Headline
बर्खास्त भएका चेल्सी लेजेण्ड लाम्पार्डको ‘हाइ’ र ‘लो’
Published
3 years agoon
By
wesportzचेल्सीको क्लब इतिहासकै सर्वाधिक गोलकर्ताको स्टेटस त्यति बेला मतलब भएन जब उनलाई क्लबले निकै नै असहज हुने गरि सोमबार बर्खास्त गरिदियो । परिणामको लागि भोखो रहेको चेल्सी मालिक रोमन अब्राहिमोभिचको व्यवस्थापनले लाम्पार्डलाई जारी सिजन मध्यमा १८ महिना भित्रै बर्खास्त गरेको हो । यसै सिजन कुनै समय प्रिमियर लिगको शिर्ष स्थानमै रहेको चेल्सी लगातारको खराब नतिजाका कारण नवौं स्थानमा झरिसकेको छ ।
तर क्लब व्यवस्थापनले गत सिजन लाम्पार्डले ने खराब प्रदर्शन गरिरहेको समयमा टोलीलाई चौथो स्थानसम्म पुर्याएको बिषयलाई नजरअन्दाज गर्यो । हुन त यो प्रिमियर लिग हो जहाँ व्यवस्थापकहरुले चक्कुको धारमै आफ्नो जागिर टिकाइरहेका हुन्छन् । यहाँ परिणामको मात्र महत्व हुने गर्छ ।
खेलाडीकै रुपमा क्लब लेजेण्ड बनेका चेल्सीमा कस्ता थिए त लाम्पार्डको उतार चढाव ?
हाइ
रुसी क्रान्तिमा नायक
रुसी धनाढ्य अब्राहिमोभिचले २००३ मा क्लब टेक ओभर गर्नु अघि नै चैल्सी भित्रिएका लाम्पार्ड चेल्सी सामान्य क्लबबाट प्रमुख उपाधिहरुको प्रबल दाबेदारको रुपमा स्थापित हुदा उनी मुख्य पात्र थिए । अप्रिल २००५ मा चेल्सीले ५० बर्षदेखिको उपाधिको पर्खाइलाई समाप्त गरेको दिन लाम्पार्डले नै बोल्टनबिरुद्धको २–० को जितमा दुवै गोल गरेका थिए ।
सात बर्षपछि उनले घरेलु मैदानमा बायर्न म्युनिखबिरुद्ध भएको पेनाल्टी सुटआउटमा गोल गर्दै चेल्सीलाई इतिहासकै पहिलो च्याम्पियन्स लिग जिताएका थिए । यसबाहेक उनले खेलाडीको रुपमै दुई अरु प्रिमियर लिग उपाधि, चार एफए कप, दुई लिग कप र एक युरोपा लिग पनि जिते ।
रेकर्ड ब्रेकर
आफ्नो १३ बषै क्लब करिअरमा मिडफिल्डबाट गोल गर्न सक्ने खुबीकै कारण लाम्पार्ड २०१३ मा स्ट्याफोर्ड ब्रिजबाट सन्यास लिदा उनी क्लब इतिहासको सर्वाधिक गोलकर्ता थिए । यो किर्तिमान अझै पनि कायम छ । ६ सय ४८ खेलबाट २ सय ११ गोल गरेका लाम्पार्डले बबी ट्याम्ब्लिङ्गको ४० बर्षको किर्तिमान भँग गरेका हुन् ।
उनले गरेको १ सय ७७ प्रिमियर लिग गोल पनि कुनै पनि मिडफिल्डरका लागि किर्तिमान हो । १९९२ मा प्रिमियर लिग नयाँ स्वरुपमा आए यता उनी प्रिमियर लिगका अन्य मिडफिल्डर थिएरी हेन्री, ह्यारी केन र माइकल ओवनलाई पछि पार्दै धेरै गोल गर्ने मिडफिल्डरको सुचिको अग्रपंक्तिमा रहेका हुन् ।
पहिलो सिजनको सफलता
डर्बी काउन्टिमा एक बर्षमात्र बिताएपछि उनी व्यवस्थापकको रुपमा स्ट्यामफोर्ड ब्रिज फर्किएका थिए । ट्रान्सफर ब्यान लाग्नुका साथै प्लेमेकर एडिन हजार्ड रियल म्याड्रिड गएपछि लाम्पार्डलाई लिएर धेरैले निकै कम अपेक्षा गरेका थिए ।
उनी अघिका व्यवस्थापकहरु बिपरित लाम्पार्डले चेल्सी एकेडेमीबाट आएका उत्पादनहरुलाई क्लबमा चम्कनका लागि मौका दिए । मेसन माउन्ट, ट्यामी अब्राहम र बिलि गिल्मोर जस्ता खेलाडीहरुको उपस्थितिमा चेल्सी एफए कपको फाइनल पुग्यो जहाँ उ आर्सनलसँग पराजित भएको थियो ।
लो
दयाँ नदेखाइ बर्खास्त
लाम्पार्डको पहिलो सिजन निकै सकारात्मक रहेपछि दोश्रो सिजन चेल्सीले ३ सय मिलियन डलर ट्रान्सफर मार्केटमा खर्च गर्यो । खर्चले अपेक्षा पनि ह्वात्तै बढाइदिदा अब्राहिमोभिचले पहिलो सिजनको उत्कृष्ट प्रदर्शनलाई मतलब नै नगरि लाम्पार्डलाई बर्खास्त गरिदिए ।
आठ लिग खेलमध्ये पाँचमा पराजित भएपछि चेल्सी नवौं स्थानमा झर्दै अब माथिल्लो चार स्थानको लागि संघर्षरत हुन पुगेको छ । यसले गर्दा उसलाई अब उपाधि भन्दा पनि च्याम्पियन्स लिगमा स्थान पाउन सबैभन्दा महत्वपूर्ण हुन थालेको छ ।
अब्रोहिमोभिचले बर्खास्त भएका अन्य व्यवस्थापकहरुको तुलनामा लाम्पार्डसँग सुमधुर सम्बन्ध रहेको बताएका थिए । तर उनको त्यो कनेक्सन र चेल्सी फ्यानबेसमा रहेको लेजेण्डरी स्टेटस भने क्लब व्यवस्थापनमा एकपछि अर्को खराब परिणामपछि काम लागेन ।
डर्बिमा हार
डर्बिमा एक सिजन राम्रो गरि देखाएका लाम्पार्डले आफू प्रिमियर लिगको कठिन जागिरको लागि तयार रहेको बिषयमा चेल्सीलाई कन्भिन्स गरेपनि डर्बिलाई माथिल्लो श्रेणीमा उकास्न भने असफल रहेका थिए ।
प्राइड पार्कमा निकै धेरै घट्नाक्रमहरु बिकसित भएको सिजनमा पहिले डर्बिको लागि उत्कृष्ट क्षण लिड्समाथिको प्लेअफ सेमिफाइनल जित थियो । मार्सेलो बिएल्साले बर्षको शुरुवातमा आफ्ना स्टाफहरुलाई डर्बीको प्रशिक्षण मैदानमा जासुसी गर्न पठाएका थिए । तर लाम्पार्डको डर्बीले लिड्सबिरुद्ध ४–२ को जित निकाल्दै फुटबलको सबैभन्दा महँगो खेलका लागि वेम्ब्ली यात्रा तय गर्यो ।
यद्दपि वेम्ब्लीमा एस्टन भिल्लासँग व्यहोरेको २–१ को हारले डर्बीलाई यो सिजन पनि प्रभाव नै गरिरहेको छ । भिल्ला यो सिजन प्रिमियर लिगको माथिल्लो ९ स्थानमा रहदा, डर्बी आफ्नो खेलाडीहरुलाई तलब दिन पनि संघर्ष गरिरहेको छ भने च्याम्पियनसिपको पुछारमा रहदै रेलिगेसन टार्न संघर्षरत छ ।
इङ्गल्याण्डसँगको असफलता
वेन रुनी र स्टेभन जेरार्डजस्ता अन्य लेजेण्डको साथ पाएका लाम्पार्ड इङ्गलिस टोलीको यस्तो सुनौलो पुस्तामा गनिन्छन् जुसले प्रमुख प्रतियोगिताहरुमा कहिल्यै पनि उत्कृष्ट दिन सकेन । उर्जावान र गोल गर्ने क्षमता भएका मिडफिल्डरको रुपमा लाम्पार्ड र जेरार्डले आफ्नो क्लबहरुलाई युरोपमा सफलताको स्वाद चखाए ।
तर यी दुई खेलाडीबीच तालमेल नमिल्नु नै इङ्गल्याण्डले अन्तर्राष्ट्रिय फुटबलमा कुनै उपलब्धि हासिल गर्न नसक्नुको मुख्य कारण रहेको मान्नेहरु धेरै छन् । उनीहरुबीचको तालमेल सहि हुन त सकेन नै, सिँगै इङ्गल्याण्ड टिमलाई नै यी दुई खेलाडीलाई सुहाउन गरि पुनसंरचना गर्नुपर्ने अवस्थाले इङ्गल्याण्डलाई मद्दत गरेन ।
सन् २००४ को युरो कपमा जेरार्ड र लाम्पार्डको लागि स्थान बनाउनु पर्ने भएका कारण नै आफ्नो खेल्ने पोजिसन नपाएपछि पउल स्कोल्सले २९ बर्षको उमेरमै अन्तर्राष्ट्रिय फुटबलबाट सन्यास लिएका थिए । इङ्गल्याण्डको लागि १ सय वा त्यो भन्दा बढी खेल खेल्ने मात्रै ९ खेलाडीहरुमध्ये लाम्पार्ड एक हुन् तर अन्तर्राष्ट्रिय फुटबलमा उनको सबैभन्दा ठूलो उपलब्धि २००४ को युरो कप र २००६ को क्वार्टर फाइनल पुग्नु थियो ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।