म्यानचेस्टर सिटीसँग १–० ले पराजित भएपछि चेल्सी लेजेण्ड तथा एभर्टन व्यवस्थापक फ्रांक लाम्पार्डले आफ्नो तीन बर्षिया छोरीले पनि खेलमा पेनाल्टी दिइनु पर्ने ज्ञान हुने भन्दै असन्तुष्टि पोखेका छन् ।
शनिबार भएको खेलमा फिल फोडेनले ८२ औं मिनेटमा गोल गरेपछि सिटीले १–० को जित हात पार्दै ६ अंकको अग्रता बनायो । हारले एभर्टन अझै पनि रेलिगेसनको खतरामा रहेको छ । एभर्टर रेलिगेसन जोनबाट मात्र एक अंकको दुरीमा छ ।
खेलको अन्त्यतिर सिटीको बक्समा हात फैलिएको अवस्थामा ह्याण्डबल भएको थियो । रेफ्रि पउल टियर्नीले त्यसलाई पेनाल्टी दिएनन् भने भिडियो असिस्टेन्ट रेफ्रिले त्यो स्पष्ट गल्ति नभएको ठहर गरेका थिए । “त्यो घटना हेर्नेले त्यसलाई पेनाल्टी होइन भन्ने मान्छेहरु कोही भेटिदैन । यसलाई लिएर केही न केही त गरिनै पर्छ,” लाम्पार्डले भने ।
खेल सकिन पाँच मिनेट अघि भएको घटनामा आफ्नो टोलीले पेनाल्टी नभएको तथ्यलाई उनले स्विकार्नै चाहिरहेका थिएनन् । “भारलाई त्यो भिडियो हेर्दै अप्राकृतिक ठाँउमा खेलाडीको हातमा लागेको घटनामा पेनाल्टीको निर्णय लिन दुई मिनेट थियो । मेरो तीन बर्षको छोरी छन् जसले त्यो पेनाल्टी नै हो भनेर निर्णय लिन सक्छिन्,” लाम्पार्डले भने ।
“हामीले एक महत्वपूर्ण अंक गुमायौं किन भने त्यहाँ यस्ता मान्छे थिए जसले आफ्नो काम सहि ढँगले गर्न सकेनन् । यो सबैभन्दा सहज काम थियो, उनको हात फैलिएको थियो र बल कुम भन्दा मुनि लागेको थियो । म त पेनाल्टीका लागि नै कुरिरहेको थिए ।”
पुर्व इंगल्याण्ड स्ट्राइकर एलेन सियररले यो एभर्टनको लागि अन्याय भएको भन्दै थपेः “अंक लिनलाई सिटी यस्तो खराब निर्णयको भर पर्नु परेको नराम्रो हो । सबै कुरा पेनाल्टी तर्फ नै इंगित गर्छ । यो लाजमर्दो निर्णय हो ।”