भारतीय क्रिकेट टोलीका पुर्व कप्तान तथा चेन्नाईका कप्तान महेन्द्र सिंह धोनी अर्को तीन वर्ष इन्डियन प्रिमियर लिग (आईपीएल) फ्रेन्चाइज टोली चेन्नाई सुपर सुपर किंग्समा नै रहने भएका छन् ।
आगामी सिजन देखि आईपीएलमा नयाँ दुई टोली सहित कुल १० टोलीको सहभागिता रहने छ । जसका कारण भारतीय क्रिकेट बोर्डले ठुलो अक्सन गर्दैछ । तर पूर्ण अक्सनमा जानु अघि उसले एक टोलीले सर्वाधिक चार खेलाडीलाई रिटेन गर्न पाउने नियम बनाएको थियो । जस अनरुपचेन्नाईले आफ्नो टोलीको एक मात्र कप्तान महेन्द्र सिंह धोनीलाई रिटेन गरेको हो ।
सन् २००८ बाट सुरु भएको आईपीएलको पहिलो संस्करण देखि गत संस्करणको आईपीएल सम्म धोनी नै चेन्नाईका कप्तान रहँदै आएका छन् । सन् २०१६ र २०१७ को सिजनमा प्रतिबन्धमा परेको चेन्नाईले कुल चार पटक उपाधि हात पारेको छ । यसै वर्ष सेप्टेम्बरमा भएको पछिल्लो संस्करणको फाइनलमा कोलकातालाई पाखा लगाउँदै धोनीले चेन्नाईलाईचौथों उपाधि दिलाएका थिए ।
चेन्नाईलेधोनी बाहेक अलराउण्डर रविन्द्र जडेजा र यसै वर्षको ओरेन्ज क्याप विजेता तथा ओपनर रुतुराजगायकवाडलाई पनि रिटेन गर्ने निर्णय लिएको छ । चेन्नाईले अब एक जना विदेशी खेलाडीलाई आफ्नै टोलीमा राख्न पाउँछ । चेन्नाईलेइंग्ल्यान्डका अलराउण्डर मोइन अलीलाई रिटेन गर्नका लागि कुरा अघि बढाई रहेको छ । अलीले चेन्नाईमा बस्ने इच्छा नदेखाएमा युवा अलराउण्डर साम कर्रनलाईरिटेन गर्ने भएको छ ।
आईपीएलको मेगा अक्सन अर्को महिना हुनेछ र बिसीसीआईले सबै फ्रेन्चाइजलाई यसै महिनाको अन्त्य सम्ममा आफूलेरिटेन गर्ने खेलाडीहरुको नाम दिन भनेको छ ।
त्यस्तै पाँच पटकको उपाधि विजेता मुम्बईले कप्तान रोहित शर्मा र तीब्र गतिका बलर जस्प्रितबुम्रालाई तथा दिल्लीले ऋषभ पन्त, अक्सर पटेल, पृथ्वी श र दक्षिण अफ्रिकाका एनरिचनोर्किएलाईरिटेन गर्ने भएको छ ।