ललितपुर मेयर ११ लाई ७ विकेटले पराजित गर्दै नेपाल एपिएफ क्लब ललितपुर मेयर महिला च्याम्पियनसिपको फाइनल नजिक पुगेको छ ।
शुक्रबार भएको खेलमा ओपनर ज्योति पाण्डेले अद्र्धशतक बनाएपछि एपिएफले मेयर ११ माथि सहज जित हात पार्यो । पहिलो ब्याटिँग गरेको मेयर ११ ले २० ओभरमा ५ विकेट गुमाउदै ८० रन मात्र बनाउन सक्यो ।
एपिएफले १३ ओभरमै लक्ष्य भेट्टायो । लगातार तेश्रो जितसँगै एपिएफले फाइनलमा आफ्नो स्थान लगभग पक्का गरिसकेको छ भने तीन खेलमा जितबिहन मेयर ११ बाहिरिएको छ ।
एपिएफको सहज जित पूर्ण रुपमा ज्योतिकै नाममा रह्यो । उनले ४५ बलमा ११ चौका प्रहार गर्दै नटआउट ५६ रन बनाइन् । रोमा थापाले १७ बलमा ११ रन जोडिन् । रोमा प्रतियोगिताका शुरुवाती तीन वटै खेलमा आउट भएकी छैनन् ।
दुई रनआउट गरेको मयर ११ का लागि अनुराधा चौधरीले एक विकेट लिइन् ।
यसअघि मेयर ११ लाई जम्म दुई ब्याट्स्उमनले प्रमुख योगदान दिदै ८० रनसम्म डोर्याएका थिए । सुमन खतिवडाले ३५ बलमा दुई चौका प्रहार गर्दै ३० विकेट लिइन् भने आरती बिडारीले २४ बलमा दुई चौका हिर्काउदै २१ रन बटुलिन् ।
सुमन र आरतीले पाचौं विकेटका लागि ३२ रनको साझेदारी गरेका थिए । शूरवाती तीन वटै ब्याट्स्उमन रनआउटमा गुमाएको मेयर ११ बिरुद्ध सुमन बिष्ट र करुणा भण्डारीले १–१ विकेट लिएका थिए ।