मोहम्मद सलाहले जारी अफ्रिका कप अफ नेसन्समा गोल गर्दै इजिप्टलाई गिनी बिसौबिरुद्ध जित दिलाउदा नाइजेरिया एक खेल अगाडी नै अन्टिम १६ मा प्रवेश गरेको छ ।
पहिलो खेलमा एक्लिएका सलाहले शनिबारको खेलमा ६९ औं मिनेटमा गोल गर्दै किर्तिमानी ७ पटकको बिजेताले क्यामरुनमा आफ्नो अभियानलाई जिवितै राख्न सफल रह्यो । इजिप्ट पहिलो खेलमा नाइजेरियासँग १–० ले पराजित भएको थियो ।
८२ औं मिनेटमा मामा बाल्डेको सशक्त दर्शनीय गोललाई भिडियो असिस्टेन्टर रेफ्रिले मान्यता नदिएपछि गिनी बिसौ स्तब्ध बनेको थियो । तीनवटा प्रहार क्रसबारमा लागेर फर्किएको इजिप्टलाई अब सुडानबिरुद्ध हुने अन्तिम खेलमा बुधबार बराबरी मात्रै गरेपनि नकआउट चरणमा प्रवेश गर्न पर्याप्त हुनेछ ।
“यो खेल निकै गाह्रो थियो र हामी केही हदसम्म भाग्यमानी पनि रह्यौं । हामी अर्को खेल जित्दै प्रतियोगितामा सकेसम्म उच्च स्थान हासिल गर्ने प्रयासमा रहनेछौं,” सलाहले भने ।
इजिप्टका लागि पछिल्लो ६ खेलमा गोल गर्न असफल सलाहले खेल शुरु भएको ८४ सेकेण्डमै पोस्टमा प्रहार गरेका थिए । पहिलो हाफको अन्त्यतिर मोस्तर्फा मोहम्मदको प्रहार पनि त्यही लागेको थियो ।
अमिर एल सोलियाको पास ब्याक पोस्टमा भेट्टाएका सलाहले फस्र्ट टाइम फिनिस गर्दै इजिप्टलाई जित दिलाएका थिए ।
यसअघिको खेलमा अफ्रिकी महारथी नाइजेरिया भने सुडानमाथि ३–१ को सहज जित हात पार्दै अन्तिम १६ मा प्रवेश गरेको हो । खेलका लागि कुनै परिवर्तन नगरेको नाइजेरियाले स्यामुएल चुकवेजेको तेश्रो मिनेटको गोल मार्फत अग्रता लिएको थियो । पहिलो हाफको अन्त्यतिर टाइवो एवोनियीले नाइजेरियाको लागि दोश्रो गोल गरे ।
माजेज सिमोनले दोश्रो हाफको शुरुवातमै गोल गर्दा नाइजेरियाले खेल पूर्ण रुपमा आफ्नो पक्षमा पारेको थियो । सुडानका लागि वालिल्दिन खेदीले ७० औं मिनेटमा पेनाल्टी मार्फत गोल फर्काएका थिए । तर बलियो नाइजेरियाबिरुद्ध त्यसपछि सुडानको केही चलेन ।
