एसियन सेन्ट्रल जोन भलिबलमा लगातार चौथो जित हात पार्दै नेपाल फाइनलमा  

समुह चरणमा लगातार चौथो जित निकाल्दै नेपाली महिला टोलीले एसियन सेन्ट्रल जोन भलिबल च्याम्पियनसिपको फाइनलमा प्रवेश गरेको छ । समुह चरणको चौथो खेलमा उज्वेकिस्तान माथि जित हात पार्दै नेपाल  फाइनलमा पुगेको हो ।

साबिक विजेता नेपालले यस अघिका तीनवटै खेलमा जित हात पारेको उज्वेकिस्तानलाई सोझो सेटमा नै पाखा लगायो । पहिलो सेट २५-२० ले जितेको नेपालले दोश्रो र तेश्रो सेट क्रमश २५-२३ त २५-१४ ले आफ्नो पक्ष्यमा पार्न सफल रह्यो ।

नेपालले अब समुह चरणको आफ्नो अन्तिम खेलमा किर्गिस्तानको सामना गर्नेछ ।

नेपालले यस अघिका खेलमा आयोजक बंगलादेश र माल्दिभ्सलाई सोझो सेटमा तथा आफ्नो पहिलो खेलमा नेपालले श्रीलंकालाई ३-२ सेटले पराजित गरेको थियो ।