ओमानमा जारी चार देशीय ट्वान्टी ट्वान्टी शृंखला अन्तर्गत आफ्नो तेश्रो तथा अन्तिम खेलमा नेपालले सोमबार टेस्ट राष्ट्र आयरल्याण्डको सामना गर्दैछ ।
जारी शृंखलामा नेपाल र आयरल्याण्डले ओमानलाई पराजित गर्न सफल भएका थिए भने दुबै टोली युएईसँग पराजित भए । नेपालले ओमानलाई ६ विकेटले पराजित गरेको थियो भने युएईसँग २५ रनको हारको सामना गरेको थियो । त्यस्तै ओमानलाई नै विकेटले हराएको आयरल्याण्ड युएईसँग भने १३ रनले पराजित भयो ।
चार देशीय शृंखलामा दुई खेल मध्ये दुईमा नै जित दर्ता गराएको ओमानले आजको पहिलो खेलमा आयोजक ओमानको सामना गर्दैछ । शृंखलामा ओमान जित निकाल्न नसकेको एक मात्र टोली हो ।
नेपालले यस अघि आयरल्याण्डसँग दुई खेल खेल्दा दुवैमा हारको सामना गरेको थियो । नेपालको ट्वान्टी ट्वान्टी अन्तर्राष्ट्रिय खेलमा आयरल्याण्डसँग पहिलो पटक सन् २०१५ मा सम्पन्न ट्वान्टी ट्वान्टी विश्वकप छनोटमा भएको थियो । उक्त खेलमा नेपाल आठ विकेटले पराजित भएको थियो ।
आयरल्याण्डसँग नेपालको पछिल्लो भेट भने ओमानमा नै भएको थियो । सन् २०१९ मा ओमानले आयोजना गरेको पाँच देशीय ट्वान्टी ट्वान्टी प्रतियोगितामा नेपाल १३ रनले पराजित हुन पुग्यो ।