जर्मनी र नेदरल्याण्ड्स कतारमा अर्को बर्ष हुने २०२२ बिश्वकप नजिक पुगेका छन् । शुक्रबार भएका खेलहरुमा जर्मनीले रोमानियालाई २–१ ले हरायो भने नेदरल्याण्ड्सले लाट्भियामाथि १–० को कठिन जित हात पार्यो ।
चार पटकको बिश्व बिजेताले समुह जे मा ६ अंकको फराकिलो अग्रता बनाइसकेको छ । सोमबार हुने नर्थ मेसेडोनियाबिरुद्धको खेलमा जित हात पारेको खण्डमा उसलाई एक अंक पनि पर्याप्त हुनेछ ।
यद्दपि जर्मनीका लागि रोमानियाबिरुद्धको खेल भने निकै कठिन रह्यो । जर्मनी घरेलु मैदानमा ९ मिनेटमै पछि परेपछि स्तब्ध भएको थियो । यानिस हाजीले गोल गर्दै रोमानियालाई अग्रता दिलाएका थिए ।
दोश्रो हाफको ७ मिनेटमा सर्जि नाब्र्रीले जर्मनीको लागि ३० औं अन्तर्राष्ट्रिय खेलमा २० औं गोल गर्दै जर्मनीलाई खेलमा फर्काएका थिए । खेल सकिन ९ मिनेट बाँकी रहेको अवस्थामा थोमस मुलरले बिजयी गोल गरे ।
मुलरको १ सय ७ औं खेलमा ४० औं गोल थियो ।
डेभि क्लासेनले १९ औं मिनेटमा आकर्षक भलि प्रहार गर्दै गोल गरेपछि नेदरल्याड्सले अवे खेलमा लाट्भियाबिरुद्ध तीन अंक बटुल्न सफल भयो । समुहज जीमा नेदरल्याण्ड्सको नर्वेसँग दुई अंकको अग्रता रहेको छ ।
नर्वेले तेश्रो स्थानको टर्कीसँग १–१ को बराबरी खेल्यो ।
समुह इ मा आरोन राम्से र ड्यानियल जेम्सले गोल गरेपछि वेल्सले चेक रिपब्लिकसँग प्रागमा २–२ को बराबरी खेल्यो । दुवै टोलीको समुहमा समान ८ अंक रहेको छ तर बेल्जियभन्दा ८ अंकले पछाडी रहेका छन् । वेल्सको हातमा एक खेल रहेको छ ।
साइप्रसमाथि ३–० को सहज जितपछि समुह एचमा क्रोएसियाले आफ्नो अग्रतालाई कायमै राखेको छ । रुससँग समान १६ अंक रहेपनि क्रोएसिया गोल अन्तरको आधारमा अघि छ ।
रुसले स्लोभाकियालाई १–० ले हरायो । युरोपियन छनौटमा समुहमा शिर्ष स्थान ओगट्ने टोली सिधै बिश्वकप प्रवेश गर्नेछन् भने दोश्रो स्थानमा रहेका टोलीहरुले प्लेअफ खेल्नेछन् ।
