मेस्सीलाई पछि पार्दै नेमार सर्वाधिक कमाई गर्ने फुटबलर, एम्बाप्पे तेश्रोमा

आफ्नै क्लबका लियोनल मेस्सीलाई पछि पार्दै पिएसजीका नेमार फ्रेन्च लिग वानमा सर्वाधिक कमाउने फुटबलको शीर्ष स्थानमा यथावत रहेका छन् ।    

फ्रान्सको पत्रिका लेकिपले वर्षभर खेलाडीहरुले लिने मासिक तलबका आधारमा निकालेको पछिल्लो तथ्यांक अनुसार यसै वर्ष बार्सिलोना छाड्दै पिएसजीमा आबद्ध भएका मेस्सीले भन्दा नेमारले धेरै कमाई गर्ने गरेको जनाएको छ । 

फ्रि एजेन्टका रुपमा पिएसजी आएका ३४ वर्षीय मेस्सीको तलब वार्षिक ३४ मिलियन पाउण्ड रहेको छ । सन् २०१७ मा १९८ मिलियन पाउण्डमा बार्सिलोनाबाट पिएसजी आएका नेमारले मासिक तीन दशमलब चार मिलियन तलब थाप्छन् र वार्षिक हिसाब गर्दा करिब ४१ मिलियन पाउण्ड हुन जान्छ । यस हिसाबले पनि मेस्सीले भन्दा नेयमारले करिब सात मिलियन पाउण्ड बढी तलब फ्रेन्च क्लबबाट बुझ्ने गर्दछन् ।

पिएसजीका अर्का स्टार किलियन एम्बाप्पेले भने वार्षिक २२ मिलियन पाउण्ड मात्र बुझ्दछन् । पिएसजीले तलबमा भारी बृद्दी गर्ने भन्दै क्लबमा नै बस्नका लागि हर सम्भव प्रयास गरेको भए पनि २३ वर्षीय एम्बाप्पे फ्रि एजेन्टका रुपमा स्पेनिस क्लब रियल म्याड्रिड जाने मनस्थितिमा रहेका छन् ।

लिग वानको अंक तालिकामा दोश्रो स्थानको मार्से भन्दा अघि रहेको पिएसजीका १४ खेलाडी फ्रान्समा सर्वाधिक तलब खाने खेलाडीको सुचीमा रहेका छन् । त्यस्तै २० औँ स्थान सम्म १८ जना पिएसजीका खेलाडी रहँदा दुई जना मात्र मोनाकोका खेलाडी रहेका छन् । यसै सिजन रियल म्याड्रिडबाट पिएसजी आएका सर्जियो रामोस भने यो सूचीको १० स्थान भित्र पनि अटाउन सकेका छैनन् । वार्षिक सात दशमलब नौ पाउण्ड सहित उनी १२ औँ स्थानमा रहेका छन् ।   

लिग वानमा धेरै तलब खाने २० खेलाडीको सूची