Headline
लाम्पार्डको आगमनसँगै बदलिएको चेल्सी
Published
4 years agoon
By
wesportzफ्रांक लाम्पार्ड त्यस्तै १७–१८ बर्षका थिए होलान् जब उनले आफ्नो पहिलो प्रिमियर लिग खेल खेले । पिता प्याट लााम्पार्ड ले आफ्नो जीवन बिताएको क्लब थियो वेस्ट ह्याम युनाइटेड ।
आफ्नो बालापन देखिनै लाम्पर्डले वेस्ट ह्यामलाई समर्थन गरे र पछि क्लबकै लागि १३५ खेल खेले पनि । गोरो फुच्चे, लामो कपाल, मोटो ज्यान भएका लाम्पार्डले वेस्ट ह्याममा हुँदा कसैले पत्याएनन यो सानो फुच्चे “बक्स टु बक्स मिडफिल्ड” खेल्छ भनेर ।
त्यती खेर वेस्ट ह्यामका ब्यबस्थापक थिए लाम्पार्डकै काका ह्यारी रेडन्याप जसलाई उनको खेल खुब मन पथ्र्यो । युवालाई त्यती मौका नदिइने समयमा रेडन्यापले लाम्पार्डलाइ डेब्यु गराएरै छाडे । पहिलो पत्रकार सम्मेलनमै लाम्पार्डलाइ दर्हाे प्रश्नको झट्टारो पर्यो जब एक फ्यान ले रेडन्यापलाई प्रश्न गरे “के तपाई उसलाई धेरै उक्साई रहनु भएको त छैन ? किनकि मलाइ लाग्दैन उ त्यती रम्रो खेल्छ । यो भन्दा त तपाइँले राम्रो मिड्फिल्डर कान्हाम (स्कट) लाई बेचिदिनु भयो” ।
हलमा सबले लाम्पार्डलाई हेरे र उनले रेडन्यापलाइ । रेडन्यापले समय नलगाई भने, “होला कान्हाम राम्रो थिए तर लाम्पार्ड उनी भन्दा राम्रो भएर निस्कने छन् । म भन्दै छु उनी एकदम माथि पुग्ने छन्” । त्यही दिन देखि लाम्पार्ड लाइ पछाडी फर्केर हेर्नु परेन । २००१ सम्म वेस्ट ह्याम र स्वान्सी (लोनबाट) मा खेलेपछि चेल्सीले उनलाई आँखा लगाउदै त्यही बर्ष ११ मिलियन पाउण्डमा भित्राएको थियो । त्यसपछि लाम्पार्डले पछाडी फर्केर हेर्नु परेन ।
रेडन्यापले प्रक्षेपण गरेझै लाम्पार्ड एक बिस्वस्तरीय मिडपिÞmल्डर बने र उनलाई बनाउने क्लब बन्यो चेल्सी । उनले चेल्सीका लागि ४२९ खेल खेले र १ सय ४७ गोलसहित हालसम्म पनि क्लबको उच्च गोलकर्ताको सुचिमा पहिलो नम्बर मै छन् । चेल्सीमा उनले आफ्नो खेलयात्रा अन्त्य गर्न त पाएनन् तर क्लबसँगै एउटा नयाँ यात्रा शुरु गरेका छन् र त्यो हो व्यवस्थापन ।
यद्दपी उनले यसको शुरुवात भने च्याम्पियनशिप क्लब डर्बि काउन्टीबाट गरेका थिए । उनले आफ्नो पहिलो प्रयासमै डर्बिलाइ प्रमोसनको नजिकसम्म पु¥याउदै प्लेअफ फाइनलको यात्रा गराए । डर्बिको त्यो लगातार तेश्रो प्लेअफ भएपनि लाम्पार्डको आगमनले क्लब अब भने माथि जानको लागि राम्रो जग बसेको धेरैले मानेका छन् ।
मिडफिल्डमा चेल्सीको उत्पादन मेसन माउन्ट र डिफेन्समा चेल्सीकै फिकायो टोमोरीको जोडीलाई च्याम्पियनशिपको लिग चरणमा रोक्न सक्ने कुनै टिमै थिएन । उता मोरिजियो सारीको चेल्सीमा ब्याप्त अस्थिरतका बावजुद पनि हासो लाग्ने बिषय के थियो भने स्ट्याम्फोर्ड ब्रिजमामा लाम्पार्डको डर्बि हाबी भएपनि खेल भने जित्न सकेन ।
सिजनको समाप्ति हुँदासम्म लाम्पार्ड चेल्सी आउने कुरामा कसैले पनि बिश्वास नै गरेका थिएनन् । लाम्पार्ड आफै पनि यस बिषयमा अनभिज्ञ नै थिए होलान् । अन्तत सिजनको समाप्ति पछि सारीले चेल्सी छोड्दा क्लब नेतृत्व बिहिन हुन पुग्यो । त्यसपछि चेल्सीमा चल्यो लाम्पार्ड आगमनको हल्ला । बेलायती मिडियाहरुमा लगातारको हल्लापछि साच्चिकै लाम्पार्ड चेल्सी आइपुगे ।
प्रि सिजनपछि जब लाम्पार्डको परिक्षा शुरु भयो फुटबल पण्डित, अनुभवि ब्यवस्थापक र पूर्व खेलाडीहरुले आंकलन गर्न थाले, “लाम्पार्डमा चेल्सीलाई अंक तालिकाको शिर्षस्थान पु¥याउने शक्ति नै छैन।” म्यानचेस्टर युनाइटेडबिरुद्धको पहिलो खेल (अवे) मा लाम्पार्डले धेरै युवा खेलाडी उतार्दा बिश्लेषकहरुले त्यसलाई पागलपनको संज्ञा दिएका थिए । तर लाम्पार्डलाई त्यो पागलपन लागेन ।
युनाइटेडसँग ४–० को फराकिलो हारका बावजुद पनि लाम्पार्डले आफ्ना खेलाडीहरुलाई हौसला दिदै गए । युइएफए सुपरकपमा लिभरपुलबिरुद्ध चेल्सीले राम्रो प्रदर्शन गरेपनि खेल जित्न सकेको थिएन । अर्को प्रिमियर लिग खेलमा चेल्सीले लेस्टरसँग अर्को बराबरी खेल्यो । जति चाडो लाम्पार्ड चेल्सी आए त्यती चाडो उनी बर्खास्त हुने हल्ला पनि चल्न थालि हाल्यो ।
यसले लाम्पार्डलाई खासै फरक परे र टिमलाई एक ढिक्का बनाएर लैजाने लक्ष्यसहित अघि बढ्न थाले । उनले खेलाडीहरुलाई ब्यवस्थापकीय रुपमा पनि नयाँ नियमहरुमा बाध्न थाले । लेस्टरसँगको बराबरीपछि चेल्सीले खेलका ५ प्रिमियर लिग खेल मध्ये तीनवटामा जित दर्ता ग¥यो भने एकमा बराबरी र च्याम्पियन्स लिग बिजेता लिभरपुलसँग सांघुरो हार बेहोर्न बाध्य भयो । यस क्रममा सुपर कपमा पेनाल्टीमा चुकेर आलोचनको पात्र बनेका ट्यामी अब्राहम भने नयाँ लय समात्दै अघि बढिरहेका छन् ।
शुरुवाती असफलतापछि समर्थकहरुको निराशाको शिकार बनेका लाम्पार्ड अहिले भने तिनै समर्थककाबीच मायाको पात्र बनेका छन् । उनीहरु लाम्पार्डलाई बिश्वास गर्न थालेका छन् । चेल्सीको मिडफिल्ड अहिले निकै सशक्त देखिन्छ । लाम्पार्डले इटालियन पास मास्टर जोर्जिन्हो र क्रोसियान बल ड्राइभर मतियो कोवचिचको जोडीलाई प्रिमियर लिगकै उत्कृष्ट जोडी बनाउन सफल भएका छन् ।
इन्टरन्यासनल ब्रेक अघि बर्नली, आयाक्स र न्युकासलबिरुद्धका खेलहरु हेर्ने हो भने लिवरपुल पछि को सुन्दर फुटबल अहिले चेल्सीले खेल्दैछ । शिर्ष स्थानको लिभरपुलसँग ८ अंकको दुरीमा रहेको चेल्सीले पछिल्लो ६ खेलमा पराजय बेहोरेको छैन । उता च्याम्पियन्स लिगमा आफ्नो समूहको शिर्ष स्थानमा पनि कायमै रहेको छ ।
लाम्पार्ड नीति यतिसम्म कडा छ कि खेल अघिको फिजिकल वार्म अपमा ढिलो आए २५०० पाउण्डसम्म जरिवाना तिर्नु पर्नेछ । लाम्पार्डले चेल्सी समर्थकहरुमा अहिले छुट्टै उर्जा ल्याएका छन् । धेरै जसो शान्त रहदै आएका समर्थकहरुले अहिले स्टामफोर्ड ब्रिज र अवे खेललाई “सुपर फ्रान्क”, “ओह ट्यामी, ट्यामी”, “जोर्जीन्होे”, “वि अर न्यु चेल्सी” भन्ने नाराले गुञ्जायमान बनाउन थालेका छन् ।
लाम्पार्डले चेल्सीको यो लयलाई क्रिसमसपछि पनि कायम राख्दै लिवरपुललाई नै चुनौती दिन सक्ने छन् या छैनन त ? के चेल्सी २०१२ पछि चाम्पियन्स लिग जित्ने टिम बन्नेछ त ? शायद यसको जवाब पूर्व चेल्सी ब्यवस्थापक होजे माउरिन्होले नजानिदो रुपमा दिएका छन् । “अब त चेल्सी पनि सुपर चेल्सी भयो” माउरिन्होले भर्खरै स्काइ स्पोर्टसलाई दिएको एक अन्तर्वार्तामा भनेका थिए ।
चेल्सीले यस्तै प्रकारको खेल खेलेर नँया खेलाडी भित्राउने हो भने दुई–तीन सिजनसम्ममा सन् २००६ देखि २०१२ को जस्तै फेरी एकपटक बिश्वस्तीय टोली बन्न सक्छ । मेसन माउण्ट, ट्यामी अब्राहम, फिकायो टोमोरी, एनगोलो कान्टे, क्रिस्चियन पुलिसिच, जेम्स, जर्जिन्हो, कोभाचिच र हड्सन ओडोइ जस्ता कुशल खेलाडी भएको चेल्सीले यो सिजन कस्तो प्रदर्शन गर्नेछ भन्नेमै सबैको ध्यान केन्द्रित रहनेछ ।
You may like
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।