बाल्टिमोर एसोसियसन अफ नेप्लिज इन अमेरिका (बाना) को आयोजनामा हुन लागेको बाना कप भलिबल प्रतियोगितामा सहभागी टिम फार वेस्टर्नलाई घिमिरे होम्सले जर्सी प्रायोजन गरेको छ ।
रियल स्टेट कम्पनी घिमिरे होम्सले एक सिजनका लागि फारम वेस्टर्नलाई जर्सी प्रायोजन गरेको हो । घिमिरे होम्सका प्रमुख क्रिस घिमिरेले फार वेस्टर्न भलिबल टिमका म्यानेजर हरिस सिंह साउदसँगै कप्तान केशव मडै तथा पूर्व कप्तान विकास सिंहलाई हस्तान्तरण गरेका हुन् ।
प्रतियोगितामा १८ टिमले सहभागिता जनाउने छन् । जसलाई चार समुहमा विभाजन गरिएको छ । हरेक समुहका शीर्ष २ टिमले क्वाटरफाइनलमा प्रवेश गर्ने छन् ।
प्रतियोगिताको विजेताले ५ हजार ५ सय ५५ अमेरिकी डलर पाउने छ भने उपविजेताले ३ हजार ३ सय ३३ डलर पाउने छन् ।
यही जुलाई २३ र २४ मा हुने प्रतियोगितामा अमेरिकाका बिभिन्न स्टेटबाट टिमको सहभागिता रहेको छ ।