आफ्नो जन्मथलो फर्किएको ब्राजिलियन घरेलु फुटबल बिजेता एट्लेटिको मिनेरोका लागि खेलेको पाँच महिनामै पुर्व स्पेन अन्तर्राष्ट्रिय डिएगो कोस्टाले क्लब छोडेका छन् ।
ब्राजिलमा जन्मिएका कोस्टाले आफ्नो झण्डै पुरै व्यवसायिक करिअर युरोपमा बिताएका कोस्टा अगष्ट २०२१ मा एट्लेटिको गएका थिए । २०१३ मा ब्राजिलको सिनियर टोलीका लागि दुई मैत्रीपूर्ण अन्तर्राष्ट्रिय खेलेका कोस्टाले राष्ट्रियता परिवर्तन गर्दै स्पेनका लागि खेलेका थिए ।
“आज म औपचारिक रुपमा एट्लेटिको छोड्दैछु । पहिलो दिन देखि नै मलाई समर्थकहरुले दिदै आएको माया र सदभाव प्रति म सधै आधारी रहनेछु,” आफ्नो इस्टाग्राम पोस्ट मार्फत कोस्टाले भने ।
बेल होरिजोन्टमा निकै सफलता पुर्व पाँच महिना बिताउने क्रममा कोस्टाले एट्लेटिकोका लागि घरेलु लिग र लिग कपको उपाधि जित्न सफल भए । कोस्टाको सम्झौता यसै बर्षको अन्त्य सम्मका लागि रहेको छ ।
एट्लेटिकोमा आबद्ध हुनु अघि कोस्टाले कहिल्यै पनि आफ्नो जन्म भुमिमा खेलेका थिएनन् । उनी २००६ मा १७ बर्षको उमेरमा पोर्चुगिज टोली ब्रागाका लागि खेलेका थिए ।
“ब्राजिलियन टोलीका लागि फुटबल खेल्ने र ट्रफि जित्ने मेरो सानै देखिको सपना थियो । त्यो पुरा भएको छ,” ब्राजिलियन सिरी आ उपाधि समातेर फोटो राख्दै कोस्टाले इन्स्टाग्राममा लेखेका छन् ।
एट्लेटिकोका लागि १९ खेल खेल्दै पाँच गोल गर्नुका साथै दुई असिस्ट पनि गरेका थिए । क्लबका लागि खेल्दै गर्दा चोटग्रस्त भएका उनलाई ३५ बर्षिय ब्राजिलियन फर्वार्ड हल्कले छायाँमा पारेका थिए ।
ब्राजिलियन मिडियाले कोस्टा साओ पाओलो महारथी कोरिन्थियन्सका लागि खेल्ने अनुमान लगाएको छ । तर कोस्टाले आफै भने अहिले केही घोषणा गरेका छैनन् ।
एट्लेटिको म्याड्रिडका लागि दुई पटक स्पेनिस ला लिगा जितेका कोस्टाले चेल्सीका लागि पनि दुई इंगलिस प्रिमियर लिग उपाधि जितेका थिए । दुई पटक स्पेनका लागि बिश्वकप खेलेका उनी एट्लेटिकोका लागि २०१४ मा च्याम्पियन्स लिग फाइनल खेलेका थिए ।
