ह्यारी केनले लगातार दोश्रो ह्याट्रिक सहित चार गोल गरेपनि इंगल्याण्ड प्रतिस्पर्धात्मक फुटबलमा आफ्नो अहिलेसम्मकै बिशाल जित निकाल्दै कतार बिश्वकपका लागि छनोट भएको छ ।
युरोपियन छनोटमा सोमबार भएको खेलमा इंगल्याण्डले युरोपकै सानो मध्येको एक टोली सान मारिनोमाथि १० गोलको बर्षा गर्यो । समुह आईमा बराबरीले पनि पर्याप्त रहेको खेलमा इंगल्याण्डले आफ्नो फुटबल इतिहासकै ५५ बर्षयताको ठूलो जित निकालेको हो ।
शिर्ष स्थानमा डबल लिग समाप्त गरेको इंगल्याण्डले १० खेलमै अपराजित रहदै २६ शिर्ष स्थान कब्जा गर्यो भने प्लेअफमा सिमित रहेको पोल्याण्डको २० अंक रह्यो ।
ह्यारी मग्वायरको गोलबाट छैटों मिनेटमा अग्रता लिएको इंगल्याण्डले १५ औं मिनेटमा फिलिप्पो फाब्रीको आत्मघाती गोल उपहार पाएको थियो । त्यसपछि केनले २७ देखि ४२ औं मिनेटसम्म लगातार चार गोल गरेका थिए
२०२१ मा १६ गोल गरेका केन इंगल्याण्डका लागि एकै बर्ष सर्वाधिक गोल गर्ने खेलाडी पनि बनेका छन् । यस क्रममा उनले जर्ज हिल्स्डन (१९०८) र डिक्सी डिन (१९२७) को किर्तिमानलाई पछाडी पारेका हुन् ।
यस्तै इंगल्याण्डको सर्वाधिक गोलकर्ताको सुचीमा केनले तेश्रो नम्बरमा रहेका ग्यारी लिनेकरको ४८ गोलको किर्तिमानको बराबरी गरेका छन् । अब उनीभन्दा अगाडी मात्रै बबी चाल्र्टन (४९) र वेन रुनी (५३) रहेका छन् ।
सोमबार एमिली स्मिथ रोवेले ५८ औं मिनेटमा इंग्ल्याण्डको सातौं गोल गरेपछि सान मारिनो १० खेलाडीमा सिमित भएको थियो । त्यसपछि टाइरोन मिंग्स, ट्यामी अब्राहम र बुकायो साकाले १–१ गोल जोडेका थिए ।
इंगल्याण्डले एकै खेलमा १० गोल सन् १९६४ मा अमेरिकाबिरुद्धको मैत्रीपूर्ण फुटबलमा प्रहार गरेको थियो ।