Headline
च्याम्पियन्स लिगः म्यान सिटी, पिएसजी र रियल अन्तिम १६ मा
Published
2 years agoon
By
wesportzम्यानचेस्टर सिटीले च्याम्पियन्स लिगमा बुधबार पेरिस सेन्ट जर्माइनलाई पराजित गर्यो तर दुवै टोली प्रतियोगिताको नकआउट चरणमा प्रवेश गरेका छन् । रियल म्याड्रिड, स्पोर्टिङ्ग लिज्बन र इन्टर मिलानले पनि अन्तिम १६ मा स्थान बनाए ।
ग्याब्रियल जिजसले ७६ औं मिनेटमा निर्णायक गोल गरेपछि सिटीले घरेलु मैदानमा पिएसजीमाथि २–१ को जित हात पार्यो । किलियन एमबाप्पेले पिएसजीलाई शुरुवात दिलाएपनि रहिम स्टर्लिङ्गले सिटीका लागि बराबरी गोल गरेका थिए ।
जिजसले बिजयी गोल गर्नु केही मिनेट अगाडी ब्राजिलियन स्ट्राइकर नेमारले पिएसजीका लागि गोल गर्ने सुनौलो अवसर खेर फालेका थिए । लियोनल मेस्सीले खेलमा खासै प्रभाव जमाएनन् भने सब्स्टिच्युटको सुचीमा राखिएका सर्जियो रामोसलाई डेब्यु दिइएको थिएन ।
एक खेल अझै बाकी रहेपनि सिटी समुह बिजेताकै रुपमा अन्तिम १६ मा प्रवेश गर्नेछ भने अर्को खेलमा आरबी लाइपजिगले बेल्जियमको क्लब बु्रगलाई ५–० ले पराजित गरेपछि पिएसजी हारे पनि अर्को चरणमा स्थान पक्का भएको हो ।
बेन्जेमाको लागि मिश्रित दिन
फ्रेन्च टोलीका पुर्व खेलाडी साथी म्याथ्यु भाल्बुएनालाई सेक्सटेप देखाएर ब्ल्याकमेल गरेको आरोपमा बुधबार फ्रान्सको कोर्टले स्ट्राइकर करिम बेन्जेमालाई दोषी ठहर गर्यो । तर त्यसको केही घण्टापछि नै बेन्जेमाले रियल म्याड्रिडको सहज जितमा गोल गरे ।
रियलले सेरिफ टिरास्पोललाई ३–० ले पराजित गर्यो । अवे खेलमा बेन्जेमाले तेश्रो गोल गर्दा डेभिड आलाबाले फ्रि किकमार्फत रियललाई अग्रता दिलाएका थिए भने टोनी क्रुसले दोश्रो गोल गरे । रियल व्यवस्थापक कार्लो एन्सलोट्टीले अदालतको निर्णयले बेन्जेमालाई कुनै असर नपरेको बताए ।
“हामीले यो बिषयमा कुरा नै गरेनौं । उनी शान्त छन् । यो यस्तो बिषय हो जस बारे लामो समय कुरा हुँदा उनलाई प्रभाव पर्न सक्छ । त्यसैले यस बिषयलाई हामीले उनी भएको समयमा कोट्याएनौं,” एन्सलोट्टीले भने ।
रियल आफ्नो समुहमा शिर्ष स्थानमा उक्लियो भने युक्रेनी टोली शख्तर दोनेस्कलाई २–० ले हराउदै इन्टर मिलान पनि अन्तिम १६ मा स्थान बनाउन सफल रह्यो । इन्टरको जितमा दुवै गोल एडिन जेकोले गरेका थिए ।
स्पोर्टिङ्गलाई १२ बर्षपछि राहत
पोर्चुगिज टोली स्पोर्टिङ्ग लिज्बन भने २००८–२००९ पछि पहिलो पटक च्याम्पियन्स लिगको अन्तिम १६ मा प्रवेश गरेको हो । घरेलु मैदानमा स्पोर्टिङ्गले जर्मन क्लब बोरुसिया डर्टमण्डलाई ३–१ ले हरायो । प्रि क्वार्टरफाइनलमा स्थान बनाउनका लागि दुई गोल अन्तरको जित चाहिएको खेलमा पेद्रो गोन्काल्भेसले दुई गोल गरेका थिए ।
यो सिजन नर्वेजियन स्ट्राइकर एर्लिङ्ग हालान्डको चोटेको अनुपस्थितिले गाह्रो बनाएको डर्टमण्ड च्याम्पियन्स लिगबाट बाहिरियो भने अब उसले युरोपा लिगको स्थानलाई लिएर चित्त बुझाउनु पर्ने भएको छ ।
अर्को खेलमा यसअघि नै अन्तिम १६ मा स्थान बनाइसकेको लिभरपुलले थियागो आलकान्टारा र मोहम्मद सलाहको गोलको मद्दतमा एफसी पोर्टोलाई एन्फिल्डमा २–० ले हरायो । सलाहले च्याम्पियन्स लिग समुह चरणमा यो सिजन ६ गोल गरिसकेका छन् ।
समुह बी मै जुनियर मेसियासले निर्णायक गोल गरेपछि एसि मिलानले स्पेनिस च्याम्पियन एट्लेटिको म्याड्रिडलाई १–० ले हरायो । एट्लेटिको अंक तालिकाको पुछारमा रहेको छ भने अब अर्को चरणमा पुग्न उसले पोर्टोलाई त हराउनु पर्ने छ नै र लिभरपुलले अवे खेलमा मिलानलाई पराजित गर्नु पर्नेछ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।