बिश्वकपको आशा अझै पनि सन्तुलनमै रहेको स्थितिमा इटाली शुक्रबार स्विट्जरल्याण्डबिरुद्ध भिड्दा युरोपको नयाँ च्याम्पियन २०१८ को असफलताको श्रापलाई पछाडी छोड्ने दाउमा हुनेछ ।
समुह सी मा समान अंक भएपनि इटाली गोल अन्तरका आधारमा शिर्ष स्थानमा छ र अर्को बर्ष कतारमा हुने बिश्वकपको एक मात्र स्थानका लागि युरोमा पनि भिडेका दुई टोली एक आपसमा खेल्ने छन् ।
रुसमा भएको २०१८ बिश्वकपमा स्थान पाउन नसकेपछि इटालियन फुटबललाई रोबर्टो मान्चिनीले सम्हालेका थिए । ६ दशकमा पहिलो पटक बिश्वकपमा छनोट हुन असफल टोलीका प्रशिक्षकलाई यस पटक स्थान बनाउनु महत्व राम्ररी थाहा छ ।
“युरो फाइनलपछि यो नै हाम्रो फुटबलको टोलीका लागि सबैभन्दा ठूलो खेल हो र यसमा हामीले राम्रो खेल्नु निकै जरुरी छ । हामीलाई थाहा छ हामीले जित्नु पर्छ,” मान्चिनीले भने । अन्तर्राष्ट्रिय फुटबलको सबैभन्दा ठूलो स्टेजमा ८ बर्षपछि फर्कनका लागि हुन गइरहेको खेलको गहनतलाई लिएर भने मान्चिनी शान्त रहने चाहे ।
२०१७ को प्लेअफमा स्विडेनसँग पराजित भएपछि इटालीलाई आफू फुटबलको ब्ल्याक होलमा प्रवेश गरे जस्तो भएको थियो । उ युरोपमा पछि पर्यो भने बिश्वस्तरीय प्रतिभाको पुल पनि रहेन ।
त्यस यता पुर्व इन्टर मिलान र म्यानचेस्टर सिटी प्रशिक्षक मान्चिनीले युवा र भेटेरान खेलाडीहरुको मिश्रणबाट एउटा शैलीको फुटबल खेलाउदै इटाली राष्ट्रिय टोलीमा नयाँ जोश भरिदिएका छन् ।
“मलाई लाग्दैन हामीले सबै कुरा गुमाउनेछौं,” स्विट्जरल्याण्डलाई जित्न पर्ने दवाबलाई लिएर मान्चिनीले भने । “यो निकै महत्वपूर्ण खेल हो र जितले हाम्रो लागि बिश्वकपको ढोका खोल्ने तथ्य पनि सहि हो । तर अन्त्यमा यो एक फुटबल म्याच मात्रै हो ।”
मुख्य अनुपस्थिति
शुक्रबारको खेल नजिकिदै गर्दा पिडुलाको चोटका कारण सेन्टर फर्वार्ड सिरो इम्मोबिले र रोमाका मिडफिल्डरद्वय लोरेन्जो पेलेग्रिनी र निकोलो जानियोलोलाई गुमाएका छन् । तर सबैभन्दा ठूलो अनुपस्थिति भने कप्तान जर्जियो किलिनीको रहनेछ । उनी तिघ्राको चोटका कारण बाहिरिएका हुन् ।
इटालीको लागि राम्रो समाचार भने ५० हजार दर्शक क्षमताको स्टाडियो ओलिम्पिकोमा मिडफिल्डर निकोला बरेला खेल्ने छन् । सप्ताहन्तमा मिलान डर्बी दौरान माँसपेसीको समस्याका कारण बाहिरिएका बरेलाले बुधबार टिमसँगै प्रशिक्षण गरेका थिए ।
स्विट्जरल्याण्डले पनि ग्रानित जाखा र ह्यारिस सेफेरोभिच लगायतका थुप्रै खेलाडीहरुका गुमाएको छ । सबैभन्दा ठूलो झड्का भने फर्वार्ड ब्रिल एम्बोलो साथमा नहुनु हो ।
“मलाई बिश्वास नै लागिरहेको छैन । मैले आफैलाई यो होइन होला भनेर सम्झाइरहेको थिए । उनी सधै निकै राम्रो दिने गरेका छन्,” इम्ब्रोलोको महत्वलाई लिएर स्विस प्रशिक्षक मुरात यकिनले भने ।
बुन्डेसलिगा टोली बोरुसिया मोइन्चेनग्लाडबाकका लागि यो सिजन लिगमा एक मात्र गोल गरेका २४ बर्षिय इम्ब्रोलोले १५ दिन अघि बायर्न म्युनिखलाई जर्मन कपमा ५–० ले पराजित गर्दा दुई गोल गरेका थिए ।
अघिल्लो महिनाको युरोपियन क्वालिफायरमा उपस्थित उनले स्विट्जरल्याण्डका लागि बिशेष प्रभाव जमाउदै नर्दन आयरल्याण्डबिरुद्धको २–० को जितमा दुवै असिस्ट गरेका थिए भने लिथुवानियालार्य ४–० ले पराजित गर्दा दुई गोल गरेका थिए ।