स्पेनिस ला लिगाको डिफेन्डिङ्ग च्याम्पियन एट्लेटिको म्याड्रिडमाथि पुनरागमन जित हात पार्दै एथ्लेटिक बिल्बाओ स्पेनिस सुपर कपको फाइनलमा प्रवेश गरेको छ ।
रियादमा बिहिबार भएको दोश्रो सेमिफाइनलमा बिल्बाओले एट्लेटिकोलाई २–१ ले पराजित गर्यो । उपाधिका लागि अब बिल्बाओले ९ पटकको बिजेता रियल म्याड्रिडको सामना गर्नेछ ।
रियलले बुधबार बार्सिलोनालाई ३–२ ले पराजित गरेपछि फाइनलमा स्थान पक्का गरेको थियो ।
२०२१ मा सुपरकप जितेको बिल्बाओ जाओ फेलिक्सको हेडर पोस्टमा ठोक्किदै गोलकिपर उनाई सिमोनलाई लागेर गोल भएपछि खेलमा पछि परेको थियो । पहिलो हाफ बराबर भएपछि एट्लेटिकोले दोश्रो हाफको १५ मिनेटमा अग्रता लिएको हो ।
तर चार मिनेटको अन्तरालमा दुई गोल गर्दै बिल्बाओले खेल पुर्ण रुपमा आफ्नो पकडमा राख्यो । दुवै खेल सेट पिसमा सम्भव भएको थियो ।
येरे अल्भारेजले ७७ औं मिनेटमा गोल गर्दा खेल बराबर भएको थियो भने कप्तान इकर मुनियनको कर्नरमा निको विलियम्सले बिजयी गोल गरेका थिए ।
“म अहिले निकै भावुक भएको छु,” आफ्नो ठूला दाई इनाकीसँगै मैदान उत्रिएका १९ बर्षिय निकोले भने । “आशा गरौं हामी यस्तो पल धेरै जिउन सकौं । मलाई अंकमाल गर्न आएकी मेरी आमा र दाईसँग यो क्षणको अनुभव लिँदा म धेरै खुशी छु । मेरो गोलमा म मैले दाईसँग गरेको अंकमाल जिन्दगीमा कहिल्यै पनि भुल्नेछैन ।”