आफ्नो एक पुर्व महिला सहकर्मीलाई भद्दा सन्देश पठाएको बिषयमा क्रिकेट अष्ट्रेलियाले अनुसन्धान थालेपनि टिम पेनले अष्ट्रेलियाको टेस्ट टिमबाट राजीनामा दिएका छन् ।
डिसेम्बर ८ देखि शुरु हुने एसेज टेस्ट श्रृंखला अन्तर्गतको पहिलो टेस्टका लागि तैयारीमा रहेका पेनको बारे न्युज कर्पमा रिपार्ट सार्वजनिक भएपछि क्रिकेट अष्ट्रेलियाले अनुसन्धान थालेको हो ।
चार बर्षअघिको उक्त घटना बाहिर सार्वजनिक भएपछि पेनले शुक्रबार पत्रकार सम्मेलन गर्दै राजीनामा दिएका हुन् । उनले यस बिषयमा कसैको प्रश्न भने लिएका थिएनन् ।
यस दौरान पेनले क्रिकेट अष्ट्रेलियाको कोड अफ कन्डक्ट नमिचेको स्पष्ट भएपनि उनले राजीनामा दिने निर्णय लिएका हुन् । “यो मेरो लागि गाह्रो निर्णय हो र म, मेरो परिवार र क्रिकेटको लागि सहि पनि,” पेनले भने ।
“चार बर्षअघि मेरो पुर्व सहकर्मीसँग यो सन्देश आदन–प्रदानमा संलग्न हुँदा क्रिकेट अष्ट्रेलियाले अनुसन्धान पनि गरेको थियो र यसमा मैले कुनै कोड अफ कन्डक्ट नमिचेको क्रिकेट तास्मानियाको अनुसन्धान टोलीले पुष्टि पनि गरेको थियो । यो घटनालाई लिएर म अहिले पनि पछुताइरहेको छु र यस बिषयमा मैले आफ्नो परिवार र पत्नीलाई पनि बताएको थिए । उनीहरुले मलाई त्यो समय माफी दिएकोमा म आभारी पनि छु,” पेनले भने ।
पेनको स्थानमा अब उपकप्तान रहेका तिब्र गतिका बलर प्याट कमिन्सले एसेजमा नेतृत्व लिन सक्नेछन् । क्रिकेट अष्ट्रेलियाले अर्को निर्णय नलिने हो भने कमिन्स अष्ट्रेलियाको कप्तानी गर्ने ६५ बर्षमा पहिलो फास्ट बलर हुने छन् ।
