आफ्नो पहिलो संस्करणमै खाली दशरथ रँगशालामा खेल गराएर पनि सफल बनेको नेपाल सुपर लिग (एनएसएल) ले दोश्रो संस्करणको लागि तीन नयाँ टिमको घोषणा गरेको छ ।
घोषणा भएका टिमले तीन फरक शहरको प्रतिनीधित्व गर्नेछ । थपिएका तीन टिमध्ये दुई पूर्वका नै रहेका छन् । झापा एफसी र स्पोर्टिङ्ग इलाम डि मेची पूर्वका दुई टोलीको रुपमा रहेका छन् भने अर्को टोली विरगञ्ज युनाइटेड एफसी रहेको छ ।
यो सँगै एनएसएलमा अब ७ टोली हुने भएका छन् । पहिलो संस्करणमा रहेका टोलीहरुमा बिराटनगर सिटी एफसी, काठमाडौं रेजर्स, ललितपुर सिटी एफसी, एफसी चितवन, पोखरा थण्डर्स, बुटवल लुम्बिनी एफसी र धनगढी एफसी रहेका थिए ।
एनएसएल आयोजक नेपाल स्पोर्ट्स म्यानेजमेन्टले आइतबार तीन टिमका मालिकहरु पनि सार्वजनिक गरेको थियो । झापाबाट बिक्रम थापा, इलामबाट सुहाँग नेम्बाँग र पियुष न्यौपाने तथा बिरगञ्जबाट अर्बिन्द्र अमात्य, अनिल गुप्ता र अरिवन्द बराल नयाँ टोलीका मालिकहरु रहेका छन् ।
कोरोनाको दोश्रो लहरका कारण प्रभावित बनेपछि पहिलो संस्करण खाली रँगशालामै गराइएको थियो । पहिलो संस्करणको फाइनलमा काठमाडौंले धनगढीलाई पराजित गरेको थियो ।
एनएसएलको दोश्रो संस्करण चैत्र २३ गतेदेखि शुरु हुन गइरहेको छ । ४३ दिन सम्म चल्ने दोश्रो संस्करणको एनएसएल दुई स्थानमा आयोजना हुने छ । प्रतियोगिताको आधा खेलहरु पोखरा र अन्य खेलहरु दशरथ रंगशाला खेलाइने छ ।
