Headline
प्रतियोगिताकै रोमाञ्चक खेल बराबरीमा टुंगिदा बागमती सेमिफाइनलमा
Published
3 years agoon
By
wesportzबागमती प्रदेश प्रधानमन्त्रीको कप राष्ट्रिय एकदिवसीय क्रिकेट प्रतियोगितामा समुह बिजेताको रुपमा सेमिफाइनल प्रवेश गरेको छ । प्रतियोगिताको निकै नै रोमाञ्चक खेल बराबरीमा टुङ्गिएपछि बागमती ७ अंकसहित समुह बिजेतको रुपमा अन्तिम चारमा प्रवेश गर्यो ।
मुलपानी क्रिकेट मैदानमा १८ बल बाकी रहेको अवस्थामा बागमतीले दुई विकेट लिएपछि लुम्बिनी प्रतियोगिताबाट लगभग बाहिरिन पुग्यो । उ ४८ ओभरमा २ सय २० रनमै अल आउट भएको थियो । सेमिफाइनल प्रवेशका लागि लुम्बिनीले लक्ष्य ४० दशमलव ३ ओभरमै भेट्टाउनु पर्ने थियो र एक समय यो सम्भाव पनि थियो । तर राम्रो गतिमा रन बटुलेका कृष्ण कार्की आउट भएसँगै लुम्बिनीले खेलबाट आफ्नो नियन्त्रण फुस्काएको थियो ।
लुम्बिनीको हारले नेपाल पुलिस क्लबको भाग्योदय हुन लगभग निश्चित छ । प्रतियोगिताकै कमजोर मध्ये एक टोलीको रुपमा देखिएको प्रदेश २ बिरुद्ध पुलिसले अब सामान्य जित हात पारे नै सेमिफाइनलको यात्रा तय गर्ने छ । सोमबार लुम्बिनीले जित हात पारेको खण्डमा पुलिसले मङ्गलवार प्रदेश २ लाई राम्रै रनरेटले पराजित गर्नु पर्ने हुन्थ्यो ।
मुलपानीमा शुरुवाती समिकरण ध्यानमा राख्दै ओपनद्वय देव खनाल र सन्दिप सुनारले लुम्बिनीलाई निकै छरितो शुरुवात दिएका थिए । उनीहरुको पहिलो विकेटका लागि ६ ओभरमै ६० रन जोडेका थिए । तर बिपिन आचार्यले आफ्नो पहिलो ओभरमै देव (२६) र सुनार (२५) को विकेट लिदै रनगतिमा ब्रेक लगाएका थिए ।
अर्का ब्याट्स्म्यान सन्दिप रजाली (११) लाई पनि सस्तैमा गुमाएपछि सौरभ खनाल र प्रकाश केसीले लुम्बिनीलाई सम्हाले । उनीहरुले चौथो विकेटका लागि ७३ रनको साझेदारी गरे । तर सौरभले रनलाई गति दिने क्रममा ठूलो शट खेल्दै आउट भएपछि लुम्बिनी खेलमा पछि परेको थियो ।
चाहिए अनुरुप नै लक्ष्य पछ्याउन नसकेपछि लुम्बिनी सावधानी पुर्वक जितका लागि मात्रै गएको थियो । कृष्णले उत्कृष्ट इनिङ्गस खेल्दै लुम्बिनीलाई कृष्णले ४४ बलमा तीन चौका र दूई छक्काको सहयोगमा ४१ रन बनाउदै टिमलाई जितबाट मात्र चार रन पर पुर्याएका थिए । तर उनको विकेट गएसँगै लुम्बिनीले अन्तिम तीन विकेट चार रनमै गुमाउन पुगेको थियो ।
प्रकाशले पनि ७२ बलमा पाँच चौका प्रहार गर्दै ४१ रन बनाए भने सौरभले आफ्नो आक्रमक स्टाइल बिपरित जादै ७७ बलको धैर्यतापुर्वक इनिङ्गसमा तीन चौका र एक छक्काको मद्दतमा ३४ रन बनाए ।
यसअघि आदिल खान र इशान पाण्डेले अद्र्धशतक बनाएपछि बागमतीले टस जिति पहिलो ब्याटिङ्ग गर्दै ५० ओभरमा ९ विकेट गुमाउदै २ सय २० रन बनायो ।
सावधानीपुर्वक शुरुवात गर्दा आदिल र आकाश थापाले पहिलो विकेटका लागि २० ओभरभित्र ६३ रनको साझेदारी गरेका थिए । दिपेन्द्र रावतले एकै ओभरमा आकाश र नयाँ ब्याट्स्म्यान बिभत्सु थापा (डक) लाई पेभिलियन फर्काउदै बागमतीलाई झड्का दिएका थिए ।
आकाशले ६७ बलमा चार चौका र एक छक्काको मद्दतमा ३९ रन बनाए । त्यसपछि आदिलले फर्ममा रहेका ब्याट्स्म्यान पृथु बास्कोटासँग ६५ रनको साझेदारी गर्दै बागमतीलाई सम्हालेका थिए । पृथुले ३८ बलमा २९ रन जोड्दा तीन चौका र एक छक्का प्रहार गरे ।
प्रनित थापा मगरबाट स्क्वायर लेगमा र सौरभ खनालको हातबाट लँग अनमा ड्रप भएपछि जिवनदान पाएका आदिलले ८७ बलमा पाँच चौका र तीन छक्को मद्दतमा ५५ रन बनाए । आदिल आउट भएपछि इशानले बागमतीको इनिङ्गस सम्हाले ।
४९ औं ओभरमा अद्र्धशतक पुरा गरेका इशानले ५३ बलमा ५१ रन जोडे । उनले चार चौका र दुई छक्का हिर्काएका थिए । रावतले ९ ओभरमा तीन विकेट लिदा ४० रन दिए । कृष्ण र सन्दिपले पनि दुई–दुई विकेट लिएका थिए ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।