Headline
सबैभन्दा कम तलब खाने प्रत्येक इंगलिस प्रिमियर लिग क्लबका फुटबलरहरु
Published
2 years agoon
By
wesportzयुरोपियन फुटबल अर्थात पैसा । खेलाडीहरुले एउटा क्लबबाट अर्को क्लबमा जानका लागि र क्लबहरुले पनि खेलाडीलाई आफ्नो क्लबमा भित्र्याउन करोडौं डलरको व्यापार गर्ने गर्दछन् ।
कुनै पनि खेलाडीको आगमनले आफ्नो क्लबको प्रतिष्ठा बढ्ने तथा च्याम्पियन्स लिग र घरेलु लिगको उपाधि जित्ने आशामा पैसाको खोलो बगाउन पनि पछि पर्दैनन् । खेलाडीहरु किन बेच गर्दा बाहेक उनीहरुले पाउने सेवा सुविधा तथा तलबमा पनि क्लबहरू वर्षेनी करोडौं डलर खर्च गर्न तयार हुन्छन् ।
युरोपमा हामीले देखे र सुनेको भनेको खेलाडीहरुले पाउने तलब प्रति हप्ता लाखौं युरो सम्म हुन्छ । तर विश्वको चर्चित लिगमा खेलाडीहरुले पाउने तलब सुन्दा तपाईहरुलाई विश्वास नलाग्न सक्छ । हालै ३८ वर्षीय डानी आल्भेस बार्सिलोनामा पुन अनुबन्ध हुन पुगे । उनको तलब कति होला त, अनुमान गर्न सक्नु हुन्छ ? उनले तपाईंले सोच्दै नसोचेको तलब खाने गर्दछन् ।
आल्भेसले बार्सिलोनाबाट हप्ताको मात्र एक युरो प्रति महिना तलब स्वरुप थप्ने गर्दछन । उनी यती कम तलबमा जानुको कारण भने बार्सिलोनाको आर्थिक अवस्थाले गर्दा हो । उनले आफ्नो पूर्ण तलब लिने हो भने अहिले पनि लाखौं डलर प्राप्त गर्न सक्छन् ।
तर खराब आर्थिक अवस्थामा रहेको क्याटलन क्लबलाई सहयोग गर्न आल्भेसले नाम मात्रको तलबमा क्लबसँग सम्झौता गर्न तयार भएका हुन् । बढी तलब खाने खेलाडीहरुको सुची लामै हुन्छ तर निकै कम रकममा अनुबन्ध भएका खेलाडीहरुबारे निकै कमलाई थाहा छ । हेरौं यस्ता इंगलिस प्रिमियर लिगमा थोरै तलब खानेहरुको सुचीः
१. नुनो टब्रेज, आर्सनल (२७ हजार पाउण्ड प्रति हप्ता)
आर्सनल इंगल्याण्डमा गर्विलो इतिहास बोकेको क्लब हो । यस क्लबमा खेल्न धेरै खेलाडीहरु लालायित नै हुन्छन् । त्यस्तै यस क्लबले पनि खेलाडीहरु भित्र्याउन मोटो रकम खर्च गर्ने गर्दछ ।
गोल किपर नुनो टब्रेजले केहि समय अघि मात्र क्लबमा अनुबन्ध भएको भए पनि निकै कम तलब खाने खेलाडीमा पर्दछन् । उनी आर्सनलबाट सबैभन्दा कम तलब भएका खेलाडी हुन् । उनले हप्ताको मात्र २७ हजार पाउण्ड लिने गरेका छन् ।
२१ वर्षीय टब्रेजले तलब कम खाए पनि उनको खेलमा भने केहि खोट लगाउने ठाउँ छैन र मिकेल अर्टेटाले पनि उनलाई पूर्ण विश्वास गर्दै धेरै भन्दा धेरै खेलमा मौका दिएका छन् ।
२. जेकब रामसे, एस्टन भिल्ला (१५ हजार पाउण्ड प्रति हप्ता)
युवा मिडफिल्डर जेकब रामसे एस्टन भिल्लाको लागि सबैभन्दा कम तलब खाने खेलाडी हुन् । उनको तलब मात्र १५ हजार पाउण्ड प्रति हप्ता रहेको छ ।
कम तलब खाए पनि २० वर्षीय रामसे एस्टन भिल्लाको लागि एक महत्वपूर्ण खेलाडीका रुपमा उदाएका छन् । उनले आर्सनलसँग उसकै घरेलु मैदानमा ३–१ गोल अन्तरले पराजित हुँदा भिल्लाको तर्फबाट आफ्नो पहिलो गोल पनि गरेका थिए ।
३. यान जाम्बुरेक, ब्रेन्टफोर्ड (३ हजार १५० पाउण्ड प्रति हप्ता)
चेक रिपब्लिकका मिडफिल्डर यान जाम्बुरेक प्रिमियर लिगमा सबैभन्दा कम तलब खाने खेलाडी मध्ये पर्दछन् । उनले एक हप्तामा तलब बापत ब्रेन्टफोर्डबाट तीन हजार १५० पाउण्ड प्राप्त गर्दछन् । प्रिमियर लिगमा सबैभन्दा कम तलब खानेमा उनी भन्दा अगाडी वाटफोर्डका जेरेमी एनगाकिया मात्र रहेका छन् । उनले २५ सय पाउण्ड प्रति हप्ता लिने गरेका छन् ।
च्याम्पियनसिपमा आफ्नो क्लबको लागि लगातार टोलीमा उत्कृष्ट प्रदर्शन गर्दै आएका २० वर्षिय जाम्बुरेकले क्लबको पहिलो टोलीमा भने डेब्यु गर्ने अवसर पाएका छैनन् ।
४. याकुब मोडर, ब्राइटन (१० हजार पाउण्ड प्रति हप्ता)
तपाईलाई सुन्दा पनि अचम्म लग्न सक्दछ तर स्विस अन्तर्राष्ट्रिय खेलाडी याकुब मोडर आफ्नो क्लबको सबैभन्दा कम तलब खाने खेलाडी हुन् । उनको तलब हप्ताको मात्र १० हजार पाउण्ड छ ।
लेच पोजनानबाट २०२० को सिजनमा प्रिमियर लिग क्लब ब्राइटनमा आबद्ध २२ वर्षिय मिडफिल्डरले आफ्नो टोलीबाट लगातार खेल्ने अवसर पाएका छन् ।
५. बिल नोरिस, बर्नली (५ हजार ७ सय ६९ पाउण्ड प्रति हप्ता)
बर्नलीका अतिरिक्त गोलकिपर विल नोरिस क्लबमा सबैभन्दा कम तलब खाने खेलाडी हुन् । उनको तलब हप्ताको ५ हजार ७ सय ६९ पाउण्ड मात्र रहेको छ । २०२० को समरमा बर्नलीमा आबद्ध भएका २८ वर्षिय नोरिसले आफ्नो टोलीको लागि प्रिमियर लिगमा मात्र तीन खेल खेलेका छन् ।
उनले अघिल्लो सिजन निक पोप घाइते भएको समयमा दुई खेल र आफ्नो पहिलो सिजनमा एक खेल मात्र खेलेका थिए ।
६. मार्कस बर्टिनेली, चेल्सी (३५ हजार पाउण्ड प्रति हप्ता)
धनी क्लब मध्यको एक अनि उत्कृष्ट किपर, तर पनि चेल्सीका बेटिनेलीले हप्ताको ३५ हजार पाउण्ड मात्र तलब थाप्दछन् । जसका कारण उनी स्ट्यामफर्ड ब्रिजमा सबैभन्दा थोरै तलब खाने खेलाडी हुन् ।
यसै सिजन फुलह्यमबाट चेल्सी आएका बर्टिनेली सायद तेश्रो रोजाइको किपर भएकाले गर्दा पनि होला तलब निकै कम रहेको । यस सिजन उनले चेल्सीका लागि खेल्ने अवसर पाएका छैनन् ।
७. रेमी म्याथ्युज, क्रिस्टल प्यालेस (४ हजार ७ सय पाउण्ड प्रति हप्ता)
प्रिमियर लिगमा सबैभन्दा कम तलब खाने खेलाडीको सुचीमा अर्का किपर रहेका छन् । क्रिस्टल प्यालेसका बैकल्पिक किपर रेमी म्याथ्युजले हप्ताको ४ हजार ७ सय पाउण्ड मात्र प्राप्त गर्दछन् ।
२७ वर्षिय म्याथ्युजले सन्डरल्याण्डबाट क्रिस्टल प्यालेसमा आबद्ध भए पछि अघिल्लो सिजन लिग वानमा मात्र छ खेल खेल्ने अवसर पाएका थिए ।
८. एन्थोनी गोर्डन, एभर्टन (१० हजार पाउण्ड प्रति हप्ता)
शायद लगातार पहिलो रोजाईमा रहे पनि प्रिमियर लिगमा सबैभन्दा कम तलब खाने खेलाडी हुन् एभर्टनका एन्थोनी गोर्डन । उनको तलब हप्ताको मात्र १० हजार पाउण्ड छ ।
२० वर्षिय गोर्डनले एभर्टनको लागि प्राय सबै खेलमा सुरुवातमा नै खेल्ने अवसर पाएका छन् तर पनि उनको तलब भने निकै कम रहेको छ ।
९.जेमी स्याकलटन, लिड्स युनाइटेड (१७ हजार पाउण्ड प्रति हप्ता)
लिड्सको तर्फबाट सबैभन्दा कम तलब खाने खेलाडी हुन् जेमी स्याकलटन । एकेडेमी देखि नै लिड्समा आबद्ध २२ बर्षिय स्याकलटनले तलब स्वरूप हप्ताको १७ हजार पाउण्ड मात्र खाने गर्दछन् ।
मिडफिल्डर र राइट ब्याक दुबै स्थानमा खेल्न सक्ने उनले लिड्सको लागि ७० भन्दा बढी खेल खेलेका छन् भने शिर्ष श्रेणीमा उक्लिए पछि २० खेल भन्दा धेरैमा खेल्ने अवसर पाएका छन् ।
१०. लुक थोमस, लेस्टर सिटी (२५ हजार पाउण्ड प्रति हप्ता)
लुक थोमस लेस्टर सिटीका लेफ्ट ब्याक हुन् । २० वर्षीय थोमसको लेस्टरमा तलब २५ हजार प्रति हप्ता रहेको छ । २०२० मा लेस्टरमा आबद्ध भएका उनले २४ खेलमा एक गोल गरेका छन् ।
उनको एक मात्र गोल म्यानचेस्टर युनाइटेड विरुद्दको खेलमा रहेको थियो । गत मे मा उनको गोलको मद्दतमा लेस्टरले युनाइटेडलाई २–१ गोल अन्तरले पराजित गर्दा २३ वर्ष पछि पहिलो जित दर्ता गर्न सफल भयो ।
११. नेको विलियम्स, लिभरपुल (९ हजार पाउण्ड प्रति हप्ता)
फुल ब्याक नेको विलियम्स लिभरपुलको तर्फबाट सबैभन्दा थोरै तलब खाने खेलाडीमा पर्दछन् । वेल्स डिफेन्डर विलियम्स ट्रेन्ट एलेक्जेन्डर आर्नोल्ड र एन्डी रोबर्टसन घाइते भए पछि उनीहरुको स्थानमा टोलीमा आबद्द भएका थिए ।
तर विलियम्सले उनीहरुको कमि पुरा गर्न सकेका छैनन् । उनको प्रदर्शन राम्रो हुन नसक्दा उनी फेरी मैदानमा लिभरपुलको जर्सीमा उत्रने सम्भावना न्युन रहेको छ ।
१२. लियम डिल्याप, म्यानचेस्टर सिटी (८ हजार पाउण्ड प्रति हप्ता)
२०२० को सिजनमा डर्बी काउन्टीबाट म्यानचेस्टर सिटीमा आबद्ध फरवार्ड लियम डिल्याप क्लबमा सबैभन्दा कम तलब थाप्ने खेलाडी हुन् । उनको तलब हप्ताको आठ हजार पाउण्ड मात्र रहेको छ ।
१८ वर्षिय डिल्याले माथिल्लो श्रेणीमा सिटीको लागि डेब्यु गर्ने अवसर नपाए पनि अघिल्लो सिजन प्रिमियर लिग २ मा सिटीको तर्फबाट २४ खेल खेल्दै २० गोल गरेका थिए भने वर्षको उत्कृष्ट खेलाडी पनि चुनिएका थिए ।
१३. सोला शोरटायर, म्यानचेस्टर युनाइटेड (८ हजार पाउण्ड प्रति हप्ता)
१७ बर्षिय फरवार्ड सोला शोरटायरले गत मार्चमा प्रति हप्ता आठ हजार पाउण्ड तलबमा म्यानचेस्टर युनाइटेडससँग आफ्नो पहिलो व्यवसायिक सम्झौता गरे । उनी युनाइटेडको तर्फबाट सबैभन्दा कम तलब थप्ने खेलाडी हुन् ।
युनाइटेडमा आबद्द भए लगत्तै उनले न्युकासल युनाइटेड विरुद्धको खेलमा प्रिमियर लिगमा डेब्यु गर्ने अवसर पाए । त्यसको चार दिन पछि, १७ वर्ष २३ दिनका शोरटायर, युरोपा लिग अन्तगर्त रियल सोसिडाड विरुद्द मैदानमा उत्रदा युनाइटेडको लागि युरोपियन खेलमा डेब्यु गर्ने सबैभन्दा सानो उमेरका खेलाडी बन्न पुगे ।
१४. मार्क जिलेस्पी, न्युकासल युनाइटेड (११ हजार ५ सय ३८ पाउण्ड प्रति हप्ता)
२०२० मा मदरवेलबाट न्युकासल युनाइटेड आबद्द भएका गोल किपर मार्क जिलेस्पी क्लबमा सबैभन्दा थोरै तलब खाने खेलाडी हुन् । उनको तलब हप्ताको ११ हजार पाँच सय ३८ पाउण्ड मात्र छ । उनले गत वर्ष न्युकासलबाट काराबाओ कपमा तीन खेल खेलेका थिए ।
१५. बाली मुम्बा, नर्विच सिटी (५ हजार पाउण्ड प्रति हप्ता)
नर्विच सिटी जारी सिजनको इंगलिस प्रिमियर लिगको अंक तालिकाको पुछारमा छ र रेलिगेसन जोनमा रहेको छ । खराब प्रदर्शनका कारण उसले आलोचना पनि खेप्नु परेको छ । नर्विचका सबैभन्दा कम तलब खाने खेलाडी हुन् बाली मुम्बा ।
मुम्बाको तलब ब्रेंटफोर्ड र वाटफोर्डमा सबैभन्दा कम तलब खाने खेलाडीको भन्दा पनि कम छ । तलबका हिसाबले नर्विचका खेलाडीहरुले राम्रो खाने भए पनि प्रदर्शनको हिसाबले भने निकै निराशाजनक रहेको छ । मात्र ५ हजार पाउण्ड प्रति हप्ता लिने २० वर्षिय सेन्टर ब्याक मुम्बाले जारी प्रिमियर लिगमा एक खेल मात्र खेलेका छन् ।
१६. नेथन टेला, साउथह्याम्प्टन (१२ हजार पाउण्ड प्रति हप्ता)
साउथह्याम्प्टन एकेडेमीका उत्पादन २२ बर्षिय नेथन टेला क्लबबाट प्रति हप्ता १२ हजार पाउण्ड थाप्छन् र उनी क्लबमा सबैभन्दा कम तलब पाउने खेलाडी हुन् । उनले साउथह्याम्प्टनको लागि आफ्नो पहिलो गोल गत मे मा फुल्ह्याम विरुद्ध गरेका थिए । साउथह्याम्प्टनको तर्फबाट २७ खेल खेलेका उनको त्यो नै एक मात्र गोल हो ।
१७. ओलिभर स्किप, टोटनह्याम हट्स्पर (२४ हजार पाउण्ड प्रति हप्ता)
ओलिभर स्किप टोटनह्याम हट्स्परको चर्चित नाममा पर्दछन् । तर २१ वर्षिय मिडफिल्डर क्लबको तर्फबाट सबैभन्दा कम तलब खाने खलाडी हुन् । २१ वर्षिय स्किप टोटनह्यामबाट हप्ताको २४ हजार पाउण्ड तलब बुझ्ने गर्दछन् ।
२०१८ मा टोटनह्याममा आबद्ध उनले २०२०–२१ को सिजनमा लोनमा नर्विच सिटी पुगेका थिए । नर्विचबाट पुन टोटनह्याम फर्किएका उनले अहिले लगातार खेल्ने अवसर पाएका छन् ।
१८. जेरेमी एनगाकिया, वाटफोर्ड (२५ सय पाउण्ड प्रति हप्ता)
वाटफोर्डका जेरेमी एनगाकिया वाटफोर्डबाट मात्र नभएर पुरै इंगलिस प्रिमियर लिगमा कम तलब खाने खेलाडी हुन् । २१ वर्षीय राइट ब्याकको तलब हप्ताको २५ सय पाउण्ड मात्र रहेको छ ।
गत वर्ष वाटफोर्डमा आबद्ध भएका उनले क्लबको तर्फबाट च्याम्पियनसिपमा २५ खेल खेलेका थिए । यस सिजन उनले १० भन्दा बढी खेलमा वाटफोर्डबाट प्रिमियर लिगमा खेलेका छन् ।
१९. बेन जोन्सन, वेष्ट ह्याम युनाइटेड (१९ हजार २ सय ३१ पाउण्ड प्रति हप्ता)
वेष्ट ह्यामका फुल ब्याक बेन जोन्सन लण्डन रंगशालामा समर्थकहरु माझ निकै चर्चित नाम हो । तर १९ हजार दुई सय ३१ पाउण्ड तलब बुझ्ने २१ बर्षिय जोन्सन वेष्ट ह्यामको तर्फबाट कम तलब खाने खेलाडीको सुचीको पहिलो स्थानमा रहेका छन् ।
सात वर्षको हुँदा देखि वेष्ट ह्यामको एकडेमीमा रहेका जोन्सनले गत सिजन प्रिमियर लिगमा १४ खेल खेलका थिए भने क्लबको उत्कृष्ट युवा खेलाडी पनि चुनिएका थिए । यस सिजन पनि उनले १० भन्दा बढी खेलमा खेल्ने अवसर पाएका छन् ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।