Headline
धोनीको सम्झनलायक ५ उत्कृष्ट इनिङ्गस
Published
4 years agoon
By
wesportzभारतका २०११ बिश्वकप बिजेता कप्तान महेन्द्र सिँह धोनीले शनिबार सन्यास घोषणा गर्दा भारतमा एक युगको अन्त्य भएको छ । धोनी भारतमात्र नभएर बिश्व क्रिकेटकै सफल कप्तानमा गनिन्छन् । उनले भारतलाई च्याम्पियन्स ट्रफि र ट्वान्टी ट्वान्टी बिश्वकप पनि जिताएका थिए ।
आईसिसिको सबै प्रमुख उपाधिहरु जित्ने धोनी बिश्व क्रिकेटमै एक मात्र कप्तान हुन् । धोनीले आफ्नो डेढ दशक लामो करिअरमा ५० दशमलव ५८ को औषतमा १० हजार भन्दा बढी रन बनाएका छन् । विकेटकिपरको रुपमा उनका ४ सय ४४ शिकार सर्वाधिक तेश्रो हो भने १ सय २३ स्टम्पिङ्ग बिश्व रेकर्डको रुपमै रहेको छ । धोनीले आफ्नो करिअरमा धेरै सम्झनलायक इनिङ्गसहरु खेलेका छन् । हेरौ ती मध्ये उत्कृष्ट पाँचः
१. श्रीलंकाबिरुद्ध १ सय ८३ नटआउट
अक्टोबर ३१, २००५ मा धोनीले खेलेको यो इनिङ्गस उनको करिअरको शुरुवाती दिनहरुमा आएको थियो । लगातार खराब शुरुवात गरेपछि पाकिस्तानबिरुद्ध १ सय ४८ रन उनको सर्वाधिक ठूलो योगफल थियो । श्रीलंकाबिरुद्धको तेश्रो एकदिवसीयमा जे हुन गइरहेको थियो त्यसले उनलाई सधैका लागि भारतीय क्रिकेटको पानामा अमर बनाउन पुग्यो ।
धोनीलाई पहिलो एकदिवसीयमा भारतीय टोलीलले छैटौं नम्बरमा ब्याटिङ्ग गराउदा उनले ३८ रन बनाएका थिए । दोश्रो खेलमा उनले ब्याटिङ्ग गर्न पाएनन् भने तेश्रोमा श्रीलंकाले पहिलो ब्याटिङ्ग गर्दै चार विकेटको क्षतिमा २ सय ९८ रन बनायो । भारतले इनिङ्गको शुरुवातमै सचिन तेन्दुल्करलाई गुमाएपछि धोनी तेश्रो नम्बरमा ब्याटिङ्ग गर्न आएका थिए । अन्य ब्याट्स्म्यानहरुले ४० रन पनि बनाउन नसक्दा धोनी एक्लैले श्रीलंकाको आक्रमणलाई ध्वस्त पारेका थिए ।
उनले १ सय ४५ बलमा १ सय ८३ नटआउट बनाए जुन उनको करिअरको सर्वाधिक ठूलो योगफल हो । विकेट किपर ब्याट्स्म्यानको रुपमा पनि धोनीले नयाँ बिश्व किर्तिमान कायम गरेका थिए । धोनीको बिशाल योगफलको मद्दतमा भारतले २३ बल अघि नै खेल जितेको थियो । धोनीको इनिङ्गसमा १५ चौका र १० छक्का सामेल थियो ।
२. पाकिस्तानबिरुद्ध ४६ बलमा ७२ रन
लामो समयपछि भारत र पाकिस्तान एक अर्का बिरुद्ध भिडिरहेका थिए । पाकिस्तानमा टेस्ट श्रृंखला १–० ले गुमाएपछि भारतीय टोलीमा एकदिवसीयमा पनि हारको डर थियो । लाहोरमा आउनु पुर्व पाँच म्याचको एकदिवसीय श्रंखला १–१ को बराबरी थियो । फेबु्रवरी १३, २००६ को दिन पाकिस्तानले भारतलाई जितका लागि २ सय ८९ रनको लक्ष्य दियो ।
१५ ओभरमा मात्र बाकी रहदा १ सय रन भन्दा बढी आवश्यकता रहेको स्थितिमा धोनी युवराज सिँहलाई साथ दिनका लागि सातौं नम्बरमा ब्याटिङ्गका लागि उत्रिए । गद्दाफी स्टेडियममा धोनीले निकै आक्रमक ब्याटिङ्ग गर्दै ४६ बलमै ७२ रन ठोके । भारतले १४ बल बाकी हुदै खेल जित्यो । म्याच जितएपछि तत्कालीन पाकिस्तानी राष्ट्रपति परवेज मुसर्रफले पनि धोनीको मैदानमा उत्रेर नै खुलेर तारिफ गरेका थिए ।
धोनी र युवराजले निर्णायक एकदिवसीयमा पनि उत्कृष्ट साझेदारी गरेपछि भारतले ३–२ ले श्रृंखला जितेको थियो । उनीहरुले अन्तिम एकदिवसीयमा तेश्रो विकेटका लागि १ सय ४६ रनको साझेदारी गर्दै भारतलाई जिताएका थिए । श्रृंखलामा २ सय १९ रन बनाउदै तीनमा नटआउट रहेपछि धोनीले आफ्नो स्थान सुरक्षित गरेका थिए ।
३. बिश्वकप फाइनलमा ९१ नटआउट
अप्रिल ३, २०११ मा धोनी भारतलाई दोश्रो पटक बिश्वकप जिताउने कप्तान बने । उनी भारतलाई एकदिवसीय बिश्वकपको फाइनल पुर्याउने तेश्रो कप्तान पनि हुन् । कपिल देवले भारतलाई १९८३ को बिश्वकप जिताएका थिए भने त्यसको दुई दशकपछि सौरभ गाँगुलीले टिमलाई दक्षिण अफ्रिकामा फाइनलसम्म डोर्याएका थिए ।
धोनीले बिश्वकप फाइनल अघि ८ म्याचमा जम्म १ सय ५० रन बनाएका थिए । माहेला जयावद्र्धनेले आकर्षक शतक पुरा गरेपछि श्रीलंकाले फाइनलमा भारतलाई २ सय ७५ रनको लक्ष्य प्रस्तुत गर्यो । बिश्वकप जितेको खण्डमा भारतको नाममा सर्वाधिक ठूलो योगफल पछ्याएको इतिहास पनि हुने थियो । र भयो त्यही ।
भारतले १ सय १४ रनमा तीन विकेट गुमाएको स्थितिमा धोनीले युवराजको ठाँउमा नम्बर पाँचमा ब्याटिङ्ग गर्न आउदै सबैलाई स्तब्ध बनाए । पहिलो गौतम गम्भिर र त्यसपछि युवराजसँग महत्वपूर्ण साझेदारी गर्दै धोनीले छक्काको मद्दतमा बिजयी रन प्रहार गर्दै भारतलाई २८ बर्षपछि बिश्वकप जिताए । फाइनलमा गौतम गम्भिरले ९७ रन बनाए तर खेललाई पूर्ण रुपमा नियन्त्रण गर्ने काम धोनीको ९१ रनले गरेको थियो ।
४. लर्ड्समा ७१ बलमा ७८
भारत सेप्टेम्बर, २०११ मा इङ्गल्याण्ड भ्रमण दौरान निकै नराम्रो खेलिरहेको थियो । टेस्ट सिरिज ४–० ले गुमाएको भारतले एकदिवसीय श्रंखला पनि गुमाएको थियो तर एक खेल भने बराबरीमा टुँगिएको थियो । क्रिकेटको मक्का मानिने लर्ड्समा भएको तेश्रो एकदिवसीयमा भारतले १ सय १० रनमै चार विकेट गुमाएको थियो ।
धोनीले त्यसपछि सुरेश रैनासँग १ सय ६९ रनको साझेदारी गर्दै भारतलाई २ सय ८० रनको योगफलसम्म डोर्याए । रवि बोपाराले ९६ रनको इनिङ्गस खेलेपछि इङ्गल्याण्डले बर्षाका कारण २ सय ७१ रनको लक्ष्य पाउदा बराबरी गरेको थियो । धोनीले उक्त श्रृंखलामा ७८ दशमलव ६६ को औषतमा २ सय ३६ रन बनाएका थिए ।
५. श्रीलंकालाई अर्को झड्का
२०१३ मा क्यारेबियनमा भएको त्रिकोणात्मक श्रृंखलामा भारत पहिलो दुई खेल हारेपछि कमब्याक गर्दै फाइनल प्रवेश गरेको थियो । फाइनलमा श्रींलकालाई २ सय १ मै समेटेपनि भारत हारको नजिक पुगिसकेको थियो । अन्तिम तीन ओभर बाकी हुदा भारतले १ सय ८२ रनमा ९ विकेट गुमाइसकेको थियो ।
बलर इशान्त शर्माले विकेट बचाउनु पर्ने स्थिति हुदा खेल अन्तिम ओभरसम्मै पुगेको थियो । अन्तिम ओभरमा भारतलाई १५ रन चाहिएको थियो र धोनीले समिन्दा इराँगाबिरुद्ध पहिलो बलमा रन बटुल्न सकेका थिएनन् । त्यसपछि उनले दोश्रो र चौथोमा छक्का अनि तेश्रोमा चौका प्रहार गर्दै भारतलाई सनसनीपूर्ण जित दिलाएका थिए ।
क्विन्स पार्क ओभलको सुस्त पिचमा धोनीले ५२ बलमा ५४ रन बनाएका थिए तर उनले आफूलाई दिइएको फिनिसरको भुमिकालाई एकपटक फेरि उत्कृष्ट ढँगले न्याय दिएका थिए ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।