चेल्सीमाथि सांघुरो जित हात पार्दै म्यानचेस्टर सिटीले इंगलिस प्रिमियर लिगमा यो सिजन सम्भवत उपाधिका लागि निर्णायक कदम चालेको छ ।
इतिहाद स्टेडियममा शनिबार भएको खेलमा सिटीले चेल्सीलाई १–० ले पराजित गर्यो । पहिलो हाफमा दुवै तर्फबाट गोल हुन नसकेपछि केभिन डि ब्रुनले ७० औं मिनेटमा गोल गर्दै सिटीलाई निकै महत्वपूर्ण जित दिलाए ।
डि ब्रुनले आफ्नो पुर्व क्लब चेल्सीबिरुद्ध गरेको यो पाचौ गोल हो ।
जितसँगै सिटीले दोश्रो स्थानमा रहेको चेल्सीसँगको १३ अंकको अग्रता लिएको छ । २२ चरणको खेलपछि सिटीको ५६ र चेल्सीको ४३ अंक छ । दुई खेल कम खेलेको लिभरपुलको ४२ अंक छ ।
आफ्ना दुई महत्वपूर्ण खेलाडी मोहम्मद सलाह र सादियो माने अफ्रिका कप अफ नेसन्समा संलग्न रहेका कारण लिगका दुई खेल गुमाउने भएकाले लिभरपुललाई सिटीसँग दुरी कम गर्न भने निकै कसरत गर्नु पर्ने देखिन्छ ।
शनिबारको पहिलो खेलमा क्रिष्टल प्यालेसले ब्राइटनसँग १–१ गोलको बराबरी खेल्यो । प्यालेस ११ औं स्थानमा छ भने ब्राइटन आठौं स्थानमा रहेको छ । म्यानचेस्टर युनाइटेड ३१ अंकका साथ सातौं स्थानमा छ ।
