Headline
ग्वार्डियोला भर्सेस बिएल्साः १४ बर्षदेखिको गुरु-चेला सम्बन्ध
Published
4 years agoon
By
wesportzसन् २००६ मा खेलाडीको रुपमा आफ्नो व्यवसायिक करिअर समाप्त गर्ने क्रममा पेप ग्वार्डियोला मेक्सिकन क्लब डोरोडोसमा छोटो समयको लागि खेलिरहेका थिए । तर उनको ध्येय अर्कै थियो । डोरोडोसका स्पेनि प्रशिक्षक हवानमा लिलोको सानिध्यमा उनी फुटबल व्यवस्थापनको कलामा पोख्त हुनका लागि त्यहा गएका थिए ।
प्रशिक्षण करिअरमा हाम फाल्नु अघि ग्वार्डियोलालाई यो सुन्दर खेलका अर्का दार्शनिकलाई भेट्न अर्जेन्टिना भ्रमण गर्नका लागि सुझाव दिइयो । अर्जेन्टिनालाई २००४ को ओलम्पिक स्वर्ण दिलाएका मार्सेलो बिएल्सा त्यो समय जागिर बिहिन थिए । उनले ग्वार्डियोलालाई रोजारियो नजिक आफ्नो घर बोलाए र दुई जनाको वार्तालाप झण्डै १० घण्टा चलेको थियो ।
दुई बर्षभित्रै ग्वार्डियोलाले बार्सिलोना सम्हाले र यस्तो टिमको निर्माण गरे जुन क्लबस्तरमा सर्वकालीन महान बन्न पुग्यो । ग्वार्डियोलाले बनाएको टोलीको पूर्ण शक्ति बिएल्साले तब महसुस गरे जब उनी एथ्लेटिक बिल्बाओको प्रशिक्षकको रुपमा सन् २०११ मा स्पेनिस फुटबलमा फर्किए ।
त्यो समयदेखि नै ग्वार्डियोलाले बिएल्सालाई बिश्वकै उत्कृष्ट मध्येका एक प्रशिक्षक मान्दै आएका छन्। आफुले सबैभन्दा बढी सम्मान दिदै आएका उनै बिएल्साबिरुद्ध ग्वार्डियोला शनिबार आमने-सामने हुदैछन् । १६ बर्षपछि लिड्स युनाइटेडलाई प्रिमियर लिगमा फर्काएका बिएल्सा र म्यानचेस्टर सिटीलाई प्रिमियर लिगको उत्कृष्ट टोली बनाएका उनका शिष्य ग्वार्डियोला टच लाइनमा परस्पर उभिनेछन् ।
“हामीबीच जे बिषयमा छलफल भयो त्यसबाट मैले उनी फुटबलको बारे निकै सोच्ने व्यक्ति रहेको ज्ञान भयो,” ग्वार्डियोलासंग भएको पहिलो छलफलको बारे सम्झदै बिएल्साले यसै साता भनेका थिए ।
“सबैभन्दा पहिले त उनको कल्पना गर्ने क्षमता उत्कृष्ट छ । आफूले सामना गरेका समस्याको समाधान उनी निरन्तर निकाल्न सक्छन्। उनले प्रस्ताव गरे अनुरुप नै कार्यान्वयन गर्न सक्ने क्षमताले नै अन्य प्रशिक्षकभन्दा भिन्न छन् भनेर स्पष्ट पार्छ । जब तपाई कसैको तारिफ गर्नुहुन्छ भने किन भन्ने जवाफ पनि हुन आवश्यक छ । नत्र भने यो केवल एक सान्त्वना मात्र हुनेछ,” बिएल्साले भने ।
ग्वार्डियोलाले कहिल्यै पनि बिएल्साको प्रशिक्षणमा खेलेनन् तर उनी त्यो भएको चाहन्थे । बिएल्सासंग गरिएका संवाद र उनीसंग काम गरेका खेलाडीहरुलाई आधार मान्दै ग्वार्डियोला बिएल्सा पछ्याउन नसकिने प्रशिक्षकको रुपमा रहेको भन्न सुरक्षित ठान्छन्। बिएल्साको राम्रो र खराब नतिजा प्रतिको मानसिक ग्रहण अझै पनि ग्वार्डियोला आफ्नो दिमागमै अडिएको मान्छन् ।
“उनी सबैभन्दा बिश्वसनीय व्यवस्थापक हुन,” ग्वार्डियोलाले लिड्सबिरुद्धको खेल अघि शुक्रबार भने । “आफ्नो टिमलाई लिएर हिड्ने उनको तरिका बिछट्टै छ । उनीसंग केही समय बिताउन पाएकोमा म आफूलाई भाग्यमानी ठान्छु। ती समयहरु मेरो लागि सधै प्रेरणादायी रहदै आएका छन् ।”
“मेरो सिद्धान्त भनेको एक व्यवस्थापकको गुण उनले जितेको उपाधिहरुले निर्धारण गर्दैन । मैले अथवा मेरो टोलीले उनको तुलनामा धेरै उपाधि जितेका छन् तर खेलको बारे ज्ञान र अभ्यास सत्रहरुका आधारमा म उनी भन्दा धेरै पछाडी छु,” ग्वार्डियोलाले भने ।
१६ बर्षको पुनरागमनपछि पनि बिएल्साको लिड्सले प्रिमियर लिगमा आफ्नो उपस्थितिलाई बुलन्द बनाउदै लिभरपुलसंको पहिलो खेलमा प्रतिस्पर्धात्मक रुपमा ४-३ ले पराजित हुन पुग्यो । तर उक्त खेलमा अझै बढी गोल हुने थियो । बिएल्साले२०१८ देखि टिममा सिञ्चित गरेको छाल रुपी आक्रमण, त्यो पनि एन्फिल्डमा, म्यान-टु-म्यान मार्किंगले सबैको मन जितेको थियो ।
सिटीले गर्ने गरेको आक्रमण र रक्षपंक्तिको कमजोरीका कारण लेस्टरसंग ५-२ ले पराजित भएको आधारमा शनिबार एलन्ड रोडमा थुप्रै गोल हुने अपेक्षा गरिएको छ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।