भारतीय टेस्ट टिमबाट बाहिरिएका विकेटकिपर ब्याट्स्म्यान रिद्दिमान साहाले आफूलाई मुख्य प्रशिक्षक राुहल द्रविडको व्यवस्थापन टोलीले अब उपरान्त टिममा नबोलाइने भन्दै सन्यास तर्फ सोच्न भनेको खुलाशा गरेका छन् ।
साहाले उनी अब भारतीय टोलीका लागि छनोट नहुने भनिएपछि भारतको शिर्ष श्रेणीको घरेलु क्रिकेट रणजी ट्रफिबाट पनि हात झिकेको प्रेस ट्रस्ट अफ इण्डियाले आफ्नो एक रिपोर्टमा उल्लेख गरेको थियो । त्यसयता साहाले भारतीय टोलीमा आफ्नो स्थानलाई लिएर ठूलो खुलाशाहरु गर्दै आएका छन् ।
“मलाई टिम व्यवस्थापनले अब मलाई भारतीय टोलीका लागि नसोचिने बताएको थियो । मैले यो बाहिर भन्न सकिरहेको थिइन किनभने म भारतीय टिमको सेट अप मै थिए । मलाई प्रशिक्षक राहुल द्रविडले सन्यासको बारेम सोच्न समेत भनिदिएका थिए,” साहाले एक अन्तर्वार्तामा भने ।
भारतीय टिममा आफ्नो स्थान बारे चिन्ता नलिन भन्दै प्रतिबद्धता गरेका पुर्व भारतीय कप्तान तथा भारतीय क्रिकेट बोर्डका अध्यक्ष सौरभ गाँगुलीको पनि साहाले आलोचना गरेका थिए ।
“मैले पछिल्लो पटक न्युजिल्याण्डबिरुद्ध कानपुर टेस्टमा पेनकिलर लिदै ६१ रन बनाएपछि दादा (गाँगुली) ले मलाई ह्वाट्स्यापमा बधाई दिएका थिए । बिसिसिआईको शिर्ष पदमा आफू रहेको र टिममा मेरो स्थानबारे चिन्ता नगर्न भनेका थिए । यसले मेरो आत्मबिश्वास निकै बढेको थियो । तर एक्कासी सबै कुरा कसरी परिवर्तन भयो मैले बुझ्नै सकिरहेको छैन,” साहा भन्छन् ।
