Headline
कसरी महामारीले एक महान ब्याट्स्म्यानको शतकीय दौडमा ब्रेक लगायो
Published
3 years agoon
By
wesportzइन्फ्रा–रेड इमेजिङ्ग सिस्टमले पनि समात्न नसक्ने खाले ब्याटको ऐजले बुधबार विराट कोहलीको गति समात्न थालेको इनिङ्गसलाई मात्र रोकेन यो उनको करिअर शुरुवात भए देखिको लयमा पनि पूर्णविराम थियो । क्यानबेराको पेभिलियनतर्फ कोहली ६३ रनमा मात्र आउट भएर फर्किएका थिएनन् । यो त उनको डेब्यु सिजन यता पहिलो पटक शतक प्रहार गर्न नसकेको निराशा पनि थियो ।
यसका दुई कारण थिए । एउटा कोरोना भाइरस महामारीका कारण छोटो भएको क्रिकेट सिजन । र अर्को अष्ट्रेलियन थियो तिब्र गतिका बलर जोस हेजलउडको उत्कृष्टता जसले कोहलीलाई लगातार १२ बर्ष शतक प्रहार गर्नबाट बञ्चित गरिदिए ।
२०२० मा कोहली दुई पटक ८९ को स्कोरसम्म पुगे । पहिलो पटक जनवरीमा बैँगलुरुमा र अन्तिम पटक गत हप्ता सिड्नीमा । दुवै पटक हेजलउडले उनलाई त्यो संख्याबाट अगाडी बढ्न दिएनन् । हेजलउडले कोहलीलाई यो सिरिज तीनै पटक आउट गरे भने समग्रमा पछिल्लो लगातार चार भारत–अष्ट्रेलियाबीचको एकदिवसीय अन्तर्राष्ट्रियको भेटमा ।
क्रिकेटको यो क्यालेण्डर बर्षमा कोहली र भारतले मात्र ९ एकदिवसीय खेले – ६ अष्ट्रेलियाबिरुद्ध र तीन न्युजिल्याण्डबिरुद्ध उसकै भुमिमा । यो दौरान पाँच अद्र्धशतक प्रहार गरेका कोहलीको औषत ४७ दशमलव ९ रह्यो जुन निकै सामान्य हिसाबमा पनि असाधारण नै हो । तर तीन अंकको स्कोर पुरा गर्न नसक्दा २०२० र २००८ बीचको समय यति अविश्वसनीय रह्यो जहाँ कोहलीले रमाइलोका लागि निरन्तर शतक प्रहार गरे ।
शतक प्रहार गर्ने श्रंखला कायम रहदासम्म अविश्वसनीय थियो । कोलकाताको इडेन गार्डेन्समा भारतले २००९ मा खेलेको अन्तिम खेलमा जब कोहलीले शतक प्रहार गर्दै महानताको दशकमा प्रवेश गरे, उनले कहिल्यै फर्केर हेरेनन् । २०१० मा उनले तीन शतक बनाए भने २०११ मा चार ।
तर उनलाई क्रिकेटको उत्कृष्ट ब्याट्स्म्यान बनाउने बर्ष रह्यो २०१३ जहा उनले पाँच शतक प्रहार गरे, ती मध्ये एक इतिहासकै उत्कृष्ट इनिङ्गसको रुपमा परिभाषित गर्ने गरिन्छ ।
अष्ट्रेलियाको तास्मानीयामा भएको त्रिकोणात्मक श्रंखला अन्तर्गत श्रीलंकाबिरुद्ध जित्दै पर्ने खेलमा भारतले ३ सय २१ रनको लक्ष्य पायो । फाइनल प्रवेशका लागि बोनस अंक सहित जित्नु पर्ने खेलमा भारतले ४० ओभरभित्र लक्ष्य पुरा गर्नुपर्ने थियो । कोहलीले मात्र ८६ बल खेल्दै १ सय ३३ रन बनाए र भारतले ३६ दशमलव तीन ओभरमै लक्ष्य भेट्टायो ।
त्यसको १८ दिनपछि नै उनले एकदिवसीय अन्तर्राष्ट्रियमा अहिले सम्मकै उच्च स्कोर बनाए । पाकिस्तानबिरुद्ध एसिया कपको खेलमा ३ सय ३० रनको लक्ष्य पछ्याउने क्रममा कोहलीले १ सय ८३ रन बनाएका थिए । २०१६ मा भारत आफ्नै देशमा हुने ट्वान्टी ट्वान्टी बिश्वकपमा केन्द्रित रहदा १० एकदिवसीय खेल खेल्यो र त्यसमा कोहलीले तीन शतक पुरा गरे ।
२०१७ र २०१८ उनको दुई उत्कृष्ट बर्ष रहे जहा उनले लगातार दुई बर्ष ६–६ शतक प्रहार गरे । २०१९ मा उनी यो श्रंखला कायम गर्न मात्र एक शतकले चुकेका थिए ।
कोहलीको यो दौड अकल्पनीय लागेपनि लगातार ११ बर्ष शतक प्रहार गरेका बिश्व किर्तिमान भने थिएन, न त भारतीय नै । यो दुवै किर्तिमान तोड्न गाह्रो छ र दुवैमा एक नाम मात्रै छ – सचिन तेन्दुल्कर । १९९४ देखि सचिनले सन्यास लिएको बर्ष २०१२ सम्म एक क्रिकेट सिजन पनि यस्तो थिएन जहा उनले शतक प्रहार गरेनन् । उनले लगातार १९ बर्ष शतक प्रहार गर्ने किर्तिमान कायम गरेका छन् । आधुनिक क्रिकेट निकै प्रतिस्पर्धात्मक बन्दै गर्दा कुनै पनि खेलाडीका करिअर सचिन जतिको लामो हुनेमा धेरैको शंका छ । २० बर्षको उमेरमा डेब्यु गरेका कोहली आफू ३९ बर्षसम्म खेल्ने हो भने पनि यो किर्तिमान भँग गर्न भने निकै गाह्रो छ ।
कोहलीको २००९ देखि २०१९ सम्मको दौडलाई उचित तरिकाले ब्याख्या गर्दा के स्पष्ट हुन्छ भने शतकको पहाडले कुनै पनि खेलाडीलाई तीन अंकको योगफलमा पुग्ने बार्षिक स्थिरता ग्यारेन्टि गर्दैन । ३० एकदिवसीय अन्तर्राष्ट्रिय शतक पुरा गरेका अष्ट्रेलियन लेजेण्ड रिकी पोन्टिङ्गले शतकको यो दौडलाई २००५ देखि २०११ सम्म सात बर्षका लागि मात्र कायम राखेका थिए ।
कुनै समय १७ एकदिवसीय शतकले नै सर्वाधिक शतक बनाउने सुचिको अग्र स्थानमा रहेका अर्का लेजेण्ड वेष्ट इण्डिजका ब्रायन लाराले यसलाई १९९५ देखि १९९९ सम्म पाँच बर्षका लागि मात्र कायम राखे ।
सकृय क्रिकेटरहरुमध्ये तीन जनाले मात्र कोहलीको किर्तिमानको बराबरी गर्ने या त्यसलाई तोड्न सक्छन् । जनवरीमा अष्ट्रेलियाबिरुद्ध शतक प्रहार गरेका अर्का भारतीय ओपनर रोहित शर्माले २०१३ लगातार ८ सिजन शतक प्रहार गर्दै आएका छन् । २०२० मा भारतबिरुद्ध दुई शतक प्रहार गरेका अष्ट्रेलियन कप्तान आरोन फिन्चको शतकको श्रंखला पनि २०१३ देखि नै जारी छ ।
र यदि पुर्व दक्षिण अफ्रिकी कप्तान फाफ डु प्लेसिले शुक्रबार देखि नै शुरु हुने इङ्गल्याण्डबिरुद्धको श्रंखलामा शतक बनाउने हो भने उनले लगातार ७ बर्ष शतक बनाएको हुनेछन् । तर कोहलीको किर्तिमान बराबरी गर्न ३६ बर्षिय डु प्लेसिले ४० बर्षसम्म क्रिकेट खेल्नु पर्नेछ । र यो असम्भवप्राय छ । रोहित शर्मा ३३ र आरोन फिन्च ३४ बर्षका छन् र दुवैले कोहलीको किर्तिमान भँग समेत गर्न सक्छन् ।
सन्यास लिएका क्रिकेटरहरु मध्ये एक ब्याट्स्म्यान कोहलीको किर्तिमानको बराबरीमा छन् भने एकले उनलाई पछि पारेका छन् । तर दुवै ब्याट्स्म्यानको करिअर कोहलीको जति स्थिर भने थिएन ।
पुर्व दक्षिण अफ्रिकी ब्याट्स्म्यान हर्सेल गिब्सले १९९९ देखि २००९ सम्म शतक बनाएका थिए । कुल २१ शतक बनाएका गिब्सको ६ क्यालेण्डर सिजन एक मात्र शतक रहेको थियो । ती मध्ये एक अष्ट्रेलियन टोलीबिरुद्ध जोहानेसबर्गमा बिश्व किर्तिमानी ४ सय ३५ रनको चेज थियो । २००६ मा बनाएको एकमात्र शतकमा गिब्सले शान्दार १ सय ७५ रन बनाएका थिए ।
कोहली र गिब्स भन्दा एक स्थानमाथि र तेन्दुल्कर भन्दा पछाडी न्युजिल्याण्डका नथान एस्सल रहेका छन् । करिअरमा १६ तीन अंकको स्कोर बनाएका उनले लगातार १२ सिजन शतक प्रहार गरेका थिए ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।