Headline
‘बिग थ्रि’ बाहिर हेर्दै जोकोभिचः कोर्ट र सेरेनाको किर्तिमानमा नजर
Published
3 years agoon
By
wesportzकिर्तिमानी नवौं पटक अष्ट्रेलियन ओपन जितेर रोजर फेडेरर र राफेल नाडालको ग्राण्ड स्ल्याम किर्तिमान नजिक पुगेका सर्बियन टेनिस स्टार नोभाक जाकोभिचले अब आफ्नो आखा महिला टेनिसको किर्तिमानमा आएर अडिएको छ ।
आइतबर रुसी चौथो बरियताका ड्यानिल मेदभेदेभलाई पराजित गर्दै जोकोभिच स्विस लेजेण्ड फेडेरर र स्पेनिस स्टार नाडालको २० ग्राण्ड स्ल्याम उपाधिको किर्तिमानबाट मात्रै दुई कदम टाढा रहे । तर उनी सन्तुष्ट भने छैनन् ।
जोकोभिचको लक्ष्य ठूलो छः उनी टेनिस इतिहासमै कठिन देखिएको अमेरिकन सेरेना विलियम्स र मार्गरेट कोर्टको कोशेढुँगालाई उछिन्न चाहन्छ ।
बिश्व टेनिसमा विलियम्सले २३ र कोर्टले २४ ग्राण्ड स्ल्याम जितेका छन् । कोर्टको किर्तिमानको बराबरी गर्ने पछिल्लो केही बर्षदेखिको प्रयासमा सेरेना निरन्तर चुकिरहेकी छिन् । उनी अष्ट्रेलियन ओपनको सेमिफाइनलमा पनि अब महिला टेनिसमा ठूलो नामको रुपमा हेरिएकी जापानकी नाओमी ओसाकासँग पराजित भएकी थिइन् ।
“शायद अब रोजर र राफाको किर्तिमान नजिक पुग्ने र सेरेना र मार्गरेटको पनि,” यो सिजन उनको लक्ष्य बारे आइतबार अष्ट्रेलियन ओपन जितेपछि जोकोभिचले दिएको यो प्रतिकृयालाई निकै ‘बोल्ड स्टेटमेन्ट’ को रुपमा लिइएको छ ।
“सबैको आफ्नै यात्रा र इतिहास बनाउने आफ्नै तरिका हुन्छ । उनीहरुले इतिहास बनाइसकेका छन् । जबसम्म मैले सन्यासको घोषणा गर्दिन तबसम्म मेरो ध्यान र सारा शक्ति मेजर ट्रफि (ग्राण्ड स्ल्याम) जित्ने तर्फ नै खर्च हुनेछ । एकदम धेरै मेजर ट्रफि,” जोकोभिचले भने ।
मार्च ८ मा बिश्व नम्बर एकको स्थानमा ३ सय १० हप्तासम्म रहने फेडेररको किर्तिमान तोड्ने पक्का गरेका ३३ बर्षिय जोकोभिचले अब आफु बरियताका लागि भन्दा पनि छोटो तालिका बनाएर टेनिस खेल्दै ग्राण्ड स्ल्याममा मात्रै केन्द्रित रहने पनि बताए ।
टेनिसका तीन शुरवीर
तेश्रो चरणमा माँसपेसी तन्किनुका साथै खेलाडीहरुको लागि क्वोरेन्टिनमा राम्रो सुविधाको माग गर्दा मिडियामा आलोचित बनेका जोकोभिचका लागि अष्ट्रेलियन उपाधि जित्न सजिलो थिएन । “म मानव हु र मेरो पनि भावनाहरु हुन्छन् । मलाई निकै चित्त दुखेको थियो,” आफु आलोचित हुनु परेको बिषयमा उनले भने ।
लगातार २० खेलको बिजयी श्रृंखलापछि अष्ट्रेलियन ओपनको फाइनल पुगेका २५ बर्षिय मेदभेदेभमाथि जोकोभिचको ७–५, ६–२, ६–२ को सहज जित टेनिसको बिग थ्रिलाई परास्त गर्ने युवा खेलाडीहरुको आशामा पनि तुषारापात थियो ।
“टेनिसका तीन शुरवीर,” जोकोभिचले मुक्सकाउदै भने । “रोजर र राफाले मलाई प्रेरणा दिएका हुन् । जबसम्म उनीहरु हुन्छन्, म पनि हुनेछु । जसले बढी खेल्छ र बढी जित्छ किसिमको रेसमा हामी छौं ।”
“यो सबै क्षेत्रमा हामीबीचको प्रतिस्पर्धा हो । शायद यसै कारणले हामी यहाँ छौं । हामी एक अर्कालाई ड्राइभ गर्छौ र प्रोत्साहन पनि । सँगै एक अर्कालाई एउटा लिमिटसम्म धेकेलिरहेको हुन्छौं ।”
जोकोभिचका प्रशिक्षक गोरान इभानिसेभिचले टेनिसका बिग थ्रिले राम्रो भन्दा पनि राम्रो टेनिस बाहिर ल्याएको र मार्गरेट कोर्टको २४ ग्राण्ड स्ल्यामको किर्तिमान क्षितिजमा रहेको बताए । “मलाई थाहा छैन अन्त्य कहाँ छ । उनीहरुले मार्गरेट र सेरेनालाई ओभरटेक पनि गर्न सक्छन् अथवा सक्दैनन् पनि,” इभानिसेभिचले भने ।
“तर उनीहरुले कोर्टमा जे गरिरहेका छन् त्यो अभुतपुर्व छ । उनीहरुले ठूला खेलहरुमा दिने गरेको प्रदर्शन अर्कै स्तरको छ ।”
मेदभेदेभले ‘किँग अफ मेलबोर्न’ उपमा दिएका जोकोभिचले भने बिग थ्रि पछिको आउने पुस्तालाई भने स्पष्ट चुनौति दिएका छन् । “रोजर, राफा र म यहाँ हुनु पछाडी एउटा कारण छ । हामी उनीहरुलाई केही पनि दिन चाहदैनौं र उनीहरुलाई ग्राण्ड स्ल्याम दिन पनि चाहदैनौं,” उनले भने ।
“यो निकै स्पष्ट कुरा हो । यो सन्देश तपाइहरुले चाहे दिनुस अथवा नदिनुस तर हामी भने यो कोर्टमा गरेर देखाउनेछौं ।”
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।