इन्डियन प्रिमियर लिग (आईपीएल) टोली अहमदाबादले आफ्नो नाम सार्वजनिक गरेको छ । सिभीसी क्यापिटल्सको लगानी रहेको अहमदाबादले आफ्नो नाम अहमदाब टाइटान्स राखेको छ ।
पाँच हजार ६ सय २५ करोड भारु खर्च गरेर किनेको सिभीसीले यस अघि नै भारतीय टोलीका अलराउण्डर हार्दिक पान्ड्यालाई आफ्नो कप्तान नियुक्त गरेको थियो । अहमदाबादले पान्ड्यालाई १५ करोडमा अनुबन्ध गरेको हो ।
त्यस्तै उसले अफगानिस्तानका लेग स्पिनर रशिद खानलाई १५ करोड तथा भारतीय टेस्ट टोलीका ओपनर शुबमन गिललाई सात करोडमा यस अघि नै अनुबन्ध गरेको थियो ।
यस पटकको आईपीएलको मेगा अक्सन आगामी फेब्रुअरी १२ र १३ मा आयोजना हुनेछ भने आईपीएल मार्च २७ तारिकबाट सुरु हुनेछ ।