पन्त र राहुलको अर्धशतकमा भारतको चुनौतिपूर्ण योगफल 

विकेट किपर ऋषभ पन्त र केएल राहुलले अर्धशतक प्रहार गरे पछि भारतले दोश्रो एकदिवसीय खेलमा दक्षिण अफ्रिकालाई २८८ रनको चुनौतिपूर्ण लक्ष्य दिएको छ ।

खेलमा टस जितेर पहिले ब्याटिङ गरेको भारतले ५० ओभर खेल्दै ६ विकेटको नोक्सानीमा २८७ रन बनायो ।

भारतको तर्फबाट पन्तले ७२ बलको सामना गर्दै १० चौका र दुई छक्का सहित सर्वाधिक ८५ रन बनाए भने कप्तान राहुलले संयमित भएर ब्याटिङ गर्दै ७९ बलमा चार चौका सहित ५५ रनको पारी खेले ।