भिडियो असिस्टेन्ट रेफ्रि (भार) ले गोलकिपर एलिसन बेकरलाई दुई पटक रेड कार्ड खानबाट बचाउदा ब्राजिलले २०२२ कतार बिश्वकप दक्षिण अमेरिकी छनोटको खेलमा इक्वेडरसँग १–१ गोलको बराबरी खेलेको छ ।
बिवादास्पद खेलमा दुवै टोलीबाट एक–एक खेलाडीले मैदान छोडेका थिए । पहिलो हाफमा एलिसन भाग्यमनी साबित भएका थिए । एनर भ्यालेन्सियामाथि हाइ बुटका कारण उनलाई साभैm रेड कार्ड देखाइएको थियो । तर भारले त्यसलाई पहेलो कार्डमा झारेको थियो । इन्जुरी समयमा उनलाई देखाइएको पहेलो कार्ड पनि रद्द गरिएको थियो ।
कोलम्बियन रेफ्रि विल्मार रोल्डनले देखाएको दुई रेड कार्ड र दुई पेनाल्टीमा भारको प्रयोग हँुदा सबै निर्णय इक्वेडरको बिरुद्धमा गएको थियो ।
यद्दपि बराबरीले इक्वेडर बिश्वकप नजिक भने पुगेको छ । तीन खेल बाँकी रहँदा इक्वेडर २४ अंकका साथ तेश्रो स्थानमा रहेको छ । शिर्ष दुई स्थानमा रहेका ब्राजिल र अर्जेन्टिना यसअघि नै छनोट भइसकेका छन् भने यस महादेशबाट अन्य दुई देशले बिश्वकपमा स्थान पाउने छन् ।
अर्को एक टोली अन्तर महादेशीय प्लेअफबाट स्थान पाउन सक्छ । उरुग्वेको १९ अंक छ भने एक खेल कम खेलेको कोलम्बियाको १७ अंक छ ।
चोटग्रस्त नेमारको अनुपस्थितिमा खेलिरहेको ब्राजिलको लागि कासिमेरोले छैटौं मिनेटमै ब्राजिललाई अग्रता दिलाएका थिए भने फेलिक्स टोरेसले १५ मिनेट बाँकी रहँदा बराबरी गोल गरेका थिए ।
भ्यालेन्सियालो दोश्रो मिनेटमै गोल गर्ने अवसर गुमाउदा ब्राजिलले इक्वेडरलाई त्यसको सजाय दिएको थियो । ब्राजिलको कर्नरलाई क्लियर गर्न नसकेपछि आफुतिर आएको बललाई कासिमेरोले गोल गरेका थिए ।
१५ औं मिनेटमा इक्वेडर गोलकिपर एलेक्जेण्डर डोमिँग्वेज म्याथुस कन्हलाई घाँटीमा प्रहार गरेपछि साझै रेडकार्ड खादै बाहिरिएका थिए । पहिलो २० मिनेटमा दोश्रो पहेलो कार्ड पाउदा एमर्सन रोयल बाहिरिएपछि ब्राजिल पनि १० खेलाडीमा सिमित भएको थियो ।
