएका छन् । जोन बार्नेसको भिडियो देखाउदै प्रेरणा दिने गरेका शन र साञ्चोबीचको निकट सम्बन्धले उनलाई सकारात्मक प्रभाव गरेको रुपमा हेरिने गरिन्छ ।

साञ्चोलाई एकदम नजिकबाट बुझेकाहरु साञ्चोले सफलताको उचाई चढ्दै गर्दा आफुमा रहेको सरलता भने जस्ता को तस्तै कायम राखेको मान्छन् । उनी अहिले पनि केनिङ्गटनका त्यही खराब नगर्ने र फुटबल मन पराउने बच्चा नै रहेका छन् । पुराना साथीहरुले आग्रह गर्ने बित्तिकै उनी आफूले हस्ताक्षर गरेको टि–शर्ट पठाउने गर्छन् ।

गत बर्ष साञ्चो आफुले शुरुमा पढेको स्कुल गएका थिए जहाँ त्यहाका बच्चाहरुलाई उनले कडा मिहिनेत र आत्मबिश्वासको बारेमा ज्ञान बाडेका थिए । जुनमा पोर्चुगलमा सम्पन्न नेसन्स लिगबाट फर्किए लगत्तै उनी ट्याक्सी लिएर उत्तरी लण्डनको इज्लिङ्गटन पुगे । आफूले साइन गरेको डर्टमण्डको जर्सी लिएर हिडेका साञ्चो वाटफोर्ड एकेडेमीमा आफूलाई सहयोग गरेका साथीलाई उनी सरप्राइज दिन त्यहा पुगेका थिए ।

डर्टमण्डको टिम सुचीको पहिलो नामहरु मध्येको एक र इङ्गल्याण्ड राष्ट्रिय टोलीमा निरन्तर पर्दै आएका साञ्चोको जर्मनी जाने निर्णय अहिले सहि साबित भएको छ । जर्मन बुण्डेसलिगामा १५ गोल गर्ने उनी अहिलेसम्मकै सबैभन्दा कान्छा खेलाडी हुन् । सिटी मै बसेको भए उनको करिअर कता जान्थ्यो यो सोच्न गाह्रो नै होला तर फोडेनले प्रिमियर लिगमा मैदानमा बिताएको समयभन्दा उनले ९ गुणाबढी बुण्डेसलिगामा बिताइसकेका छन् ।

साञ्चोले जब बाधा अड्चन सहितको बाटो देखे उनले आफ्नै मार्ग बनाएका थिए । अहिले इङ्गल्याण्डका धेरै युवा खेलाडीहरु उनलाई नै अनुशरण गर्दै देश बाहिर खेल्ने प्रयास गरिरहेका छन् । साञ्चोका बालापनका साथी नेल्सनले गत सिजन लोनमा अर्को जर्मन क्लब होफेनहाइममा बिताएका थिए ।

“उनी निकै कम दर्शकको उपस्थिति रहने ह्याक्ने मार्सेजमा खेल्छन् या ८० हजार मानिसहरुको अगाडी वेम्बलीमा, यो फुटबल हो र यसमा रमाइलो हुन्छ । तर एउटा कुरा के स्पष्ट छ भने अहिले साञ्चो जे छन् त्यो उनी भोली जस्तो बन्छन् त्यसको तुलनामा केही पनि होइन,” लंकास्टर गर्वसाथ भन्छन् ।

१४ बर्षीय साञ्चोले आफ्नो महत्वाकांक्षाको बारेमा लंकास्टरलाई भन्दै गर्दा उनले सोचेका पनि थिएनन् होला की यो सबै उनले पाँच बर्ष भित्रै गरेर देखाउनेछन् भनेर । साञ्चोको कथा सदुपयोग गरिएका अवसरहरुको बारेमा हो र उनको सफलता बिजयी भएको उनका दृढता र क्षमताको ।

Click to comment

Leave a Reply

Your email address will not be published. Required fields are marked *

Headline

मोउरिन्हो बर्खास्त !

wesportz

Published

on

ईंग्लिश प्रिमियर लिग क्लब टोटनह्याम हट्स्परले आफ्नो मुख्य प्रशिक्षकको भूमिकामा रहेका पोर्चुगिज होजे मोउरिन्होलाई बर्खात गरेको छ ।

मोउरिन्हो १७ महिना टोटनह्यामको डगआउट सम्हाल्दै बहिरिएका हुन् । टोटनह्याम हाल प्रिमियर लिगमा सातौँ स्थानमा रहेको छ भने युरोपा लिगबाट बहिरिसकेको छ ।

टोटनह्यामले २५ अप्रिलमा भने म्यानचेस्टर सिटीसँग कराबाओ कपमा खेल्दै छ । मोउरिन्होसँगै उनका सहायक प्रशिक्षकहरु जोओ स्याक्रमेन्टो, नुनो सान्तोस, कार्लोस ललितिन र जियोभन्नी सेरालाई पनि टोटनह्यामले बर्खास्त गरेको छ ।

“मोउरिन्हो निकै व्यवसाहिक प्रशिक्षक हुन् र उनले महामारीको बेला टोलीलाई दिएको साथको म सधैं कदर गर्ने छु।”टोटनह्यामका अध्यक्ष डानियल लेभले भने ।

मोउरिन्होले आफ्नो अन्तिम खेलमा एवर्टनसँग २-२ को बराबरी खेलेको थियो । मोउरिन्हो यस अघि पनि प्रिमियर लिग क्लब चेल्सी र म्यानचेस्टर युनाइटेडबाट बर्खास्तीमा परिसकेका थिए ।

बर्खास्ती सँ गाई टोटनह्यामले मोउरिन्होलाई ३० मिलियन पाउण्ड क्षतिपुर्ती तिर्ने छ ।

Continue Reading

Headline

नेपालको अर्को उत्कृष्ट ब्याटिङ्ग, कुशलले बनाए अद्र्धशतकको किर्तिमान

wesportz

Published

on

कुशल भुर्तेल र आसिफ शेखले एक पटक फेरि उत्कृष्ट शुरुवात दिलाएपछि नेपालले त्रिदेशीय ट्वान्टी अन्तर्राष्ट्रिय श्रृंखलामा अर्को बिशाल जित हात पारेको छ । नेदरल्याण्ड्सलाई पहिलो खेलमा ९ विकेटले पराजित गरेको नेपालले सोमबार मलेसियालाई ९ विकेटले हरायो ।

त्रिवि मैदानमा टस जित्दै पहिलो फिल्डिङ्ग रोजेपछि नेपालले मलेसियालाई घातक बलिङ्ग गर्दै १६ दशमलव ५ ओभरमा १ सय ९ रनै समेट्यो । जवाफमा कुशलले किर्तिमान कायम गर्दै लगातार दोश्रो अद्र्धशतक बनाउनुका साथै आशिफसँग अर्को शतकीय साझेदारी गरेपछि नेपालले १२ दशमलव एक ओभरमै लक्ष्य प्राप्त गर्यो ।

कुशल नेपालको लागि ट्वान्टी ट्वान्टी अन्तर्राष्ट्रियमा लगातार दोश्रो अद्र्धशतक प्रहार गर्ने पहिलो ब्याट्स्मयान बने । यसअघि नेदरल्याण्ड्सबिरुद्ध पनि अद्र्धशतक प्रहार गरेका कुशलले आसिफसँग ११ ओभरमै १ सय २ रनको साझेदारी गरेका थिए ।

नेपाल जितबाट मात्र ८ रन टाढा रहेको अवस्थामा आसिफ बिरनदिप सिँहको बलमा शर्ट थर्ड म्यानमा आउट भएका थिए । उनले २९ बलमा चार चौका र एक छक्काको मद्दतमा ४२ रन बनाए ।

आफ्नो इनिङ्गसको शुरुवात नै स्पिनर पवनदिप सिँहलाई छक्का प्रहार गरेका कुशलले ठूला शट खेल्दै मलेसियालाई पूर्ण रुपले दवाबमा राखेका थिए । उनले सैयद अजिजलाई एकै ओभरमा लगातार दुई छक्का र एक चौका प्रहार गर्दै १९ रन बटुलेका थिए ।

कुशलले ४१ बलमा पाँच छक्का र तीन चौका प्रहार गर्दै ६१ रन बनाए । बिजयी चौका दिपेन्द्र सिँह ऐरिले हिर्काएका थिए ।

करण केसीले तीन विकेट लिनुका साथै एक रनआउटमा पनि संलग्न रहेपनि नेपालले त्रिदेशीय ट्वान्टी ट्वान्टी अन्तर्राष्ट्रिय श्रृंखलामा आफ्नो दोश्रो खेलमा मलेसियालाई १ सय १० रनको झिनो योगफलमै समेटेको छ ।

त्रिवि क्रिकेट मैदानमा आक्रमक ब्याटिङ्ग गरेपनि मलेसिया थोरैमा समेटिएको थियो । टप अर्डरबाट सैयद अजिजले रन जोडेपनि मलेसिायले निरन्तर विकेट गुमाएको थियो ।

तिब्र गतिका बलर सोमपाल कामीले मलेसियाका प्रमुख ब्याट्स्म्यान बिरनदिप सिँहलाई ६ रनमा बोल्ड गरेपछि नेपाल पूर्ण रुपमा मलेसियामाथि हावी भएको थियो । दिपेन्द्र सिँह ऐरिले अजिजलाई शर्ट मिड विकेटमा आसिफ शेखको हातबाट क्याच आउट गराएपछि मलेसियाले ५१ रनमा चार विकेट लिएको थियो ।

निकै नै उत्कृष्ट फास्ट बलिङ्गको नमुना प्रस्तुत गरेका करणले ओपनर अनवर अरुद्दिन, शर्भिन मुनियन्डी र स्याजरुल इद्रुसको विकेट लिएका थिउ । मुनियन्डीले १५ बलमा एक छक्काको मद्दतमा २० रन बनाए । अजिजले सर्वाधिक २४ बलमा २७ रन बनाए । उनको इनिङ्गसमा चार चौका र एक छक्का प्रहार गरेका थिए ।

करणले तीन ओभरमा १७ रन खर्चिएका थिए । सन्दिप लामिछानेले ३ दशमलव ५ ओभरमा २५ रन खर्चदै दुई विकेट लिए । शाहब आलम र कुल मल्लले पनि नेपालका लागि १–१ विकेट लिएका थिए ।

Continue Reading

Headline

नेपालको घातक बलिङ्ग सामु मलेसिया नीरिह

wesportz

Published

on

करण केसीले तीन विकेट लिनुका साथै एक रनआउटमा पनि संलग्न रहेपनि नेपालले त्रिदेशीय ट्वान्टी ट्वान्टी अन्तर्राष्ट्रिय श्रृंखलामा आफ्नो दोश्रो खेलमा मलेसियालाई १ सय १० रनको झिनो योगफलमै समेटेको छ ।

त्रिवि क्रिकेट मैदानमा आक्रमक ब्याटिङ्ग गरेपनि मलेसिया १६ दशमलव ५ ओभरमा अल आउट हुदै १ सय ९ रनमै समेटियो । टप अर्डरबाट सैयद अजिजले आक्रमक ब्याटिङ्ग गरेपनि मलेसिायले निरन्तर विकेट गुमाएको थियो ।

तिब्र गतिका बलर सोमपाल कामीले मलेसियाका प्रमुख ब्याट्स्म्यान बिरनदिप सिँहलाई ६ रनमा बोल्ड गरेपछि नेपाल पूर्ण रुपमा मलेसियामाथि हावी भएको थियो । दिपेन्द्र सिँह ऐरिले अजिजलाई शर्ट मिड विकेटमा आसिफ शेखको हातबाट क्याच आउट गराएपछि मलेसियाले ५१ रनमा चार विकेट लिएको थियो ।

निकै नै उत्कृष्ट फास्ट बलिङ्गको नमुना प्रस्तुत गरेका करणले ओपनर अनवर अरुद्दिन, शर्भिन मुनियन्डी र स्याजरुल इद्रुसको विकेट लिएका थिउ । मुनियन्डीले १५ बलमा एक छक्काको मद्दतमा २० रन बनाए । अजिजले सर्वाधिक २४ बलमा २७ रन बनाए । उनको इनिङ्गसमा चार चौका र एक छक्का प्रहार गरेका थिए ।

करणले तीन ओभरमा १७ रन खर्चिएका थिए । सन्दिप लामिछानेले ३ दशमलव ५ ओभरमा २५ रन खर्चदै दुई विकेट लिए । शाहब आलम र कुल मल्लले पनि नेपालका लागि १–१ विकेट लिएका थिए ।

Continue Reading
अन्तर्राष्ट्रिय4 hours ago

राजस्थान माथि चेन्नाईको फराकिलो जित 

Headline10 hours ago

मोउरिन्हो बर्खास्त !

Headline12 hours ago

नेपालको अर्को उत्कृष्ट ब्याटिङ्ग, कुशलले बनाए अद्र्धशतकको किर्तिमान

Headline13 hours ago

नेपालको घातक बलिङ्ग सामु मलेसिया नीरिह

Headline19 hours ago

लेस्टर सिटी ५२ बर्षपछि एफए कपको फाइनलमा

राष्ट्रिय19 hours ago

नेपाली पब्जी टोली दक्षिण एसिया च्याम्पियन 

Headline19 hours ago

एक दशकमा पहिलो पटक एटलान्टासँग हार्दा युभेन्टसको च्याम्पियन्स लिग यात्रा समेत कठिन

Headline19 hours ago

रियल गेटाफेसँग रोकिँदा एट्लेटिकोले लियो तीन अंकको अग्रता

Headline20 hours ago

युरोपियन सुपर लिग: यो भनेको के हो ? के यसले पुर्णता पाउला ?

Headline1 day ago

दिल्लीबिरुद्ध १ सय ९५ रन पनि डिफेण्ड गर्न असफल पञ्जाब

Headline4 months ago

१० फुटबलर जसले बार्सिलोना जान मानेनन्

Headline7 months ago

धेरै ऋणको भारी बोकेका पाँच युरोपेली क्लबहरु

Headline12 months ago

ब्राजिलले पाएको अहिलेसम्मकै उत्कृष्ट १० फुटबलर

Headline7 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline11 months ago

ट्रान्सफर मार्फत सर्वाधिक कमाउने ५ खेलाडी

Headline6 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline6 months ago

फेरि पनि टिममा अटाएनन् स्ट्राइकर बिमल

Headline10 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline8 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending

error: Content is protected !!